2. AURKIBIDEA
HITZ GUTXITAN
Portugaletetarrak gara, Portugaleten sinesten dugu
Arduratzen gaituzten kontuak
HONA HEMEN GURE ERRONKAK
Kulturaren aldeko apustua egiten dugu
Hezkuntzaren aldeko apustua egiten dugu
Kirolaren aldeko apustua egiten dugu
Euskararen aldeko apustua egiten dugu
Guztion ongizatearen aldeko apustua egiten dugu
Haurren eta familiaren aldeko apustua egiten dugu
Gazteen aldeko apustua egiten dugu
Droga-mendekotasunaren prebentzioaren aldeko apustua egiten dugu
Elkartasun, boluntariotza eta garapenerako lankidetzaren aldeko apustua egiten dugu
Elkarbizitza, errespetua eta seguru sentitzearen aldeko apustua egiten dugu
Animaliekin elkarbizitzeko apustua egiten dugu
Hiri osasuntsu eta jasangarri baten aldeko apustua egiten dugu
Alde Historikorako Plan Estrategiko baten aldeko apustua egiten dugu
“Laderas de Azeta”-n burutzeko Proiektu duin eta asmo handiko baten aldeko apustua egiten
dugu
Gure auzoen garapenaren aldeko apustua egiten dugu
Etxebizitzak eraikitzeko apustua egiten dugu
Garapen ekonomikoaren eta Merkataritzaren aldeko apustua egiten dugu
Partaidetza eta Konpromisoaren aldeko apustua egiten dugu
3. 1 Hitz gutxitan
Portugaletetarrak gara, Portugaleten sinesten dugu
NAHITAEZKOA DA GAUZAK ALDATZEA
Azken 30 urteotan izandako kudeaketa dela-eta, Portugaletek okerrera egin du. Inguruko udalerri
guztiek aldiz, gure aldean, hobera egin dute.
Usadioetan aberatsa zen herri dinamiko eta aktibo baten irudia nola desitxuratu den ikusi dugu,
Ezkerralde eta Meatzaldeko lidergoa eta erreferentzia izateari utziz. Gure portugaletetar nortasuna
eta harrotasuna ere desitxuratu egin dira eta berreskuratu egin behar ditugu.
EAJ-PNV, udal hauteskunde hauetan, Portugalete eta bere herritarren aldeko konpromiso berriztatu
eta lan-talde berri batekin aurkezten da.
Proiektu eta ekintza irizpide sendoak dituen lan-taldea da.
BALOREAK ERE GURE KONPROMISOAK DIRA
Hauteskunde proposamen bat, proiektu zehatzetan soilik ez dela oinarritu behar uste dugu.
Pertsonak garrantzitsuagoak dira. Udal politikaren kudeaketa ulertzeko dugun moduan,
konpromisoa adieraztea nahitaezkoa da guretzat. Baloreekiko konpromisoa beharrezkoa da:
EAJ-PNVk, Portugaletek behar duen Konfidantza aldaketa finkatzeko, balore eta printzipio
hauetan oinarritutako udalerako lana garatzeko hitza ematen du:
▪ Zerbitzu publiko eta konpromisoarekiko bokazioa bai Portugaleterekin, baita bere
herritar eta hauen bizi kalitatearekin ere.
▪ Gardentasuna eta zintzotasuna, bere ekintza eta udal kudeaketan, herritarrek udal
bizitzako informazioa eskuragarri izan dezaten.
▪ Herritarrenganako hurbiltasuna eta arreta, bere elkarte, erakunde eta eragileekin.
Bere eskaerei kasu egin eta elkarren artean beraien beharrei erantzuten dien
konponbideak bilatuz.
▪ Akordioa eta irekitasuna, adostasuna eta akordioa bilatzea bere ekimen, erabaki eta
proposamenetan. Beste ikuspuntu eta sentsibilitate batzuekiko irekitasuna.
▪ Portugaletetar nortasuna eta euskaldunak, nortasun propioa duen herria eta taldea,
norberaren usadioak eta besteen ekintza onak uztartu eta bereak transmititzen
dakiena.
▪ Profesionaltasuna kudeaketan eta hori bermatzen duen formazioa eta ibilbide
profesional luzea duen taldea. Portugaleterentzat proiektu berri bat garatzeko gai den
taldea.
▪ EAJko kideen ibilbide eredugarria. Gure historia luzean zehar ardura desberdinak
aurrera eraman dituen ehun urte baino gehiagoko alderdia gara.
▪ Portugalete gauza guztien gainetik. Honek izan behar du gure lanaren irizpide
nagusia: gauza guztien gainetik Portugalete eta bere herritarren alde egitea.
4. Arduratzen gaituzten kontuak
EAJ-PNVk proposaturiko “Portugalete, Zure zain!” ekimenaren bidez, zenbait erakunde, elkarte
eta portugaletetarrekin egoteko aukera izan dugu. Ekimen honekin gehien kezkatzen gaituzten
kontuak zeintzuk diren ezagutzea lortu dugu eta honekin batera, gogo eta ahaleginik handiena
zertan egin behar dugun.
▪ Gure nortasuna berreskuratu: Portugaletek protagonismoa galdu du eta erreferentea
izateari utzi dio.
▪ Elkarbizitza eta kultura: Guztiontzat lekua dagoen Portugalete bat. Gure kultura eta
usadioak zaintzeko lekua.
▪ Egoera ekonomikoa. Langabezia: Lanik gabe ezin daiteke bizi. Udaletxeak,
erakundeekin batera, lanpostu berriak sortzeko protagonista izan behar du ezinbestez.
