Sqarime për mënyrën e deklarimit dhe pagesës së tatimit mbi të ardhurat individuale, 2017.
Dokumenti i përgatitur nga ekspertët e ALTAX CENTER synon të sqarojë ato pika që mbeten ende të paqarta pas leximit të ligjit dhe udhëzimit për tatimin mbi të ardhurat.
Deklarata e tatimit mbi të ardhurat individuale vjetore është një formë që plotëson më mirë shpërndarjen e barrës së tatimeve edhe mbi individë që nuk janë të njohur dhe nuk kanë qenë objekt tatimi të mbajtur në burim. Kjo kategori tatimpaguesish i përket edhe individëve që realizojnë të ardhurat nga kapitali (qeradhënia e aktiveve)
Nga ana tjetër, duke reflektuar në këtë dokument sqarues edhe reagimet nga individët e interesuar për të zbatuar korrektësisht detyrimet që lindin nga zbatimi i ligjit arrihet edhe një njohje më e thelluar e zbatimit te tatimit mbi të ardhurat individuale.
Deklarata Individuale e të Ardhurave Vjetore, 2017
1. www.al-tax.org
1
Deklarata Individuale e të
Ardhurave Vjetore, 2017
Sqarime për mënyrën e deklarimit dhe pagesës së tatimit mbi të
ardhurat individuale, 2017
ALTAX CENTER
Studime Fiskale Shqiptare
Nr. 2017/04/02
www.al-tax.org
altax@constultant.com
Datë 23.04.2017
Tiranë, Shqipëri
2. www.al-tax.org
2
DEKLARATA INDIVIDUALE E TË ARDHURAVE VJETORE, 2017
Sqarime për mënyrën e deklarimit dhe pagesës së tatimit mbi të ardhurat
individuale, 2017
ALTAX CENTER
Studime Fiskale Shqiptare
Edicioni 2të
Qendra ALTAX është një nismë studiuesish shqiptarë me synimin e një qasje të re në ndihmë të politikës fiskale dhe
ekonomike shqiptare me qasje drejt politikës fiskale evropiane. Qëllimi kryesor është që të promovojë edukimin me
sistemin fiskal dhe pershtatjen e tij sipas ambjentit ekonomik, të ndihmojë tatimpaguesit dhe palët e interesuara
(studentët, ekspertët në terren, studiuesit) nëpërmjet ekspertizës të jenë të informuar mbi ambjentin fiskal dhe klimën
ekonomike. Nga ana tjetër bashkëpunimi me akademikë dhe ekspertë fiskale ndihmon për të zgjeruar dhe për të krijuar një
audiencë të plotë në ndihmë të rritjes së kapaciteteve fiskale në Shqipëri dhe Kosovë.
NE JU NDIHMOJMË TË PAGUANI TAKSAT. NE JU NDIHMOJMË TË MOS PAGUANI BAKSHISH PËR TAKSAT!
www.al-tax.org
altax@constultant.com
Prill 2017
Tiranë, Shqipëri
4. www.al-tax.org
4
PËRSHKRIM
Dokumenti i përgatitur nga ekspertët e ALTAX CENTER synon të sqarojë ato pika që mbeten ende të
paqarta pas leximit të ligjit dhe udhëzimit për tatimin mbi të ardhurat.
Deklarata e tatimit mbi të ardhurat individuale vjetore është një formë që plotëson më mirë
shpërndarjen e barrës së tatimeve edhe mbi individë që nuk janë të njohur dhe nuk kanë qenë
objekt tatimi të mbajtur në burim. Kjo kategori tatimpaguesish i përket edhe individëve që realizojnë
të ardhurat nga kapitali (qeradhënia e aktiveve)
Nga ana tjetër, duke reflektuar në këtë dokument sqarues edhe reagimet nga individët e interesuar
për të zbatuar korrektësisht detyrimet që lindin nga zbatimi i ligjit arrihet edhe një njohje më e
thelluar e zbatimit te tatimit mbi të ardhurat individuale
5. www.al-tax.org
5
PËRMBAJTJA
Përshkrim Faqe 6
I Objekt i deklarimit Faqe 7
II Rregullat për njohjen e tatimit të paguar Faqe 8
III Të ardhurat që bëhen objekt deklarimi Faqe 13
IV Shpenzimet që njihen si të zbritshme Faqe 19
V Raste dhe shembuj të plotësimit të Deklaratës
6. www.al-tax.org
6
I.
Kush përfshihet, kush përjashtohet dhe
deklarimi me dëshirën e individit
1. Detyrimi për deklarim përfshin të gjithë individët që realizojnë te ardhura vjetore nga të
gjitha burimet1
në shumën totale më shumë se 2.000.000 leke vjetore (përfshirë individët
rezidentë dhe jo rezidente më të ardhura brenda dhe jashtë territorit te Republikes se
Shqipërisë). Individët brenda familjes që kanë të ardhura nga burime të ndryshme janë të
detyruar të deklarojnë individualisht, nëse plotësojnë kriterin e realizimit të të ardhurave.
2. Përjashtohen nga detyrimi për plotësimin dhe dorëzimin e deklaratës individuale të gjithë
individët që realizojnë të ardhura bruto vjetore nga të gjitha burimet në shumën totale më
pak se 2.000.000 leke vjetore.
1
Në burimet e të ardhurave përfshihen çdo e ardhur, me përjashtim:
1. Të ardhurat e përfituara si rezultat i sigurimit në skemën e detyrueshme të sigurimeve shoqërore dhe
shëndetesore, si dhe ndihmat ekonomike për individët pa të ardhura ose me të ardhura të ulta, sipas
përcaktimeve në legjislacionin përkatës ne fuqi.
2. Bursat e nxënësve dhe te studentëve.
3. Shpërblimet e marra në raste sëmundjesh, fatkeqesish, në përputhje me dispozitat e legjislacionit përkatës
në fuqi.
4. Të ardhurat e përfituara, përfshirë të ardhurat në formë monetare ose në natyrë, nga pronarët si shpërblim
për shpronësimet që i bëhen nga shteti për interesa publike.
5. Të ardhurat që përjashtohen në bazë të marrëveshjeve ndërkombëtare të ratifikuara nga Kuvendi i
Shqipërisë.
