AGIPASE 2013KO MEMORIA

1. ASOCIACIÓN GIPUZKOANA DE MADRES Y PADRES
SEPARAD@S
GIPUZKOAKO GURASO BANANDUEN ELKARTEA
AGIPASEAGIPASEAGIPASEAGIPASE
2020202013131313ko Memoriako Memoriako Memoriako Memoria
Elkartea: AGIPASE
Helbideak:
ZARATEGI PASEALEKUA 100, 20015 DONOSTIA
SAN CRISTOBAL 6, 20012 DONOSTIA
Telefonoa: 943 29 24 96
Faxa: 943 28 62 97
Emaila: agipase2@gmail.com
IFZ: G-20523676
Elkarteen Erregistroa: G/4799/97
Lehendakaria: Justo Sáenz

2. 1. AURKEZPENA
2. PROGRAMA GUZTIEN IRIZPIDEAK ETA HELBURUAK
3. PROGRAMAK
1 Programa: KRISIAN DAUDEN FAMILIEI ZUZENDURIKO ARRETA INTEGRALA ETA
DIZIPLINARTEKOA
1- PROGRAMAN PARTE HARTZEN DUEN KOLEKTIBOA
2- AGIPASEREN ZERBITZUAK
2.1.- LEHEN MAILAKO ASISTENTZIA
2.2.- LAGUNTZA PSIKOLOGIKOA
2.3.- FAMILIENTZAKO BITARTEKARITZA ZERBITZUA
2.4.- ZERBITZU JURIDIKOA
2.5.- ERANTZUKIDETASUNERA ORIENTAZIOA
2.6.- AISIA ETA DENBORA LIBRERAKO EKINTZAK
A Taldea: Gurasoak eta seme-alabak
B Taldea: Helduak
2.7.- TEKNOLOGIA BERRIAK
2.8.- PREMIA SOZIALETARAKO ETXEBIZITZAK GIZONENTZAT
2.9.- ELIKAGAI BANKUA
3- BALORAZIO OROKORRAK
2 Programa: FAMILIA BERDINTASUNEAN LANTZEN
1- LURRALDE ESPARRUA
2- PROIEKTUAREN GARAPENAREN DESKRIBAPEN LABURTUA
3- HELBURUEN LORPENA
4- EMAITZEN LORPENA
4. LEGE EKIMENAK ETA PROPOSAMENAK
5. ERAKUNDEEKIN ETA BESTE ENTITATEEKIN HARREMANAK
6. GIZARTEA INFORMATZEA ETA SENTSIBILIZATZEA
7. ONDORIOAK

3. 1. AURKEZPENA
Dokumentu honek 2013an zehar Gipuzkoako Guraso Bananduen Elkarteak,
AGIPASEk, burutu duen lana jaso eta agertu nahi du.
AGIPASEk burutzen dituen ekintzak honela sailkatuta daude:
KRISIAN DAUDEN FAMILIEI ZUZENDURIKO ARRETA INTEGRALA ETA
DIZIPLINARTEKOA
FAMILIA BERDINTASUNEAN LANTZEN: GIZON ETA EMAKUMEEN AUKERA
BERDINTASUNARI BURUZKO SENTSIBILIZAZIO PROGRAMA
SEME-ALABA GAZTETXOAK ETA NERABEAK DITUZTEN FAMILIETAN ESKU-HARTZEA
PROFESIONALEN FORMAKUNTZA
PROPOSAMENEN LANKETA ETA NEGOZIAZIOA ERAKUNDE EZBERDINEKIN
HEDABIDEEKIN HARREMANAK
ERAKUNDEEKIN ETA BESTE INSTITUZIO EDO ELKARTEEKIN HARREMANAK ETA
ELKARLANA

4. 2. PROGRAMA GUZTIEN IRIZPIDEAK ETA HELBURUAK
AGIPASEk burutzen dituen programen helburuek, irizpideek eta ekintzarako
estrategiek ondoko xedeak erdiestea bilatzen dute:
GIZON-EMAKUMEAK BERDINTASUNEAN TRATATZEA
ELKARRIZKETA SUSTATZEA GATAZKEN KONPONBIDERAKO METODO GISA
ADIN TXIKIKOAK BI GURASOEKIN HARREMANAK IZANEZ BIZITZEKO DUEN ESKUBIDEA
BABESTEA, BAITA BERE OSOTASUN FISIKO ETA PSIKOLOGIKOA ERE
GENERO ARTEKO ETA FAMILIA BARNEKO BIOLENTZIA PREBENITZEA ETA MUGATZEA
GENERO ARTEKO EDOTA FAMILIA BARNEKO BIOLENTZIAREN BIKTIMEI LAGUNTZA
SOZIALA EMATEA
ADIN TXIKIKOA OSASUNTSU HAZI DADIN BEHARREZKOAK DIREN BALDINTZAK
SORTZEA
ADIN TXIKIKOEN AURKAKO TRATU TXARREN ARRISKU EGOERETAN PREBENITZEA ETA
ESKU-HARTZEA
BAZTERKETA SOZIALA EKAR DEZAKETEN EGOEREN PREBENTZIOA

5. 3. PROGRAMAK
1 Programa: Krisian dauden Familiei zuzenduriko Arreta Integrala eta Diziplinartekoa
Banaketa/dibortzio egoeretatik etor daitezkeen ondorio traumatikoak bere
osotasunean eta modu integral batean tratatzeko egitura egokiena da hau, Krisian
dauden Familiei zuzenduriko Arreta Integrala eta Diziplinartekoa Programa.
Prebentzio izaera garbia duen programa da eta bi oinarri ditu: gatazka edota
biolentzia egoeretan krisia ikuspegi integral eta diziplinarteko batetik tratatzea eta
profesionalki eta instituzionalki modu koordinatuan lan egitea.
Parametro horiek berberak oinarri hartuta eta beste erakunde eta instituzioekin
koordinazioa azpimarratuta, gehi beharrezko den kasuetan zerbitzu espezializatuetara
bideratuta, biolentzia eta tratu txar egoeretan Programa honek lantzen dituenak dira:
kasuak detektatzea, mugatzea, instituzioetara bideratzea eta esku-hartze soziala.
Aurreko urteetan bezala, tratu txar psikologikoko egoera batzuk ere artatu dira.
Bestetik, adierazi behar da, badagoela gure zerbitzu hauen eskatzaile kopuru
bat, berez erasoak, tratu txarrak edo genero arteko biolentzia sufritzen duten pertsonak
babesteko sortu diren zenbait baliabideri ematen zaizkien erabilera okerren ondorioak
sufritzen ari dena.
Esan nahi duguna zera da, banaketa prozesu batzuetan eskura dauden
baliabide guztiak erabiltzen direla zenbait baliabide edo “onura” lortzeko
helburuarekin, legearen erabilera desegoki bat aurrera eramanez. Edo, besterik gabe,
beste gurasoa presionatu eta hitzarmenaren negoziazioan baldintzen “balantza”
norbere aldera eramateko.
Azkenik, nabarmendu, gurasoetako batek edo biek adin txikikoak manipulatzen
dituzten kasuak detektatu direla. Manipulazio hau areagotzen denean Gurasoaren
Aldeko Lerrokatze Sindromea edo Gurasoaren Interferentzia Larria gertatzen da, eta
egoera hau txikiaren aurkako tratu txar bihurtzen da.
Programaren ekintza metodologia hasten da, langile sozialak, behin egoeraren
entzumen aktiboa eta aurreneko diagnostikoa egin dituenean eta kasua zerbitzu
espezializatuetara deribatzen duenean; orduan, kasua diziplina eta erakunde

6. ezberdinetatik lan-ildo koordinatu batzuekin edota baliabide sozialekin lantzen hasiko
dira, eta ikuspegi globalizatu honetatik krisia gainditzeko bidean jartzen da.
Funtsezkoak dira, era berean, ebaluazio koordinatu bat eta guztiaren jarraipen
lan bat kasuaren etapa guztietan, ezarritako helburuak zenbateraino lortu diren
zehazteko.
Esku-hartzea amaitzen denean telefono bidezko elkarrizketa bat egiten da
erabiltzaile guztiekin jaso dituzten zerbitzuen kalitatea ebaluatzeko.
Gatazka maila prebenitzeko eta murrizteko lanketa honen oinarrizko
ardatzetako bat da Programa hau kontestualizatzen eta barneratzen dela irabazi
nahirik gabeko eta sektorean sartutako Elkarte baten barnean. Eta Elkarte honek
ahalbidetzen duela familietako krisi egoerak elkarrizketaren eta bitartekaritzaren bidetik
konpontzea.
Programa osatzen duten zerbitzuak dira:
1. Lehen Mailako Asistentzia.
2. Laguntza Psikologikoa.
3. Familientzako Bitartekaritza Zerbitzua.
4. Zerbitzu Juridikoa.
5. Erantzukidetasunera Orientazioa.
6. Guraso/seme-alaba esku-hartzea.
7. Harrera Taldea / Aisia eta Denbora Librerako Ekintzak.
8. Premia Sozialetarako Etxebizitzak Gizonentzat.

