Xornal elaborado polos nenos e nenas de 6º.

1. Santiago de Compostela 9 de marzo de 2018
1
Play Code Challenge
Os nenos de 3º a 6º que van á actividade de
robótica participan nun concurso a nivel nacional.
Páxina 3.
Novo lanzamento
de Pepe
Maestro
Páxina 12.
CANCIÑO
ABANDONADO
NO PARQUE DE SAN XOÁN
ENCONTROUSE UN CAN SÓ.
Páxina 14.
Morte de aburrimento
na hora de ler.
Páxina 7.
O 6º MUNDOVictoria, Yam, Sara E., Carla, Rodrigo, Chano, Brais E., Diego, Aidan, Candela, Mónica, Fabrizio, Carlos, Luis, Alén

2. Santiago de Compostela 9 de marzo de 2018
2
Os deberes escolares
Carlos
Os deberes son tarefas extras que serven para repasar e, ás veces,
para acabar o que non se remata na clase.
Para os rapaces e rapazas poden ser aburridos, sacan tempo de ocio e
son demasiados.
O bo dos deberes é que reforzan o aprendido na aula.
En conclusión, aínda que sexan aburridos, son bos como recurso
educativo.
O fútbol cansa ou non?
Victoria
Nestes tempos, na rúa, nos xornais, na televisión, etc. só se fala de
fútbol. Pode que sexa o deporte máis coñecido a nivel mundial, pero
cansa moito o feito de que se abra o xornal ou se saia á rúa e se
escoite ou se vexa fútbol por todas partes.
O fútbol é moi malo porque soe traer moitas pelexas polas diferentes
opinións e gustos que existen ao respecto. Tamén hai que ter en conta
que os xogadores dos equipos inflúen nos nenos e nenas e fan que
estes dean patadas e se insulten mentres practican este deporte.
Por outra banda, o fútbol é bo para aprender a xogar en equipo e para
realizar exercicio xa que se trata dun deporte tan sinxelo que se pode
xogar en calquera sitio.
É un deporte moi bo, mais a xente faino aburrido porque só falan de
fútbol e pelexan pola súa causa.
Opinión

3. Santiago de Compostela 9 de marzo de 2018
3
Play Code Challenge
Brais Espiña
Maqueta que realizaron os nenos e nenas na actividade.
CEIP VITE. Os nenos e nenas
de 3º a 6º de primaria que van a
robótica, unha actividade
extraescolar na que se traballa
coas novas tecnoloxías, están
participando nun torneo a nivel
español.
Todos os nenos e nenas dos
colexios que realizan esta
actividade, deben pasar unhas
probas para conseguir puntos e
gañar o torneo. Algúns dos que
participan nesta actividade
dixeron que “axuda a practicar
o que estiveron aprendendo” e
que “o torneo está moi ben para
aprender novas cousas”.
Escola

4. Santiago de Compostela 9 de marzo de 2018
4
Black Panther arrasa en taquillas
Chano
Marvel triunfa de novo cunha película baseada na cultura
sudafricana.
Cultura
Cartel anunciador da película.
Ryan Coogler triunfa cun filme
lanzado nos cines no mes de
febreiro.
É unha película baseada nun
superheroe sudafricano dun país
chamado Wakanda. Trala morte do
seu pai este deberá volver ao seu
fogar, para tomar posesión do trono,
pero un antigo inimigo aparecerá
para poñelo a proba. Deberá
enfrontarse a un conflito que decidirá
o destino do seu país e do planeta.
Está a recibir moi boas críticas.
“Black Panther” e “Wonder Woman”
son unhas das películas de
superheroes máis taquilleiras de
Santiago.

5. Santiago de Compostela 9 de marzo de 2018
5
Os videoxogos
Carla
Os videoxogos son xogos electrónicos utilizados para divertirse. Son
empregados tanto por adultos como por nenos.
Algúns son aditivos e os pais teñen medo de que os seus fillos
cheguen a ser agresivos.
Son bos porque axudan a exercitar a mente, a ter máis reflexos e ata
poden axudar cos problemas da vida. Os expertos consideran que os
pais deberían aprender máis sobre os videoxogos dos seus fillos e ter
un maior control sobre o uso dos mesmos.
En conclusión, os videoxogos son unha perfecta ferramenta de ocio
que, na súa xusta medida, poden ser bos para o cerebro.
O tempo de recreo
Candela
O tempo de recreo é un momento que teñen os nenos e nenas no
colexio para divertirse. Cada escola ten un horario diferente, de
maneira que pode ter máis ou menos tempo. A duración axeitada
segundo os expertos é media hora.
O recreo é tan necesario para descansar e divertirse cos amigos como
as horas de Naturais e Lingua. O noso cerebro funciona ben durante
45-60 minutos pero temos que descansar cada hora para repoñer
enerxía.
Os descansos soen durar entre 10 e 40 minutos, o que fai perder horas
de clase, pero son necesarios para a saúde dos nenos e nenas.
En conclusión, é necesario e imprescindible o tempo de xogo. A
duración axeitada son 30 minutos e dá igual que sexan dous recreos
de 15 porque se divirten igual.
Opinión