▪ Merkataritza-plangintza eta bizitasuna: Gure “industria” da, gure aberastasuna da.
Udalak azken urteotan garatutako politika eza merkataritzarekin akabatzen ari da.
Aberastasuna sortzeko, suspertu egin behar dugu.
▪ Aparkalekuak eta trafikoa: Behar besteko arreta ipini behar dugu arazo honetan.
Portugaletetar guztion bizi kalitatea hobetzeko bi arazo hauei aurre egin behar diegu.
▪ Pertsona duinak ingurune duinetan:
Azeta: XXI.mendera egokitutako aisialdirako leku irekiaz gain, hedapen eta
gozamenerako gunea lortzeko aukera dugu. Udalak aurkeztutako proiektua
nola-halako proiektu baino ez da. Beharrezkoa da hiritarren aisirako sekulako
proiektua garatzea, portugaletetar guztiok harro sentitzeko modukoa.
Alde Historikoa: Itzaltzen uzten ari dira. Bere balio historikoa, kulturala eta
turistikoa berreskuratu behar ditugu eta bertako merkataritza bizi berritu.
5. 2 Hona hemen gure
erronkak
Kulturaren aldeko apustua egiten dugu
Kultura eta aisialdia Portugaletetarren ezinbesteko elementuak direlakoan gaude.
Kultura eta aisialdia ekonomia bultzatzeko tresnak izateaz gain, gure identitateari ere mesede egiten
diote.
Kontsumo-kulturaren gehiegizko erabilera eta partaidetza-kulturaren arteko balantza orekatzea
proposatzen dugu. Hau da, ikusle pasiboa eta protagonista aktiboaren arteko oreka.
Herriaren bizipen kulturalaren parte hartzeak, sorkuntzak eta barne komunikazioak bezalako
kontuek edota gure usadio eta ohituren etengabeko mantentze hobetuek ere, gizabanakoa zein
gizataldea aberasten dituzte.
Portugaleteko EAJ-PNVk, asmo honi erreparatuz, eta udaletik lan eginez, honako konpromiso hauek
hartzen ditu:
▪ Uneko kultur elkarte eta taldeekin elkarlanean lan egitea, kultur proposamen guztien
dinamizatzea eta koordinatzea sustatzeko asmotan, oraingoak zein etorkizunekoak.
▪ Kulturaren kudeaketa Portugaletetik, Portugaletegatik eta Portugaleterentzat burutzea.
Egun, azpikontratatuta dagoen kultura-zerbitzuetako enpresak ez die beti Portugaletetarren
kezka eta beharrei erantzunik ematen.
▪ Portugaletek daukan azpiegiutra kulturalean duen gabezia gainditzeko jo eta ke lan egitea;
gabezien antzez leku baten falta aipatzerako (auditorium-a edo antzokia)
▪ Liburutegiari filosofía autonomoa ematea, bertatik era anitzeko ekitaldiak sustatu ahal
ditzaten: elkarrizketak, topaketak, eztabaidak, foroak, aurkezpenak eta abar.
Irakurlearentzat liburutegia elkargunea izan behar da.Ordutegiak ere hobetu egin behar
dira, egungoak eskasak baitira.
▪ Jai parte-hartzaileagoak lortzea.Taldeak eta elkarteen partaidetza sustatu behar dugu
eurak jaiaren mamia eta bihotza baitira. Horrela, gure festen nortasuna indartuko genuke,
ohitura herrikoian oinarritutako gure inguruko bakarrak diren festak.
▪ “Portugaleteko Musika Banda”ri errentagarritasuna ateratzea. Portugaletetarrok maitasun
eta harrotasunez sentitzen dugun ehun urte beteak dituen instituzioa. Beronen agerpen
eskasak eta emanaldien komunikazio faltak ordea, herritarrek ia ahaztu izana sortarazi du.
6. Hezkuntzaren aldeko apustua egiten dugu
▪ Portugaleteko hezkuntza-eskaintzari laguntza eta sustapena ematea, hezkuntza-
ibilbideak bultzatzea, Portugaleteko historia eta idiosinkrasia erakutsiz; baita gazteen
ekimenena ere.
Portugaletek formazio zentro sare handia du, haurtzarotik hasi eta heldutasunera
arteko hezkuntza aukera zabala. Gure asmoa sustatu, indartu eta balorean jartzea
delarik.
Portugaleteko ikasleak gure herriko historia, usadioak eta ohituretara, era jolasgarri
eta hezitzaile batean hurbiltzeko, hezkuntza-ibilbideen egitarau baten sustatzea.
Behargintza eta Portugaleteko Merkatarien Elkartearekin batera, DBH eta Batxilergoko
ikastetxe publiko zein pribatuetan eta formazio zentroetan, berrikuntza eta ekimena
sustatzeko hezkuntza-egitaraua bultzatzea.
▪ Ikastetxeetan, herriko eragile eta taldeekiko partaidetzarako hezkuntza-egitarau baten
sustapena.
Kirolaren aldeko apustua egiten dugu
▪ Portugalete Kirol- Hiria:
“Portugalete Kirol-Hiria Plana” landu behar dugu, gure herriaren kirol-politika
gaurkotzen eta indartzen duena, beti ere herriko kirol eragileak kontuan izanda.
Kirol jardueren eskaintza eta zerbitzuen kalitatea bermatzea.
Erakunde publiko zein pribatuekin hitzarmen eta akordio berriak lortzea, herritarrei
zuzendutako kirol jardueren eskaintza handituz.