7. 1. PROGRAMAN PARTE HARTZEN DUEN KOLEKTIBOA
Elkarteak har dezakeen kolektiboa, banaketa/dibortzio baten aurretik, bitartean
edo ondoren familia krisi batean dagoelako gerturatzen den norbait edota zerbitzuren
bat behar duen edozein gizabanako da.
Programara egiten diren bideratzeak oinarrizko gizarte zerbitzuetatik, beste
elkarteetatik, erakundeetatik (Epaitegietatik, Haur-Psikiatriatik, biktimei eskaintzen zaien
laguntzatik, Osakidetzatik, Ertzaintzatik, Udaltzaingotik, Martuteneko kartzelatik…),
norbanakoen eskaeretatik, eta abarretatik, Gipuzkoa osotik, Bidasoaren nafar eremutik
eta mugako herrietatik etorri ohi dira.
Edonork du zerbitzuak jasotzeko aukera baldintza hauetan:
• Ekonomikoak
- Langile sozialarekin egiten den lehenengo kontsulta doan da.
- Zerbitzu guztiak doan jasotzeko bazkide egin beharra dago, horretarako 50€ko
matrikula eta 50€ko urteko kuota bazkide berriek eta 30€koa bi urte baino gehiagoko
antzinatasuna dutenek ordaintzen dira.
- Bazkide egin nahi ez dutenek 30€ ordaintzen dute zerbitzu juridikoa. Bazkide eginda,
Agipaseren zerbitzuak doan izaten dituzte: informazio juridikoa, famili bitartekaritza,
erantzukidetasunera orientazioa, laguntza psikologikoa jasotzeko saio bat, auto-
laguntza taldeak, harrerarako/aisia eta denbora libreko taldeak, guraso/seme-alaba
taldeak.
- Lanik gabe daudenek, larritasun ekonomikoak dituztela erakutsi dezaketenek edota
gizarte zerbitzuetatik edo antzekoetatik datozenek zerbitzu guztiak doan izango dituzte.
• Bateraezintasunak
Elkartera bikote bateko bi aldeak etortzen direnez, bai batera eta bai bakoitza
bere aldetik, zerbitzuetara jotzeko ondoko arauak ezarri dira:
o Bikote izan diren pertsonak hartzen dituzten profesionalak pertsona fisiko
ezberdinak izango dira.
o Irizpide hau bera jarraituko da aita/ama eta seme-alaben taldeetan.
Desadostasun kasuetan, lehentasuna izango du programara lehenengoz
sarrera izan duen hark.

8. 2013an zehar 463 kasu berri hartu dira, azpiko koadroan islatzen den moduan.
Gainera, aurreko urteetako 126 kasurekin jarraitu da, lehen mailako asistentzia modura
2711 telefono dei erantzun dira eta 65 mezu elektroniko.

9. Modu honetara, elkarteko zerbitzu ezberdinetan 2050 pertsona artatu ditugu
osotara.
2. AGIPASEREN ZERBITZUAK
2.1. LEHEN MAILAKO ASISTENTZIA
DEFINIZIOA ETA FUNTZIOAK
Langile sozial batek du zerbitzu honen arreta ardura eta erabiltzaileek
Elkartearekin izaten duten lehen harremana bertan gauzatzen da.
ESKATUTAKO ZERBITZUAK EMAKUMEAK GIZONAK UMEAK BIIKOTEAK
PERTSONA
KOPURU TOTALA
Lehen Mailako Asistentzia 209 218 - 39 463
Laguntza Psikologikoa 25 108 - 12 262
Familientzako
Bitartekaritza Zerbitzua
- - - 59 118
Zerbitzu Juridikoa 192 183 - - 375
Erantzunkidetasunera
Orientazioa
166 146 82 32 426
Aisia eta Denbora
Librerako Taldeak
125 142 85 - 352
GUZTIZKOA 2050

10. Zuzeneko arretaz gain AGIPASEren funtzionamendu egokirako funtsezko diren
beste era bateko jarduerak ere zerbitzu honetan gauzatzen dira.
2013an zehar zerbitzu honetan izandako jardueren emaitzak asegarriak izan
dira. 463 erabiltzaile berriri eman zaie arreta, baita aurretik Elkartearekin harremana
izandako bazkide eta jendeari ere berriro laguntza eskatu beharra izan dutelako. Kasu
hauek 126ra igo dira. Osotara, 589 pertsonari eman zaie arreta.
Orain arte aipaturiko kasuez eta fitxa sozialetan jasotakoez gain, telefonoz beste
hainbat dei erantzun dira, bai kasu partikularrei buruzkoak eta bai orokorrean AGIPASEri
berari buruzkoak: zer den, zer zerbitzu eskaintzen dituen. Eta mezu elektroniko bidez ere
beste 65 kontsulta erantzun dira. Beraz, telefonoz eta emailez erantzundako kontsulta
kopurua 2711 izan da. Kasu hauetako asko beste zerbitzuetara igortzen direnak dira
eta, ondorioz, fitxa bat irekitzen zaie.
Kontsulta puntualak, telefono bidezkoak, beste zerbitzuetara igortzen ez direnak
edo errenta aitorpenaren, gizarte baliabideen, etxebizitzaren inguruan aholkua
jasotzen dutenak edo aurretik gure zerbitzuetatik igaro direnak ez dira zenbatzen
kopuru hauetan. Fitxa berria irekitzen zaien kasu haiek bakarrik zenbatzen dira.
Lehen mailako asistentzia honetan eskura dituen baliabideei buruzko
informazioa ematen zaio erabiltzaileari, kalitatezko harrera profesional bat eskaintzen
saiatzen gara erabiltzaileek bere egoera pertsonala zein den konta dezaten eta
Elkartearengan jarri dituzten espektatibak zeintzuk diren jakin dezagun.

11. Hainbat elkarrizketen ondoren egoeraren diagnostiko bat egiten da eta
erabiltzaileari lanerako estrategia bat proposatzen zaio eta ados egonez gero bere
kasua egokien diren profesionalei igortzen zaie, modu koordinatuan esku har dezaten.
Gertatu daiteke, kasuak hala eskatzen duelako, kanpoko profesionalekin
koordinatu beharrean egotea (ikastetxeak, terapeutak, osasun mentala, oinarrizko
gizarte zerbitzuak, epaitegiak, kartzelak, eta abar).
Nolanahi ere, esku-hartzeak kasu guztiek merezi duten beharrezko isiltasunpean
egiten dira eta esku artean erabiltzen diren datuak konfidentzialak direla kontuan
hartuta.
Era berean, langile soziala saiatzen da giro egokia sortzen erabiltzaileak bere
egoera pertsonala lasaitasunean agertzeko aukera izan dezan, epaitua edo gaitzetsia
sentitzeko inolako beldurrik gabe.
Funtsezkoa da erabiltzailearen eskaera zehatza igartzea, izan ere, esplizituki
eskatzen duenaren atzean beti egon ohi da eskaera inplizitu bat. Maiz elkarrizketa bat
baino gehiago behar izaten dira, edo beste kideari entzutea edo bestearen bertsioa
jakitea, esaterako, familia mailako esku-hartze edo diagnostiko bat egiteaz ari
garenean.
LANTALDEA
Zerbitzu honetan Oihana Arruti aritu da, lan sozialean eta psikologian aditua
dena, astelehenetik ostiralera goiz eta arratsaldez, bai Txara 1ean eta baita Egia 6ko
egoitzan ere, biak Donostian.
HELBURUAK
Orokorrak: Familia krisiak prebenitzea, eustea eta bideratzea.
Zehatzak:
Harrera egin, informazioa eman eta aholkatzea.
Aktiboki entzutea eta babes emozionala ematea.
Kasuaren lehenengo diagnostikoa egitea eta berau igortzea.
Elkarrizketa eta familia bitartekaritza bultzatzea.
Erantzukidetasuna praktikan jartzea sustatzea.

12. JARDUERAK
Norbanakoaren fitxa irekitzea eta jarraipena egitea. Berauek
artxibatzea.
AGIPASEko beste zerbitzuekin koordinatzea (aholkularitza juridikoa,
familia bitartekaritza, zerbitzu psikologikoa, auto-laguntza taldea, eta
abar).
Zerbitzu ezberdinek hartutako kasuen jarraipena egitea.
AGIPASEko profesionalak koordinatzea Lurralde Historikoetako bilerak
prestatzeko helburuarekin (KIDETZAko profesionalak).
Bai AGIPASEren barnean eta bai kanpoan beste erakunde batzuetako
profesionalei kasuak igortzea, jarraitzea eta koordinatzea (oinarrizko
gizarte zerbitzuak; epaitegiak; Martuteneko kartzela; beste elkarte
batzuk, hala nola, Agipad, Emaus, Sos Racismo, Proyecto Hombre…).
Kanpo harremanak (udalak; Eusko Jaurlaritza; epaitegiak; doako justizia
zerbitzua; biktimei arreta; bestelako erakunde, elkarte eta profesionalak,
esaterako, abokatuak, psikiatrak, eta abar…).
Langile profesional eta boluntarioei zuzenduriko formazio ikastaroen
garapena koordinatzea.
Erakunde ezberdinetara, Aldundira, udaletara, eta abarretara
bidaltzeko eskaeren eta dokumentuen idazketa koordinatzea.
Zerbitzuan ikusten diren beharrei eta arazoei erantzunez proiektu eta
programa ezberdinetan eta urteko ekintza planaren osaketan laguntzea
eta urteko ekintzen memoria koordinatzea.
BALORAZIOA
Lehen Mailako Asistentzian nabarmendu beharrekoa zera da, modu
ezberdinetako gatazka gogorretan buka daitezkeen egoerak,
bazterketan edo esku-hartze profesionalaren beharrean, garaiz
detektatzen, eusten, prebenitzen edota tratatzen egiten duen lana.
Erabiltzaileek elkartearekin izaten duten aurreneko harremana zerbitzu
honen bitartez izan ohi da eta honen ardura da pertsona horiek gure

13. baliabideak erabiltzen jarraitzea edo ulertzea egokienak direla bizitzen
ari den une pertsonalean.
Lehen mailako asistentziak urte honetan bere horretan mantendu direla
esan behar da; baita bazkide kopurua ere; emaitzak oso baikorrak dira.
Gizarte zerbitzuetatik eta ikastetxeetatik kasuak igortzen dizkigute, izan
ere, gurasoen arteko gatazkek adin txikikoen garapenean eragiten
dute. Horrelakoetan, ama-aita/seme-alaba bitartekaritzak egin dira
gurasoen eta seme-alaben arteko harremanak normalizatze aldera.
Azpimarratu beharra dago krisi ekonomikoak larriki eragiten diela
dibortziatzen direnei, bai gatazka-mailaren igoera ekarri duelako bai
bere ondorio sozioekonomikoak direla eta. Etxebizitza beharra, hipoteka
edota mantenu-pentsioa ordaintzeko ezintasuna urte osoko konstanteak
izan dira.
2013an nabarmendu dena zaintza partekatuen eskaera izan da, baita
erantzukidetasunera zuzenduriko zerbitzuetarako eskaerak. Horrek
agerian uzten du seme-alabak dibortzioaren gatazkatik aldentzeko
gurasoek erakusten duten interesa.
2.2. LAGUNTZA PSIKOLOGIKOA
DEFINIZIOA ETA FUNTZIOAK
Familia kontzeptuaren nondik norakoek, ama-aita/seme-alaba harremanek,
bikote ohien arteko harremanek, aldaketa une bat biziarazten dute; familia mota
berriak ere badira. Egoera berrira egin arte familia krisian bizi da.
Bestalde, banaketa/dibortzio prozesuak, eta prozesu horretan bikote ohiarekin
harremantzeko modu berrira egokitu beharrak, profesionalen laguntza eskatzen duten
egoerak izaten dira, bai prebentzio modura eta bai dibortzio egoera emozionalki
gainditzeko.
Horixe da laguntza psikologiko zerbitzuaren xedea.
Familia bitartekaritza taldetik igorritako kasuak ezik zerbitzu hau erabili dutenak
lehen mailako asistentziatik bidaltzen dituzte.

