1. Jesús enseña que debemos estar preparados para su regreso, porque no sabemos el día ni la hora. Compara su regreso con un ladrón en la noche. 2. Jesús dice cuatro veces "estén alertas", para que sus discípulos siempre estén preparados para su venida. 3. Debemos vivir haciendo el bien como Jesús nos enseñó, amando a los demás y sirviéndoles, para así estar listos cuando él regrese.

2. PHIAJ NRHIAV ZAJ
COV ZAJ PHAB
Nthuav Zaj Nyeem Hnub Chiv
Kev txiav txim hnub kawg 1
Nej zov hmo mog! 3
Yoog raws Za tus yam ntxwv 6
Ua tim khawv txog qhov kaj 9
Vaj Qhia Lus Ntuas
Leej Ntuj Plig kom peb must sob hwb lwm tus 11
Txhob txaj muag thov Ntuj 13
Xov Xwm
Hmoov tsuj xeeb tsev teev Ntuj hauv zos Khej Me 14
Vaj Qhia thov kom cov Tswv Qhia koom taug Yes Xus txoj kev 16
Kev Ntseeg Kav Tos Liv
Kev ntseeg thiab qhov yuav tsum ntseeg 18
Kev ntseeg txog Tswv Ntuj 21
Ntxiv Txoj Kev Ntseeg
Caij Tos Huab Tais (Adventus) 25
Plaub tus tswm ciab hauv Caij Tos Huab Tais 27
Kav Tos Liv puas teev hawm cov duab thiab cov mlom 28
Ib tug neeg ntseeg yog ib tug neeg zoo li cas? 29
Tham Txog Hmoob
Hmoob Kav Tos Liv kab ke noj tsiab 33

3. 1
KEV TXIAV TXIM HNUB KAWG
Lis piam 34 Caij Nruab Xyoos xyoo A (Hwm Yes Xus ua vaj) Tus sau: Txawj Tsav Meej Mom Lauj.
Yes Xus hais rau lawv tias: “Thaum Neeg Leej Tub yuav rov los, nws yuav
muaj koob meej. Tas tsoom Tshiab yuav nrog nws los. Nws yuav zaum saum nws
lub theej kiab muaj koob meej. Tas ib tsoom haiv neeg yuav sib sau nyob ntawm
nws xub ntiag. Nws yuav cais tsoom neeg xws li tus zov yaj cais cov yaj ntawm cov
tshis.
Nws yuav cia cov yaj rau ntawm nws sab xis, cia cov tshis rau ntawm nws
sab laug. Ces tus Vaj yuav hais rau cov nyob sab xis tias: Nej los mog ! Nej yog cov
uas kuv Txiv pub txoj hmoov zoo rau. Nej txais lub Ceeb Tsheej uas Ntuj npaj tseg
rau nej txij puag thaum pib tsim lub sim ceeb los ua nej tug. Vim tias kuv tshaib
plab, nej pub rau kuv noj ; kuv nqhis dej, nej pub rau kuv haus, kuv yog ib tug pej
kum neeg, nej txais kuv ; kuv liab qab, nej muab rau kuv hnav ; kuv mob, nej tuaj
xyuas kuv ; kuv nyob hauv tsev loj faj, nej tuaj tsham kuv.
Ces cov neeg ncaj yuav teb tias: Huab Tais, thaum twg peb tau pom koj
tshaib plab ces peb tau pub rau koj noj, pom koj nqhis dej, ces peb tau muab rau
koj haus, pom koj yog ib tug pej kum neeg, ces peb tau txais koj, pom koj liab qab
ces tau muab rau koj hnav? Pom koj mob los nyob hauv tsev loj faj, ces peb tau
tuaj xyuas koj?
Tus Vaj yuav teb rau lawv li no: Kuv hais tseeb rau nej. Nej tau ua npaum li
cas rau cov me tshaj hauv kuv tsoom kwv, mas yog nej ua rau kuv.
Ces tus vaj yuav hais rau cov nyob sab laug tias: Nej txoj hmoov phem. Nej
khiav mus deb kuv, mus nyob hauv cov hluav taws kub tsis txawj tuag, uas Ntuj
npaj rau tus dab phem thiab nws cov dab. Vim thaum kuv tshaib plab nej tsis pub
rau kuv noj, kuv nqhis dej nej tsis pub rau kuv haus, kuv yog ib tug pej kum neeg
nej tsis txais kuv, kuv liab qab nej tsis muab rau kuv hnav, kuv mob thiab kuv nyob
hauv tsev loj faj nej tsis tuaj xyuas kuv.

