1. Elbira Zipitria
ikastetxea
Txillardegi, 14
20108 OBABA
jantokia@zipitria.eus / 666 77 88 99
JANTOKI ZERBITZUA - INFORMAZIOA
Jaun-andreak:
Hezkuntza Sailak jantoki zerbitzua kudeatzeko aplikazio berria ezarri duenez,
aldaketa batzuk egongo dira. Hori dela eta, jantokiari buruzko informazioa
helarazi nahi dizuegu gutun honen bidez.
1. Egunero, asteazkenean izan ezik, bi txanda ditugu zerbitzu honetan:
Egunak Zer ordutan Nor
Astelehen, astearte eta
ostegunetan
12:30 HHkoak eta LHko 1., 2., 3. eta 4. mailakoak
13:30 LHko 5. eta 6. mailakoak eta DBHkoak
Asteazkenetan 12:30
HH eta LHkoak (DBHkoek ez dute
ikastetxean bazkaltzen)
Ostiraletan
12:30 HH eta LHkoak
14:30 DBHkoak
Bi txanda daudenean, eguerdiko tartea bi ordukoa izatea onartzen da.
Asteazkenean, berriz, txanda bakarra dagoenez, 1½ h-koa bakarrik onartzen
da. Beraz, autobusa hartu behar ez duten jantokiko ikasleak 14:00etan
irtengo dira etxera joateko; autobusa hartu behar dutenak, berriz, DBHkoak
irten arte itxaron behar dutenez, 14:30ean irtengo dira. Horrek esan nahi du
begirale batzuek 14:00etan bukatuko dutela lana, eta 14:30ean beste
batzuek; azken horiei ordu erdiz luzatuko diete kontratua.
2. Aplikazioan zuen seme-alaben datuak sartu behar izan ditugu, eta haien
arabera izango dira kobrantzak.
3. Prezio hauek ezarri dituzte:
Ohikoak: astean 4 egun gutxienez gelditzen
direnak (HHn eta LHn) edo 3 egun (DBHn)
Autobusa hartzen duten ohikoak 3,3 €
Autobusa hartzen ez duten
ohikoak
4,6 €
Ezohikoak: gainerako guztiak 5,2 €
2. 4. Kobrantzak guk geuk egingo ditugu, baina Hezkuntza Sailak
ezarritakoaren arabera: horrexetarako behar genuen zuen kontu
korrontearen zenbakia (IBAN eta guzti).
5. Hilero kobratuko zaizue berdin, urte osokoaren batez bestekoa eginda; hau
da, ikasle bakoitzak urte osoan jantokia zenbat egunetan erabiltzen duen
kalkulatu, eta 10 hilez zatituta. Ikasturte amaieran, bajak egon badira edo aste
batean norbaitek huts egiten badu, kontuak egingo dituzte dirua itzultzeko.
6. Irteeretara joateko ohiko bazkariaren ordez piknika eskaintzen denez, etxetik
ekartzen duenari ere berdin kobratuko zaio.
7. Honekin batera doakizuen fitxa bete, eta ekarri iezaguzue lehenbailehen:
berdin dio baja ala alta emateko den edo edozein aldaketa egiteko. Begiraleak
eta sukaldeko langileak kontratatzeko behar ditugu datuak (jantokiko ohiko
erabiltzaileen kopuruak bakarrik hartzen dira kontuan). Informazio hori
ikasturtea amaitu aurretik bidali behar da JANGO enpresara eta Hezkuntza
Sailera.
Mila esker. Jaso ezazue gure agurra.
Izpta.: Bego Jauregi
Jantokiko arduraduna
Obaba, 2015eko ekainaren 9a
3. Elbira Zipitria
ikastetxea
Txillardegi, 14
20108 OBABA
jantokia@zipitria.eus / 666 77 88 99
JANTOKI ZERBITZUA – BETE BEHARREKO FITXA
Zuen semea edo alaba jantokian apuntatu nahi baduzue, edo aldaketarik egin nahi baduzue,
bete ezazue fitxa hau eta ekarri ikastetxera. Gorde ezazue informazioa ikasturte osorako.
Zalantzarik izanez gero, jarri zaitezte gurekin harremanetan, jantokia@zipitria.eus helbidera
idatzita, edo 666778899 telefonora deituta.
IZEN-DEITURAK:_____________________________________________
MAILA:___________
KONTU ZENBAKIA (IBAN eta guzti)
ES
(Gurasoaren edo legezko tutorearen sinadura)
Hil arruntetan (goizeko eta arratsaldeko jardunaldia denean):
Egunero geldituko da.
Egunero geldituko da, asteazkenetan izan ezik.
Astegun jakin batzuetan geldituko da: ______________________ (zehaztu egunak).
Ostiraletan bakarrik geldituko da.
Gurasoen egutegiaren arabera, ikasturte osoan zehar.
Ekainean eta irailean (goizeko jardunaldia denean):
Egunero geldituko da.
Astegun jakin batzuetan geldituko da: __________________________ (zehaztu egunak).
Ez da geldituko.
Dieta berezia:
Musulmana
Bestelakoa: _____________________________________
Piknika:
Ez du piknika hartuko (ikasturte osorako).