14. Era berean, zerbitzu honetako hainbat kidek auto-laguntza taldean parte hartu
dute.
Funtzio zehatzak hauek dira:
Aholkatzea eta informatzea.
Bikote terapia.
Banakako terapia edo familia terapia (haurrak eta helduak).
Txosten edota diagnostiko psikologikoak egitea.
Jarraipena.
Laguntza psikologikoko saioak egiten dira:
- Txara 1eko geletan (Donostian).
- AGIPASEko “San Kristobal” egoitzan (Donostian).
Laguntza psikologiko zerbitzua astelehenetik ostiralera eskaintzen da.
Goizeko 9etatik 13etara eta arratsaldeko 16etatik 20etara.
PROFESIONALAK
Julia Rodriguez Barcena. AGIPASEk kontrataturiko psikologoa.
Sara Gonzalez Muro. Psikologo Bitartekaria. Sustatutako psikologoa.
Pilar Legarra. Psikologo Bitartekaria. Sustatutako psikologoa.
TRATATU DIREN KASUAK
Laguntza psikologiko zerbitzua, familia krisiak zorionez gainditzeko eta familia
berriak berreraikitzeko eskatua izan da eta beharrezkoa gertatu da. Esku-hartze
psikologikoa bide ezberdinetatik gidatu daiteke familia krisi batean:
BANAKAKO TERAPIA: familia krisiari aurre egiteko eta banaketa
gainditzeko beharrezkoa den dolua burutzeko zailtasun emozionalak
dituen pertsonarekin egiten den esku-hartze psikologikoa da.
FAMILIA TERAPIA: euren arteko harremanak berregokitzeko
helburuarekin, famili sistema osatzen duten kide guztiekin lan jardunean
egiten den terapia.

15. BIKOTE TERAPIA: bikotearen artean minduta dagoen eremuan jarduteko
eta bien arteko oreka emozionala berreraikitzeko bikotearekin egiten
den esku-hartzea da.
2013an 145 pertsona tratatu dira laguntza psikologiko programan.
BANAKAKO TERAPIA: 133 pertsona (108 gizonezko eta 25 emakumezko).
BIKOTE TERAPIA: 12 bikote (24 pertsona).
HELBURUAK
Banaketaren ondorio ezkorrak prebenitzea.
Gatazkan dauden kide guztien oreka emozionala berregokitzen
laguntzea.
Egoera berriari aurre egiten laguntzea egokitzapenaren beharrezko
pauso baten moduan; eta seme-alabak dauden kasuetan familia modu
berri batean berreraikitzen saiatzea, bikotea bananduta egon arren
familia estatusa mantenduz.
Norbanakoak eta gizartea, oro har, kontzientziatzea laguntza profesional
egokiarekin ondo eramaniko banaketa baten onurez.
BALORAZIOA

16. Laguntza psikologikoa eskatzea beharrezko den baliabidea da
banaketaren/dibortzioaren ondorioak gainditzeko (dolua banakako terapia batean
landuz) edo bikotearen gatazkak erradikaltzea ekiditeko (bikote terapian lan eginez).
Egoera horietan dauden gizabanakoetan ikusten diren ondorio nagusienak dira
depresioa, tristura, hutsune sentipena, galera, gogorik eza, apatia, suizidio saiakerak,
gorabeherak loarekin, elikadurarekin, bakardadea, nahasmena, ezintasuna, errua, eta
abar. Guzti honi laguntza profesionalarekin aurre egitea funtsezkoa da.
Agertu ohi diren min sentipenak egoki bideratzen ez badira, kasu batzuetan,
banaketaren ondorioz joko patologikoa, alkoholismoa, drogen kontsumoa eta era
ezberdinetako menpekotasunak izaten dira.
Gatazkaren alde bakoitzean oreka emozionala birkokatzen laguntzeko arreta
psikologikoa beharrezkoa izango da. Famili krisi baten ondoren pertsona batzuk ez dira
gai izaten bere kabuz alderdi emozionala era osasuntsuan bideratzeko; beraz,
psikologoaren laguntza oinarrizkoa izango da banaketaren ondoren norbanakoak
arrastaka daramatzan gatazkak sendatu ahal izateko.
Banaketaren ondorio ezkorrak prebenitzen saiatuko gara bai pazientearengan
eta bai bere inguruko pertsonengan (seme-alabak, bikote ohia, famili kideak,
lagunak…). Ama eta aita ugarik eskatzen digute elkarrekin irtenbideak bilatzea haurrak
ahal den gutxien kaltetu daitezen eta guraso bakoitzarekin berdin jarrai dezaten,
bikotearen hausturatik haratago. Bikote izan ez arren, guraso izaten jarraitu behar dute
eta egoera berri horretan ohitzen lan egingo dugu.
Azken finean, banaketaren ondoko egoera berria egoera ezberdin baten
moduan asimilatzen ikastea da kontua; ez hobea eta ez okerragoa, ezberdina. Eta
guraso paperak hor jarraitu behar du.
2013an zehar erabiltzaile gutxiago izan dira aurreko urtearekin erkatuta; uste
dugu, neurri batean, krisi ekonomikoaren eragina dela eta erabiltzaileek terapia
ordaintzeko dituzten zailtasunena (lehenengo saioa doakoa da baina bigarrenetik
aurrera 25€ ordaindu behar dira).
2.3. FAMILIENTZAKO BITARTEKARITZA ZERBITZUA

17. DEFINIZIOA ETA FUNTZIOAK
Bizikidetza sozialean maiz sortu ohi dira pertsonen arteko arazoak edo egoera
beraren inguruko ikuspegi ezberdinak eta konponbide adostu batera iristeko aldeek
duten ezintasun manifestua dela bide gaiztotu egiten dira arazo horiek, tentsio uneak
sortzen dira, are biolentziazkoak ere eta aurreikusi ezin daitezkeen ondorioekin topo
egin dezakegu.
Horregatik da garrantzitsua famili bitartekaritzaren bidez elkarrizketa sustatzea
gatazken erresoluziorako.
2013ak aurrera egin ahala banaketa/dibortzio akordioetako baldintzak
aldatzeko nahia sumatu dugu erabiltzaileengan, bai ekonomi krisia dela eta bai zaintza
ez daukan gurasoak adin txikikoekin egoten den denbora luzatzeko helburuarekin; era
berean, seme-alaben zaintza aldaketa ere eskatu da, guraso bakarrarentzat
erregulatutako zaintzatik (kasuen %90ean emakumea izan ohi da zaintza duen
gurasoa) bi gurasoen arteko zaintza partekatura (zehazki, bisita erregimena zabalduta
edo aldatuta).
Hain zuzen, aurten ikusi dugu nola ekonomi krisiak bikoteei eta familiei eragin
dien. Aldeen arteko adostasunek denbora gehiago behar izan dute, etxebizitza
likidatzeko zailtasunengatik, banketxeek ez dutelako hipotekarako mailegurik eskaini,
horretarako jarri dituzten baldintzengatik eta baita lanpostuen egonkortasuna kolokan
egoteagatik eta langabeziagatik ere.
Bestalde, dibortziatzen direnen gaztetasunagatik eta emakumea lan munduan
sartuta egoteagatik, gero eta handiagoak dira lana eta familia uztartzeko eskaerak
eta beharrak eta, ondorioz, baita dibortzioaren ostean lana eta seme-alaben zaintza
elkartzeko ere. Honek dakarrena zera da, zaintza ez duen gurasoak seme-alabekin
igarotzen duen denbora zabal dadin neurri erregulatzaileak aldatzeko eskaerak
igotzea; zaintza eredua aldatu eta zaintza partekatuaren alde eginez ere izan dira
eskaerak.
Edozein kasutan ere, metodologiarik egokiena, kostu gutxien duena bai ikuspegi
psikologikotik eta bai ekonomikotik, eta akordioak beteko direla gehien bermatzen
duena famili bitartekaritza da eta halaxe eskura jarri diegu eskatzaileei.

