2. Exposición de fotografía colectiva
O Instituto de Estudos Ulloáns organiza unha exposición fotográfica que pon en diálogo diferentes olladas de
mulleres vencelladas á Comarca da Ulloa sobre o seu territorio. As propostas fotográficas parten todas elas dunha
reflexión, crítica ou posta en valor dalgún aspecto relacionado coa Comarca da Ulloa. A seguinte exposición
colectiva irá acompañada, ademais, dun libreto informativo que contextualice cada una das propostas no seu
marco de referencia procurando dar cabida á reflexión das autoras e dende as perspectivas social, histórica,
pedagóxica e/ou territorial. Estamos a falar dun proxecto que ten como obxectivos principais:
- Fomentar a análise crítica sobre o propio territorio
- Focalizar tamén o autorecoñecemento nas problemáticas e riquezas que o propio territorio ofrece aos seus
habitantes
- Analizar a visión feminina sobre os diferentes ámbitos que rodean a vivencia nun determinado terriotiro: a
paisaxe, as relacións sociais…
- Democratizar e implicar á cidadanía no traballo e experiencia artística, entendendo esta como ferramenta de
transformación social
3. AS NOSAS FOTÓGRAFAS:
Bibliotecarias, mestras, gandeiras,
estudantes, traballadoras do fogar,
hostaleiras, muiñeiras, deseñadoras
gráficas, fotógrafas, cantareiras, nais,
fillas, veciñas… MULLERES AS COMISARIAS:
OS TEMAS TRATADOS:
Pegada humana no territorio, simboloxía nas
construccións relixiosas, riqueza do bosque
autóctono, perda de fontes e currupias, traballo
manual como identidade, perda do coñecemento
vinculado aos oficios tradicionais...
Susana Varela Negro
Veciña de Antas de Ulla
Graduada en Historia da Arte
pola Universidade de Santiago de
Compostela
Patricia Coucheiro
González
Veciña de Antas de Ulla
Licenciada en Comunicación
Audiovisual
pola Universidade de Santiago de Compostela
Mestrada en Belas Artes, Creación e
Investigación en Arte Contemporánea
pola Universidade de Vigo