6. Të ardhurat e përfituara si rezultat i kompensimit financiar, për ish-pronarët dhe ish të dënuarit politikë.
7. Kontributet e bëra nga punëdhënësi për sigurimin e jetës dhe të shëndetit të punëmarrësve.
8. Përfitimet për dëmshpërblime, të marra nëpërmjet vendimeve të formës së prerë të gjykatave, si dhe
kompensimet e caktuara për kostot gjyqësore.
9. Të ardhurat e përfituara nga institucionet shtetërore për arritjet në shkencë, sport, kulturë.
10. Kalimin e së drejtës së pronësisë mbi tokën bujqësore nga një fermer i regjistruar te një fermer apo person
fizik a juridik që kryen aktivitet bujqësor është i përjashtuar nga tatimi mbi të ardhurat personale.
11. Kontributin e bërë nga çdo anëtar i një fondi të pensionit vullnetar deri në masën e përcaktuar në ligjin për
fondet e pensionit vullnetar, si dhe kontributet e bëra nga punëdhënësi ose çdo kontribues tjetër, në emër dhe
për llogari të anëtarit të fondit të pensionit vullnetar.
12. Kthimin nga investimit, përfshirë fitimet nga kapitali prej investimeve të kryera me asetet e fondit të
pensioneve, gjatë administrimit nga shoqëria administruese.
7. www.al-tax.org
7
Ky ligj nuk i përjashton zyrtarët publikë, që kanë detyrim ligjor deklarimin e pasurisë.
Deklarata që ata bëjnë për deklarimin e pasurisë mund të përdoret si një argument shtesë
për burimin e shumave të të ardhurave vjetore të realizuara nga ta.
3. Deklarata vjetore e të ardhurave mund të plotësohet edhe nga persona të tjerë, që
vendosin të bëjnë deklaratën, megjithëse nuk kanë detyrimin ligjor për këtë, per arsye se
duan të përfitojnë nga skema e shpenzimeve të zbritshme.
8. www.al-tax.org
8
II.
Rregullat për njohjen e tatimit të paguar
4. Diferenca midis totalit të të ardhurave bruto dhe shpenzimeve të zbritshme përbën të
ardhurën e tatueshmë të individit e cila tatohet me shkallën tatimore në fuqi 15 për qind.
Nëse diferenca është pozitive, deklaruesi, brenda 30 ditëve nga data e paraqitjes së
deklaratës vjetore të të ardhurave, bën pagesën e tatimit. Nëse diferenca është negative,
administrata tatimore ia kthen deklaruesit shumën e taksave të paguara më tepër ose, me
pëlqim të deklaruesit, kjo shumë mund të përllogaritet si pagesë e kryer për vitin tatimor
vijues.
5. Shumës së këtij tatimi, i zbriten tatimet e paguara gjatë periudhës tatimore të
dokumentuara nga mbajtësi në burim i këtyre tatimeve.
6. Për individët rezidentë fiskalë shqiptarë, që kanë realizuar të ardhura dhe janë taksuar
për to jashtë Republikes se Shqipërisë në vende me të cilat Shqipëria ka nënshkruar
marrëveshje për shmangien e taksimit të dyfishtë, tatimet e paguara të vërtetura nga
autoritetet e këtyre vendeve, janë të zbritëshme.
7. Në rast se të ardhurat i kanë realizuar dhe u janë taksuar jashtë Republikes se Shqipërisë
në vende me të cilat Shqipëria nuk ka nënshkruar marrëveshje për shmangien e taksimit të
dyfishtë, tatimet e paguara nuk janë të zbritshme.
8. Deklaruesit që kanë të ardhura vjetore prej të paktën 1,050,000 lekësh nuk përfitojnë nga
e drejta e llogaritjes së shpenzimeve të zbritshme.
9. www.al-tax.org
9
III.
Të ardhurat që janë objekt deklarimi
9. Te ardhurat bruto jane:
a) të ardhura bruto nga paga apo shpërblimet nga marrëdhëniet e punësimit për individët2
dhe fitimi nga zhvillimi i veprimtarisë së biznesit të vogël, që rezulton nga Deklarata e të
Ardhurave Personale të Biznesit të Vogël për të vetëpunësuarit;
b) të ardhurat bruto nga dividenti për pjesëmarrje në shoqëri tregtare apo nga veprimtaritë
e biznesit;
c) të ardhurat bruto nga qiraja dhe fitimet kapitale nga shitja e pasurisë së paluajtshme, në
pronësi të deklaruesit;
d) të ardhurat bruto nga interesa bankarë;
e) fitimi kapital neto, i krijuar nga investimet në tituj apo në pasuri të paluajtshme;
f) shuma bruto të fituara nga lotari apo lojëra të tjera të fatit;
g) të ardhurat bruto nga pasuria intelektuale, licencat, të drejtat ekskluzive dhe pasuri të
tjera, që përbëhen vetëm nga të drejta dhe që nuk kanë formë fizike;
h) fitimi kapital nga dhurimi;
i) të ardhura bruto të realizuara jashtë territorit të Republikës së Shqipërisë;
j) të ardhura bruto të tjera, që individi i përfiton në natyrë, në të holla, apo në metale e
sende të çmuara, të cilat nuk përmenden më lart.
2
Në këtë kontekst përfshihen vetëm të ardhurat që krijohen nga marëdhënie punësimi (pra
individi që është objekt deklarimi është punëmarrës), përfshirë edhe shpërblime të ardhura nga
marëdhëniet e kontratës së punësimit. Nuk përfshihen të ardhura nga biznesi si i vetëpunësuar2
,
pavarësisht nga forma juridike e regjistrimit në QKB. Pra, deklarimi i pagës bëhet vetëm për
rastet kur ka një kontratë punësimi individuale midis punëdhënësit dhe punëmarrësit. Në rastin
e vetëpunësimit nuk ka marëdhënie punëdhënës dhe punëmarrës, sipas Kodit të Punës. Të
ardhurat nga vetëpunësimi deklarohen sipas pikës më poshtë.
