2. QUE É O PROXECTO ABALAR?
O Proxecto ABALAR, é un compromiso da Consellería de Educación e Ordenación
Universitaria coa cidadanía galega, no ámbito da integración das TIC na práctica
educativa, cuxo obxectivo principal é o de transformar os centros educativos tradicionais
en centros educativos dixitais para:
● Acadar a plena alfabetización das TIC entre os profesores e alumnos galegos.
● Modernizar o sistema educativo galego.
● Mellorar a calidade da ensinanza en Galicia.
● Reducir o fracaso escolar.
O Proxecto ABALAR garante a dotación e o mantemento da infraestrutura TIC en
todos os centros educativos coa entrega de ultraportátiles aos alumnos/as e a dotación
de aulas dixitais por medio do portátil para o profesor/a, o encerado dixital interactivo e
o proxector, os armarios de carga dos ultraportátiles e as redes Wifi, fomenta a cultura
dixital por medio da formación aos docentes e as familias, dota ao profesorado e o resto
da comunidade educativa de contidos e recursos educativos dixitais e establece novas
canles de comunicación entre a comunidade educativa e presenza na Web por medio do
espazo ABALAR.
3. DOTACIÓN ABALAR
Todas as aulas Abalar dos centros públicos contarán co seguinte equipamento:
● Miniportátiles para o alumnado
● Carro de carga para os miniportátiles
● Encerado Dixital Interactivo
● Portátil para a aula
● Conectividade wifi nas aulas
● Servidor do centro
● Adicionalmente, realizarase a instalación e posta en marcha de todo o equipamento.
As aulas Abalar dos centros concertados disporán dos miniportátiles, e o propio centro será o encargado
de adquirir e realizar a instalación do resto do equipamento da aula.
4. ESPAZO FAMILIAS
O espazo Familias é un dos servizos do portal espazoAbalar que permite aos pais, nais
e responsables legais acceder ao seguimento académico en liña dos seus fillos/as e establece
unha nova canle de comunicación entre estes e os titores/as.
Actualmente, este servizo está dispoñible para todos os centros educativos galegos,
polo que para acceder ao espazo Familias simplemente é necesario que o alumno/a estea
matriculado nun centro educativo galego de Ensinanza Infantil, Primaria, ESO ou
Bacharelato.
Para acceder:
Unha vez no espazo Abalar, o primeiro paso será acceder ao servizo de Espazo
Familias. A continuación aparecerá unha pantalla na que se solicitará a autenticación do
usuario. Esta autenticación podese realizar a través de dúas vías: mediante DNI
electrónico ou un certificado da FNMT.
De todos os xeitos, na propia páxina do espazoAbalar: (http://www.edu.xunta.
es/espazoAbalar/sites/espazoAbalar/files/GuiaFamilias-espazoABALAR_galego.pdf) ten á súa
disposición unha guía rápida de uso, onde se explican os pasos para o acceso a dito servizo.
5. PREGUNTAS FRECUENTES
Podo modificar os datos de contacto?
Coma pai ou nai dun rapaz/a, pode consultar e modificar os seus datos persoais sempre e
cando dispoña dunha dirección propia como pai/nai e non sexa unha única dirección Familiar,
xa que neste caso, non poderá modificala por medio do espazo Abalar.
Como podo recibir no correo electrónico os avisos de publicación de cualificacións, de faltas de
asistencia e avisos de outras notificacións?
Os pais, nais e titores legais que teñen acceso ao espazo Abalar podrerán dispoñer do servizo
de avisos no correo electrónico da publicación de cualificacións, de faltas de asistencia e
avisos de outras notificacións, dándose de alta no apartado de subscripcións do espazo
Familias.
Por que non podo enviar solicitudes de citas en liña e a xustificación de faltas dende o espazo
Familias?
Os pais, nais e titores legais, só poderán realizar a xustificación das faltas de asistencia e a
solicitude das citas de titoría vía electrónica se o titor/a acepta esta vía de comunicación, é
dicir, será necesario que os titores/as teñan habilitada esta opción para que as familias
poidan beneficiarse deste servizo.
6. Información obtida de páxinas oficiais da consellería de educación
e ordenación universitaria da Xunta de Galicia
Enlace á páxina oficial:
Sonia Vidal. Curso Coordinación TIC