6. QUE OCORRE NA TERRA?
Non hai follas verdes
nin perlas no mar,
area nas praias
nin ondas de sal.
Xa non funga o vento
nin voa o pardal.
As flores non medran
nin quenta o verán.
Que ocorre na terra?
Que ocorre, rapaz?
Se son pesadelos,
eu quero espertar.
As árbores perden
as pólas sen máis
e nos amenceres
o sol non está.
As nubes no ceo
están a falar,
e a lúa na noite
non quere alumar.
Que ocorre na terra?
Que ocorre, rapaz?
Se son pesadelos,
eu quero espertar.
García Teijeiro