Kirol diziplina berriak ezartzea.
▪ Kirola familia giroan praktikatzeko aukera, eta kontziliazioa ziurtatzen duen eskaintza baten
garapena.
▪ Auzo ezberdinetan kanpoko kirol-gune berriak sortzea, handitzea eta hauen mantentze-
lanak hobetzea.
▪ Kirol eskolak bultzatzea. Oinarrizko kirol zein kirol anitzen praktikaren aldeko apustua.
▪ Kirol eskoletan eta klubetan proiektu zehatzak aurrera eramateko aurrekontuak handitzea.
▪ Portugaleteko kirol eragileekin harremana estutzea, kontsultarako bideak zein kirol
eskaintzaren garapena erraztuz.
▪ Kirol egokitua eskaintzen duen zerbitzu berria sortzea, pertsonengan oinarritzen dena.
▪ Kirol egokitua praktikatzeko aukera eta eskaintza handitzea, bai amateur mailan baita
maila federatuan ere.
▪ “ Los Llanos” frontoia berritzea, arauak bete ditzan.
▪ Itsasadarrean kirola praktikatzeko eskaintza sortzea, arraunaren osagarria izan daitekeena.
7. Euskararen aldeko apustua egiten dugu
Euskara, berez, hizkuntza propioa eta ofiziala da baina urrun dago oraindik gaztelaniak duen
normaltasun soziala eskuratzetik. Gure lehentasunezko helburua, euskararen erabilera
bermatzea ez ezik, sendotu eta arian-arian areagotzea izango da, bai udal-bizitzan, bai
Portugaleteko gizarte-bizitzan.
Portugaleten burututako azken azterketak adierazten duen bezala, 10 herritarretatik 4
euskaldunak dira. Beraz, euskararen normalizazioa zein sustapena ezinbestekoa da gure
herrian. Are gehiago, kontuan hartzen badugu Kontseiluak burututako azken analisia, non argi
eta garbi ikusten den PSEk hizkuntza-politikari buruz erakusten duen interes eza.
EAJ-PNVren helburu nagusia arlo honetan, euskara eta gaztelaniaren arteko gaur egungo
desoreka murriztea batetik eta bi hizkuntzen arteko berdintasuna gero eta handiagoa
ahalbidetzea bestetik, izanen da; bai udalean bertan eta baita udaletik ere.
Udalean hauen aldeko apustua egiten dugu:
▪ Elebitasunaren aldeko hizkuntza politika garatzeko, beharrezko aurrekontuez hornitzea.
▪ Udal Barruko Erabilera Planaren garapena bermatzea. Horretarako honako konpromiso
hauek ezartzen ditugu:
Hizkuntz eskakizunak ziurtatu eta ezartzea ezezik, udaletxeko langile guztien hizkuntz
trebetasuna ere frogatzea.
Udal langile guztien birziklapen eta trebakuntza erraztea, jende aurrean lan egiten
dutenei lehentasuna emanez.
Lanpostu guztiak informatika-aplikazio elebidunez hornitzea, euskara lan-hizkuntz gisa
erabiltzeko bideak sustatzeko.
Euskararen erabilera udal kontzesioetan eta kontratazioetan ere bermatzea.
Gure herriko paisaia linguistikoa euskalduntzea (kale izenak, bide-seinaleak eta abar.)
Udaletik:
▪ Sinatu berria den EBPN (Euskara Biziberritzeko Plan Nagusia) sustatzea eta bermatzea eta
horretarako:
Gurasoei, etorkinei eta merkatariei zuzendutako ekimen egokiak diseinatuko ditugu.
Ostalaritzan zein merkataritzan euskararen erabilera sustatzeko kanpainak bultzatuko
ditugu.
Kirol, kultura eta eskolaz kanpoko ekintzak euskaraz egiteko eskaintza handituko dugu.
Bertako hedabideetan euskaraz egiteko ekimenak bultzatuko ditugu.
Euskara ikasteko diru-laguntzak eta bekak eskainiko ditugu.
▪ Udal Euskaltegia lokal duinetan kokatuko dugu, edozein pertsonarentzako sarbide egokia
eta hezkuntza-eskaintza gaurkotua izan dezan. Gaur egungo beharrei egokitutako
eskaintza: On-line ikastaroak, ordutegi malguak, aukera mistoak eta abar.
▪ EAJ-PNVtik, Asti Leku Kooperatiba Ikastolak antolatuko duen IBILALDI 2013 bultzatuko
dugu.
8. Proposamen guzti hauen bidez, euskararen erabilera sustatu eta indarberrituko dugu,
beti ere portugaletetar guztion aukera linguistikoa errespetatuz.
Guztion ongizatearen aldeko apustua egiten dugu
Portugaleteko EAJ-PNVk pertsona eta baloreetan oinarritutako gizarte-zerbitzuaren aldeko apustua
egiten du.
Gaurko gizartea aldatuz doa eta bere beharrak ere aldatzen ari dira. EAJ-PNVk gogo handiz egingo
du lan behar hauei eta laguntza behar duen edonori erantzuna emateko.
Horretarako honako ideia hauek proposatzen ditugu:
▪ GIZARTE-ONGIZATE UDAL KONTSEILUA suspertzea: Herriko sektore ezberdinen beharrak
kontuan izanda, herritarren alde lan egingo duen organoa izango da.
▪ Baliabideak hobetu eta handitzea: Kalitatea eta efikazia lantzea ahalik eta estaldura
zabalena lortuz.