10. www.al-tax.org
10
Për individët rezidentë fiskalë shqiptarë, që kanë realizuar të ardhura dhe janë taksuar për
to jashtë Republikës se Shqipërisë në vende me të cilat Shqipëria ka nënshkruar marrëveshje
për shmangien e taksimit të dyfishtë, tatimet e paguara të vërtetuara nga autoritetet e
këtyre vendeve, janë të zbritëshme.
Në rast se të ardhurat i kanë realizuar dhe u janë taksuar jashtë Republikës se Shqipërisë në
vende me të cilat Shqipëria nuk ka nënshkruar marrëveshje për shmangien e taksimit të
dyfishtë, tatimet e paguara nuk janë të zbritëshme.
Rasti më i ndeshur do të jetë për të ardhurat e emigrantëve, që janë rezidentë shqiptarë
(ose jo rezidentë shqiptarë). Edhe pse mund të dërgojnë para pranë familjes së tyre në
Shqipëri, nëse ato janë tatuar në vendin ku ata jetojnë ato janë objekt për tu kredituar dhe
mos të paguhen dy herë duke përmbushur kriteret në rastet kur përjashtohet tatimi sipas
Marrëveshjeve për eliminimin dhe shmangien e taksimit të dyfishtë.
Për çdo të ardhur dhe shpenzim, të referuar në deklaratën vjetore të të ardhurave,
tatimpaguesi që bën deklaratën mban kopje origjinale të dokumentit që provon të ardhurën
apo shpenzimin e zbritshëm ose fotokopje të njësuar nga institucioni lëshues i dokumentit.
Në rastin kur deklarata dorëzohet elektronikisht, dorazi apo me postë, skanime/fotokopje e
këtyre dokumenteve i bashkëlidhen deklaratës vjetore të të ardhurave. Origjinali i tyre, në
çdo rast, ruhet në përputhje me legjislacionin fiskal dhe vihet në dispozicion të
administratës tatimore, kur kërkohet prej saj.
11. www.al-tax.org
11
IV.
Shpenzimet që njihen si të zbritshme nga të
ardhurat e tatueshme
10. Shpenzimet e zbriteshme jane:
a) Kontributet vullnetare ne fondin e pensionit vullnetar dhe kontributet vullnetare te
individit per jeten dhe shendetin, te derdhura nga vetë individi, si dhe pjesa e
shpenzimeve për kontributet e sigurimeve shoqërore e shëndetësore.
Kufiri maksimal per lehtesi tatimore per kontributet vjetore eshte vlera me e vogel qe del
nga krahasimi i shumes 200 000 leke/vit dhe 15 % te te ardhurave vjetore bruto te anetarit
te fondit;
b) shuma e interesit bankar të kredisë së marrë për shkollim, për vete apo për fëmijët dhe
personat në kujdestari;
c) shpenzimet për mjekim, për vete apo për fëmijët dhe personat në kujdestari, për pjesën
e pambuluar nga sigurimi i detyrueshëm shëndetësor, sipas përcaktimeve të rregulluara
me vendim të Këshillit të Ministrave;
d) Personat jorezidentë nuk përfitojnë nga e drejta e llogaritjes së shpenzimeve të
zbritshme.
Brenda një familje, me të ardhura totale vjetore bruto të secilit prej pjesëtarëve të saj tyre deri në
shumën 1,050,000 lekësh, për përfitimin e shpenzimeve të zbritshme mund të plotësohet një
deklaratë vetëm nga kryefamiljari. Në rastin kur pjesëtarët e familjes kanë të ardhura vjetore bruto
vjetore deri në shumën 1,050,000 lekë, ndërsa kryefamiljari e kalon limitin prej 1,050,000 lekë apo
edhe 2,000,000 lekë, atëherë deklarata për përfitim nga shpenzimet e zbritshme mund të plotësohet
vetëm nga gruaja e tij.
Personat jo rezidentë nuk përfitojnë nga e drejta e llogaritjes së shpenzimeve të zbritshme.
12. www.al-tax.org
12
11. Detyrimi i parë për deklarimin e të ardhurave individuale vjetore, për vitin fiskal 2016
nga subjektet e parashikuara në këtë ligj duhet te behet jo me vone se data 2 Maj 2017.
Për çdo të ardhur dhe shpenzim, të referuar në deklaratën vjetore të të ardhurave,
tatimpaguesi që bën deklaratën mban kopje origjinale të dokumentit që provon të ardhurën
apo shpenzimin e zbritshëm ose fotokopje të njësuar nga institucioni lëshues i dokumentit.
Në rastin kur deklarata dorëzohet elektronikisht, dorazi apo me postë, skanime/fotokopje e
këtyre dokumenteve i bashkëlidhen deklaratës vjetore të të ardhurave. Origjinali i tyre, në
çdo rast, ruhet në përputhje me legjislacionin fiskal dhe vihet në dispozicion të dministratës
tatimore, kur kërkohet prej saj.
13. www.al-tax.org
13
V.
Raste e shembuj të plotësimit të Deklaratës
1. Rasti kur individi ka detyrimin për të deklaruar
Individi E G, rezidente shqiptare me statusin e kryefamiljares, me dy fëmijë nën kujdestarinë
e saj ka përfituar të ardhura gjatë vitit 2016, të natyrës si më poshtë:
Nga punesimi në nje shoqëri shqiptare ka përfituar të ardhura bruto nga paga në
shumën 1,200,000 lekë, ku paga mujore e saj është 100,000 lekë në muaj;
E G eshte aksionere në shoqërinë X Y sh.a. dhe ka përfituar të ardhura bruto nga
dividenti në shumën 1,000,000 leke pasi shoqëria shpërndau fitimet e saj bazuar në
vendimin e asamblesë së aksionerevë për fitimin e realizuar gjatë vitit 2015 bazuar
në rezultatet e bilancit të shoqerisë në muajin qershor të vitit 2016;
E G ka në pronësi një godinë të cilën e ka lëshuar me qera ku ka lidhur një kontratë
qeradhenie me nje tatimpaguesi i cili ushtron veprimtarine e shërbimit te restorantit,
të ardhurat bruto vjetore nga qiraja janë në shumën 1,200,000 lekë.