4. 2
Ces cov ntawd yuav teb rau tus Vaj tias : Huab Tais, thaum twg peb tau pom
koj tshaib plab los nqhis dej, pom koj yog ib tug pej kum neeg, pom koj liab qab,
pom koj mob los nyob hauv tsev loj faj, ces peb tsis tau pab koj?
Ces tus Vaj yuav teb rau lawv tias: Kuv hais tseeb rau nej, nej tsis tau ua rau
cov me tshaj hauv kuv tsoom kwv npaum li cas, mas yog nej tsis tau ua rau kuv.
Ces cov no yuav mus raug txim ib txhiab ib txhis. Hos cov siab ncaj yuav
mus txais txoj sia nyob mus li.” (MT25:31-46)
Kwv tij Hmoob, Yes Xus yog peb
tus vaj, nws lub hwj chim yog tsob
hwb lwm tus tsis yog rau lwm tus tsob
hwb nws. Yes Xus lub Ceeb Tsheej yog
kev ncaj ncees, kev nyiam, thiab kev
zam txim.
Nyob hauv hnub kawg, Huab
Tais Yes Xus yuav rov los txiav txim rau
ib zeej tsoom raws lawv cov hauj lwm
zoo thiab phem thaum tseem ua neej
nyob. Huab Tais Yes Xus yuav pub koob haum rau tus neeg tsim koob hmoov ua
zoo rau lwm tus raws li lo lus qhia tias “Nej tau ua npaum li cas rau cov me
tshaj hauv kuv tsoom kwv, mas yog nej ua rau kuv.” (MT25:40)
Huab Tais Yes Xus qhia peb tsim koob hmoov li no: Tsob hwb lwm tus
nyob hauv txoj kev nyaim li Huab Tais Yes Xus ua piv txwv rau peb, nyiaam thiab
pab lwm tus vim txog hnub kawg Huab Tais Yes Xus yuav nug peb tias ‘Koj tau
pab lwm tus li cas?’, txais thiab hwm Huab Tais Yes Xus nyob hauv lwm tus neeg.
Kwv tij Hmoob, peb kav tsij tsim koob hmoov ziag no mus, txhob tos kom
txog hnub kawg tso vim kev txiav txim pib thaum peb tseem ua neej nyob mus,
thiab Huab Tais yuav txiav txim rau peb raws li cov hauj lwm peb ua.
Kwv tij, Huab Tais Yes Xus hlub cov neeg txom nyem, nyiam nws tus yeeb
ncuab, muab nws txoj sia los txhiv sawv daws, zam txim rau cov neeg tua nws.
Cov no yog cov cai nyob hauv kev txiav txim hnub kawg.
+++++++++++++++++++++++++++++++++++++++++++++++++++++++

5. 3
NEJ ZOV HMO MOG!
Lis Piam 1 Caij Tos Huab Tais xyoo B Tus sau: XH. Yaj Nom Thoob.
Yes Xus hais rau cov thwj tim tias “Nej ceev faj, nej zov hmo, vim nej tsis
paub tias thaum twg thiaj yog lub sij hawm. Zoo li ib tug neeg tawm rooj mus deb:
Nws tso nws vaj tse cia, nws muab cai rau cov tub txib, nws faib ib leeg ib txog
hauj lwm. Nws kom tus zov qhov rooj zov hmo.
Nej zov hmo mog, vim nej tsis paub thaum twg tus tswv tsev yuav rov los,
puas yog thaum tsaus ntuj, los thaum ib tag hmo, thaum qaib qua los thaum kaj
ntug. Tsam nws los txog thaum nej tsis nco faj, nws pom nej tsaug zog.
Qhov kuv hais rau nej no, kuv kuj hais rau tas sawv daws huv si: Nej zov
hmo mog!” (MK13:33-37)
Kwv tij Hmoob, nyob hauv Ntawv Moo Zoo mas Yes Xus hais 4 zaug sib
law tias “Nej zov hmo.”
Vim li cas Huab Tais Yes Xus hais 4 zaug sib law zoo li ntawd? Vim Huab
Tais Yes Xus xav kom sawv daws ua neeg npaj txhij tos Yes Xus rov tuaj cuag
peb. Li ntawd, peb sawv daws yuav tsum ua neeg xyuam xim thiab ceev faj, kom
peb tsis txhob poob hauv txoj kev ua phem ua txhaum.

