1. GOI-MAILAKO HEZIKETA-ZIKLOAK
Heziketa-zikloek aukeratzen duzun lanbidean langile kalifikatu gisa aritzeko
prestatzen zaituzte.
Ikasketa hauek amaituta, ‘goi-mailako teknikari’ titulua lortuko duzu, lanbidearen
ikuspuntutik baliozkoa, zikloen edukia lan-munduaren eskakizunak kontuan
izanda ezartzen baita.
Modulutan (irakasgaiak) banatuta daude. Guztira, 2.000 ordu irauten du ziklo
bakoitzak, eta, Lantokiko Prestakuntza (LP) izan ezik, gainerako modulu guztiak
ikastetxean bertan irakasten dira. LP modulua derrigorrezkoa da ziklo guztietan,
eta enpresa batean egiten da, bigarren kurtsoaren bukaeran.
Goi-mailako zikloak goi-mailako ikasketatzat hartzen dira. Beraz, ziklo
hauetako bat gaindituz gero, ‘goi-mailako teknikari’ titulua lortuko duzu, gorago
esan bezala. Tituluak bi aukera eskaintzen ditu: lanean hastea eta
unibertsitateko ikasketak eginez zure prestakuntza hobetzea.
Gure ikastetxean, inguruko enpresek gehien eskatzen dituzten teknikari-ikasketak
egin daitezke. Lanbide-arlo hauetan txertatuta daude gure zikloak:
Administrazioa eta Kudeaketa Elektrizitatea eta Elektronika Fabrikazio Mekanikoa
Informazio gehiago nahi izanez gero, aukeratu zerrendatik ziklo bat.
Ziklo hauek eskaintzen ditugu ikasturte honetan:
· Zuzendaritzari laguntza ematea
· Administrazioa eta finantzak
· Sistema elektroteknikoak eta automatizatuak
· Telekomunikazio- eta informatika-sistemak
· Automatizazio eta robotika industriala
· Mekatronika industriala
· Fabrikazio mekanikoko produkzioaren programazioa