Luisa de Marillac Animadora de las Cofradías de la Caridad
Kuaresma 2016
1. Kiko ta Kuaresma?
Kuaresma ta e periodo di 40 dia di preparashon
pa e fiesta di Pasku di Resurekshon.
E 3 aspektonan di kuaresma ta:
Orashon
Ayuna i apstinensha
Duna limosna
2. Kuaresma ta kuminsá semper riba un djárason.
El a kuminsá 10-2-2016
E dia ku Kuaresma kuminsá nos ta yama
Djárason di Shinishi.
E dia ei ora bo bai misa pastor ta hunta shinishi
den forma di krus na bo frenta i ta bisa:
“DI TERA BO TA BIN I DI TERA BO TA BAI”
Djárason di Shinishi ta marka inisio di e temporada
di Kuaresma. Ta un tempu di penitensia,
reflekshon i yuna kual ta prepará nos pa Kristu su
resurekshon.
3. E shinishi ta trahá di ramanan di palma bendishoná di e
aña anterior su Misa di Djadumingu di Palma.
E koló ku ta usa den misa e temporada aki ta lila.
Koló di tristesa i meditashon.
Den kuaresma e 6 djadumingunan no
ta konta den e 40 dianan.
E djadumingunan ta pa bo reflekshoná riba bo
komportashon den e temporada aki.
4. Den orashon mi ta reflekshoná kon mi komportashon ta. Mi ta pidi
Señor forsa i ta yam’E danki pa su yudansa i e yudansa ku mi a risibí
di otronan.
Den e temporada aki mi ta haña e oportunidat di repentí di mi
fayonan, bira lomba pa nan i kombertí mi mes i bini bèk serka Señor.
Dor di drecha loke mi hasi malu, mi ta kuminsá un bida nobo huntu
ku Señor.
Asinaki mi ta kumpli ku e promesa di Boutismo.
Boutismo: laga e bida di skuridat un banda i sigui den pasonan di
Kristu.
Pa hasi tur esaki mi mester di 40 dia.
5. Den ayuno mi ta siña dominá mi mes deseo i anhelonan. Mi no
mester ta adikto na kosnan material. Dor di lòs mi mes for di
kosnan, mi ta hasi mi mes bashí pa Dios yená mi ku su AMOR.
Iglesia ta invitá nos pa tene ayuno i apstinensha, dos biaha
den aña. E dianan aki ta Djárason di shinishi i Djabièrnè
Santu.
Ayuno: falta un kuminda kompleto riba e dos dianan ariba
menshoná.
Apstinensha: No kome karni riba e dos dianan ariba
menshoná.
Hende no ta biba di pan so, pero di tur palabra ku ta
sali for di boka di DIOS.
6. Si mi bida ta simpel, mi por parti ku otro.
Ora bo ta duna un limosna, no laga man
robes sa kiko bo man drechi ta hasi.
Ora mi duna algu na e otro, no halsa mi mes
riba e otro.
Den humildat mi tin ku yuda e otro, pasobra
nos ta hende humano igual na otro.
7. Algun fecha importante den Kuaresma
Djárason di shinishi: 10-2-2016
Djasabra di aleluya: 26-3-2016
Djadumingu di Rama: 20-3-2016
Semana Santa: 21-3-2016
Djaweps Santu: 24-3-2016
Bièrnè Santu: 25-3-2016
Pasku di resurekshon: 27-3-2016/28-3-2016