Resistencia (Unha historia tenra e dramática que non te defraudará (1).pdf
Análise
1. ANÁLISE DOS RESULTADOS OBTIDOS CO VENTOMETRUS
O obxectivo principal da actividade era a integración de Borja (alumno con NEE do centro). Para
iso, elixiuse o grupo de 3º PDC xa que moitos deles coincidiron con Borja durante a Primaria. Por
este motivo a rigorosidade científica pasou a un segundo plano. Co alumnado de 3º PDC fíxose
unha análise do erro para poder recuperala. A continuación faremos unha descrición dos problemas
que xurdiron e acumularon erros nas nosas medicións:
1) Frecuencia das medicións.
a) O propio calendario escolar: Durante os días non lectivos non se realizaron as
medicións.
b) O alumno con NEE condicionou as medicións: Como o principal obxectivo era a
integración de Borja co grupo-aula de 3º PDC se este non estaba predisposto a
participar non se realizaba a medición. De todos xeitos, o alumnado de 3º PDC
intentaba animalo a realizala.
c) Coincidencia de horarios: O alumnado de 3º PDC só tiña clase de ámbito científico a
5ª hora os martes e xoves. Esa foi a sesión lectiva elixida para realizar as medicións.
Para non romper a rutina de Borja decidiuse non realizar a medición outros días en
outras sesións.
2) Erro asociado aos propios aparellos de medición e erro asociado á propia observación.
O aparello de medición está construído cun transportador de ángulos, un cordel e unha
pelota de ping-pong. Polo tanto xa ten un maior erro asociado que se fose un instrumento
científico de precisión (±5º). A maiores, a observación do resultado era a simple vista. O
propio aparello carecía dun sistema que marcase cal era o resultado exacto da medición.
Ademais a dirección do vento era cambiante o cal, é un condicionante a engadir.
3) A táboa de conversión.
O resultado da medición exprésase en grados. Usamos unha táboa de conversión grados-
km/h que daba o resultado en forma de intervalo. Por exemplo, un ángulo de 70o
correspóndese cunha velocidade entre 16 e 20 km/h.
Conclusión: O alumnado de 3º PDC é perfectamente consciente de que o estudio non cumpre os
estándares rigorosos dunha investigación científica no referido á medición. Os resultados obtidos,
unha vez analizado o erro acumulado, non son un fiel reflexo da realidade. Pero móstranse
totalmente satisfeitos da experiencia de traballar cun alumno das características de Borja.