6. 4
Huab Tais Yes Xus hais 4 zaug sib law tias “Nej zov hmo mog” mas yog
kom peb npaj rawv tos Huab Tais Yes Xus rov tuaj cuag peb. Yog peb ua neeg
npaj txhij tos Yes Xus, mas thaum Yes Xus tuaj txog nws yuav txais peb nrog nws
nyob.
Kwv tij Hmoob, peb tsis paub tias yog lub caij twg Huab Tais Yes Xus rov
tuaj cuag peb. Puas yog ib chim, puas yog ib tsam, puas yog hmo no, los tag kis.
Peb hais tias muaj 2 lub caij loj uas Huab Tais Yes Xus yuav tuaj cuag peb. Thawj
lub caij yog hnub peb txoj sia tu. Lub caij tim ob, yog hnub ntiaj teb kawg.
Peb yuav npaj tos Huab Tais Yes Xus zoo li cas?
Peb ua cov hauj lwm zoo uas Huab Tais Yes Xus kom peb ua, yam li peb
hlub luag tej, peb pab luag tej, peb ua zoo rau luag, peb tu peb lub siab kom
dawb huv.
Lub sij hawm no, peb kuj ib txhij npaj tos tus me nyuam Yes Xus yuav tuaj
cuag peb. Yog hmo peb ua lub ntees tsuj xeeb Huab Tais Yes Xus yug los, mas
peb txais tus me nyuam Yes Xus tuaj nyob hauv peb.
Peb npaj tos tus me nyuam Yes Xus tuaj nyob hauv peb, mas peb kuj npaj
tos lub caij loj uas Huab Tais Yes Xus rov tuaj cuag peb dua, yog thaum peb lub
neej kawg.
Vim peb tsis paub tias lub caij twg yog lub caij kawg ntawm peb lub neej,
peb tsis paub tias hnub twg peb yuav tuag. Yog vim peb tsis muaj peev xwm
paub txog lub caij tseem ceeb ntawd, mas peb yuav tsum npaj txhij tas mus li.
Peb ua zoo tas mus li.
Hnub peb tuag, mas peb tus ntsuj plig yuav pom Yes Xus tim ntsej tim
muag, ces Huab Tais Yes Xus yuav txiav txim rau peb raws li nyias tej hauj lwm.
Tus ua zoo yuav nrog Huab Tais Yes Xus nyob, koom Yes Xus lub hwj chim. Tus
ua phem yuav txais kev txom nyem mus li. Yog lub caij ntawd mas Yes Xus
yuav nug saib peb tau hlub luag tej npaum li cas, peb tau pab luag tej
npaum li cas.
Huab Tais Yes Xus tuag tas, nws sawv rov los, nws mus pem Ntuj, mus
cuag nws Leej Txiv Tswv Ntuj. Huab Tais Yes Xus ncaim peb mus mas nws muab
ib co lus qhia loj rau peb, Yes Xus txhib kom peb sib nyiam sib hlub, thiab kom
peb pab luag tej. Ces peb sawv daws yuav tsum mloog Huab Tais Yes Xus cov