▪ Etxez etxeko laguntza bultzatzea: Itxaron zerrendak murriztu behar dira.
▪ Ezintasunak dituzten pertsonei zuzendutako Gizarte-Proiektua garatzea.
Azken urteotan pertsona hauen bizitza eta bizi kalitatea hobetzeko, Portugaleteko Udaletik,
ez da konponbide berririk aurkeztu.
Ez dezagun ahaztu, kolektibo hau gizartean integratzeko politika garatu behar dugula;
beraien eskubideak bermatuz eta gero eta autonomoagoak izaten lagunduz.
Honetaz gain ,ezin ditugu hauen zaintzaz arduratzen diren senideak ahaztu, gehienetan
ahaztuak direnak eta egunero, pertsona hauekin eta hauengatik sufritzen dutenak. EAJ-
PNVren ustez, senideak aholkatu, orientatu eta lagundu behar ditugu.
Honako hau izango da gure jokabidea eta hauek hartuko ditugun neurriak:
Ezintasunak dituzten pertsonentzako babes ofizialeko etxebizitzak eraikitzea
bultzatu, non ezintasunak dituzten pertsonak gizarte normalizatu batean bizi eta
beraien kabuz bizitzeko gai izatea lor dezaten. Gizartean integratuta egoteko
baldintzak hobetu azken finean.
Beraien gizarte eta lan integrazioa bultzatu, arlo horretan jarduten duten elkarteei
lagunduz.
Ezintasunak dituzten pertsonen familientzako aholkularitza eta sentsibilizazio
kanpainak bultzatu.
Ezintasunak dituzten pertsonentzat, espazio berriak eta aisialdiko jarduerak sortu.
Eguneko Zentruak bultzatzeko diru-laguntza handiagoak horretara bideratu.
▪ Emakumeen Berdintasuna lortzeko aukera gehiago sortu:
Portugaleteko gizarte-bizitzan eta espazio publikoetan emakumeen presentzia sustatu.
Emakumeentzako prestakuntza programak hobetu eta bultzatu, batez ere familiaren
zama eramaten dutenentzat eta familia guraso bakarrentzat.
Tratu txarrak jasan dituzten emakumeak babesteko udalen arteko hitzarmenak
bultzatu.
9. ▪ Adingabeak:
Egoera arriskutsuan dauden adingabeak, familia eta eskolen laguntzarekin, zaindu eta babesa
eman. Gainera, errekurtso ekonomikorik ez dituzten adingabekoen familiei eta prestakuntza ez
dutenei, eskolaz kanpoko laguntza emango diegu.
▪ Pobreziaren aurkako Plana:
Pobreziaren aurkako plana eraginkortasunez kudeatu, pertsona eta familia behartsuen bizi
baldintzak hobetzeko asmoz emplegu, formakuntza eta hezkuntza ekintzak konbinatuz.
▪ Adineko Pertsonak:
Adinekoentzat eta haien zaintzaileentzako laguntzak bultzatu.Gure biztanleriaren zahartze
prozesua dela-eta, adineko pertsonen menpekotasuna gainditzeko asmoz, hauen gizarte
integrazioa bultzatu behar da. Baina beraien familia zaintzailei, zerbitzu eta baliabide gehiago
sortuz, lagundu behar diegu batez ere. Eta horretarako Eguneko Zentro bat eta
astebururako leku subentzionatu gehiago sortu.
▪ Gizarte- Zerbitzuen deszentralizazioa:
EAJ-PNVtik Udal Gizarte-Zerbitzuen lana sustatu behar dugu. Hainbat Auzotako biztanleria
urteetan zehar aldatu egin da eta honek, auzo hauei eskainitako zerbitzu-eskaintza berritu
beharra dakar. Horrela, jada existitzen diren zerbitzu eskaintzek arnasa hartzea lor
dezakegu.
Haurren eta familiaren aldeko apustua egiten dugu
▪ Haurrei eta familiei zuzendutako informazioa eta formazioa hobetu behar ditugu.
Kultura, kirol eta aisialdi eskaintzari buruzko informazioa ezezik, hezkuntza eskaintza
eta familiari zuzendutako laguntzari buruzko informazioa ere zabaltzea beharrezkoa da.
Haurrei zuzendutako seihilabetekaria argitaratzea, hiriari buruzko eta beraientzat
interesgarria izan daitezkeen gaien inguruko informazioa bilduko duena.
Familiei zuzendutako hezkuntza eskaintza garatzea era deszentralizatuan.
▪ Haurren Eskubideen Deklarazioa lantzea eta honen aldarrikapenean zein hedapenean
erreferentea izatea.
▪ Haurrei zuzendutako aisialdirako eskaintza hobetzea, familiaren kontziliazioa kontuan
harturik.
Portugaleteko elkarte eta erakundeekin batera, udal ludoteka sortzea.
Haurrentzat antolaturiko oporraldiko kirol eta aisialdi eskaintza hobetzea (Aste Santua,
Gabonak eta Uda).
Haur- parkeak hobetzea, herritarren iritziak eta proposamenak kontuan hartuz.
10. Gazteen aldeko apustua egiten dugu
Gazteak Portugaleteko oraina eta etorkizuna dira. Portugaleteko giza-garapenaren zein
garapen ekonomikoaren protagonistak dira.
Gazteen aldeko apustua gure programa osoan zehar, behin eta berriro aipatzen da; enpleguan,
berrikuntzan, etxebizitzan, kulturan, elkartasunean eta abar. Eta gazte-zerbitzuetan bereziki.