Gjatë vitit 2016, E G ka kryer pagesat për tatimet apo mbajtur ne burim si më poshtë:
tatimi mbi të ardhurat nga paga i mbajtur nga punëdhënësi i paguar në masën
109.200 lekë;
tatimi mbi të ardhurat nga dividenti i mbajtur në burim nga shoqëria aksionere e cila
ka shpërndarë fitimin e vitit 2010 dhe i paguar në shumën 150,000 lekë;
tatimi mbi të ardhurat nga qeraja në shumën 180,000 lekë.
Pasqyrimi i të dhënave të mësipërme në plotësimin dhe dorëzimin e deklaratës
individuale
Individi rezident, E G brenda datës 2 Maj 2017 duhet të dorëzojë deklaratën e të ardhurave
individuale vjetore për vitin 2016, pasi plotëson kushtet e nenit 13, të ligjit nr. 8438 datë
28.12.1998 “Për tatimin mbi të ardhurat”, i ndryshuar, pra realizon të ardhura mbi 2 milion
lekë në vit.
Deklaratën individuale vjetore të të ardhurave, duhet ta plotësojë si më poshtë:
Në faqen e parë të saj (Seksioni A) duhet të plotësojë të dhënat identifikuese të saj në
rubrikat nga *3+ deri në *17+, si dhe të vendosë shenjën “x” në kutizën që e përfaqëson të
dhënat e saj.
14. www.al-tax.org
14
Ajo nuk duhet të plotësojë ato rubrika të cilat nuk kanë të dhëna shtesë të ndryshme nga të
dhënat kryesore të identifikimit.
Në faqen e dytë të deklaratës (Seksioni B):
Në rubrikën [3] Të ardhurat bruto nga paga apo shpërblime nga marrëdhëniet e punësimit
do të shënojë shumen 1,200,000 lekë, në rubrikën [5] Të ardhurat bruto nga dividenti do të
shënojë shumen 1,000,000 lekë, në rubrikën [6] të ardhura bruto nga qiraja do të shënojë
shumën 1,200,000 lekë. Rubrikat e tjera mbeten të paplotësuara.
Në rubrikën [15] do të mblidhet shuma e rubrikave: rubrika [3] + rubrika [5] + rubrika [6] =
3,400,000 lekë.
Shumat e rubrikave plotësohen të pashoqeruara me fjalën “lekë”, por vetëm me shifra.
Në rubrikën [20] të ardhura të tatueshme vendoset diferenca e rubrikave [15] minus
rubrikën [19] e cila është zero, pra rubrika [20] plotësohet me shumën 3,400,000 lekë.
Në rastin tonë rubrika [15] – rubrika [19] = rubrika [20].
3,400,000 lekë – 0 = 3,400,000 lekë.
Në rubrikën [21] shënohet shuma e tatimit të llogaritur të rubrikës [20] shumëzuar me
shkallën tatimore 15%.
Për tatimet e paguara gjatë vitit 2016, për të ardhurat që ka realizuar, duhet të plotësojë
përkatësisht rubrikat:
Rubrika [22] tatimi mbi pagën në shumën 109,200 lekë;
Rubrika [23] tatimi mbi dividentin në shumen 150,000 lekë;
Rubrika [24] tatimi mbi qiranë në shumën 180,000 lekë.
Në rubrikën [34] do të mblidhet shuma e rubrikave: rubrika [22] + rubrika[23] + rubrika
[23] = 439,200 lekë.
Meqënësë rubrika [34] që përfaqëson shumën e tatimeve të paguara gjatë vitit është e
barabartë me shumën e cila duhej të paguhej, pra rubrika [34] është e barabartë me
rubrikën [21], individit nuk i lind detyrim për të paguar tatim të mbetur dhe për rrjedhojë
nuk plotëson rubrikën [35] tatimi i detyrueshëm për t’u paguar pasi kjo rubrikë është e
barabartë me zero.
E G duhet të plotësojë emrin, mbiemrin e saj, datën e dorëzimit të deklaratës dhe e
nënshkruan atë nëse e dorëzon në format letër, dorazi në organin tatimor.
Kur plotësohet elektronikisht nënshkrimi nuk kryhet pasi individi pajiset me një user name
dhe passëord nga drejtoria rajonale tatimore, më të afërt me vendbanimin e saj. Kjo vlen për
çdo deklarim pavarësisht nga rezidenca e individit.
15. www.al-tax.org
15
2. Rasti kur individit nuk i njihen shpenzimet e zbritshme
Individi rezident shqiptar E P, me profesion mjek i licensuar pranë një institucioni shtetëror
në Republikën e Shqipërisë, me status i martuar, me dy fëmijë nën kujdestarinë e tij ka
përfituar të ardhura gjatë vitit 2016 të natyrës si më poshtë:
Nga paga dhe maredhenie punesimi ka përfituar shumën bruto prej 500,000 lekë;
Nga dhënia me qera e një apartamenti ka përfituar të ardhura në shumën 300,000
lekë.
Gjatë vitit mori pjesë në një llotari kombëtare dhe fitoi 1,500,000 lekë.
Individi merr pjese në Turqi jashtë territorit të Republikës së Shqipërisë, në një
konferencë pesë ditore për kirurgjine në Korrik 2016, përfitoi të ardhura bruto në
shumën 1,500 US. D.
E P gjatë vitit 2016, ka marrë një kredi në bankën “X” për shkollimin e fëmijëve të tij, interesi
bankar i të ciles është llogaritur në shumën 50,000 lekë në vit. Gjithashtu individi ka kryer
shpenzime për mjekimin për veten dhe fëmijët nën kujdestari të cilat nuk mbulohen nga
pjesa e sigurimit të detyrueshëm shëndetësor dhe për të cilat disponon fatura në shumën
totale 40,000 lekë.
E P gjatë vitit 2016 ka kryer pagesat për tatimet apo mbajtur ne burim si më poshtë:
Tatimi mbi të ardhurat nga paga i mbajtur nga punëdhenesi dhe të paguara në
masën 18,200 lekë;
Tatimi mbi të ardhurat nga qeraja në shumën 45,000 lekë;
Tatimi mbi të ardhurat nga fitimet në llotarinë kombëtare në shumen 225,000 lekë;
Tatimi mbi të ardhurat e realizuara nga konferenca në Turqi = 225 US.D të mbajtura
në Turqi. Nga tatimpaguesi turk, organizator i konferencës u mbajt tatimi në burim
në shkallën tatimore prej 15% për pagesën që iu bë individit për përkthimin e kryer
sipas shkallës tatimore që aplikohet në Turqi, pra në shumën 225 US.D.