7. 5
lus ntawd, peb sib nyiam sib hlub, peb sib pab, peb ua zoo rau luag. Peb txhob
nyob dag tsis tau ua ib yam dab tsi los pab luag tej.
‘Peb niaj hnub yuav ua cov hauj lwm
uas Huab Tais Yes Xus tos kom peb ua.’
Kwv tij, peb npaj txhij tos Huab Tais Yes Xus tas mus li, vim peb tsis paub
yog lub caij twg Huab Tais Yes Xus rov tuaj cuag peb. Peb yuav tsum ua zoo ua
ncaj xwb, vim yus lub neej tam sim no tsuas nyob ib ntus tsis ntev, tab sis peb
lub neej tseem ceeb yog lub neej tshiab nyob ntawm Tswv Ntuj xub ntiag. Yog
lub neej yav tom ntej uas Tswv Ntuj yuav pub rau peb. Yog lub neej nyob ntawm
Tswv Ntuj lub Ceeb Tsheej.
Tswv Ntuj lub Ceeb Tsheej yog lub Ceeb Tsheej uas nyem no peb qhov
muag ntsia tsis pom, yog lub Ceeb Tsheej uas peb to taub tsis tas. Yog lub Ceeb
Tsheej nyob mus li ib txhiab ib txhis.
Tam si no yog lub caij tos Huab Tais Yes Xus, mas peb tsoom ntseeg muaj
cov hauj lwm loj yuav tsum ua yog teev Ntuj kom ntau dua qub, yog Txias lub
Cim Dawm Txhaum kom ntau dua, yog txais lub Cim Yug kom ntau dua, thiab
yog pab luag tej kom ntau dua. Yog peb ua li no mas hnub Huab Tais Yes Xus
tuaj txog nws yuav pom peb yog ib tug neeg npaj txhij, ces Yes Xus yuav txais
peb mus nrog nws nyob.
Kwv tij Hmoob, lub caij tos Huab Tais Yes Xus tseem yog lub caij peb yuav
txiav tej yam tsis zoo hauv peb lub neej pov tseg. Yav dhau los yog peb tau ua
tej yam tsis zoo, mas peb tso pov tseg huv tib si. Peb tig los yuav lub siab tshiab,
tig los ua zoo ua ncaj, thiab tig los npuab Tswv Ntuj.
Kwv tij Hmoob sawv daws, lub caij tos Huab Tais Yes Xus mas peb yuav ua
zoo tiag, peb tig los yuav lub siab tshiab tiag. Peb txhob tos ntev, vim peb tsis
paub tias yog lub caij twg Huab Tais Yes Xus yuav rov tuaj cuag peb.
+++++++++++++++++++++++++++++++++++++++++++++++++++++++++++++++++

8. 6
YOOG RAWS ZAM TUS YAM NTXWV
Lis Piam 2 Caij Tos Huab Tais xyoo B Tus sau: XH. Yaj Nom Thoob
Mas Kos sau tias “Pib qhib lub Moo
Zoo hais txog Yes Xus pleev, yog Tswv
Ntuj Leej Tub. Muaj raws li tus Yaj
Saub His Xais sau tseg tias: Kuv xa kuv
tus tiam lis mus ua koj ntej kom tau
npaj koj txoj kev. Ib lub suab qw hauv
teb chaws suab puam tias: Nej npaj
Huab Tais txoj kev. Nej kho nws tej kev
kom tiaj.
Zam, tus ua cov kab ke ntxuav,
nws tawm tuaj nyob teb chaws suab
puam. Nws tshaj ib lub Cim Ntxuav
pab tig los yuav lub siab tshiab kom
daws txhaum.
Tas cov Yus Das teb thiab cov
nyob Yes Lu Xas Les, sawv daws tuaj cuag nws. Lawv thov txais lub Cim Ntxuav
ntawm nws nyob hauv tus dej Yos Las Das, thiab lawv lees txhaum.
Zam cev khaub ncaws yog plaub thauj. Nws muab ib daig tawv los npua.
Nws noj me kab me kooj, zib ntab zib mu. Nws tshaj lus ntuas sawv daws tias tus
lawv kuv qab tuaj nws muaj hwj chim dua kuv. Kuv tsis tsim nyob khoov ntawm
nws taw daws nws txoj hlua khau. Ntawm kuv, kuv tau ntxuav nej nyob hauv dej.
Hos nws yuav ntxuav nej nyob hauv Leej Tswv Yim Ntshiab. (MK1:1-8)
Kwv tij Hmoob sawv daws, vim neeg muaj khib mas neeg tau ua txhaum
rau Tswv Ntuj, ces Txwv Ntuj xa nws Leej Tub Yes Xus Pleev tuaj cawm neeg dim
kev txhaum.
Tswv Ntuj xa nws Leej Tub tuaj nyob ntiaj teb no, mas Tswv Ntuj pub kom
nws Leej Tub yug los nyob hauv haiv neeg His Xas Lais uas yog haiv neeg ib
txwm Tswv Ntuj xub npaj tseg.

