2. M emorias dun neno labrego é unha novela de Xosé Neira Vilas publicada na Arxentina no ano 1961. Nela pretendía contar como era o estilo de vida nos anos corenta dun rapaz labrego de doce ou trece anos nunha aldea galega, concretamente da comarca de Deza, na aldea de Gres, en Vila de Cruces. Malia non tratarse dun texto autobiográfico, describe parte dun escenario e mais dunha época concreta onde a pobreza e a emigración a América estaban sempre presentes.
3. O libro tivo como primeiro lector a Rafael Dieste. Deseguido, Luís Seoane amosou o seu interese pola obra e fixo un debuxo para a cuberta da primeira edición. A obra foi moi ben acollida na diáspora galega e enviáronse a Galiza algúns centos de exemplares que foron divulgados e así mesmo tamén gozaron dunha boa acollida.
4. H oxe é o libro máis lido da literatura galega e está traducido a numerosas linguas: alemán, chinés, portugués, español, ruso, italiano, checo, inglés, francés...
5. ARGUMENTO Memorias dun neno labrego trata dun rapaz, Balbino, que a pesar de ser espelido e intelixente, ten que vivir nun fogar no que non se lle permite expresarse como a el lle gustaría. Vive nunha época de censura que el non entende, ademais da pobreza e as inxustizas da Galiza da primeira metade do século vinte. Así comeza a novela: “ Eu son Balbino. Un rapaz de aldea. Coma quen dis, un ninguén. E ademais, pobre.”
6.
7.
8. - Debe ser boa cousa chegar a grande. Os grandes son donos de si mesmos e do mundo […]. Pero se pelexamos entre nós, métense eles. Non se decatan de que as nosas liortas só son enredos. -¿Véis aquel harapiento? Es hijo de nuestro casero. Un cagarolas. Un … Eu detívenme e quedeino ollando. Tremía coma un vimbio. Pero non de medo. De rabia. -Decateime que íamos cara a casa do señor […] botoume unha ollada furente, chea de pezoña […] entregáballe a meu pai unha corda encartada […] aínda tiven folgos par ir cuspirlle a aquel lobo chamado “señor”… REFLEXIÓNS DE BALBINO
9.
10. Este ano cúmprense cincuenta anos da publicación de Memorias dun neno labrego, e para celebralo, estanse a realizar numerosas actividades, como a representación teatral protagonizada por Cándido Pazó. Trátase dun monólogo no que o actor recrea as penas e as alegrías de Balbino. Cándido Pazó nun momento do espectáculo
11.
12. XOSÉ NEIRA VILAS Xosé Neira Vilas naceu o 3 de novembro 1928 en Gres, Vila de Cruces. Emigrou a Arxentina cando era neno, onde máis tarde comezou a traballar como xornalista. Anos despois, trasladouse a Cuba, para que tempo despois, ao se xubilar voltar a a Gres para estar na súa terra. Alí creou a fundación Xosé Neira Vilas e continuou co seu labor periodístico e cultural. Neira Vilas tamén é membro da Real Academia Galega e recibiu numerosos premios pola súa traxectoria como escritor.