1. Outro país que non hai é a Illa Novena, que cadra no mar da China, ao
nacente. Dicen que foi unha nuben que iba baixa e mollou no mar, e
mollando, carregada de auga salada, non puido remontar. Entón,
namentras quedou deshumidándose, fóronlle nacendo corais na panza,
e agora, pola pesada, non inza, e soio se abanea un pouco. Algunha
semente que voou e pó das chairas chinesas que caíron nela, e hai
agora algunha herbiña e piripol como en tellado, e musgo moito, que fai
prados. (...)
E cóntase que máis de um que non foi a escolas arábigas, onse se
ensina que non é terra a Illa Novena, pensou ter dado, á i-alba dun día
de fortuna, coa Illa Rubí- que dito sexa de paso tampouco a hai- e
brincou á terra que non era, e afondou na núben, e pola nubada caiu á
auga e non se volveu saber del. Cada un ano móvese a Illa Novena
sexto de légo do seu sitio. Seguido así, se non tropecese con terra, o
ano dous mil cento e trinta e seis estaría dediante de Tarragona.