9. 7
Tswv Ntuj xub hu Has Nplas Has, uas yog cov His Xas Lais thawj tus yawg
koob, los ntseeg Tswv Ntuj. Tswv Ntuj cog lus rau Has Nplas Has tias Tswv Ntuj
yuav pub ib lub teb chaws rau Has Nplas Has nyob, thiab Has Nplas Has cov
Xeeb Ntxwv yuav huaj vam ua ib haiv neeg loj.
Tswv Ntuj ua raws nraim li nws lo lus cog, Tswv Ntuj pab cov His Xas Lais
kom huaj vam coob tuaj ua ib haiv neeg loj, lawv muaj hwj chim loj kawg. Tab sis
thaum cov His Xas Lais muaj hwj chim loj, mas lawv tsis nco qab Tswv Ntuj lawm,
lawv pib ua phem ua txhaum. Ces Tswv Ntuj pub kom muaj tej haiv neeg loj tuaj
ntaus rog yeej cov His Xas Lais, quab yuam tsoom His Xas Lais.
Thaum cov His Xas Lais raug txom nyem loj, mas lawv rov tu siab rau lawv
cov txhaum, lawv thov Tswv Ntuj zam txhaum rau lawv. Ces Tswv Ntuj zam
txhaum rau lawv tiag.
Peb tsoom neeg mas muaj tau zaug peb ua txhaum xws li cov His Xas Lais:
thaum peb tau zoo, mas peb tsis nco qab Tswv Ntuj, peb nyiam ua phem ua
txhaum. Peb yuav tsum ceev faj tsam Tswv Ntuj muab txim rau peb.
Zam yog tus uas Tswv Ntuj xub xa tuaj ua Yes Xus ntej, Zam tuaj tshaj txoj
kev tig los yuav lub siab tshiab, nws ua cov Kab Ke Ntxuav rau tsoom sid nyob
hauv tus dej Yos Las Das. Zam lub cim ntxuav yog ib yam Kab Ke zeem tseeb tias
tus txais kab ke Ntxuav ntawd kam tig los yuav lub siab tshiab, nws tig los hloov
siab lawm.
Zam Ntxuav Plig nyiam ua neeg me, nws yuam nws lub cev kom raug txom
nyem me nsis, nws ua xws li cov neeg xav tu siab rau lawv cov txhaum.
Zam sis xav yuav lub koob meej loj, nws hais tias nws tsuas yog lub suab
qw nyob teb chaws Suab Puam, yog lub suab qhia kom tsoom sid tig los yuav
lub siab tshiab, npaj tos tus Huab Tais tab tom yuav tawm tuaj sai sai no. Zam
tshaj tias : “Nej tso txoj kev ua txhaum pov tseg. Nej tig los yuav lub siab tshiab.
Nej tos tus tuaj yuav txog. Tus lawv kuv qab tuaj, nws muaj zog dua kuv, kuv tsis
tsim nyog khoov daws nws txoj hlua khau. Ntawm kuv, kuv muab dej los ntxuav
nej, hos nws mas nws yuav ntxuav nej nyob hauv Leej Ntuj Plig Ntshiab.”
Zam tsuas muaj ib lub siab tos tus vaj yuav tuaj cawm ntiaj teb neeg dim
ntawm lawv cov txhaum. Zam tsis quav ntsej ntiaj teb lub cuab tam, nws tsis

