Sinuri ni Loreto Morales

1. Pagsusuri sa Tulang “Ang Guryon”
I. Pamagat ng Akda: "Ang Guryon"
Tanggapin mo, anak, itong munting guryon Ibigin mo't hindi, balang araw ikaw
na yari sa patpat at papel de Hapon; ay mapapabuyong makipagdagitan;
magandang laruang pula, puti, asul, makipaglaban ka, subali't tandaan
na may pangalan mong sa gitna naroon. na ang nagwawagi'y ang pusong marangal.
Ang hiling ko lamang, bago paliparin At kung ang guryon mo'y sakaling madaig,
ang guryon mong ito ay pakatimbangin; matangay ng iba o kaya'y mapatid;
ang solo't paulo'y sukating magaling kung saka-sakaling di na mapabalik,
nang hindi mag-ikit o kaya'y magkiling. maawaing kamay nawa ang magkamit!
Saka pag sumimoy ang hangin , ilabas Ang buhay ay guryon: marupok, malikot,
at sa papawiri'y bayaang lumipad; dagiti't dumagit, saanman sumuot...
datapwa't ang pisi'y tibayan mo, anak, O, paliparin mo't ihalik sa Diyos,
at baka lagutin ng hanging malakas. bago pa tuluyang sa lupa'y sumubsob
II. May-Akda: Ildefonso Santos
Si Ildefonso Santos ay isinilang sa bayan ng Malabon, sa nayon ng Baritan noong ika-23
ng Enero, 1897. Kaisa-isang anak siya nina Andres Santos at Atanacia Santiago.
Nahilig si Ildefonso sa pagsusulat ng mga tula dahil sa kanyang pinsang si Leonardo
Dianzon na isang makata na naglalathala sa babasahing Ang Mithi. Si Dianzon ang nakatuklas kay
Ildefonso nang mabasa niya ang tula ng pag-ibig na sinulat ni Ildefonso. Si Iñigo Ed Regalado ay
humanga rin kay Ildefonso. Doon na nagsimula ang kanyang pagsulat ng mga tula. Ginamit niyang
sagisag-panulat ang Ilaw Silangan.
Natapos si Ildefonso Santos ng kursong edukasyon. Nang simulang ipaturo ang
Pambansang Wika, siya ang kauna-unahang nagturo ng Pilipino sa National Teacher's College.
Nagturo rin siya sa Baguio Vocational Normal School. Hindi lamang siya guro, siya ay mahusay
na tagapagsaling-wika at makata.
Si Ildefonso Santos ay isa sa mga kinikilalang manunulat sa Tagalog noong panahon
ng Amerikano. Kahanga-hanga ang kariktan ng kanyang mga tula dahil sa pananalitang ginamit
niya. Isa raw siya sa mahusay at maingat magsulat ng mga tula avon sa mga kritiko. Ang kanyang
mga tula ay simple at karaniwan, ngunit puna ng diwa at damdamin. Ang ilan sa kanyang mga tula
na mababanggit ay Tatlong Inakay, Gabi, Ang Guryon, Sa Tabi ng Dagat, Ulap at Mangingisda.
May mga tanaga rin siyang naisulat tulad ng Palay, Kabibi at Tag-init.
Siya ay ama ni Ildefonso P. Santos, Jr. and Pambansang Alagad ng Sining ng Pilipinas
para sa Arkitektura noong taong 2000.
III. Tauhan:
1. Anak- ang magpapalipad nang saranggola na may mabuting pakikitungo sa magulang
2. Ama- tagapagsalita sa tula at nangangaral sa anak na tanda ng kanyang pagmamahal

2. IV. Buod/Lagom ng Katha
Ang tula ay tungkol sa buhay ng tao. Inalintulad ito sa isang guryon dahil ang guryon
ay marupok, hindi gaanong matibay ngunit kapag napalipad mo na ito ng mataas, titingalain
ito at hahangaan. Katulad din ng sa buhay ng tao, may mga pagsubok na hindi natin
inaasahan. Dapat na maging matatag at may tiwala tayo sa ating sarili upang makamit natin
ang ating mga pangarap at huwag nating kakalimutang ang ating panginoon.
V. Sariling Puna
Ang pagpapalipad ng guryon ay tulad din ng pagbalanse sa ating buhay. Ang buhay
ayon sa maraming palaisip ay patuloy na pakikipagsapalaran sa daigdig na ito. Sa pagsilang
pa lamang natin ay marami ng pagsubok ang nakaabang sa atin kaya kailangan na natin itong
paghandaan. Kailangang maging matatag tayo at maging matapang sa pagharap dito.
VI. Values/Aral na Nakapaloob sa Katha
Kung gaano kataas ang iyong paglipad, ganun din kababa and iyong pagkalagapak.
Ang mapagkumbaba ay kinalulugdan ng Diyos, kaya huwag magmataas (Santiago 4:6)
Sa anumang pagsubok na dumating sa ating buhay, magpakatatag at dumulog sa Poong
Maykapal, tiyak ika’y magtatagumpay.
VII. Mungkahi
Ang tulang ito ay gumamit ng simpleng lipon ng salita para mas higit na maintindihan ng
mambabasa. Sapagkat ito’y nakabatay sa Teoryang Imahismo, mayaman sa imahe ang tulang
ating nabasa na may karaniwang ideya lamang.