EAJ-PNVren proposamenak honako hauek ditugu:
▪ Portugaleteko II. Gazte Plana garatzea, gazteekin eta gazte-elkarteekin batera osatuz.
▪ Gazteen ekimenak sustatzea ,horretarako gune berriak zein aurrekontuak ezarriz.
Gazte Informazio Bulegoa, gazteei informazioa emateko bulegoa ezezik, gazteen
ekimenak bultzatzeko zerbitzua ere izatea.
Gazteen ekimenak sustatzeko, aholkularitza teknikoa zein diru baliabideak ezartzea.
Gazteentzat interesgarriak diren proiektuetan parte hartzeko guneak eta aukerak
sortzea.
Gazte erakundeak eta gazteek bultzatutako proiektuak sustatzea.
Portugaleteko gazte-lokalen arteko ekintzak bultzatzea. Ekintza hauei aurrekontu
zehatza bideratuko zaie.
Harreman zuzen eta egonkorra gazte erakunde, musika talde, gazte kolektibo eta
abarrekin, gazteen ekimenen garapenari begira.
Portugaleteko lokaletan dauden gazte taldeekiko harremana hobetzea.
Gazte gelako ekintzari zuzendutako aurrekontutik %20a gazteek, heurek, kudeatu
dezaten.
Pertsona gazteei zuzendutako kultur eta aisialdi programazioa indartu.
Portugaleteko erakundeek bultzatzen duten lan eskaintza zabaltzen laguntzea.
▪ Gazteriarekiko informazio bideen eta guneen hobekuntza:
Portugaleteko web-aren garapena, sare sozialen informazio aktibaketa eta 2.0
inguruan.
Gai ezberdinetako informazioa jasotzen duen boletin elektroniko bat sortzea.
▪ Gazte erakundeei bideraturiko diru-laguntzen gehikuntza eta administrazio-izapideen
sinplifikazioa.
▪ Sortze eta ekoizpen lanak bultzatzea:
Portugaleteko musika taldeei zuzendutako trebaketa gelak eta beraien
promoziorako diru-laguntzak eta ekimenak ezartzea.
Portugaleteko taldeek antolaturiko kontzertuak eta ikuskizunak ospatzeko guneak
sortzea.
Beste udalekiko koordinazioa, gazteen erakustaldia ospatzeko.
Portugaleteko Zinema Express-eko jaialdiaren garatzea eta honekin batera, musika-
taldeen lehiaketak eta abar.
11. Sortze-lan, arte-eszeniko,eta gainontzeko ekintzetan aritzen diren elkarte eta
kolektiboei laguntzea.
▪ Youth programa:
Europar Batasuneko Gazteria Lanean Programaren informazio eta sustapen aktiboa:
ekimenen garapena, europar boluntariotzaren zerbitzua, etab…
Droga-mendekotasunaren prebentzioaren aldeko apustua egiten
dugu
▪ Droga-mendekotasunaren Udal Planaren garapena bere prebentzio eremuetan
(hezkuntza,aisialdi eta komunitatean), baita eragile eta familia prestakuntzan ere.
▪ Gazte arloan aritzen diren jarduera eta lan ekintzen koordinazioa eta hobekuntza.
▪ Droga-mendekotasunari aurre egiteko informazio sistema eta aholkularitzan
hobekuntzak.
▪ Droga-mendekotasunaren Prebentzio Udal Plana gaurkotzea.
Elkartasun, boluntariotza eta garapenerako lankidetzaren aldeko
apustua egiten dugu
▪ Elkartasuna: Garapenerako lankidetzaren aldeko apustua egitea, alde batetik diru-
laguntzak bultzatu, baina bestetik, elkartruke kulturalak bideratu. Honetaz gain,
boluntariotza programak sustatzea eta garatzea.
Garapenererako lankidetzari zuzendutako aurrekontua handitzea eta eragile eta
Gobernuz Kanpoko Erakudeekin batera beste herrialde batzuekin elkartruke kulturalak
sustatzea.
Herriko GKEi zuzendutako diru-laguntzak bultzatzea, herritarrei laguntzeko proiektuak
aurrera eraman ditzaten.
Kooperatzen dugun herrialdeekin lanean jarraitzea.
Boluntariotzaren sustapena, sentsibilizazioa eta prestakuntza indartzea.
▪ Portugaleteko boluntariotzaren aldeko sentsibilizazio programak sustatzea eta
garatzea
Herriko Boluntariotzaren Sustapen Plana: Bertako erakundeei zuzendutako
sentsibilizazio, formakuntza, sustapen eta aholkatze lanak burutzen duena.
Boluntariotzaren aldeko sentsibilizazio eta sustapen kanpainak garatzea.
Boluntariotza-erakunde eta boluntarioen arteko lana bultzatzea.
12. Elkarbizitza, errespetua eta seguru sentitzearen aldeko apustua
egiten dugu
Arazoren bat sortzen zaigunean edota kezkatzen gaituen kontsultaren bat dugunean, guztiok
berehalako arreta izatea espero dugu.Gure herriko kaleetatik gabiltzala hiri segurua izatea
nahi dugu, eta hori da hain zuzen, EAJ-PNVk legealdi honetarako duen konpromisoa.
Portugaleteko biztanleria kontuan hartzen badugu, aipatutako konpromisoa betetzeko,
lehenengo eta behin, udaltzainen kopurua handitu behar dugu nahitaez. Horretaz gain polizia
sistema zentralizaturik dago.