10. 8
ntshaw tsoos tsho zoo nkauj, Zam tsis ntshaw cov txhiam xws noj qab qab. Nws
coj lub neej xws li ib tug neeg xav them txim txhaum tiag, Zam muab tej daim
tawv tsiaj los hnav, nws yoog noj yoog haus.
Kwv tij Hmoob, Zam yog ib tug Yaj Saub qhuab qhia cov neeg tuaj cuag
nws kom sawv daws tig los yuav lub siab tshiab, kom lawv lub siab dawb huv
tuaj, ces thiaj tsim nyog txais Lub Moo Zoo uas Yes Xus tab tom yuav tshaj rau
lawv. Zam cov lus qhuab qhia ua kom tsoom sid ras dheev thiab xeev los yuav
lub siab tshiab tiag, lawv npaj tos tus Huab Tais tab tom yuav tuaj cuag lawv.
Niaj hnub no peb kuj npaj tos Yes Xus uas nws yuav tuaj cuag peb dua.
Kwv tij Hmoob, peb npaj tos Yes Xus zoo li cas?
Zam qhia tias yuav npaj tos Yes Xus zoo li no “Tus muaj ob lub tsho kom
nws faib ib lub rau tus tsis muaj. Tus muaj noj yuav faib pub rau tus tsis muaj.
Thaum koj pom ib tug neeg raug kev txom nyem, koj yuav tsum cev tes pab. Cov
neeg sau se, kom nej txhob noj paj ntau dua cai. Nej txhob zes luag poj luag sev,
txhob ze luag tub luag ntxhais.”
Kwv tij, Zam qw kom sawv daws tig los hloov siab. Peb tsoom kwv tij uas
yog cov neeg ntseeg Yes Xus, peb yog cov tshaj lub Moo Zoo rau lwm tus, mas
peb coj tus yam ntxwv xws li Zam, peb muab siab rau ua Tswv Ntuj cov hauj
lwm, peb muab siab rau tshaj Tswv Ntuj Lo Lus mog!
Yog peb coj tus yam ntxwv ua neeg me zoo li Zam, mas cov neeg ntsib
peb thiaj li yuav paub tias peb yog tus neeg tshaj Tswv Ntuj Lo Lus tiag. Ua li
mas zeej tsoom thiaj zoo siab mloog peb cov lus qhuab qhia, ces cov lus qhuab
qhia thiaj tsis yog ib lub suab qw dag.
Tab sis yog hnub twg peb nrhiav kev nplua nuj, thiab nrhiav kev muaj hwj
chim, mas peb txoj kev tshaj Ntuj Lus yog ib lub suab qw dag xwb. Ces yuav tsis
muaj neeg mloog peb, ces peb txoj hauj lwm ua zoo ntawd yuav tsis muaj txiaj
ntsim qab tsi nyob hauv Huab Tais lub caij.
++++++++++++++++++++++++++++++++++++++

11. 9
UA TIM KHAWV TXOG QHOV KAJ
Lis Piam 3 Caij Tos Huab Tais xyoo B Tus sau: XH. Yaj Nom Thoob
Muaj ib tug neeg tuaj, yog Tswv Ntuj xa nws tuaj. Nws lub npe hu ua Zam.
Nws yog ib tug tim khawv tuaj ua pov thawj txog qhov pom kev, kom txhua leej
txhua tus ntseeg vim nws. Tus ntawd tsis yog qhov pom kev, tab sis nws yuav ua
tim khawv txog qhov pom kev.
Thaum cov Yus Das xa ib co leej choj thiab ib co les vis tuaj ntawm Yes Lus
Xas Les mus nug Zam hais tias “Koj yog leej
twg?”
Mas Zam ua tim khawv zoo li no: Zam
lees, nws tsis zais, nws lees tias "Kuv tsis yog Leej
Pleev."
Lawv nug Zam tias “Ua li koj yog leej twg?
Koj puas yog Es Lias?”
Zam hais tias “Kuv tsis yog.”
“Koj puas yog tus Yaj Saub?”
Zam teb tias “Tsis yog.”
Lawv thiaj hais rau nws tias “Koj yog leej
twg? Peb yuav tsum coj ib lo lus teb rov mus rau cov xa peb tuaj. Koj hais dab tsi
txog koj?”
Zam hais tias “Kuv yog tus neeg nyob hauv teb chaws quav poj lub suab qw
tias: Nej ua kom Huab Tais txoj kev rov tiaj, raws li yaj saub His Xais tau hais
tseg.”
Cov uas lawv xa tuaj yog ib co Fas Lis Xais. Lawv nug Zam tias “Koj tsis yog
Leej Pleev, tsis yog Es Lias, thiab tsis yog tus Yaj Saub, vim li cas koj thiaj ua kab ke
ntxuav?”
Zam teb rau lawv tias “Kuv ua kab ke ntxuav nyob hauv dej. Hos nyob hauv
nej, muaj ib tug uas nej tsis paub, tus ntawd yuav lawv kuv qab tuaj, kuv tsis tsim
nyog daws nws txoj hlua khau.”

