1. URTARRILAREN 26AN DENOK USURBILERA!
Korrikak eta AEK-k euskalduntzen eta alfabetatzen ari diren milaka eta milaka pertsonak omendu
eta protagonista bilakatu nahi ditu euskararen aldeko lasterketa erraldoiaren 18. edizioan. Hori dela
eta, hilaren 26an, txotx erraldoia antolatu dugu Usurbilen.
Edizio honetan euskararen aldeko lasterketa erraldoiak zabaldu nahi duen mezuan, euskara euskal
herritarron elkarbizitzarako gakoa dela diogu, elkarrekin bizitzeko, elkarri hitz egiteko, elkarri
entzuteko eta elkar ulertzeko tresna. Baina, horretarako, euskal herritarrok euskal kultura ezagutzea
eta euskara jakitea ezinbestekoa da.
Horregatik guztiagatik, Korrikak omenaldirik beroena eskaini nahi die ikasle guztiei. Beren
ahaleginarekin euskaraz bizi ahal izatea ahalbidetzen eta, beraz, elkarbizitzarako aukerak
sortzen ari direlako, bihoakie Korrika 18ren eta AEKren omenaldia egun euskalduntzen eta
alfabetatzen ari diren ikasle guztiei.
Euskalduntzen eta alfabetatzen ari diren milaka eta milaka pertsonak omendu nahi ditugunez,
aurtengo omenaldia kalean egin nahi dugu, ikasle horiek guztiak bilduko dituen karpa batean, hain
zuzen. Txotx erraldoia egingo dugu, beraz, urtarrilaren 26an, Usurbilen, egun osoko
egitarauarekin:
-Goiz osoan zehar kale animazioa (trikitilariak, txarangak,…)
-13:00: Bertsolariak eta kupelen irekiera
-14:30: Pintxoak
-16:30: Ekitaldi nagusia
-18:00: Erromeria
-19:00: Kantu jira
-21:00: Esne Beltzaren kontzertua
Sarrerak (10 eurotan -jatekoa, sagardoa eta autobusa barne, autobusean joan nahi izanez
gero-)eta autobuserako izena emateko zerrendak Ordiziako eta Beasaingo AEKren
euskaltegietan eta segidako tabernetan egongo dira: Legorretan Olason, Itsasondon Kaxintanen,
Ordizian Herrikon, Zaldibian Joxepanen, Beasainen Arranon, Lazkaon Ansoategi herrikoan,
Ataunen Troskaetan, Seguran Elorripen, Zegaman Itzalan, eta Ormaiztegin Zipotz tabernan.
Autobusa urtarrilaren 26an goizeko 10:30ean irtengo da Beasaingo geltokitik, Lazkaon
Beneditarren parean 10:45ean, 11:00etan Ordiziako geltokian, 11:10ean Itsasondoko plazan eta
11:15ean Legorretako Patxikonen geldituko da autubusa. Usurbildik itzultzeko ordua 19:00etan
izango du autobusak.
KORRIKA MATERIALA
Beste alde batetik, Beasaingo herri dendan korrikako materialak salgai jarraitzen du ostegun, ostiral
eta larunbatetan, 18:00etatik 21:00etara.