E P duke qene rezident shqiptar duhet të dorëzojë brenda datës 2 Maj 2017 deklaratën e të
ardhurave individuale vjetore pasi plotëson kushtet e nenit 13 të ligjit nr. 8438, datë
28.12.1998 “Për tatimin mbi të ardhurat”, i ndryshuar, pra realizon të ardhura mbi 2 milion
lekë. Të ardhura vjetore bruto të realizuara në Shqipëri janë në shumën 2,300,000 lekë dhe
të ardhura të përfituara jashtë Shqipërisë janë në shumën 1,500 US.D, ai pra ka detyrim
ligjor të plotësojë e dorëzojë deklaratën individuale vjetore të të ardhurave.
Pasqyrimi i të dhënave të mësipërme në plotësimin dhe dorëzimin e deklaratës
individuale.
Deklaratën individuale vjetore të të ardhurave E P, duhet ta plotësojë si më poshtë:
Në faqen e parë të saj shënohen të dhënat identifikuese të tij në rubrikat nga [3] deri në [17]
te Seksioni A, si dhe vendoset shenja “x” në kutizën që e përfaqëson.
16. www.al-tax.org
16
E P nuk plotëson ato rubrika të cilat nuk ka të dhëna shtesë të ndryshme nga të dhënat
kryesore të identifikimit.
Në faqen e dytë të deklaratës, Seksioni B ploteson:
Në rubrikën [3] Të ardhurat bruto nga paga apo shpërblime nga marrëdhëniet e punësimit
do të shënojë shumën 500,000 lekë, në rubrikën [6] të ardhura bruto nga qiraja do të
shënojë shumën 300,000 lekë, në rubrikën [10] të ardhurat bruto nga lojrat e fatit do të
shënojë shumën 1,500,000 lekë, në rubrikën [13] të ardhurat bruto nga jashtë territorit të
Republikës së Shqipërisë do të shënojë shumën 150,000 lekë. Rubrikat e tjera mbeten të
paplotësuara.
Në momentin e plotësimit të deklaratës shuma në US.D konvertohet në lekë me kursin
mesatar të publikuar nga Banka e Shqipërisë për vitin 2016 dhe kjo shumë në deklaratën
vjetore vendoset në monedhën vendase në lekë. Supozojmë, se kursi mesatar vjetor i Bankës
së Shqipërisë i publikuar është 1 US.D = 125 lekë.
Pra 1,500 US.D të perfituar nga individi të llogaritura me kursin valutor si më lart janë të
barasvlefshme me 1,500 US.D x 125 lekë = 187,500 lekë. Pra në deklaratën individuale
vjetore të të ardhurave në rubrikën [13] do të vendoset shuma prej 187,500 lekë.
Në rubrikën [15] do të mblidhet shuma e rubrikave: rubrika [3] + rubrika [6] + rubrika [10]
+ rubrika [13] = 2,450,000 lekë.
Shumat e rubrikave plotësohen të pashoqëruara me fjalën “lekë”, por vetëm me shifra.
Në rubrikën [19] të ardhura të tatueshme vendoset diferenca e rubrikës [15] minus
rubrikën [3] e cila është 500,000 leke, pra rubrika [19] eshte e barabartë me shumën
1,950,000 lekë.
Në rubrikën [21] shënohet shuma e tatimit të llogaritur të rubrikës [20] shumëzuar me
shkallën tatimore 15%, që në rastin tonë është e barabartë me 270,000.
Për tatimet e paguara gjatë vitit për të ardhurat që ai ka realizuar, siç i kemi përmëndur më
lart, E P duhet të plotesojë përkatesisht rubrikat:
Rubrika [22] tatimi mbi pagën në shumën 18,200 lekë;
Rubrika [24] tatimi mbi qiranë në shumën 45,000 lekë;
Rubrika [28] tatimi mbi lojrat e fatit në shumën 225,000 lekë;
Rubrika [33] kreditimi i tatimit të huaj në shumën 28,125 lekë;
Rubrika [33] kreditimi i tatimit të huaj plotësohet me shumën 28,125 lekë duke respektuar
kushtet e nenit 37 “Kreditimi i tatimit të huaj” në të cilën lejohet kreditimi deri në shkallën
tatimore 15% të aplikuar në Shqipëri.
Në rubrikën [34] do të mblidhet shuma e rubrikave: rubrika [22] + rubrika[24] + rubrika
[28] + rubrika [33] = 288,200 lekë.
17. www.al-tax.org
17
Meqënëse rubrika [34] që përfaqeson shumën e tatimeve të paguara gjatë vitit është e
barabartë me shumën e cila duhej të paguhej, pra rubrika [34] është e barabartë me
rubrikën [21], dhe individit nuk i lind detyrim për të paguar tatim të mbetur dhe për
rrjedhojë edhe nuk plotëson rubrikën [35] tatimi i detyrueshëm për t’u paguar, pasi kjo
rubrikë është e barabartë me zero.
E P duhet të plotësojë emrin, mbiemrin e tij, datën e dorëzimit të deklaratës dhe e
nënshkruan atë nëse e dorëzon në format letër, dorazi në organin tatimor.
18. www.al-tax.org
18
3. Rasti kur individi del me detyrimin për të paguar tatim
Individi shtetas shqiptar, rezident në Shqipëri E R, kryefamiljar me tre femijë në kujdestari,
ka përfituar të ardhura vjetore bruto në shumën 1,000,000 lekë. Ky individ nuk ka detyrim
ligjor për të deklaruar të ardhurat e tij pasi këto të ardhura janë më të vogla se 2 milion
lekë, kusht i përcaktuar si detyrim për të deklaruar në pikën 4, të nenit 13, të ligjit nr 8438,
datë 28.12.1998 “Për tatimin mbi të ardhurat”, i ndryshuar por ai dëshiron të deklarojë për
të përfituar nga njohja e shpenzimeve të zbritshme sipas nenit 13/3 të ligjit të
sipërpërmendur.
