5. LEHEN URRATSAK
• 2006ko udaberrian hasi genuen ibilbide hau Etxarriko lokalean Etxebe (bateria), Xabi
Seko (baxua) eta Franek (gitarra eta ahotsa). Beste talde batzuetan egotearen
esperientzia eduki arren, edozein talde hasiberri bezala, bertsioak egiten hasi ginen:
Rancid, Blink 192, No use for a name, Bouncing souls… ondo funtzionatzen genuela
ikusita proiektu serioago batean pentsatzen hasi ginen, honi kutsu bereziren bat
ematearen asmoarekin. Neska ahotsa erabili eta hura mutil ahotsarekin nahastea
pentsatu genuen (berria ez, baina ezta ere ohikoena, momentu hartan behintzat),
hauek eskaintzen zuten melodia jokoak punk-rock oinarrien gainean ezarriz. Amets
sartu zen taldean. Hortik aste batzuetara, soinuari indar gehiago emateko helburuz,
bigarren gitarra bat hartu genuen: Erik. Hesian taldearen lehenengo formazioa
osatua zegoen. Uda horretan gure lehenengo abestia konposatu eta grabatu genuen
(“Maite dugu”, “Musikaz Sakana indartuz” bildumarako) eta gure lehenengo
kontzertua eskaini Etxarriko gaztetxean.
• Urte amaieran “Euskal Herriak Autodeterminazioa” abestia grabatu genuen, izen
bera zeraman kanpainarako. Horren harira, haize sekzioa gehitu zen taldera: Eneko
tronpetarekin, Igotxo saxoarekin eta Buton tronboiarekin. Denborarekin, euren
papera handituz joan da, egituraren atal garrantzitsuenetariko bat bihurtu arte.
• 2007ko Ekainean gure lehen diska grabatu genuen Iruñeako K estudioan: “Maite
dugu”. Lehen diska hau gure kabuz ekoiztu eta banatu genuen EHko txoko
ezberdinetatik.
• Gure abestiek (lehenengo diska honetan eta guztietan), egunerokotasunean bizitzen
ditugun gaiak jorratzen dituzte: Euskal Herriko gatazka politikoa, gai sozialak
(emakumearen egoera, pobrezia…), maitasuna, buru-hausteak… Gure errealitatean
ikusten duguna islatzen saiatzen gara.
6. • “Maite dugu” diska atera aurretik 10 kontzertu inguru eman genituen, Sakanatik
batez ere. Ordutik aurrera eta 2009ko geldialdia arte 115 kontzertu eskaini genituen.
Gehienak Euskal lurraldeetan izan arren, Katalunya nahiz estatu espainiarretik ere
kontzertu batzuk
eskaini genituen. Denbora tarte horretan 2008ko Lezoko Gazte topaguneko abestia
egiteko ohorea izan genuen (“Zeru gorriko egunak”), horrek ate asko zabaldu
zizkigularik. Urte bereko Urrian, “Herriaren oihua” gure bigarren lana kaleratu
genuen GOR disketxearekin. Diska honek edukitako harrera ezin hobeak gure bidea
sendotu eta gure eragina asko zabaldu zituen.
• 2009ko atsedenaren ondoren eta formazio berriarekin (Karlos tromboian -2008tik-,
Mireia ahotsean eta Xabi gitarran), 2010eko Ekainean gure hirugarren diska kaleratu
genuen, “Borrokatu eta Irabazi”. Lanaren izenburua taldearen ibilbidearen isla dela
esan dezakegu,
oztopo ugari aurkitu arren beti aurrera egitea lortu bai dugu. Diska honek ere
harrera bikaina jaso zuen eta udara horretan (2010) astebururo jo ta fuego aritu
ginen kontzertuak ematen, bai Euskal Herrian nola Katalunyan. Zoritxarrez ordea,
taldearen barruan berregituraketa txiki bat egitera behartuak ikusi ginen eta
ondorioz, kontzertuak ere alde batera uztera. Lau urtetan hiru diska kaleratu eta ia
150 kontzertu eman ondoren, arnasa hartzeko garaia zen. Burua hotz mantenduz
etorkizunari hortzak erakusteko garaia.
8. • Maite dugu
• Herriaren ohiua
• Borrokatu eta irabazi
• Hitzetik
AMAIERA
9. • Hona hemen Hesian taldearen lehen
diska, punkrock freskoa jorratzen duena
produkzio zaindu eta arima inkorfosmita
batekin. Nabarmentzekoa da ahotsen
melodien konbinaketa, abesti azkarretan
sartuak. Iruñako K Studioetan grabatua
izan da, Alberto Porresen eskutik.
10. • Euren ahoz-ahozko arrakastak euskal Herri
osoko kontzertu txiki andana batean egotera
eraman ostean, 2008 Urrian taldeak bere
bigarren CDa kaleratu du. Lanak hamahiru
abesti ditu eta Alberto Porresek grabatu ditu
Iruñeko K Estudioetan. Euren estilo anitzaren
barnean punk azkarra, haizeak, melodia lirikoak
eta mozketa kañeroenak nahastesn dira,
honela, talde berrien egarriak dagoen belaunaldi
berri baten atentzioa eurengana bideratu
dutelarik.
11. • Hamaika abestik osatutako disko adoretsua.
Aurreko lanetan bezala, amorrua eta itxaropena
islatzen dute abestiek, oinarri gogor eta azkarrek
doinu kantagarriak sostengatzen dituztelarik.
Hastapenetatik markatutako norabidea jarraitzen
du taldeak, aldaketa esanguratsuak gehitu
dituelarik. Zalantzarik gabe, disko hau
aurrerapauso garrantzitsua da taldearen soinua
eta izaeraren sendotze bidean.
Diska berri hau, 2010eko maiatza eta ekaina
artean Haritz Harreguyren eskutik grabatu eta
nahastua izan da Usurbilgo Higain estudioan.
12. • Euren laugarren lan honetan, kalitate handiko
grabazioa dela medio, taldearen nortasunaren
enbata aurkezten digute. Ideia gazte,
aurrerazale, eta erabat jostagarri honen barrutik,
bizitza duintasunaz bizitzeko gogoa azaleratzen
da, etengabe.
Erritmo dantzagarri bortitzak, haize-sekzioaren
bultzadak eta kantariak hurbil sentiarazteko
duen talentuak oso disko distiratsua aurkeztuko
digute.