18. Bitartekaritza beste zerbitzu batzuekin txertatzen eta koordinatzen da eta hauek
ditu helburuak:
Aldeek famili krisiaren erresoluzioan aktiboki parte hartzea elkarrizketaren
bidetik eta ondoren beteko dituzten akordioetara iristeko gai izatea.
Aldeei gune neutral bat eskaintzea, Famili Bitartekaritzan tituludun eta
famili alorrean esperientziadun profesionalek lagunduta, akordio kanpo
judizialetara iristea errazteko, ondorenean epaileak baieztatuko
dituenak.
Aldeei bere guraso erantzukizunetan (guraso ahalgoan) aktiboki parte
hartzen laguntzea, elkarrekiko eta adin txikikoekiko errespetuz.
Guraso eta seme-alaben arteko harremana erraztea eta berreraikitzea.
Akordioak indarrean jartzen edo aldatzen laguntzea.
PROFESIONALAK
Isabel Gil Marrodan. Abokatua. Famili Bitartekaria.
Sara Gonzalez Muro. Psikologoa eta Famili Bitartekaria.
Arantza Laburu. Abokatua eta Famili Bitartekaria.
Arantxa Bergara. Hezitzailea eta Famili Bitartekaria.
Pilar Legarra. Psikologoa eta Famili Bitartekaria.
Bitartekaritza zerbitzua elkarrizketarekin eta saio informatibo batekin hasten da,
abokatuak eta psikologoak bikoteari baldintzen berri ematen die, kontratua sinatzen
da, eta abar. Elkarrizketa egiten da bitartekaritza prozesua azaltzeko, beraientzat eta
seme-alabentzat dituen onurak agertzeko eta prozesu horretan lana egiteko modua
erakusteko. Horren ondoren, eta bikoteak bitartekaritza prozesuarekin jarraitzea
erabakitzen badu, beren helburuak lortzeko bidean akordioak hartzen laguntzeko bi
bitartekariren gidaritza izango dute.
Aldi berean, erantzukidetasunera orientatzeko zerbitzua ariko da lanean,
gurasoen gaitasunak sustatzeko eta adin txikikoen zaintzan eta heziketan akordioetara

19. iristea errazteko helburuarekin. Bitartekaritza prozesua amaitu ostean ere Langile Sozial
batek prozesu horren jarraipena egingo du.
Talde honek zerbitzu psikologikoarekin, juridikoarekin eta erantzukidetasunera
orientatzekoarekin koordinatuta lan egiten du.
ORDUTEGIA ETA LEKUA
FAMILI BITARTEKARITZA
Astelehena, 9:00-18:00 (aurrez txanda eskatuta).
Osteguna eta ostirala, 13:00-19:00 (aurrez txanda eskatuta).
Bitartekaritza, Donostiako San Kristobal 6ko Agipaseren egoitzan egin ohi da.
Guztira 59 bitartekaritza egin dira eta 118 pertsona hartu dira.
49 bitartekaritza egoki amaitu dira.
5 aldeetako batek edo biek geldiarazi dituzte.
4 epaitegira bideratu dira.
1 beste aukera bat eman diote elkarri.

20. BALORAZIOA
Erabakiak bi aldeen artean hartzen direnez, irabazle eta galtzaile
ikuspegiaren gainetik, akordioak guztiz eta bere osotasunean betetzen
dira; aipatzeko ezer ez legoke zentzu honetan.
Prozesu honek bi gurasoen erantzukidetasuna sustatzen du seme-
alabekiko hezkuntzan eta erlazioetan, adin txikikoekin bien harremanak
erraztuz, berdintasunaren ildotik. Haurren bizitzen erantzuleak biak direla
eta haurrei buruzko erabakiak eurek hartu behar dituztela barneratzeko
modua da.
Funtsezko zerbitzua dela ikusi da zaintza partekatua adostu ahal izateko
edo guraso ahalgoan erregulatutakoa aurrera eramateko.
Kasuen jarraipena egiten denez eta akordioen interpretazioa edo
aldaketak ahalbidetzen dituen berrikusketa mekanismoak daudenez
bitartekaritzan aritu diren bikoteen arteko gatazkarik ez da izaten
apenas.
Kostu psikologiko urriagoa ekartzen duen prozedura izanik, guztiek,
bereziki adin txikikoek, banaketaren gatazka azkarrago eta errazago
gainditu dezaten laguntzen du.
Prozeduraren kostu ekonomikoa ere baxuagoa da eta betekizun
ekonomikoak ere jasateko eta betetzeko errazagoak dira.
Oinarrizkoa da programa hau beste zerbitzu batzuekin lotuta egotea,
esaterako, krisian dauden familiei zuzendutako arreta integrala eta
diziplinartekoa programarekin; edota Familiarekin Egoteko Guneetan
parte hartzea, kasua normaltasunera iristen denean adin txikikoak bi
aldeekin harreman mota berri baten aukera izan dezan.
2.4. ZERBITZU JURIDIKOA
DEFINIZIOA ETA FUNTZIOAK

21. Lan sistema ez da aldatu, egoki funtzionatzen duelako. Horrela, Elkartera jotzen
duten haiek, eta Lehen Mailako Asistentziatik pasa ondoren izaera juridikoa duten
galderak, zalantzak edo arazoak dituzten eskatzaileak, gure zerbitzu juridikora igortzen
dira, eta horretarako baldintza bakarra aurretiaz txanda eskatzea da.
Orain dela 18 urte Zerbitzu Juridikoa sortu zenetik izan den moduan, AGIPASEra
etortzen den ororentzat dabilen zerbitzua da. Kontsultak doan izaten dira
bazkideentzat, baliabide mugatuak dituztenentzat edo gizarte zerbitzuetatik igortzen
direnentzat, AGIPASEko araudiak hala ezartzen baitu.
Elkarrizketak, ordu erdiko iraupenekoak, elkartearen egoitzan izaten dira:
Donostiako San Kristobal kaleko 6 zenbakian.
2013an zehar, astean 15 bat kontsulta egin izan dira, astelehen, astearte,
ostegun eta ostiraletan, urtean guztira 375 kontsulta izan direlarik. Nolanahi ere,
zerbitzuaren beharrek hala eskatuta, puntualki, beste egun batzuetan ere egin daitezke
elkarrizketak.
Arretarako ohiko ordutegia hau da, astelehenetan 12:00etatik 15:00etara;
astearte, ostegun eta ostiraletan 16:00etatik 19:00etara; eta ostiraletan 10:00etatik
12:00etara. Batzuetan, bazkideak abokatuen bulego pribatuetan hartu dira elkartearen
ordutegitik kanpo, edo telefonoz erabiltzaileak premiazko eskaera batekin deitu
duelako.
Funtzioak:
Legearen inguruan orientatzea eta aholkatzea.
Doako justizia tramitatzen laguntzea.
Demandak tramitatzea (banaketak, dibortzioak, hitzarmen
erregulatzaileko neurri aldaketak…).
Hitzarmen erregulatzaileak idaztea.
Irabazpidezkoak likidatzea.
Aldeen arteko akordioak ahalbidetzeko beste zerbitzu juridiko batzuekin
harremantzea.
Salaketak kudeatzea.
Bestelakoak.

22. Helburuak:
Ezkontza desegite prozesuetan planteatu daitezkeen gai legalei eta
horren ondorioz etor daitezkeen aldeko arazo guztiei erantzunak eta
konponbideak eskaintzea.
Gatazkak konpontzeko elkarrizketaren metodoan orientatzea eta
aholkatzea eta irtenbide adostuetara eta kontsentsuatutakoetara iristen
saiatzea, beti auzibideetara joatea ekidinez.
Behatu diren arazoak:
Gaika, honoko kontsultak nabarmentzen dira:
Zaintza partekatua lortzeko kontzeptua, edukia eta bidea.
Hitzarmena aldatzeko aukerak, zaintza partekatua eskatze aldera.
Zaintza ez duen gurasoaren aldetik guraso ahalgoa izateko kontzeptua,
edukia eta aukerak.
Anai-arreben eskubideak beraien artean harremantzeko eta bisitetan
egoteko, eta aitona-amonen bisita eskubideak aurrera eramateko
aukerak.
Ezarritako bisita eskubideak ez betetzea.
Seme-alaben manipulazioa, gurasoetako baten harremanen boikota.
Pentsioak, bai osabidezkoa eta bai mantenukoa.
Langabezia dela eta pentsioen errebisioa.
Pentsioak ez ordaintzea eta pentsioen birbaliotzea, pentsioak espezietan
ordaintzea. Oporraldietan ere seme-alaben gastuetan parte hartzeko
betekizuna.
Aurretiaz ezarritako mantenu pentsioetan sor daitezkeen betekizunak
haur berriak jaiotzen direnean.
Ondasunen likidazioa. Irabazpidezkoen balorazioak.
Dibortzioaren ondoren etxebizitza duin baterako sarbidea.
Gizarte laguntzetarako eta doako justiziarako sarbideak.

23. Bestelako gaiak.
ESPARRU PENALA
Familiaren inguruko gaiek alor penalarekin duten lotura dela eta salaketa baten
aurrean edota generozko indarkeriaren legea aplikatu ondoren irekita dagoen
prozedura penal batean dauden pertsonak etortzen dira zerbitzura.
Informazioa eskatu dute, emakumeek batez ere, gai hauen inguruan: legeak
eskaintzen dituen mekanismo eta aukerak delituzko ekintzen aurrean erantzuteko; hala
nola, mehatxuak, famili uzteak pentsioa ez ordaintzeagatik, desobedientziak, erasoak,
urruntze aginduak, urruntze aginduen hausteak, agindu hausteengatik salaketak, eta
abar.
Nabarmendu nahi dugu zerbitzu juridikora gero eta gizonezko gehiagok jotzen
dutela laguntza eske bere bikoteek generozko indarkeriaren eremuan salatuta;
salaketa horiek gezurrezkoak direla esaten dute eta horien helburua
banaketan/dibortzioan etekinak lortzea eta bikotea etxebizitzatik ahalik eta azkarren
irtenaraztea izaten dira.
ESPARRU FISKALA
2013an zehar eduki fiskala izan duten hainbat kontsulta egin dizkigute. Horietako
batzuk familiarekin lotutako prozedura ezberdinen ondorioz etor daitezkeen zerga-
eraginei buruzkoak izan dira.
Guztien izendatzaile komuna da, ahalik eta zehatzen ezagutzea bereziki
banatutako gizabanakoei eragiten dien zerga-araubidea.
Egoera bidegabezko berri bat ari da indar hartzen: irabazpidezko ondasunak
likidatzean etxebizitza ohiaren salmentan lortutako dirua zergapetzen zaio zaintza ez
duen gurasoari nahiz eta honek ohiko etxebizitzan inbertitu dirua eta zaintza duen
gurasoak ez egin horrelako inbertsiorik.
Eskatzaileak
2013an zehar batez ere gizonezkoek kontsultatu dituzte gai fiskalak.

