Conto debuxado polo alumnado de 3 anos da aula dos Bolechas do CEIP San Roque de Darbo (Cangas)

3. HABÍA UNHA VEZ, HAI MOITOS ANOS, UNHA RATIÑA CHAMADA ESCARLATA QUE VIVÍA NUN ENORME GALEÓN PIRATA, O “SETE MARES”, XUNTO COS SEUS PAIS, IRMÁNS, TÍOS E PRIMOS. TODA A SÚA FAMILIA ESTABA MOI CONTENTA CO SEU MODO DE VIDA: BO CLIMA, VÍVERES A ESGALLA, VIAXABAN DE SOL A SOL, COÑECÍAN OS BARCOS MÁIS GRANDIOSOS DO MUNDO, OLLABAN AS BATALLAS MÁIS ENCARNIZADAS… E NON HABÍA GATOS Á VISTA!!!!

5. PERO ESCARLATA QUERÍA ALGO MÁIS. QUERÍA SER UNHA RATIÑA PIRATA. OS SEUS CURMÁNS E IRMÁNS TOMÁBANSE AS SÚAS ASPIRACIÓNS A BROMA. UNHA RATA PIRATA! VAIA TONTERÍA! UN LORO PIRATA, VALE, OU UN MONO PIRATA… PERO UNHA RATA… ESTÁS TOLIÑA DE TODO.

6. OS SEUS PAIS TRATABAN DE QUE ENTRASE EN RAZÓN: ESCARLATA, NINGÚN CAPITÁN PIRATA QUERERÁ TER COMO MASCOTA UNHA RATA... - POR QUÉ? – PREGUNTABA ESCARLATA . - PORQUE NON É SUFICIENTEMENTE EXÓTICO, SUPOÑO- CONTESTABAN. - POIS NON SABEN O QUE SE PERDEN, PORQUE EU SON MOI, MOI LISTA- ASEGUROU ESCARLATA.

8. ASÍ QUE A NOSA PROTAGONISTA DECIDIU FACERSE MOI AMIGA DO CAPITÁN DO BARCO, O PIRATA OLLO BIROLLO, PARA QUE LLE COLLERA CARIÑO E CHEGAR A SER A SÚA MASCOTA .

9. COMEZOU CON PEQUENOS XESTOS. ACHEGARLLE UN ANAQUIÑO DE PAN QUE SE LLE CAERA DO PRATO, MATAR UN VERME QUE SE EMPEÑABA EN SUBIR POLA SÚA BARBA, LIMPAR CO SEU RABO O PO DAQUEL PRECIOSO, AÍNDA QUE SEMPRE SUXO, IMPRESIONANTE SOMBREIRO DE CAPITÁN PIRATA… PERO OLLO BIROLLO NON SE DECATABA DE NADA.

11. PERO UN DÍA CHEGOU A SÚA OPORTUNIDADE. O VIXÍA DO BARCO BERROU CON TODAS AS SÚAS FORZAS: - BARCO Á VISTA !!! ELA SUBIU A TODA PRÉSA POLO MASTRO PARA TER UNHA BOA VISIÓN E DENDE ALÍ DIVISOU O VELEIRO DO PRINCIPAL INIMIGO DO PIRATA OLLO BIROLLO: O CAPITÁN SMITH, BUCANEIRO ÁS ORDES DA COROA INGLESA. OS CANÓNS COMEZARON A RESOAR E O BARCO PREPAROUSE PARA A ABORDAXE. ESCARLATA OLLABA CON ATENCIÓN DISPOSTA A INTERVIR.

13. EN POUCOS MINUTOS O CAPITÁN OLLO BIROLLO E OS DEMAIS MEMBROS DA TRIPULACIÓN ASALTARON O BARCO DE SMITH, PERO OS SEUS SOLDADOS ESTABAN PREPARADOS, ESPERANDO O ATAQUE. OS ACEIROS CRUZÁBANSE. TRIS!, TRAS!, TRIS!, TRAS! A BATALLA ESTABA MOI IGUALADA. ESCARLATA DECIDIU AXUDAR. SALTOU AO BARCO RIVAL XUSTO A TEMPO PARA MORDERLLE NA MAN AO CAPITÁN SMITH CANDO ÍA ATACAR COA SÚA ESPADA A OLLO BIROLLO.

15. DESTA OCASIÓN, A OLLO BIROLLO NON SE LLE PASOU POR ALTO O DETALLE. VAIA RATA MÁIS ESPILIDA! – PENSOU- . O PIRATA COLLEU A ESCARLATA, POUSOUNA SOBRE O SEU OMBREIRO DEREITO E DÍXOLLE: - A PARTIR DE AGORA NOMÉOTE RATA PIRATA. E ASÍ FOI COMO ESCARLATA CONVERTEUSE NA MÁIS CÉLEBRE RATA PIRATA. QUE LISTA ERA ESCARLATA !!!!

17. FIN