Ky individ ka të ardhura nga punësimi në shumën 360,000 lekë. Paga mujore e tij është
30,000 lekë në muaj.
Individi ka të ardhura 40,000 lekë nga pagesat në perkthime, të ardhura nga qeraja në
shumën 500,000 lekë, si dhe ka përfituar interesa bankare në shumen 100,000 lekë.
E R gjatë vitit 2016 ka marrë një kredi në bankën “X” për shkollimin e fëmijeve të tij, interesi
bankar i të cilës është llogaritur në shumën 100,000 lekë në vit. Gjithashtu individi ka kryer
shpenzime për mjekimin për veten dhe fëmijët nën kujdestari të cilat nuk mbulohen nga
pjesa e sigurimit të detyrueshëm shëndetësor dhe për të cilat disponon fatura në shumën
totale 50,000 lekë.
Për të ardhurat e realizuara nga individi gjatë vitit 2016 janë kryer pagesat për tatimet si më
poshtë:
Tatimi mbi të ardhurat nga paga i mbajtur nga punëdhënësi i paguar prej tij në
shumën 0 lekë.
Tatimi ne burim mbi të ardhurat nga pagesat në përkthime në shumën 6,000 lekë i
paguar nga organizatori i llotarisë;
Tatimi mbi të ardhurat nga interesat bankare në masën 15,000 lekë i mbajtur në
burim nga banka në të cilën ka depozituar paratë.
Gjatë vitit nuk është paguar tatimin mbi të ardhurat nga qeraja në shumën 75,000 lekë.
Pasqyrimi i të dhënave të mësipërme në plotësimin dhe dorëzimin e deklaratës
individuale.
Deklaratën individuale vjetore të të ardhurave E R duhet ta plotësojë si më poshtë:
Në faqen e parë të saj shënohen të dhënat identifikuese të tij në rubrikat nga [3] deri në [17]
te Seksioni A, si dhe vendoset shenja “x” në kutizën që e përfaqëson.
E R nuk plotëson ato rubrika të cilat nuk ka të dhëna shtesë të ndryshme nga të dhënat
kryesore të identifikimit.
19. www.al-tax.org
19
Në faqen e dytë të deklaratës, te Seksioni B plotesohet:
Në rubrikën [3] Të ardhurat bruto nga paga apo shpërblime nga marrëdhëniet e punësimit
do të shënojë shumën 360,000 lekë, në rubrikën [6] të ardhura bruto nga qiraja do të
shënojë shumën 500,000 leke, në rubrikën [8] të ardhurat bruto nga interesat bankare do të
shënojë shumën 100,000 lekë, në rubrikën [10] të ardhurat bruto nga perkthime do të
shënojë shumën 40,000 lekë. Rubrikat e tjera mbeten të paplotësuara për sa kohë që
individi ka realizuar të ardhura vetëm përsa përmënden në shembull.
Në rubrikën [15] do të mblidhet shuma e rubrikave : rubrika [3] + rubrika [6] + rubrika [8] +
rubrika [10] = 1,000,000 lekë.
Shumat e rubrikave plotësohen të pashoqëruara me fjalën “lekë”, por vetëm me shifra.
Në bazë të nenit 13/3 të ligjit nr. 8438, datë 28.12.1998 “Për tatimin mbi të ardhurat”, i
ndryshuar, ky individ përfiton nga zbritja e shpenzimeve të kryera për vitin 2016 pasi të
ardhurat e tij nga të gjitha burimet janë nën shumën 1,050,000 lekë në vit. Pra individi do të
plotësojë rubrikat [16] , [17] dhe [18].
Në rubrikën [17] shpenzimet për mjekim për vete apo fëmijët për pjesën e pambuluar nga
sigurimi i detyrueshëm shëndetësor nuk do të llogaritet shuma e paguar realisht prej 40,000
lekë por do të vendoset shuma maksimale e lejuar e barabartë me 32.000 lekë.
Në rubrikën [18] do të plotësohet shuma e rubrikave [17] + [18] = 132,000 lekë.
Në rubrikën [19] të ardhura të tatueshme vendoset diferenca e rubrikës [15] me [18].
Në rastin tonë rubrika[15] – rubrikën [18] = rubrika [19].
Në rubrikën [21] shënohet shuma e tatimit të llogaritur të rubrikës [19] shumëzuar me
shkallën tatimore 15%.
Për tatimet e paguara gjatë vitit për të ardhurat që ka realizuar siç i kemi përmëndur më lart
duhet të plotësojë përkatesisht rubrikat:
Rubrika [22] tatimi mbi pagën në shumën 0 lekë;
Rubrika [26] tatimi mbi interesat bankare në shumën 15,000 lekë;
Rubrika [31] tatimi mbi te ardhura te tjera në shumën 6,000 lekë;
Në rubriken [34] do të mblidhet shuma e rubrikave: rubrika [22] + rubrika[26] + rubrika
[31] = 21,000 lekë.
Meqënëse rubrika [34] që përfaqëson shumat e tatimeve të paguara gjatë vitit është më e
vogël se sa detyrimi për t’u paguar (rubrika *24+ = 74,800 lekë), individi detyrohet të paguajë
tatimin në shumën 36,800 lekë, si diferencë e rubrikës[24] me rubrikën [34].
Pra individi plotëson rubrikën [35] tatimi i detyrueshëm për t’u paguar me shumën 36,800
lekë dhe duhet të paguajë këtë detyrim deri në datën 2 Maj 2017.