Honako ekintzak proposatzen ditugu:
▪ Biztanle kopuruari dagozkion beharrezko udaltzainak egotea. Hori lortzeko
ezinbestekoa da lanpostu gehiago sortzea.
▪ Auzoetan komisaldegiak ezartzea.
▪ Oinezko patruila gehiago jarri trafikoa hobetzeko eta zama lanak errazteko.
▪ Herriko leku arriskutsuak identifikatu eta konponbidea bilatzea.(Kamarak ipini,
argiztapena hobetu, patruilak ezarri eta abar)
▪ Polizien arteko koordinazioa eta ekintzak hobetzea.
Animaliekin elkarbizitzeko apustua egiten dugu
Indarrean dauden arauak aldatu behar ditugu.
Horretarako, animaliekin paseatzeko guneak sortuko ditugu. Gune hauetan animaliek beraien
jabeekin aske joateko aukera izango dute. Berdegune hauek paperontziz eta poltsez hornituak
egongo dira, animalien gorotzak biltzeko eta ordutegi zehatzak izango dituzte.
Hiri osasuntsu eta jasangarri baten aldeko apustua egiten dugu
“Hiri osasuntsuak” programa burutzea da gure helburua, bai medikuntza-arloan, ekologia arloan
zein gizarte arloan ere eta honako irizpide hauei jarraituko diegu:
Egoeraren diagnostikoa.
Ingurumen osasungarria.
Osasun okupazionala.
Istripuen prebentzioa.
Elikadura eta nutrizioa.
Ohitura osasungarriak sustatzea.
13. Ariketa fisikoak eta osasuna.
Ingurumen eta gizarte hezkuntza programak eratzea.
Alde Historikorako Plan Estrategiko baten aldeko apustua egiten
dugu
Alde historikoa daukaten hirietara bidaiatzen dugunean berehala konturatzen gara gizarte-
jarduera handiko lekuak direla, merkataritza garatuarekin, non jendea kalera besteekin
erlazionatzera eta kultura- ekintzetan parte hartzera irteten den.
Hiri guztiek ez dituzte Alde Zaharrak izaten, baina argi dago, daukaten guztiek zaindu egiten
dutela eta bertan, herritarrentzat garrantzitsu den herri aktibitate handia gertatzen dela;
Kanpotarrentzat ere oso gune interesgarriak izaten dira.
Portugaleten aldiz, gainbehera doan gunea da, Udalak hori sahiesteko ez duelako ezer egin.
EAJtik gure Alde Historikoa elkarbizitzarako gune bizia bihurtzea lortu nahi dugu. Leku erosoa
izan behar du bai bizilagunentzat, bai bertan lan egiten duten pertsonentzat ere. Gune
interesgarria, jarduera eta negozio berriak sortzeko; eta honen ondorioz, aberastasuna
lortzeko, bai kulturan bai merkataritza arloan. Honekin guztiarekin, bisitan etortzen
direnentzat ere interesgarria izatea lortuko dugu.
Udaletxeak Plan Estrategikoa sortu behar du, ezinbestekoak diren eginkizunak zehaztuz eta
beharrezkoak diren ekonomia-baliabidez hornituz.
Beharren ikerketaz gain, sor daitezkeen zerbitzu, ekipamendu, eta azpiegitura guztiak
aztertuko dira. Hutsuneak ere, identifikatu behar dira eta hutsune horiek nola konpondu ikertu
behar da, hau guztia etorkizunerako inbertsioa izanik.
▪ Alde Historikoa: gune kulturala
Alde Historikoa herriaren kultura-alorreko ondarerik garrantzitsuena izaten da, bere
izaera, historia, eta jatorria erakusten duelako.
Plan Estrategikoaren arabera, Udaletxeak sustatutako ekintza kulturalak garatzeko
orduan, lehentasunezko gunea izango da Alde Historikoa.
▪ Alde Historikoa: merkatal gunea
Merkataritza-jarduera dagoen tokietan bizitza dago. Plan Estrategikoak plan
espezifikoa izan behar du, merkatal gune bezala, herriaren aukera guztiak
garatzeko.Udaletxetik negozio berrien sorrera ere sustatu behar da.
Honetaz gain, gure baserritarren merkatua zaindu ezezik, bultzatu ere egin behar dugu
eta honekin lotura izan dezaketen zenbait ekintza ere bai. (nekazaritza ekologikoa,
bertoko artisautza...)
Honako helburu hau lortzeko, ostalariekin zein merkatariekin batera lan handia egin
beharko dugu.
▪ Alde Historikoa: aisialdi gunea eta elkargunea
14. Hiri -altzariak, argiztapena eta garbiketa zaindu eta mantendu behar dira. Alde
Historikoak elkargunea izan behar du eta hau lortzeko ostalaritza-jarduera zaindu eta
bultzatu behar da.
▪ Alde Historikoa: gune turistikoa
Alde Historikoak badauka funtsezko balio turistikoa ere; bertan aurkitzen dugun
arkitektura, monumentuak eta leku bereziak oso erakargarriak izaten dira
bisitarientzat.
Jakin badakigu, gero eta bisitari gehiago etortzen direla Portugaletera, batez ere
Bizkaiko Zubia ikustera. Baina hauetatik oso gutxi izaten dira Portugaleten geratzen
direnak. Turistek Bizkaiko Zubia ikusteaz gain ez dute ezer gehiagorik aurkitzen eta
ikusi bezain lasten joan egiten dira.
Udalaren politika turistikoa Alde Historikoak dituen ezaugarri guztien ezagutza
erraztera zuzenduta egon behar da.