24. Oro har, Justiziarekiko ikuspegi ezkor bat gailentzen da. Hau nabarmenago
gelditzen da gizonezkoen kasuan, izan ere, kasu gehienetan, banaketaren ondorioz
beren seme-alabekiko harremanetan berehalakotasuna eta jarraitutasuna, etxebizitza
eta ordura arteko estatusa galtzen dituzte.
Zaintza partekatuarekiko interesa eta kezka handiagoak dira; baina kontzeptu
hau edukiz eta praktikarako aplikazioz janztean akats garrantzitsuak eta
desadostasunak ikus daitezke.
Haurren zaintzaren inguruan, gero eta guraso gehiagok eskatzen dute
informazioa zaintza partekatuari buruz eta berau lortzearen aukerei buruz. Honekin
batera, zaintza ez duten gurasoek gero eta eskaera gehiago egiten dituzte seme-
alabekin bisitak eta elkarrizketak ugaritzeko.
PROFESIONALAK
Ana Rodrigo de Tomas. Famili abokatua. Famili bitartekari tituluduna.
Cristobalina Gomez Barbosa. Famili abokatua. Famili bitartekaria.
Isabel Gil. Famili abokatua eta famili bitartekaria.
Eva Cabarcos Gravalos. Famili abokatua. Famili bitartekaria.
Arantza Laburu. Abokatua eta famili bitartekaria.

25. BALORAZIOA
Zerbitzura jotzen duten pertsona gehienek seme-alabekin denbora gehiago
pasatzeko kezka izaten dute eta esan dezakegu judizialki ezartzen den gutxienekoa
onartzen den kasuetan lan arrazoiek bestetarako aukerarik uzten ez dutelako onartzen
dela.
Bukatzeko, zera errepikatu nahi dugu, gure zerbitzura etortzen diren asko eta
asko famili gaiekiko aurreiritzi ugarirekin etortzen direla.
Gure atentzioa deitzen du nola adin txikikoak tartean dauden prozeduretan
Ministerio Fiskalak esku-hartzen darraiela; nola oraindik pentsatzen den bai elikagai
mantenua eta bai bisita erregimena Legeak ezartzen dituela; nola uste den dibortzio
baten aurrean hau ez dela gertatzen aldeetako batek hala ez badu nahi; eta abar.
Gure eguneroko lanean behin eta berriz azpimarratzen eta gogorarazten dugu
kasu bakoitza, norbanako bakoitza, familia bakoitza eta, ondorioz, prozedura bakoitza
ezberdina dela. Horregatik, beti izango ditu berezitasunak gainerako guztietatik
bereiziko dituenak; beraz, ez dira beste prozeduretako ondorioak norberaren
prozedurara ekarri behar, jendeak askotan egiten duen arren.
2.5. ERANTZUKIDETASUNERA ORIENTAZIOA
DEFINIZIOA ETA FUNTZIOAK
Gaur egungo gizartea aldatzen ari da eta familia, heziketa eta gurasoen eta
seme-alaben arteko harreman kontzeptuak aldaketa horietara egokitu beharko
lirateke.
Bikotearen banaketa aldaketa gogorra da seme-alaben bizitzan eta
tratamendu zehatzik gabe arazo psikologiko sakonak edo puntualak eragin ditzake;
horiek prebenitzea da gure lana edo, bestela, gainditzen laguntzea.

26. Famili egoera berria bi aldeek landu eta onartu beharrekoa da, hala behar
izanez gero, profesional baten laguntzarekin. Haurrentzat amaitu egiten da ezagutu
izan duten famili mundua eta orain beren bizitza aitarekin eta amarekin eta
bakoitzaren sendiarekin banatu beharrean aurkitzen dira.
Gurasoek ikasi beharrekoa da banaketaren ondoren seme-alabek bai
batarekin eta bai bestearekin egotea behar dutela; zentzu honetan funtsezkoa da
haurrentzat sentitzea guraso bakoitzak bestea errespetatzen duela bere aita/ama
moduan eta ez diotela eskatzen bataren eta bestearen artean aukeratzeko, aitzitik,
biak maitatzen uzten diotela Leialtasun Gatazka bat ekidinez.
Helburu hau lortzeko gurasoen artean genero berdintasun kontzeptua eta
bestearen erabakiekiko errespetua sustatu behar dira eta, era berean, seme-alaben
zaintzan eta heziketan sortzen diren gatazkak elkarrizketa bidez konpontzeko
gaitasunak eta teknikak eman behar zaizkie, erantzukidetasunerako heziketaren xedea
jarraituz.
Nola asimilatu familia modu berri hau guztientzat betegarri gerta dadin, hori da
gure lanaren xedea, portaera jarraipenak ematen ditugularik eta alde bakoitzaren
guraso gaitasunak indartzen ditugularik. Gatazkak ez badira konpontzen denborarekin
haurrarengan agertuko dira (nerabezarora iristen denean konpondu gabeko gatazkak
okertu egin ohi dira).
Tarteka, bi aldeek edo bietako batek, arma jaurtigarritzat erabiltzen dituzte
haurrak eta, areago, haurra manipulatzen dute bere bizitzatik beste gurasoa
kentzeraino; horri GLS deitzen zaio (Gurasoaren Lerrokatze Sindromea edo Gurasoaren
Interferentzia).
Beste batzuetan, adin txikikoa izaten da gurasoei xantaia egiten eta
manipulatzen saiatzen dena. Bi gurasoak ados jartzen ez direnean haurrari ematen
diote erabakitzeko ahalmena eta hau tirano txiki batean bihur daiteke erabakiaren
ahalmena bere eskuetan izateagatik.
Beraz, oso garrantzitsua da banatutako aiten eta amen familia berriak bere
seme-alaben aurrean erakutsiko duten jarreretan orientatzea, nahiz eta bikotea hautsi
guraso rolei eutsi diezaieten, goian aipatutako arazoen aurrean prebentzio lan bat
egiteko helburuarekin.
Programa honek Bitartekarien taldearekin koordinazioan eta paraleloan lan
egiten du.
PROFESIONALAK

27. Zerbitzu hau psikologo batek eraman du, Julia Rodriguez Barcenak.
HELBURUAK
Bi gurasoak orientatzea famili egoera berriari nola aurre egin jakin
dezaten eta guraso diren eran beren eginkizunak betez jarrai dezaten.
Zerbitzu honetara etortzen diren aita eta ama guztiei gaitasunak ematea
gatazkak elkarrizketaren bidetik konpon ditzaten.
Bai zaintza partekatua dagoen kasuetan bai zaintza guraso bakarrarena
denean erantzukidetasunean aritzeko orientatzea eta bultzatzea.
Haurrei banaketa prozesua adinaren arabera azaldu ahal izateko
gurasoei jarraibideak ematea.
Aita-ama/seme-alaba harremanak okerrak direnean horiek
berreraikitzeko zerbitzu psikologikoarekin elkarlanean aritzea.
Haurrak bakarka tratatzea.
Bitartekariek egoki ikusten dutenetan eta psikologoekin batera bai
haurrari bai bere sendiari elkarrizketak egitea.
BALORAZIOA
Zerbitzu honetara banatu behar diren gurasoak eta haurrak dituztenak etorri ohi
dira eta erabili dutenek oso positiboki baloratu dute. Langile sozialak haurrak dituzten
eta banatzekotan dabiltzan familia guztiei eskaintzen die zerbitzua, beren seme-
alabekin eta beraien artean sor daitezkeen gatazkak prebenitzeko.
426 pertsonek erabili dute. Horietatik 166 amak izan dira; 146, aitak; 82, bikoteak;
eta 32, adin txikikoak (horietatik 14, nerabeak).

28. Saioak ordubetekoak izan dira, gutxi gorabehera, helduekin eta ordu erdikoak
adin txikikoekin.
Normalean, zerbitzura bikotea etorri ohi da baina badira kasuak, bietako batek
nahi ez eta aldeetako batekin bakarrik edo biekin baina bereiz egiten ditugunak
orientazioak, kontzientzia har dezaten hortik aurrera zer den onuragarriagoa bere
haurren heziketan, kontuan harturik hauek egoera berri batean daudela.
Seme-alabekin hitz egiteko eta banaketaren ondorioz daukaten egoera berria
azaltzeko beharrezko informazioa ematen zaie zerbitzuan.
Ondorengo jarraipenetan ikusi izan dugu ze probetxuzkoak izan diren
gurasoentzat ildo horiek eta eman zaizkien orientazioak.
Azpimarratzekoa da adin txikikoen tratamenduan ikastetxeekin, EPIarekin,
Epaitegiekin, Oinarrizko Gizarte Zerbitzuekin eta Foru Aldundiarekin daukagun
koordinazioa.
2013an erantzukidetasun zerbitzuaren erabileran igoera nabarmen bat ikusi da,
alde batetik, krisiarekin bikote gehiagok hautsi dutelako harremana eta, beste aldetik,
psikologoak posta arruntez egindako laguntza eskakizunei erantzun dielako.
Honen ondorioa izan da gurasoek beren arteko komunikazioa berreskuratu
dutela adin txikikoen mesederako, famili egoera berrian positiboki eraginez.

29. Dena dela, ohartu gara bi gurasoak etorri direla zerbitzura hasierako unetik
hasita, horregatik igo da bikote kopurua eta baita hartutako haur kopurua ere.
2.6. AISIA ETA DENBORA LIBRERAKO EKINTZAK
• A TALDEA: GURASOAK ETA SEME-ALABAK
DEFINIZIO ETA FUNTZIOAK
Programa honen xedea da aitek eta amek eta 14-15 urtera arteko seme-alabek
elkarrekin harremanetan jarraitzeko duten beharra asetzea, aisia eta denbora libreko
ekintzak konpartituz, beti ere, adin txikikoak duelarik lehentasuna; gurasoen eta seme-
alaben arteko harremanak sendotzea bilatzen da eta, era berean, guraso taldearen
eta haur taldearen arteko loturak sortzen dira.
HELBURUAK
Aita-ama/seme-alaba taldeen arteko topaketak antolatzea.
Aita-ama/seme-alaba topaketak koordinatzea egindako ekintzak
berrikusiz eta proposatzen diren ekintza berriak planteatzea eta aurrera
eramatea.
Programan sartzen diren bazkide berriak aurkeztea eta dagoeneko
programan dauden bazkideekin harremanak eratzen hastea.
Taldeak modu autonomoan funtziona dezan laguntzea eta ekintzak
bere kasa antolatu ditzaten lortzea.
PROFESIONALAK
Elkarteko 6 boluntariok osatutako taldeak koordinatzen du zerbitzu hau.
METODOLOGIA
Antolatzen diren ekintza guztiak Foro batean argitaratzen dira. Partaide guztiek
dute forora sarbidea eta intereseko ekintzetan izena eman dezakete.
Era berean, ekintza guztiak AGIPASEren blog-ean argitaratzen dira:
http://agipase.blogspot.com.es/