20. www.al-tax.org
20
4. Rasti i përfitimit të të ardhurave nga një individ shqiptar i cili ka emigruar në Greqi
Individi shtetas shqiptar I M, i pamartuar, gjatë vitit 2016 ka punuar për 10 muaj në Greqi. Ai
banon në një shtëpi të marrë me qera dhe punon në fushën e turizimit. Gjatë periudhës së
punësimit në Greqi ai ka përfituar të ardhura bruto në shumën 5,400 Euro. Ky individ
kthehet në Shqiperi gjatë vitit dhe punësohet për 2 muaj po në sektorin e turizmit ku
përfiton të ardhura për dy muajt e punësimit në shumën 56,000 lekë. Gjatë periudhës së
qëndrimit në Shqipëri për nevoja shëndetsore ai shpenzon për vizita mjekësore si dhe
mjekim për vete shumën 10,000 lekë nga pjesa e pambuluar e sigurimit të detyrueshëm
shëndetësor, sipas përcaktimeve të rregulluara me Vendim të Këshillit të Ministrave. Në
Shqipëri zoteron një apartament, të cilin ia ka dhënë me qera një fondacioni nga i cili
përfiton 200,000 lekë në muaj dhe të ardhurat totale vjetore bruto nga qeradhenia janë
2,400,000 lekë për të cilat nuk është mbajtur dhe paguar tatimi në burim për pagesën e
qerasë nga fondacioni, të përfituara prej tij.
Për të ardhurat e realizuara nga individi gjatë vitit 2016 janë kryer pagesat për tatimet si më
poshtë:
Tatimi mbi të ardhurat nga paga, i mbajtur nga punëdhënësi, i paguar nga ai në shumën 0
lekë (paga mujore = 28,000 lekë dhe eshte poshte pragut te tatueshem).
Pasqyrimi i të dhënave të mësipërme në plotësimin dhe dorëzimin e deklaratës
individuale.
I M ka qëndruar në Greqi gjatë vitit 2016, për një periudhe kohore prej 8 muaj nga data 1
Janar deri në 31 Tetor, pra gjithsej 304 ditë. Bazuar ne marrëveshjen për shmangien e
taksimit të dyfishtë me Greqinë, individi I M konsiderohet rezident në shtetin grek dhe për të
ardhurat e përfituara në Greqi është tatuar në këtë shtet.
Të ardhurat e përfituara në Shqipëri nga qeradhënia e banesës së tij dhe nga punesimi i tij e
tejkalojnë shumën prej 2,000,000 lekë dhe për këtë edhe pse personi është jorezident
mbështetur në ligjin nr. 8438, datë 28.12.1998 “Për tatimin mbi të ardhurat “, i ndryshuar,
neni 13 është i detyruar të plotësojë dhe dorëzojë deklaratën individuale vjetore të të
ardhurave / formularin D1, vetëm për të ardhurat bruto vjetore me burim në Shqipëri.
Meqënëse ky person nuk plotëson kushtin e rezidentit shqiptar ai nuk përfiton nga zbritja e
shpenzimeve të bëra për mjekim për vete në shumën 10,000 lekë.
Deklaraten individuale vjetore të të ardhurave individi do ta plotësojë si më poshtë:
Në faqen e parë të saj shënohen të dhënat identifikuese të tij ne rubrikat nga [3] deri në
*17+, Seksioni A si dhe vendoset shenja “x” në kutizën që e përfaqëson.
Individi duhet të vendosë shenjën “X” në kutizën *4+ Jorezident në Republikën e Shqipërisë
dhe përkrah të plotësojë me gërma kapitale
21. www.al-tax.org
21
REZIDENT NË SHTETIN ǀ_Gǀ_Rǀ_E_ǀ_Q_ǀ_I_ǀ__ǀ__ǀ__ǀ__ǀ__ǀ__ǀ__ǀ
I M nuk plotëson ato rubrika të cilat nuk ka të dhëna shtesë të ndryshme nga të dhënat
kryesore të identifikimit.
Në faqen e dytë të deklaratës, te Seksioni B plotëson:
Në rubriken [3] Të ardhurat bruto nga paga apo shpërblime nga marrëdhëniet e punësimit
do të shënojë shumën 56,000 lekë. Të ardhurat bruto të tatuara nga paga apo shpërblime
nga marrëdhëniet e punësimit do të shënojë shumën 0 lekë, në rubrikën [6] të ardhura
bruto nga qiraja do të shënojë shumën 2,400,000 lekë. Rubrikat e tjera mbeten të
paplotësuara.
Në rubrikën [15] do të mblidhet shuma e rubrikave : rubrika [3] + rubrika [6] = 2,456,000
lekë.
Shumat e rubrikave plotësohen të pashoqëruara me fjalën “lekë”, por vetëm me shifra.
Në bazë të nenit 13/3 të ligjit nr.8438, datë 28.12.1998 “Për tatimin mbi të ardhurat”, i
ndryshuar, ky individ nuk përfiton nga zbritja e shpenzimeve të kryera për vitin 2016 pasi ai
është jorezident në Shqiperi.
Për saktësimin e residencës së tij individi I M duhet të paraqesë në drejtorine tatimore ku ka
gjendjen civile çertifikatën e residencës për qëllime tatimore të marrë nga autoriteti tatimor
i vendit të residences, pra autoriteti tatimor grek.
Në rubrikën [19] të ardhura të tatueshme vendoset shuma e rubrikës [15] – rubrikën [3] =
2.456,000 lekë.
Në rubrikën [21] shënohet shuma e tatimit të llogaritur të rubrikës [20] shumëzuar me
shkallën tatimore 15%.
Për tatimet e paguara gjatë vitit për të ardhurat që ka realizuar të permendura më lart Iliri
duhet të plotësojë përkatësisht rubrikat:
Rubrika [22] tatimi mbi pagën në shumën 0 Leke e llogaritur si më poshtë:
Shuma e kutisë [22] x 0 % = 0 leke;
Meqënëse nuk është paguar tatimi mbi qeranë rubrika [24] nuk plotësohet pra shuma
totale e paguar është ajo e kutisë [34]. Për rrjedhojë tatimi i detyrueshëm për t’u paguar
është diferenca e shumës së llogaritur të tatimit, pra kutia [21] plotësohet me shumën
360,000 lekë minus shumën e tatimit të paguar kutia [34], përkatësisht në shumën 0 lekë.
Detyrimi i tatimit për t’u paguar kutia [35] do të rezultojë 360,000 lekë dhe këtë detyrim
duhet ta paguajë për vitin 2016 deri në datën 2 Maj 2017.
