hizkuntza 1 ziklo

2. Gona luzea du
mihia motza,
urrutitik entzuten da
haren kantu hotsa.
Zer da?
(kanpaia)
balio du jateko
balio du ukitzeko,
txalo egiteko
eta nola ez!
orriak pasatzeko.
Zer da?
(eskua)
aurrean punta bat
atzean zulo bat
Zer da?
(orratza)
hankak ditu
baina ez da ibiltzen,
ezta ni ere
gainean banaiz esertzen
(aulkia)

3. zuria eta borobila
gaueko eguzkia
(ilargia)
ezetz asmatu
hortzen garajea
zein den
(ahoa)
ez naiz haizea,
ez naiz elurra.
baina nire negarrarekin
buztiko zaitut burua.
zer naiz?
(euria)
nahiko estua eta luzea,
barnean sua
kanpoan kea
zer da?
(tximinia)

4. zer dela eta zer dela
udaberrian
dotore apaindurik
eta neguan
biluzik dabilena?
(zuhaitza edo arbola)
(ilargia)
dilin egin,
dalan hegan,
eliz dorreko
kanpandorrean
zer da?
(kanpaia)
(ilargia)
lau dira guztira
eta laurak
urtearen barruan
bizi dira.
(urtaroak)
bat nahiko luzea,
bi txikiagoak,
beste bat mehea
eta lodia azkena. Zer da?
(hatzamarra)

5. beti dago zutik
kalean zaindari.
hiru begi dauzka
hirurak koloreka.
zer da?
(semaforoa)
agertu eta desagertu
desagertu eta agertu.
kaletik beti
nire atzetik.
zer da?
(itzala)
zuria bezain zuri,
kotoia bezain guri,
ez badakizu zer den
galdeiozu zeruari.
zer da?
(hodeia)
tripandi kaskarina,
lanbidez ikazkina,
nor dela eta nor dela,
pipa hortzean duela?
(Olentzero)

6. zer dela eta zer dela,
hanka zorrotza dauka,
ez dauka bururik
eta badauka txapela.
(perretxikoa)
mendizaleen konkorra
zamatsua irteeran,
arintsua itzuleran.
(motxila edo bizkar-zorroa)
gora narama,
behera nakar;
ni geldi-geldirik
eta bera azkar.
(igogailua)
eguzkia denean ere
bera buztita,
iseka egin dezake
ezkutalekutik aterata.
(mihia)

7. azal gainean dut
zenbait kafe ale.
euskal herrian naiz
eguraldi igarle.
(marigorringo)
iparraldean hamabi.
hegoaldean sei.
ekialdean hiru.
mendebaldean bederatzi.
eta denak zero
erraldoian gatibu.
(orduak)
barkatu pekatua
baina nire izena
bitan izan da aipatua.
(katua)
euskal herrian badira
bi gutxienez,
mundu ososan, ordea,
bat bera ere ez.
(e letra)

8. luzea da gero, urtea!
baina
paper txiki batean
bil daiteke
eta karteran eraman.
(egutegia)
lurrean bai,
larruan ez,
larrean bai
eta landan ez.
(e letra)
hau da buruhaustea!
barraskiloari parea falta
zaio
baina inork ez daki zein den:
aizu, badakizu zuk?
(barea)
eguzkia eta lorea
maitemindu ziren behin,
seme bat izan zuten,
badakizu zein?
(eguzkilorea)

9. astoa nintzen aspaldi,
behin nuen pijama jantzi,
eta geroztik, igarle,
ez dut sekula erantzi.
(zebra)
gogorra zein biguna,
biguna zein gogorra,
gabonetan jaten dugu
gurean barra-barra.
(turroia)
san joanetan kuku,
san pedrotan mutu,
txoriaren izena
arestian aipatu.
(kukua)
hil-bizian hiru kolore,
hirurak etorri eta joan
eta hirurak kale gorrian.
(semaforoa)

10. Zer da handia Orozkon
eta txikia Galdakaon?
(o letra)
ateri bada, makulu;
euria bada, aterpe.
zer ote?
(euritako edo aterkia)
bi anaia biki,
handi edo txiki,
azpian bi zenbaki.
Umentan oso,
gaztetan ase,
zaharretan gose.
(oinetako edo zapatak)
argitan itsu
ilunpetan begi zoli
deitzen diote jakintsu
eta ekartzen omen du zori.
(hontza)