1. Este nadal
Agasálleme cun libro
"A literatura é a arte da palabra"
Equipo da biblioteca
CPI Luís Díaz Moreno
Nadal 2023
"Se queres aventruas...
lánzate a lectura "
2. A partir de 3 anos
Había unha vez tres chibos que vivían no alto dunha montaña:
Un día viron unha herba moi verde que medraba ao outro lado do río.
Pero para chegar aló había que cruzar unha ponte e debaixo dela vivía un
ogro terrible, que non deixaba pasar a ninguen. Así pois, o chibo pequeno, o
chibo mediano e o chibo grande tiveron que argallar a forma
de burlar ao monstro. Unha historia que nos amosa que a intelixencia
e o enxeño poden máis que a forza física...
Na casa de Pepíño toda a familia amenceu contenta e preparan con ilusión todo
o necesario para celebrar xuntos o Nadal, pero a Pepín xórdelle unha importante
pregunta. Se ese día a casa está tan bonita, están todos xuntos, sorrín máis
que nunca, hai agasallos para todos, comen manxares e a xenerosidade
brilla en cada recuncho…
3. A partir de 6 anos
Sabes, de verdade verdadeira, como é que funcionan
os bosques? Nun bosque todo está conectado. Pero
ademais, todas as persoas estamos tamén conectadas
cos bosques e é que sen dúbida o bosque é a nosa
casa. Entra neste libro e descubrirás unha morea tan
grande de cousas alucinantes (e que moi pouca xente
sabe) que te converterá en especialista en
bosques.Garantido!
Un novo cómic de Jorge e Berto, protagonizado por un heroe moi canino!
Grazas ao seu olfacto humano e á súa intelixencia canina...
ou ao revés... En fin, Policán é un xenio na loita contra o crime.
Catro cómics divertidos para pasar un tempo ladrando de risa!
4. A partir de 8 anos
Unha formiga curiosa e valente decide afastarse do seu formigueiro
para vivir novas experiencias. Polo camiño vaise atopar con animais que
nunca vira e aprenderá a facer cousas que xamais imaxinara: tocar
música, flotar na auga, voar... Tamén saberá da existencia dos
humanos: serán tan malvados como contan? Sen temor ao
descoñecido, está disposta a descubrilo por ela mesma.
Unha fábula sobre a ansia de coñecemento e sobre a importancia de
afrontar a vida sen prexuízos que nos limiten.
Neste libro descubrirás todo o que queiras saber sobre
bacterias e virus, como funcionan as vacinas e que
microbios son útiles para o ser humano.
Terás respostas a preguntas como: Por que hai que lavar as
mans antes de comer?
É o coronavirus o peor virus que existe? Hai bacterias
femininas e masculinas? Que virus foi vencido polo
ser humano? Que son os antibióticos?E ademais convértete
nun microbiólogo ou microbióloga!
Cultiva as túas propias bacterias e fai experimentos!
5. A partir de 10 anos
Philip decide buscar consolo na
construción dunha desas cidades
máxicas que adoitaba montar con
Helen, na que emprega xoguetes,
mobles, libros e outros obxectos
estraños. Unha noite, a súa
creación cobra vida e xunto con
Lucy son transportados de forma
máxica a ese lugar.
A familia de Emily móvese para reconstruír
as súas vidas despois dun accidente.
Pero os segredos da sombría mansión saen á luz durante a
primeira noite.
Cando unha criatura con tentáculos secuestra
á súa nai, Emily e o seu irmán Navin deben
navegar por misterios e enfrontarse a
grandes perigos para evitar perder a quen máis queren.
6. Xuvenil
Un titorial que explica todo
o proceso de desenvolvemento
corporal, o seu coidado e hixiene,
e ensina a recoñecer e xestionar
as emocións e os sentimentos,
así como a enfrontar a
toma de decisións, o
descubrimento da identidade e
a forma de relacionarse cos demais.
O mozo Axel e o seu tío,
o profesor Otto,
embárcanse nunha fantástica
viaxe ao interior da Terra.
E todo isto a partir do
descubrimento duns
signos misteriosos atopados
entre as páxinas dun libro antigo.
7. Xuvenil
Hai unha trama de fíos invisibles que une as vidas
dos personaxes deste novo libro de relatos de Agustín Fernández Paz,
ilustrado por Pablo Auladell: Diana, Sara, Pablo, Laura, Adrián..
. todos se namoran e descobren que o amor é un sentimento
poderosísimo, capaz de transformalos por enteiro e facerlles ver a vida doutro xeito.
«Chámome Delia e son unha covarde. Esta é a historia de como acosamos a
Silke durante os meses que estudou no noso instituto. E de como
todo se nos foi das mans. Das miñas mans inútiles. E das manipuladoras
mans de Xulia, Lara e Daniela. Das mans indiferentes de Marcos.
Das sucias e miserables mans de Vítor. Das indecisas mans do meu irmán Iago.......