EAJ-PNVren ustez, Alde Historikoak dituen ezaugarriak turismorako erakargarriak izan
behar dira eta hau lortzeko gogo handiz egingo du lan.
▪ Abastos Merkatua: funtsezko ekipamendua eta etorkizunekoa
Ekipamendu honen garapena Alde Historikoaren bizitza birsortzeko aukera dugu
ezinbestez.Plan Estrategikoak ideia hau kontuan hartuko du nahitaez.
“Laderas de Azeta”-n burutzeko Proiektu duin eta asmo handiko
baten aldeko apustua egiten dugu
Portugalete, 60. eta 70. hamarkadetan, gehiegizko industrializazio prozesua sufritu duen herria
dugu. Eraikuntza masiboak, non pertsonen beharrak, zerbitzuak eta auzoak ez diren kontuan
izan.
Oso gutxitan izaten da herrietan, espazio publiko eta bereziak berreskuratzeko eta aisialdirako
esparru irekiak sortzeko aukera eta hori da, hain zuzen, EAJren “Laderas de Azeta”
proiektuaren helburu nagusia.
Pertsona duinak ingurune duinetan. Udaletxeak aurkeztutako proiektua, proiektu kaskarra
baino ez da. Beharrezkoa da hiritarren aisirako proiektu handi bat garatzea, portugaletetar
guztiak harro sentitzeko modukoa.
XXI. MENDEKO PROIEKTUA PROPOSATZEN DUGU: 35.000 m2 gozatzeko.Tren-ibilbideko
lubakia gainditzea ezinbestekoa da, pasealeku izugarri bat lortzeko eta Benedikta eta
Itsasadarrari begira dagoen begiratokia sortzeko. Aisialdirako espazio berri hau burutzeko,
trenbidea estali eta altuera ezberdinetan kokatutako terrazen bidez, gune ezberdinak lortuko
dira: Solariuma, Bidegorria, Igogailuak, Jolasguneak eta Zerbitzuguneak besteak beste.
15. Gure auzoen garapenaren aldeko apustua egiten dugu.
Portugaleteko auzo ezberdinek, berezko identitatea daukate eta udaletik hauen hobekuntza
lortzeko, zein bertan bizi diren auzokideen bizi kalitatea hobetzeko arituko gara.
Auzo guztiei zuzendutako proposamen orokorrak aurkezten ditugu:
▪ Poliziaren presentzia indartzea, udaltzainen kopurua handituz, honela gero eta auzune
seguruagoak izanez.
▪ Auzo bakoitzeko Erabilerraztasuna Hobetzeko Planak ezartzea, honako neurri hauek
kontuan izanda:
Igogailuak, eskailera eta ranpa mekanikoak behar diren lekuetan kokatzea.
Muga arkitektonikoak desagertarazi, espaloien altuera gutxitu eta beharrezkoak
diren egokitzapen lan guztiak burutzea.
Auzoen arteko lotura, bide erosoen bidez lortzea eta bide batez oinezkoen
mugikortasuna erraztuz.
▪ Auzune guztietan, Berrikuntza eta Mantentze Planak garatzea. Honen barruan, argiztapen
publikoa aztertu eta hobetuko da.
▪ Bidezaintza Plan ezberdinak osatzea eta horretako, hona hemen hartuko ditugun neurriak:
Trafikoa aztertu eta auzo bakoitzaren irteerak eta sarrerak hobetzea.
Auzoz auzo, aparkaleku eza aztertu eta arazo honi konponbidea bilatzea,
aparkatzeko gune berriak sortuz.
▪ Kultura, merkataritza eta giza-jarduera, zein jarduera ekonomikoa bermatzeko Planak
garatzea:
Eremu publikoetan antolatutako ekintzak bultzatu eta jendearentzat gune
erakargarriak sortu.
Merkatarien elkarteekin batera, denda txikiak sustatzeko laguntza-planak bultzatzea.
Hutsik eta erabili gabe dauden lokalen erabilera erraztea.
Auzo guztietan WI-FI guneak instalatzea.
Auzokideek proposaturiko kultura eta jaien aldeko ekimenak sustatzea.
Azeta auzoan zehazki, honako apustuak egiten ditugu:
▪ “Laderas de Azeta”-n aisialdirako izugarrizko gune irekia sortzea. Honekin Azeta auzoa
itsasadarrari hurbiltzea lortuko dugu.
▪ Talaian aparkaleku bat eraikitzea.
▪ Azetan ezinbestekoa da auzoaren bidezaintza hobetzeko neurriak hartzea.
▪ Santa Ana eta Antonio Trueba Ikastetxeekin hitzarmenak garatzea, auzokideek hauetako
lorategiak zein kirol-instalazioak goza ditzaten.
16. ▪ Auzokideei zuzendutako Gazte-gela eta arreta-bulegoa irekitzea.
▪ Argiztapen publikoa hobetzea.
▪ Abatxolo espaloia zabaltzea.
Buena Vista- La Florida auzuneetan garatzeko proiektuak:
▪ Anbulategi berriaren proiektua ahalik eta lasterren burutzea.
▪ “Los Hoyos” ingurunean, Auzo Etxe berria eraikitzea. Honetan, liburutegi eta arreta
zerbitzu bat kokatuko dira.
▪ Ruperto Medina Ikastolako Kirol-instalazioak hobetzea, bertako auzokideek erabil ditzaten.
Errepelega auzorako honako proposamenak ditugu:
▪ Alonso Allende Multzoko ur-andelak konpontze eta kentze lanak gauzatzea.