12. 10
Tej ntawd tshwm sim tuaj nyob Npes Tas Nias, nyob sab dej Yos Las Das tim
ub, ntawm thaj chaw uas Zam ua kab ke ntxuav. (Z1:6-8,19-28)
Kwv tij Hmoob, muaj ntau yam thiab ntau leej ua tim khawv zeem tseeb
tias Yes Xus yog tus cawm ntiaj teb neeg : Zam Ntxuav Plig ua tim khawv, Ntawv
Ntshiab ua tim khawv, Leej Txiv Tswv Ntuj, thiab Yes Xus kuj ua tim khawv txog
qhov ntawd. Yes Xus cov hauj lwm ua tim khawv, cov thwj tim ua tim khawv, cov
sau ntawv Moo Zoo kuj ua tim khawv.
Zam tshaj tias “Qhov pom kev uas yog qhov tseeb ci tuaj ziab txhua leej tib
neeg. Nws tuaj nyob hauv lub sim ceeb. Nws yeej nyob txawm hauv lub sim ceeb
no. Yog nws ua kom muaj lub sim ceeb no, tsis kav nws cov neeg tsis txais nws.”
Kwv tij, Zam zeem tseeb tias Yes Xus yog txoj kev kaj tiag, nws kaj tas txhia leej
txhia tus. Zam muab Yes Xus piv rau “Txoj Kev Kaj.” Yes Xus yog Txoj Kev Kaj
tseem ceeb, nws cov lus cia rau ib zeej tsoom sawv daws huv tib si. Zam hais tias
Yes Xus ib txwm nyob txawm hauv lub sim ceeb. Muaj zoo li Zam hais tiag, vim
Yes Xus yog Tswv Ntuj Leej Tub, nws kuj yog Tswv Ntuj. Nws ib txwm nyob.
Muaj ib yam uas tshwm sim tuaj, yog ib yam pom meej kawg: yam li Tswv
Ntuj pub nws Leej Tub nqes los nyob ntiaj teb no tsis yog zoo li ib tug dab, los ib
tug poj ntxoog. Nws yog ib tug neeg uas sawv daws pom tau thiab kov tau. Yes
Xus nrog peb nyob.
Yes Xus yog txoj kev kaj, hos tus tsis kam txais Yes Xus mas nws poob hauv
txoj kev tsaus ntuj.
Kwv tij Hmoob, Zam qhuab qhia tas zog kom sawv daws tig los yuav lub
siab tshiab. Peb kuj yuav mloog nws lo lus qhuab qhia. Peb niaj hnub rov tig los
mloog Tswv Ntuj cov lus qhia, vim kev mloog Tswv Ntuj lus yog kev nyiam Tswv
Ntuj. Peb niaj hnub tos tus Huab Tais yuav tuaj cawm peb. Tus yuav tuaj, nws
ntxuav neeg lub siab kom huv tuaj.
+++++++++++++++++++++++++++++++++++++++

13. 11
LEEJ NTUJ PLIG KOM PEB MUS TSOB HWB LWM TUS
Tus txhais: Txawj Tsav Meej Mom Lauj
Tim 25 lub 11 hlis 2020, yog Hnub Plaub hauv Lis Piam 34 Caij Nruab
Xyoos, Leej Txiv Ntshiab hais tias yog tus neeg twg muaj xeeb ceem li Leej
Ntshiab Lus Kas 4 tus xeeb ceem mas txhais tias Leej Ntuj Plig nyob txawm hauv
nws. Plaub tus xeeb ceem ntawd yog: Mloog cov Hauv Paus Xa Lus li lus ntuas,
nyiam nrhiav kev kwv kev tij, ntais lub ncuav mov mog uas yog Yes Xus lub cev,
thiab nquag thov Ntuj tsis tseg.
Vaj Qhia Fas Ntshis Kus hais tias yog peb nyeem phau ntawv Hauj Lwm,
mas peb yuav pom tias kev sib txoos teev Ntuj ua ke yog lub zog txhawb kev
tshaj lub Moo Zoo.
“Txiv xav hais rau nej tias nyob hauv kev thov Ntuj mas nej tus plig yuav
ntsib Leej Pleev.”