Nga evidentimi i deklaratës rezulton, se meqenese nuk është paguar në afatet kohore ligjore
tatimi në burim nga të ardhurat e qirasë nga fondacioni do te penalizohet për mosmbajtje
dhe mosderdhje për llogari të organeve tatimore të tatimit në burim duke u penalizuar në
masën 50% të tatimit mbi qiranë duke përfshirë këtu edhe kamatëvonesat për cdo muaj.
22. www.al-tax.org
22
5. Rasti i një individ të huaj rezident në Shqipëri
Individi, shtetas gjerman S B, në muajin janar të vitit 2016 punësohet në një kompani nafte
në Shqipëri. Në bazë të kontrates të lidhur me kompaninë që prodhon naftë në Shqipëri, ai
përfiton të ardhura mujore ne formën e pagës, gjatë vitit 2016 në shumën 500,000 lekë.
Gjithashtu ai përfiton shpërblime për cdo sukses në shumën 200,000 lekë dhe ka përfituar
1,000,000 lekë për vitin 2016. Në Shqipëri ai ka një depozitë kursimi, nga e cila përfitoi
interesa gjatë vitit 2016 në shumën 250,000 lekë. Ai përfitoi të ardhura vjetore në shumën
7,250,000 lekë.
Gjatë vitit ka shpenzuar për mjekim për veten nga skema e pambuluar nga sigurimet
shëndetesorë shumën 50,000 pasi u aksidentua gjatë një ndeshje futbolli.
Ai banon në një shtëpi të marrë me qera në rrugën Myslym Shyri në Tiranë.
Për të ardhurat e realizuara nga futbollisti gjatë vitit 2016 janë kryer pagesat për tatimet si
më poshtë:
Tatimi mbi të ardhurat nga paga, i mbajtur nga punëdhënësi, i paguar nga ai në shumën
1.021.200 lekë lekë (paga mujore = 500,000 lekë, tatimi i mbajtur nga paga nga punëdhënësi
bazuar në tabelën e përllogaritjes së tatimit mbi pagën e përcaktuar në nenin 9 “Tarifat
tatimore” të ligjit nr.8438, datë 28.12.1998 ”Për tatimin mbi të ardhurat”, të ndryshuar.
Nga interesat bankare të përfituara në shumën bruto 250,000 lekë, ka paguar 37,500 lekë
tatim në burim.
Pasqyrimi i të dhënave të mësipërme në plotësimin dhe dorëzimin e deklaratës
individuale.
Mbështetur në ligjin nr. 8438, datë 28.12.1998 “Për tatimin mbi të ardhurat “, i ndryshuar,
neni 13, individi është i detyruar të plotësojë dhe dorëzojë deklaratën individuale vjetore të
të ardhurave / formularin D2, për të ardhurat bruto vjetore brënda dhe jashtë Shqipërisë.
Deklaraten individuale vjetore të të ardhurave individi duhet ta plotësojë si më poshtë:
Në faqen e parë të saj shënohen të dhënat identifikuese të tij në rubrikat nga [3] deri në
*22+, te Seksioni A si dhe vendoset shenja “x” në kutizën që e përfaqëson. Individi duhet të
vendosë shenjën “X” në kutizën *3+ Rezident në Republikën e Shqipërisë. Ne rubrikën [5] ai
plotëson numrin fiscal sipas letër njoftimit të tij.
Ai nuk duhet të plotësojë ato rubrika të cilat nuk ka të dhëna shtesë të ndryshme nga të
dhënat kryesore të identifikimit.
23. www.al-tax.org
23
Në faqen e dytë të deklaratës, Seksioni B plotëson:
Në rubriken [3] Të ardhurat bruto nga paga apo shpërblime nga marrëdhëniet e punësimit
do të shënojë shumën 7,000,000 lekë, në rubrikën [8] të ardhura bruto nga interesat
bankare do të shënojë shumën 250,000 lekë. Rubrikat e tjera mbeten të paplotësuara.
Në rubrikën [15] do të mblidhet shuma e rubrikave : rubrika [3] + rubrika [8] = 7,250,000
lekë.
Shumat e rubrikave plotësohen të pashoqëruara me fjalën “lekë”, por vetëm me shifra.
Në bazë të nenit 13/3 të ligjit nr.8438, datë 28.12.1998 “Për tatimin mbi të ardhurat”, i
ndryshuar, ky individ nuk përfiton nga zbritja e shpenzimeve të kryera për vitin 2016 pasi ai
ka realizuar të ardhura mbi shumën 1,050,000 lekë.
Në rubrikën [19] të ardhura të tatueshme vendoset shuma 7,250,000 lekë.
Në rubrikën [21] shënohet shuma e tatimit të llogaritur të rubrikës [20] shumëzuar me
shkallën tatimore 15%.
Për tatimet e paguara gjatë vitit për të ardhurat që ka realizuar të permendura më lart
Roland duhet të plotësojë përkatësisht rubrikat:
Rubrika [22] tatimi mbi pagën dhe shpërblime të tjera nga punësimi në shumën 1,021,200.
Tatimi i paguar për interesin bankar, rubrika [26] plotësohet me shumën = 37,500 lekë.
Ndërsa rubrika [34] plotësohet me shumën 1,058,700 leke.
Meqënësë rubrika [34] që përfaqëson shumën e tatimeve të paguara gjatë vitit është e
barabartë me shumën e cila duhej të paguhej. Pra rubrika [36] është e barabartë me
rubrikën [21], individit nuk i lind detyrim për të paguar tatim të mbetur dhe për rrjedhojë
nuk plotëson rubrikën [35] tatimi i detyrueshëm për t’u paguar pasi kjo rubrikë është e
barabartë me zero.
Individi rezident i huaj, duhet të plotësojë emrin, mbiemrin e tij, datën e dorëzimit të
deklaratës dhe e nënshkruan atë nëse e dorëzon në format letër, dorazi në organin tatimor.
24. www.al-tax.org
24
DIVA 2017, Edicioni 2
Dokumente Fiskale Shqiptare
DEKLARATA INDIVIDUALE E TË ARDHURAVE VJETORE, 2017
Sqarime për mënyrën e deklarimit dhe pagesës së tatimit mbi të ardhurat individuale, 2017
www.al-tax.org
altax@constultant.com
Prill 2017
Tiranë, Shqipëri