▪ Mateo Hernandez Plazan erabateko berrikuntza burutzea, eremu publiko erosoago eta
aprobetxatuagoa lortuz.
▪ Rivas parkea, Pando eta Sestaorekin bidegorri baten bidez lotzea.
▪ Villanueva Auzo Etxean, arreta- bulego eta ikas-gela bat sortzea.
▪ Udal Parke Mugikorra Errepelagara mugitzea.
▪ “El Roble”-ko auzokideei konponbidea emateko, Eusko Jaurlaritzak planifikatuak dituen
etxebizitzen eraikuntza bultzatzea.
Etxebizitzak eraikitzeko apustua egiten dugu.
▪ Portugaleteko Etxebizitza Plana martxan jartzeko apustua egiten dugu eta legealdi
honetan zehar 800 etxebizitza eraikitzeko konpromisoa adierazten dugu.
▪ Alokatze-prozesua sustatzea, batez ere gazteentzat eta baliabide gutxiko jendearentzat
ere.
▪ Etxebizitzak Berritzeko Plana garatzea. Hau Europatik datorkigun kontzeptua da eta
garratzia ematen zaio energia-eraginkortasuna eta jasangarritasunari besteak beste.
Berrikuntza lanak erraztuko dira batez ere aurreko bi kontzeptu hauek betetzeko asmoz
egiten badira.
▪ Beheko solairuak eta lonjak, etxebizitza bihurtzeko baimena ematearen alde gaude, beti
ere, espekulazioari uko eginez. Honetaz gain, igogailuak instalatzeko ordenantzak aldatzea
proposaten dugu.
17. Garapen ekonomikoaren eta Merkataritzaren aldeko apustua
egiten dugu
Betidanik, merkataritza Portugaleteko industria izan da, aberastasuna eta enplegua sortuz eta
Ezkerralde zein Meatzaldeko erreferentea izanez.
Gaurko egoera berriz, guztiz ezberdina da. Gero eta lokal gehiago dago itxita eta gero eta
zailagoa da Portugaleten zenbait gauza aurkitzea.
Portugaleten ez dago industria estentsiboa ezartzeko lekurik eta merkataritza, zerbitzu-
sektorea eta enpresa berritzaileen jarduera izango da gure ekonomiaren sustapena.
Hauteskunde-programa honetan zehar, Portugaleteko garapen ekonomikoa bultzatzeko eta
denda eta negozio berriak sortzeko proposamen ugari aipatzen ditugu.
Badugu helburu nagusi bat: aberastasuna, enplegua eta garapen ekonomikoa lortzea.
Gure apustua, planikikatua, ongi antolatua eta estrategikoa izango da, bai epe laburrean baita
epe ertainerako ekintzak ere dituena.
EAJ-PNVk honako ideiak proposatzen ditugu:
▪ Udaleko Kontu-Hartzailetza Plana garatzea, Udal Garapen Ekonomikorako Plan Berezia,
udaleko ekonomia suspertzeko eta etorkizunari begira antolatzeko.
▪ Egungo merkataritza eta enpresak bultzatzea: muga burokratikoak ezabatuz, enpresak eta
negozioak eraberritzeko aukerak eta tramiteak erraztuz, merkatariei zuzendutako
prestakuntza sustatuz, kanpaina espezifikoak bultzatuz eta abar.
▪ Ballonti Merkataritza-guneak sortutako tasen % 10a herriko merkataritza suspertzeko
itzultzea.
▪ Hutsik dauden lonjen eta lokalen zentsu bat osatzea. Beraien ezaugarriak, kokapena eta
erabilera posibleak aztertuz.
▪ Egun, estrategikoki merkataritzarako aproposak diren lekuak eta guneak identifikatzea eta
hauen beharrak aztertzea.
▪ Merkataritzako berrikuntza, ikerketa eta ekonomia-jarduera berriak sustatzea.
▪ Merkataritza Dinamizatzeko Bulegoa hobetzea, baliabideak, ekintzak eta zerbitzuak
handituz.
▪ Ekonomia Sustapen eta Emplegu Zerbitzua sortzea, Portugaleten ezarritako enpresa eta
jarduera berriei lagunduz eta lanpostu berriak sustatuz.
18. Partaidetza eta Konpromisoaren aldeko apustua egiten dugu
Gauza txikiek garrantzi handia dute. Aspalditik, herritarren iritzi, proposamen eta iradokizunak
jasotzen ari gara. “ Portugalete, Zure Zain!” programaren bidez honako ideia hauek bildu
ditugu, gure programaren barruan kokatuz eta hauekiko konpromisoa adieraziz:
▪ Udal Euskaltegirako kokaleku berria.
▪ Etxeko animaliekin elkarbizitza. Berdeguneak mugatuz.
▪ Liburutegiaren ordutegiak zabaldu.
▪ Auzo guztietan Wifi guneak sortu.
▪ Adin guztietako pertsonei eta ezgaitasunaren bat dutenei zuzendutako kirol ekimenak
antolatzea.
▪ Gizarte-eragileekin banatutako kudeaketa:
Auzo elkarteak: 75.000 euro lehentasunezko eginkizunetarako.
Gazte elkarteak: Gazte gelako aurrekontuaren %20a.
▪ Ballontik sortutako tasen % 10a, herri merkataritza suspertzeko.
▪ WC instalazioak.
▪ Portugalete 2.0. Informazio kanalak eta partaidetza telematikoa.
▪ Autokarabana aparkalekua.
▪ Haurrentzako jolas parke estalia.