30. Topaketak asteburuetan edo jai egunetan izaten dira batez ere eta urte
sasoiaren arabera antolatzen dira: irteerak Donostian zehar edo beste herri batean,
txangoak mendira, zinera edo Txuri Urdinera irteerak, eta abar.
Aita-ama/seme-alaba taldearen autonomia bultzatzen dugu AGIPASEn;
taldeak bere kabuz funtzionatzea da helburua nahiz eta elkarteak hamabostero
koordinazioa egin eta bazkideek eskatzen dutenean lagundu.
Taldearen barruan badira 3 pertsona harrera egiten dutenak eta pertsona
berriei taldean integratu arte laguntzen dietenak. Harrera funtzio hau aita-ama
berrientzat eta adin txikikoentzat ere bada.
2013an taldeko partaideak 125 ama, 142 aita eta 85 haur izan dira. Guztira 352
pertsona.
EKINTZAK
2013an zehar aita-ama/seme-alaba taldeak aurrera eraman dituen jarduerak
izan dira:

31. Aisi irteerak (zinera, pasiatzera…) herri ezberdinetara (bakoitzaren
bizilekuaren arabera txandatzen ziren irteerak eta ingurukoak elkartzen
ziren normalean).
Mendi irteerak, batzuetan AGIPASEk antolatutako Helduen Mendi
Taldearekin bat eginez, mendiaren zailtasunaren eta haurren adinaren
arabera.
Landetara irteera helduen taldearekin. 2013ko maiatzean.
Gasteizera eta Bilbora irteerak bertako elkarteek antolatutako
jardueretan beste haurrekin parte hartzeko.
Senda Vivara irteera. 2013ko irailean.
BALORAZIOA
Bikotea banatzean gerta daiteke aldeetako bat edo biak “isolatuta” gelditzea
bere haurrekin aisia konpartitzeko orduan. Hau gertatu daiteke besteekin aisia
konpartitzeko beharrezko den ingurune soziala galdu izanagatik. “Beste” horiek egoera
berdinean dauden aita-ama banatuak badira, taldeko partaideen artean enpatia
sorraraziko duen abiapuntua konpartituko dute.
Programaren balorazio oso positiboa egiten dugu, eskatzaile asko baititu. Urtero
erreferentziazko kideak ditugu taldean, bertara datozen gurasoak eta haurrak
integratu arte harrera egiteko eta laguntzeko. Denborarekin taldea sendotuz doa,
harremanak mantenduz eta jarduerak antolatuz era egonkor batean.
• B TALDEA: HELDUAK
DEFINIZIOA ETA EDUKIAK
Banaketa prozesu batean barneratuta dauden eta antzeko egoeran dauden
beste batzuekin bizipenak elkarbanatzeko gune bat behar duten haientzat pentsatuta
dago zerbitzu hau.

32. Bereziki, banaketa baten ondorio traumatikoak desmitifikatzea eta banaketa
bat porrota baino gehiago aldaketarako aukera bat dela barneratzea bilatzen da
zerbitzuan.
Taldean bazkideek nahiz elkartera datozen kide berriek parte har dezakete.
Helburu nagusia banatu den pertsona sare sozial berri bat eraikitzen hastea da, bere
egoera berrian harreman edo lotura berriak garatzeko.
3 bazkidek zuzentzen eta koordinatzen dute talde hau. Astero bazkideetako
batek prestatzen du solaserako gai bat bileran horren inguruan eztabaidatzeko eta
taldeko kideen artean komunikaziorako helduleku bat izateko. Guzti hau merienda txiki
baten inguruan egiten da, kide berriak daudenean harrera beroago bat egin ahal
izateko.
Gainera, azken hiruhilekoan meriendaren ordez Egiako “pintxo potean”
ateratzen dira, 25 pertsona inguru elkartzen direlarik.
Jarduera hau ostiralean izan ohi da, 19:00etatik 22:00etara, urtarriletik abendura,
AGIPASEk Donostiako Egia auzoan duen egoitzan. Horrelako gune zehatz bat izateak
lana errazten du eta taldearen garapena ere bai.
Esperientzia beste udalerri batzuetara zabaltzeko asmoa daukagu baina
zailtasunak ditugu espazio edo lokalak lortzeko garaian.
HELBURUAK
Talde eta jarduera hauen helburua dibortziatuei harreman sozialak
berregituratzen laguntzea da. Horretarako, ekintza ezberdinak antolatzen dira:
hizketaldiak, txangoak, museo bisitak, antzerkira, zinera, eta abar.
Nabarmendu, partaideen seme-alabak ere etor daitezkeela.
JARDUERAK
Merienda taldea. Bere helburua da kide bakoitzak ingurune sozial bat
izatea. Guztientzat interesekoak izan daitezkeen gaiei buruz
eztabaidatzen dute mahai baten eta merienda baten inguruan. Pintxo
potera ere irteten dira. Ostiral arratsaldetan Egiako egoitzan izaten dute
hitzordua.
Mendi taldea. AGIPASEko mendi ibilaldi taldea sendotu egin da.
Igandetan irteten dira, hamabostean behin. AGIPASEko blog-ean

33. zintzilikatzen den hiruhileko ekintzen egutegia zehazten dute. 35 bat
pertsonak hartzen du parte irteera bakoitzean.
Dantza latindarren ikastaroa. Elkarteak hirugarren urtez jarraian dantza
ikastaroa antolatu du salneurri baxuan eta arrakasta handia izaten ari
da, egia esan.
Aurten bi talde osatu dira, bakoitzean 49 ikaslek parte hartu dutelarik.
Irakasle batek ematen du ikastaroa eta elkarteko boluntario batek
koordinatzen du.
Larunbat arratsaldetan izaten da, Txara I egoitzan.
Meditazio taldea. 2012ko azken hiruhilekoan meditazio talde bat sortu
zen. 2013an jarraipena izan du taldeak eta 15-20 pertsonek osatzen
dute. Ostiral arratsaldetan Txara I egoitzan izaten da.
Bisitak eta txangoak. Errioxako bodega bat, Milagroko (Nafarroa)
gereziaren eguna, Bilbora, Logroñora… Asteburuetan eta jai egunetan
izan ohi dira.
Afariak. Sagardotegi eta jatetxe ezberdinetan (May-Kar, Oianume…)
bazkideen hiruhileko topaketa ospatzeko, sagardotegi garaian, urte
amaieran, eta abar. Asteburuetan eta jai egunetan egin ohi dira.
BALORAZIOA
Parte hartzen dutenek positiboki baloratzen dute. Gune aproposa da norbere
bizipenak besteekin elkarbanatzeko eta sare soziala berreraikitzeko.
2013an, aurreko urtearekin alderatuta, bazkideen eskaerak aisiarako igo egin
dira. Eta ohartu gara bazkide berrietako asko bazkide egin direla elkartean ditugun
aisia talde hauetakoren batean parte hartu ahal izateko. Horietako askok taldekideren
bat ezagutzen dute.
Erabiltzaileei eman dizkiegun inkestetan erantzun guztiak baikorrak izan dira eta
bizipenak elkartrukatzeko horrelako guneen beharra islatzen dute.
Funtsezkoa iruditzen zaigu lokal propioa edukitzea, izan ere, Egia auzoan
AGIPASEren egoitza berria dugunetik aisia eta denbora librerako bilera hauen
ikuspuntua aldatu egin da.

34. Kideak elkartzeko berezko leku bat edukitzean kide berriak erreferentzia puntu
bat dauka eta badaki nora jo dezakeen astero, jakinik aisia berekin konpartitzeko beti
aurkituko duela norbait han.
2.7. TEKNOLOGIA BERRIAK
Teknologia berriak erabiliz komunikatzea, informazioa bilatzea eta formatzea
oinarrizko baliabide bihurtu dira gaur egun eta erabiltzen jakin beharra daukagu.
2013an helburu hauek ezarri dizkiogu geure buruari:
A- http:/agipase.blogspot.com elkarteko blog-a funtzionamenduan jartzea eta
eguneratzea xede hauekin:
1. Komunikazio eta informazio gune izatea bazkideentzat eta, oro har,
gizartearentzat.
2. Teknologia berrietan autoformakuntzarako baliabideak eskura jartzea.
3. Gurasoei eta bere seme-alabei eduki pedagogikoak eskaintzea eta
hauen ikasketa prozesuan elkarrekin aritzeko aukera ematea.
B- Ordenagailu gela bazkideen eskura jartzea ostiral arratsaldetan sarean
sartzeko edo lan egiteko.
C- Horretarako zailtasunak dituzten bazkideentzat teknologia berriak eskura
jartzea.
2013an zehar jarduera hauek egin ditugu:
A- KOMUNIKAZIOA
Bazkideekin komunikatzeko bide hauek gailendu dira:
• Posta elektronikoa. Bazkide guztien posta elektronikoa jasotzen da
horretarako eta erabiltzen ez dakitenei edo ordenagailua ez daukatenei
posta kontu bat sortzen erakusten zaie edota AGIPASEko informatika
gela erabiltzeko aukera ematen zaie mezuak jasotzeko eta bidaltzeko.
• MSN mugikorreko mezuak.
• Blog-a. Blog-ean AGIPASEren jarduera guztien albisteak eta egutegia
jartzen dira.