6. Santiago de Compostela 9 de marzo de 2018
6
Libros da biblioteca de aula.
Morte por aburrimento na clase
Yam
CEIP VITE. Na
clase de 6º os nenos
e nenas están fartos
dos libros da aula.
Na clase de 6ºA,
morren de
aburrimento na hora
de ler por culpa dos
libros.
O noso corresponsal
entrevistou a
distintos nenos para
ver o que pensaban
e isto é o que nos
dixeron: “Eu creo
que deberían
cambiar os libros da
clase por outros
máis interesantes”
(Chano). “A min xa
me parecen moi
aburridos de tanto
lelos, deberían
cambialos” (Brais).
“É mellor traer os
libros da casa
porque os libros de
clase son moi
aburridos, creo que
debería cambiar a
gran maioría”
(Luis). “Deberían
cambiar os libros
porque son moi
aburridos” (Diego).
Os nosos contactos
no colexio
informaron de toda
a información e
están de acordo en
que deberían
cambiar os libros.
Aula

7. Santiago de Compostela 9 de marzo de 2018
7

8. Santiago de Compostela 9 de marzo de 2018
8
Victoria F.C. vs. E. F Lalín
Aidan
SANTIAGO. O sábado 3 de marzo no Estadio Municipal das
Cancelas, o Victoria F. C. enfrontouse ao E. F. Lalín rematando cun
resultado de 6-2 favorable ao Victoria.
O local empezou gañando, pero o Lalín empatou o partido. Na
segunda parte o número 6 do Victoria F.C., Diego Ares, marcou un
gol para facerlle o partido máis fácil ao seu equipo. A partir de aí, o
Victoria empezou cunha racha de goles.
O partido foi moi difícil de xogar por causa da chuvia e da saraiba. A
pesar diso, o equipo local gañou grazas a que estivo moi forte no
medio do campo e non deixou que o equipo visitante funcionase ben.
Deportes
Escudo oficial da Escola
de Fútbol Lalín
Escudo oficial do
Victoria F.C

9. Santiago de Compostela 9 de marzo de 2018
9
Restauración do hospital de Galeras
Alén
SANTIAGO. Van restaurar o hospital vello de Galeras, que
pechou no ano 2003.
Edificio do hospital vello de Galeras.
A inmobiliaria Asteriscos Real Estates ofreceu un prezo de 7,2
millóns de euros polo vello hospital de Galeras, un edificio que
pertenceu á Universidade de Santiago de Compostela e que agora
estaba ocupado por gatos. Con esta venta, os gatos tiveron que
ser trasladados ao refuxio de animais de Bando de modo que o
edificio puido ser fumigado e desratizado. Ademais, a USC ten os
cartos necesarios para poder comezar coas obras da nova
Facultade de Medicina.
A inmobiliaria chegou a un acordo co concello de que ese
edificio dedicaríase nun 50% a usos comerciais e o outro 50% a
usos sanitarios e hosteleros, mais deben respectar a fachada
monumenal, a escalinata interior e a fonte.
Santiago

10. Santiago de Compostela 9 de marzo de 2018
10
Portada do novo libro.
Novo lanzamento de Pepe Maestro
Diego e Mónica
SociedadeCultura
O próximo 17 de abril, o
coñecido escritor Pepe Maestro
publicará un novo libro
chamado “El cazador de
aerolitos”. Un libro feito para os
rapaces e rapazas a partir de 7
anos.
Trata, dun xeito cómico, a
historia dun home cazador de
aerolitos que, ao final, foi
cazado por un deles.

11. Santiago de Compostela 9 de marzo de 2018
11
Labirinto.
Busca as 8 diferenzas.
Pasatempos

12. Santiago de Compostela 9 de marzo de 2018
12
Sopa de letras.
Encrucillado.
Pasatempos

13. Santiago de Compostela 9 de marzo de 2018
13
Can abandonado
Luis
SANTIAGO. No parque de San Xoán encontrouse un can só.
No parque que hai en Vista Alegre, dous nenos encontraron un can
sen dono e sen placa de identificación. O animal era grande, loiro,
forte, moi activo e bonito. Os nenos preguntaron a veciños da zona e
ningún dixo que fose seu. Agora o can está no refuxio de animais de
Bando para quen o queira adoptar.
Santiago
Can abandonado.
Parque de San Xoán.