1. federación de
servizos á cidadanía
Sector administración xustiza
ALEGACIÓNS DO SECTOR DE XUSTIZA DE CCOO AO PROXECTO DE DECRETO
POLO QUE SE DETERMINA A ESTRUTURA E ORGANIZACIÓN DA OFICINA FISCAL
EN GALICIA E DA UNIDADE DE APOIO AO FISCAL SUPERIOR
Consideracións xerais
Este proxecto de decreto é unha operación orquestrada a nivel nacional como unha
maniobra de márketing político, que pretende vender á sociedade unha realidade que
non existe: fronte ás declaracións de intencións dunha xustiza áxil e moderna, os
profesionais que vivimos o día a día da xustiza como servizo público somos
coñecedores das dúas características intrínsecas á mesma que marcan o colapso e
decrepitude do que debería ser unha prioridade para o goberno, en aras a garantir os
dereitos da cidadanía: fronte a unha necesaria racionalización e dotación de medios
persoais e materiais, o que impera é o caos, a improvisación, a falta de recursos e os
parches mediáticos e inservibles para solucionar os problemas estruturais da xustiza.
Unha Nova Oficina Fiscal debería ser simultánea á creación da Nova Oficina
Xudicial, os servizos comúns xerais e as unidades procesuais de apoio directo,
toda vez que a interrelación entre xulgados e fiscalías precisan de actuacións
coordinadas, e, dende logo, antes de iniciar calquera reforma de envergadura como
esta, ambiciosa dende o punto de vista político, e de servizo á cidadanía, o primeiro
que debería estar implantado é o expediente electrónico, alicerce básico sobre o
que debería partir calquera reforma que se antolle como eficaz.
Polo tanto, dende CCOO, o primerio que queremos alegar é a extemporaneidade
deste decreto, e demandamos o seu adiamento, en tanto non sexa xeralizado o
uso do expediente electrónico na Administración de Xustiza.
Iso non representa una renuncia á necesaria actualización da Oficina Fiscal ás
necesidades actuais, polo que consideramos que ese adiamento non debe ser óbice
2. federación de
servizos á cidadanía
Sector administración xustiza
á consolidación dos reforzos estruturais, que rozan a ilegalidade, ou, cando
menos, están nunha situación de limbo legal, toda vez que as diferentes ordes da
Dirección Xeral de Xustiza considera ao persoal de reforzo como o necesario para
necesidades moi puntuais e por tempo moi limitado. A existencia de reforzos de máis
de dez anos de duración é unha figura única en todas as administracións, pero ao
parecer, na administración de xustiza de Galicia, hai un interés en non recoñecer
como estruturais esas prazas e manter a interinidade de situacións que precisan
dunha consolidación inmediata.
Por outra banda, cando está posta en cuestión a cesión ou non da instrución dos
procedementos penais ao Ministerio Fiscal, con cambios lexislativos inminentes
e aínda por concretar, consideramos que o esforzo pode ser baldío ante as novas
circunstancias que se aveciñan, razón de máis para solicitar o adiamento.
Alegacións
No preámbulo do proxecto, parágrafo sétimo, faise referencia á RPT,
debendo engadirse que o aclopamento será en todo caso voluntario sen
ningún tipo de adscripción forzosa, e con reserva de praza na localidade.
Así mesmo, no parágrafo oitavo do mesmo preámbulo e unha autoemenda
en toda regla á incompetencia da Dirección Xeral de Xustiza, que non foi
quen de acompasar o incremento de persoal da carreira fiscal co dos
funcionarios de xustiza e recoñécese a necesidade de acadar a ratio dun
funcionario por fiscal. Sen embargo, é de todo punto inadmisible a
engádega “a que se deberá tender na medida en que as dispoñibilidades
orzamentarias o permitan”, que propoñemos substituir por “no prazo
improrrogable de tres anos”
No artigo 5 Estrutura das Oficinas Fiscais, apartado a) Área de apoio á
3. federación de
servizos á cidadanía
Sector administración xustiza
xefatura debe eliminarse que esta área desenvolverá calquera outra
función análoga que lle sexa encomendada polo fiscal xefe xa que a
inseguridade xurídica e a porta que deixa aberta a funcións de calquera
índole a discreción da correspondente xefatura é unha aberración legal que
devén da constante mantida dende sempre na Administración de Xustiza:
unha inconcrección de función que deriva irremediablemente en problemas
organizativos e asunción de funcións polos traballadores que corresponden
aos seus superiores xerárquicos. Do mesmo modo, o mesmo caixón de
sastre debe ser eliminado do 5 b) e do 5 c)
No artigo 6 Funcionamento das oficinas fiscais, apartado 3 debe engadirse
que o posto de coordinador de oficina será xenérico, retribuído, con
funcións de guarda e provisto por concurso de traslado.
No artigo 7 Postos de traballo singularizados, respecto ao coordinador ou
xestor responsable, así como o responsable do control de rexistro,
estatística e calidade, debe modificarse no sentido de que será xenérico,
con maior retribución e provisto por concurso de traslado.
Nese mesmo punto no que respecta ao punto 1.2, secretario persoal, debe
reservarse aos funcionarios da administración de xustiza e por concurso de
traslado. En tempos en que presumir de austeridade e recortes semella un
logro político, auténtica barbarie, non é de recibo a creación de cinco
postos de traballo por libre designación e abertos á funcionarios da Xunta
de Galicia. Rexeitamos de plano as libres designacións, por ser campo
aberto á corrupción e o enchufismo, e por ter a Administración de Xustiza
persoal cualificado suficiente para desenvolver esas funcións.
Nos artigos 10 e 11, en canto aos manuais de procedemento e de postos,
bótase en falta un órgano que unifique os criterios de cada oficina fiscal, a
4. federación de
servizos á cidadanía
Sector administración xustiza
descoordinación parece quedar sementade coa liberdade absoluta para os
xefes de cada oficina fiscal, polo que proponse a creación dunha comisión
tripartita entre administración, fiscais e organizacións sindicais en
representación dos traballadores a efectos de desenvolver e facer un
seguimento dos manuais de postos e procedementos.
Disposición adicional única: ordenación do persoal: remitímonos á primeria
alegación e, ademais, deberá garantirse a conservación de todos os postos
de traballo no seu actual destino, tanto nas Fiscalías Provinciais e as súas
seccións territoriais, así como de área e no TSXG, incrementándose de
xeito inmediato, dadas as necesidades urxentes, en tres tramitadores para
a Fiscalía Provincial da Coruña, outros tres para a de área de Vigo e dous
para a de Santiago de Compostela
Disposición transitoria primeira e segunda: remitímonos á segunda
alegación. Deixar o desenvolvemento ás dispoñibilidades orzamentarias
crea inseguridade e deixa en papel mollado o decreto entero.
En Compostela, a 21 de abril de 2014
Jorge Suárez Fernández
Responsable da negociación colectiva do Sector de Xustiza de CCOO