35. B- INFORMAZIOA ETA FORMAKUNTZA
AGIPASEren blog-a egunero berritzen da eta ondokoak errazten ditu:
• Elkartearen zerbitzu eta jarduera guztiei buruzko informazioa.
• Bazkideen intereseko albisteak.
• Legeari eta gai praktikoei buruzko datu basea eta ohiko erakundeen
orrietara sarbidea.
• Haurrei zuzendutako eta baliabide zehatz eta hezitzaileekin osatutako
blog-a, eskola 2.0 programan txertatuta dagoena.
• Teknologia berrietan on line formakuntza jasotzeko blog-a.
C- TEKNOLOGIA BERRIAK TAILERRA
Lan, adin edo maila arrazoiengatik beste gune batean ikastaroren bat egin
ezin duten haientzat teknologia berrietara sarbidea errazteko helburuarekin
AGIPASEk 10 orduko 2 ikastaro antolatu ditu hiruhilean, ikasleei egokituta.
Edukiak hauek dira:
• Ordenagailuaren erabilera, oinarrizko maila.
• Word, oinarrizko alderdiak.
• Mozilla, Internet Explorer eta Chrome. Nabigatzaileen erabilera.
Erakundeen web orrietara sarrera eta beste praktika batzuk.
• Google. Bilatzailea, email kontua eta blog-a.
• Picassa, oinarrizko alderdiak.
• Elkartearen blog-a.
3 bazkide boluntariok koordinatzen dute tailer hau.
2.8. PREMIA SOZIALETARAKO ETXEBIZITZAK GIZONENTZAT

36. Banaketa baten ondorioz bere ohiko etxebizitza utzi behar duten edo horretara
behartzen dituzten eta nora jo jakin gabe gelditzen diren gizonezkoentzat epe
baterako etxe bat eskura jartzea da proiektu honen helburua.
Bere famili egoeran eta pertsonalean beharrezko jotzen dituen eta nahi dituen
aldaketei aurre egiteko eta aldaketa horiek posible egingo dituzten erabakiak hartzeko
inguru seguru bat, denbora eta babes egokia eskaintzen zaie, egoera modu egokian
gainditzeko autonomia pertsonala sustatuz.
Era berean, gune honek gela bereziak dauzka, bere hitzarmen erregulatzaileak
ezartzen duen denboran, gizonezko hauek bere seme-alabekin bizi daitezen.
2011ko apirilean eman zitzaion hasiera baliabide honi eta ordutik 10 pertsonek
erabili dute etxebizitza hau. Ireki zenetik zaintza partekatua daukan gizonezko batek
erabili du; bi gela uzten zaizkio, bat haurrentzat eta bestea beretzat. Beste gizonezkoek
guraso bakarraren zaintza daukate.
Erabiltzaileen profila honokoa da: banatu berri diren gizonezkoak, errekurtsorik
gabekoak, Diru sarreren Berme Errenta jasotzen dutenak edota lan kaskarrak
dituztenak, bere beharrak asetzeko adinako gutxienekora iristen ez diren diru-sarrerekin.
Erabiltzaileen bataz besteko adina 40-50 urte da; gazteenak 42 urte ditu eta
zaharrenak, 51.
Baliabide hau erabili ahal izateko, lehen mailako asistentzian interesatuarekin
egon ondoren eta diziplinarteko taldearekin eztabaidatu ondoren langile sozialak
kasua baloratu behar du. Taldeak profila egokia dela erabakitzen badu, gizonezkoa
etxebizitza koordinatzen duen arduradunarekin harremanetan jarriko da.
Horrela, arduradunak etxebizitzaren erabilpen baldintzak, bizikidetza arauak eta
abar azalduko dizkio gizonezkoari. Ondoren, kontratua sinatzen da eta kopia bat
Errenteriako udalari igortzen zaio, etxebizitza erabiltzaileen jarraipena egiten baitu
berak.
Hiruhilero koordinazio bilera bat egiten da erabiltzaileen, koordinatzailearen eta
Elkartearen artean. Jarraipen bat egiten zaie bai baliabide materialei, bai
erabiltzaileen behar psikologiko, emozional eta abarrei.
2.9. ELIKAGAI BANKUA

37. Errenteriako etxebizitza erabiltzen duten erabiltzaileen oinarrizko beharrak
asetzeko helburuarekin, bere ekonomi egoerak bazterketa sozialera hurbiltzen
dituelako, Gipuzkoako elikagai bankuarekin akordio bat adostu da. Akordio horri esker,
hilean behin oinarrizko elikagaiak ematen zaizkie gizon hauei eta bere seme-alabei.
3. BALORAZIO OROKORRAK
Ondorengo taulan artatu ditugun pertsona kopurua agertzen da, udalerriaren arabera
sailkatuta:
GOIZEZ ARTATUAK ARRATSALDEZ
ARTATUAK
GUZTIRA
AIA- ORIO 6 3 9
ALEGIA 0 1 1
ANDOAIN 10 6 16
AIZARNAZABAL 0 1 1
ARRASATE 13 8 21
ARETXABALETA 1 1 2
ASTIGARRAGA 4 1 5
AZPEITIA 1 0 1
AZKOITIA 1 0 1
BEASAIN 1 1 2
BERGARA 1 0 1
DONOSTIA 75 60 135
EIBAR 1 2 3
ELGOIBAR 8 5 13
ESKORIATZA 6 5 11

38. HENDAIA 1 0 1
HERNANI 4 3 7
HONDARRIBI 6 7 13
IBARRA 1 1 2
IRUN 19 19 38
LARRAUL 0 1 1
LASARTE 9 8 17
LEABURU 0 1 1
LEGORRETA 0 1 1
LEZO 6 4 10
MARTUTENE 0 1 1
MUTRIKU 1 1 2
MENDARO 0 1 1
MONDRAGON 0 1 1
OIARTZUN 5 2 7
OLABERRIA 1 0 1
ORDIZIA 4 0 4
PASAIA 17 11 28
RENTERIA 18 18 36
TOLOSA 4 4 8
URNIETA 6 0 6
USURBIL 9 7 16
URRETXU 8 5 13

39. AGIPASEra jotzen duten gizonezko kopuruak gora egin duela ikusi dugu. Hala
ere, aurreko urteetan bezala, emakumeak dira lehen pausoa ematen dutenak. Dena
dela, banatzeko erabakia gero eta bikote gehiagok hartzen dute elkarrekin adostuta.
Aurreko urtearekin alderatuta, AGIPASEko erabiltzaileen adina mantendu egin
da. Gehienak 36-45 urte artekoak dira. Hala ere, bikoiztu egin da 26 urtez beherako
eskatzaileen kopurua; aldiz, 46-55 urte artekoena %5 jaitsi da iaztik.
VILLABONA 2 0 2
ZARAUTZ 1 2 3
ZEGAMA 1 0 1
ZIZURKIL 3 0 3
ZUMAIA 2 0 2
ZUMARRAGA 7 8 15

40. Banatzen diren bikoteen haur kopurua 2koa da kasu gehienetan. Oso hurbil
dituzte haur bakarra duten bikoteak.
Zaintza eta Kustodia motari dagokionean, zaintza partekatu kasuak asko
igotzen ari dira; AGIPASEn tramitatzen diren dibortzioetatik %80an zaintza mota hori
hobesten da. Zaintza gurasoetako batek duen kasuetan, aitek bisita erregimen zabala
dute, aste barruko gauak barne.
Aurten gehien eskatu den zerbitzua iazko datuekin alderatuta
erantzukidetasunera orientazioa izan da; zerbitzu juridikoa, aurten, bigarren lekuan
gelditu da eskaeren ikuspegitik.
Bi aldeek etxebizitza duin baterako sarbidea edo aukera izateko errekurtso
gehiago izate aldera irabazpidezkoen likidazioa egiteko beharra baieztatu dugu.
Honek berak bikotearen arteko gatazkak gutxitzen ditu.
2013an, pairatzen ari garen krisi ekonomikoa dela eta, zailtasun handiak izan
dira etxebizitzak saltzeko garaian, hain zuzen, irabazpidezkoak likidatzeko orduan
alderdirik garrantzitsuenean. Egoera horren ondorioz, hainbat bikotek ezin izan dute
banatu, beren ondasunak, bereziki etxebizitza, ezin izan baitituzte erdibanatu.
Funtsezkoak izaten jarraitzen dute aisia eta denbora librerako taldeak, guraso
eta seme-alaben taldea eta mendi taldea, banaketaren ondoren planteatzen den
egoera zail hori gainditzeko laguntza sistema egoki bezala.
Berdin Guraso eta Seme-alaben taldeak eta Mendi taldeak; oso harrera ona
izan dute bazkide berrien artean, aurreko urtean baino bazkide gehiagok parte hartu
baitute horietan.
2 Programa: Familia Berdintasunean Lantzen
Programa honek Gizon eta Emakumeen arteko aukera berdintasunaren gaian
eta generoekin lotutako beste gaietan arriskuko herritarrak (hala nola, gazteak,
familiak, emakume kanpotarrak, hirugarren adina, eta abar) sentsibilizatzea bilatzen
du, zertarako eta gure gizartean tratu berdintasunaren alde jarrera eta balio aldaketa
bat gerta dadin hausnarketa prozesu bat martxan jartzeko.

41. Programaren edukia gai hauen inguruko tailer moduan garatzen da: Familia
Erantzukidetasuna, Generozko Biolentziaren Prebentzioa eta Gizon eta Emakumeen
arteko Aukera Berdintasuna.
Eskaintza ikastetxeei, guraso elkarteei, emakumeen elkarteei, aisiarako
elkarteei, udalei, Berritzeguneei eta abarrei zabaltzen zaie eta ikasle, irakasle, familia
eta herritarrei, oro har, zuzendurikoak dira.
Era honetan, 2013an zehar erakunde ezberdinetan eman ditugu tailerrak,
generozko berdintasunaren balioan sentsibilizatzeko eta gatazken konponbide metodo
gisa elkarrizketa erabili behar dugula zabaltzeko helburuarekin.
Hainbat datu historiko emateaz gain, generoez, generoen rol ezberdinez, balio
horiek transmititzeko bide ezberdinez eta horrelakoez aritu gara.
Balorazioa oso positiboa da, programa honek erantzun aparta jaso baitu
herritarren aldetik, bai ikastetxeetan egin diren aurkezpenetan bai heziketa zentroetan
egin diren bisita eta bileretan.
1. LURRALDE ESPARRUA
Programa hau Euskadin garatzen da baina inguruko probintzietatik jasotzen
ditugun eskaerak ere artatzen ditugu (Miranda de Ebro eta Trebiño).
Elkarte bakoitzak, antzeko egitura eta metodologia erabiliz eta modu
koordinatuan, bere lurralde historikoaren barruan kudeatzen du programa (AGIPASEk
Gipuzkoan, ABIPASEk Bizkaian eta AMAPASEk Araban).
Euskadi mailan koordinatzaile bat ari da lanean eta lurralde historiko mailan, 3.
Hauen ardura da koordinazio bilerak egitea tarteka eta ikastetxeetan, elkarte
ezberdinetan eta udaletan programa garatzea.
2. PROIEKTUAREN GARAPENAREN DESKRIBAPEN LABURTUA
Oro har, aurreikusita bezala garatu da proiektua.
Materialari dagokionean, ikastetxeen laguntza izan dugu.
Aurreko urteetatik ditugun kontaktuek gure lana erraztu eta gidatu duten arren
zenbait profesionalek, errekurtso faltak direla eta, ezin izan diote bere lanari jarraipenik

