19. Korrikak Goierrin eman duenari buruzko balorazio eta eskertza gutuna.

1. Bejondeizula, euskahaldun!
Korrika 19. edizioak eman du eman beharrekoa eta bidean euskahaldun piloa batu zaizkigu
euskararen normalizazioaren bideko tropelean. Merkatari, ostalari, langile, guraso, ikasle,
langabetu, enpresari, elkarteetako kide... guztion babesa jaso dugu oraingoan ere; hori dela
eta, Goierriko Goiztiri AEKren izenean eskerrak eman nahi dizkizuegu.
Jakin zuen laguntza oparoa dela-eta, 2015ean 80.503 € batzea lortu dugula Goierrin, eta
horiei esker AEK-k helduen euskalduntze eta alfabetatzean lanean jarraitu ahalko duela.
Martxoaren 22tik 23rako goizaldean pasa zen Korrika euri artean, baina euskahaldunon
hatsa inoiz baino ageriago nabarmendu zen: 119 kilometro erosle, milaka korrikalari nahiz
ehunka Korrika laguntzaile, 150 afaltiar 13 elkartek prestatutako eskualdeko afarian,
pankarta laranjak nonahi, hainbat kultur-eskaintza, Korrika Txikiak...
Korrika joan da, baina euskahaldunon indar metaketa kolektiboak hor dirau eta horren harira
Lorea Agirreren hitzak gogoratu nahi ditugu: Euskararena auzi publikoa da, kolektiboa,
herrigintzaren auzia da. Euskara plaza publikoan jokatzen da eta plazaren izaera publikoa
euskaran.
Izatea ekitea denez, plazan eta 20. Korrikan elkartuko gara berriz.
Goierriko Goiztiri AEK