42. eman eta horixe izan da oztoporik nagusiena. Izan ere, profesional berriak etenik gabe
formatzera behartzen gaitu. Zentzu honetan, argitu nahi dugu guzti honen arrazoia zera
dela, maiatzera arte ez dugula jakiten proiektuek aurrera jarraituko duten eta horrek
ezegonkortasuna sortzen du.
Bestalde, proiektuak urteka planteatu behar izaten ditugu, ez ikasturteka. Eta
hori ere beste zailtasun bat da kontuan hartzen badugu gure esku-hartze zuzena neurri
handi batean ikastetxeekin, guraso elkarteekin eta horrelakoekin izaten dela.
Aurreikusita geneuzkan jarduerak ez dira aldatu, prestatuta bezala eraman
baititugu aurrera.
Gure jarduera ikastetxeetako ikasleei eta irakasleei zuzendua dago (Lehen eta
Bigarren Hezkuntza, Batxilergoa, CIP, Lanbide Heziketa, EPA, Unibertsitatea), guraso
elkarteei, emakumeen elkarteei, etorkinen elkarteei eta aisia eta denbora libreko
taldeei. Dena dela, bazterketa soziala jasaten ari diren taldeei ere eman dizkiegu
tailerrak eta datorren urterako baditugu antolatuta Haur Hezkuntzan.
Ebaluaketa gauzatzeko parte hartzaile bakoitzari ebaluazio-galdetegi bat
pasatu zaio; behaketa bidezko informazio kualitatiboa ere jaso dugu; hartzaile guztien
komentario eta iritziak ere hor ditugu; telefono deiak; bilerak; tailerrak…
Galdetegi hauekin izan dugun zailtasunetako bat tailer bakoitzeko hartzaileei
galdetegia egokitu beharra izan da; bazterketa sozialeko taldeen gaztelera maila
eskasa; haur hezkuntzako eta lehen hezkuntzako haurren mugak balorazioak egiteko
orduan; irratsaioen entzuleek dituzten iritziak baloratzeko ezintasuna…
3. HELBURUEN LORPENA
Hausnarketara bultzatzeko eta gure helburu nagusi den gai hauen inguruko
SENTSIBILIZATZEA landu ahal izateko, erabili dugun metodologia aktiboa eta parte
hartzailea izan da: ideien zaparrada, talde txikian lana, ikus-entzunezkoak, jolas
kooperatiboak… erabiliz.
Aldi berean, garrantzitsuak dira ikastetxeekin, elkarteekin eta udaletako
teknikariekin izan ditugun bilerak, ezagutzak elkar trukatzeko balio izan dutelako eta
emakumeen eta gizonen arteko aukera berdintasunari buruz eta generozko biolentziari
buruz hausnartzeko gune izan direlako.

43. Udaletako teknikariei, begiraleei, gurasoei eta irakasleei eskaini diegun
formazioak ondorio biderkatzailea du, pertsona hauek bere lan zuzenaren bidez
populazio handi batera iristeko ahalmena daukatelako, guk ez bezala.
4. EMAITZEN LORPENA
1 Emaitza: Emakume eta gizonen arteko aukera berdintasunean sentsibilizatzea.
Adierazleak: %95ak “Dezente” edo “Asko” erantzun die galdera hauei:
Tailerra egin ondoren, zenbateko garrantzia ematen diozu gai honi?
Tailer honek zenbateraino eraman zaitu hausnarketara?
Oharrak: Jarritako helburua erdietsi da. Oro har, ebaluazioak positiboak izan
dira.
2 Emaitza: Generozko biolentzian sentsibilizatzea.
Adierazleak: %95ak “Dezente” edo “Asko” erantzun die galdera hauei:
Tailerra egin ondoren, zenbateko garrantzia ematen diozu gai honi?
Tailer honek zenbateraino eraman zaitu hausnarketara?
Oharrak: Jarritako helburua erdietsi da. Oro har, ebaluazioak positiboak izan
dira.
BATekin ere izan dugu harremana (Donostiako Elizbarrutiko Denbora Libreko
Taldeen Federazioa).
Eta azkenik, Gipuzkoa osoko 58 Emakumeen Elkarteri ere helarazi diegu gure
eskaintza.
4. LEGE EKIMENAK ETA PROPOSAMENAK
Euskadiko Guraso Bananduen Federazioarekin koordinazioan, AGIPASEk parte
hartu du:

44. Euskadiko Parlamentuan zaintza partekatuaren alde herri ekimenezko lege
proposamena aurkezten. AGIPASEk sinadura bilketan lagundu du eta ikusi dugu
gipuzkoarrek erabateko babesa eskaini diotela lege proposamenari.
5. ERAKUNDEEKIN ETA BESTE ENTITATEEKIN HARREMANAK
Bai KIDETZAren barnean bai AGIPASE bezala, gure ekimenak azaltzeko eta gure
proposamenak luzatzeko helburuarekin, 2013an zehar ondoko entitateekin jarri gara
harremanetan:
Bidasoako Gizarte Zerbitzuen Mankomunitatea.
Gipuzkoako Udaletako Gizarte Langileak.
Eusko Jaurlaritzako Familia Zuzendaria.
Errenteriako Udaleko ordezkariak.
Gipuzkoako epaitegiak. Biktimarentzat eta atxilotuarentzat Arreta Zerbitzua.
Osakidetza. Bai familia medikuak eta bai osasun mentaleko espezialistak.
Gipuzkoako talde politikoetako ordezkariak.
Foru Aldundiko Gizarte Zerbitzuetako Zuzendaria.
Gipuzkoako Aldun Nagusiak deitutako bilerak.
Gipuzkoako Foru Aldundiko Ogasun saileko Zuzendaria.
6. GIZARTEA INFORMATZEA ETA SENTSIBILIZATZEA

45. Berdintasuna, errespetua, gatazkak konpontzeko elkarrizketaren erabilera eta
solidaritatea bezalako balioak sustatzeko eta Elkartearen zerbitzuak eta jarduerak
ezagutzera emateko helburuarekin, ondoko ekimenak eraman ditugu aurrera 2013an:
a) Bisitak eta informazio mahaiak jarri:
-Donostia
- Irun
- Hondarribia
- Errenteria
- Andoain
- Zumarraga
- Arrasate
- Bergara
- Beasain
- Tolosa
- Eibar
- Elgoibar
- Ermua
- Zarautz
b) Hitzaldi informatiboak:
- Irun
- Donostia
- Elgoibar
c) Hedabideak:
- 3 prentsaurreko.
- 6 irratsaio (Onda Vasca, Euskadi Irratia, Radio Nacional, Cadena Ser).
- 6 telebista saio (ETB, TeleDonosti, TeleTxingudi, Goiena Telebista, Urola
telebista).
7. ONDORIOAK

46. Ondorio nagusi gisa hauek azpimarratuko ditugu:
Familia barneko indarkeria egoeretan eta gatazketan PRENBENTZIO eta EUSTE
lan garrantzitsua egiten ari gara.
Programa hauei ahalegin ekonomiko gehiago eskaintzea premiazkoa da, baita
bere funtzionamendua egonkortzea ere hitzarmenen bidez.
Dibortzioaren legea aldatzea premiazkoa da zaintza partekatua, famili
bitartekaritza eta irabazpidezkoen likidazioa arau gisa txertatuz.
Era berean, premiazkoa da generozko indarkeriaren biktimari babes integrala
emateko legea aldatzea, familia barneko indarkeriaren biktima guztiak gogoan
hartuz, prebentzioan sakonduz, biktimei babes erreala emateko neurriak
egituratuz, familia harremanak despenalizatuz eta salaketa faltsuak zigortuz.
Berdintasun eta gizon/emakume errespetu balioak eraginkortasunez eta
jarraitasunez lantzen dira.
Bikotearen hausturaz gaindi, bai aitak eta bai amak bakoitzak bere funtzioa
betetzen jarrai dezan elkarlanean aritzen gara, erantzukidetasunera
orientatzeko zerbitzuaren bidez.
Aldeen arteko errespetua eta gatazkak konpontzeko bide gisa elkarrizketa
sustatzen ditugu.
Famili gatazkei aurre egiteko ikuspegi integrala eta diziplinartekoa
ezinbestekoak dira. Beste modu batean, egoera ezin daiteke modu
arrakastatsuan askatu eta gatazka egonkortu eta gaiztotu daiteke.
Famili barneko gatazkak lantzeko metodo honetan Famili Bitartekaritza
txertatuta dago.
Gatazka edo indarkeri egoeretan esku-hartzea eta prebentzioa garatzeko
Elkartea egitura egokia eta baliozkoa dela erakusten ari da, bertan lan egiten
duten profesionalen esperientzia, profesionaltasuna eta jarrerarengatik.
Oinarrizko gizarte zerbitzuekin, epaitegiekin, Elkartze Guneekin eta horrelakoekin
egiten dugun koordinazioa beharrezkoa, eraginkorra eta aberasgarria dela
ikusten dugu.

47. Banatu eta dibortziatuen kolektiboarentzat etxebizitza politika berezi bat
ezartzea premiazkoa da, izan ere, bereziki zaintza ez duen gurasoarekin
daudenean, adin txikiko asko egoera eskasetan egoten dira.
Gipuzkoako udalerrietan gizartea sentsibilizatzeko lanak egitea oso garrantzitsua
da, berdintasuna, elkarrizketa eta solidaritatea bezalako balioak sustatzeko.