14. 12
Vaj Qhia nthuav lo lus no raws li lub Koom Txoos lo lus qhia tias ‘Thaum
peb thov Ntuj, mas Leej Ntuj Plig Ntshiab ua kom Leej Pleev lub tswv yim tseem
muaj txoj sia nyob hauv nws lub Koom Txoos, coj lub Koom Txoos mus raws qhov
tseeb thiab yam paub tsis txog ntsuas tsis tau hauv Leej Pleev li hauj lwm hauv lub
Koom Txoos, hauv cov Cim Ntshiab thiab hauv cov kab xwm’, txhais tias Leej Ntuj
Plig txoj hauj lwm yog ua kom peb rov ras txog Huab Tais Yes Xus. Vim li no mas
Leej Ntuj Plig thiaj niaj hnub txhawb lub Koom Txoos kom tawm mus tsob hwb
lwm tus xws li Huab Tais Yes Xus tus lwj lwm.
“Cov ntseeg sawv daws xyiv fab nyob hauv Tswv Ntuj txoj kev nyiam lawm,
mas tsum coj mus faib rau lwm tus thiab, vim Tswv Ntuj yog sawv daws tus Tswv
Ntuj.” Vaj Qhia ntuas “Nyob hauv Huab Tais Yes Xus, mas cov ntsa zeb cais peb
sawv daws twb pob tag lawm.”
Tswv Ntuj nyiam peb, thiab Tswv Ntuj xav kom peb cev kev nyiam uas yog
peb tus cag hauv kev ntseeg rov qab rau Tswv Ntuj. Cov ntseeg txheej thaud ua
li cas mas peb cov ntseeg nyem no kuj yuav ua li ntawd, peb yuav thov Ntuj kom
peb tau coj lub neej xws li lawv. Yog peb ua li hais mas peb yuav hais tau tias:
‘Kuv muaj txoj sia nyob hauv kuv lub cev, tab sis kuv ua neej nyob hauv txoj kev
ntseeg txog Tswv Ntuj Leej Tub, uas nws nyiam kuv, ces nws rov muab nws rau
luag, kom nws pab tau kuv.’ (NLT2:20)
+++++++++++++++++++++++++++++++++++++++++

15. 13
TXHOB TXAJ MUAG THOV NTUJ
Tim 9 lub 12 hlis xyoo 2020, Vaj Qhia Fas Ntshis Kus hais kom peb mloog Tswv
Ntuj lub suab nrov hauv peb tuaj, lub suab ntawd hais kom peb thov Ntuj tsis
tseg nyob hauv lub zim txwv ntxhov quas niab no.
Vaj Qhia pib hais nws cov lus; yog hais txog thaum Huab Tais Yes Xus qhia cov
thwj tim thov Ntuj raws li zaj ‘Peb txiv nyob saum Ntuj’ li no: Peb Txiv nyob
saum ntuj, koj lub Npe ntshiab nto moo lug. Koj lub Ceeb Tsheej los txog. Kom
muaj raws li koj nyiam nyob ntiaj teb no li nyob saum ntuj. Thov koj pub mov
txaus peb noj hnub no. Koj zam peb cov nuj nqis zoo li peb zam rau cov tshuav nqi
ntawm peb. Koj txhob tso peb raug kev ntxias. Thov koj npo peb dim ntawm kev
phem. (MT6:9-12)
“Peb pom tias Huab Tais Yes Xus kom peb thov Tswv Ntuj pub paj tshab siab
tshaj rau peb, yog kom muaj raws li peb txiv lub siab nyiam nyob hauv ntiaj teb
no, thiab thov kom peb Leej Txiv pub mov los yug peb txoj sia.” Vaj Qhia nthuav
“Cov mov yug sia yog kom peb txhob muaj mob muaj nkees, kom peb muaj kev
sib hlub nyob hauv peb cuab yim neej, muaj kev sib haum xeeb nyob hauv peb
chaw ua hauj lwm, thiab muaj Leej Pleev nyob hauv lub Cim Yug.”
Vaj Qhia hais tias muaj qee zaus nyob hauv peb txoj sia, mas peb qaug zog vim
peb tsis muaj peev xwm pab tau peb tus kheej, peb tsa suab quaj, peb ntxhov
siab nrhiav kev tawm tsis tau. Thov kom peb tsa ncauj thov txog Tswv Ntuj: Huab
Tais, koj pab cawm kuv yuad!
“Kev thov Ntuj yuav pub qhov kaj rau peb nyob hauv qhov tsaus ntuj nti.” Vaj
Qhia ntuas.
+++++++++++++++++++++++

16. 14
XOV XWM
HMOOV TSUJ XEEB TSEV TEEV NTUJ HAUV ZOS KHEJ ME
Tus sau: Txawj Tsav Meej Mom Lauj.
Cov ntseeg hauv lub tsev teev Ntuj hwm Leej Niam cawm neeg mus ib
txhis hauv zos Khej Me, Thaib teb (Mother of perpetual help church) ua hmoov
tsuj xeeb txwm 20 xyoo txhim tsa lub tsev teev Ntuj rau hnub tim 21 lub 11 hlis
2020, muaj Txiv Plig Vaj Loog (Rev. John Baptist Udomsak Wongwuthiphong) ua
tus coj thaj txi Ntuj.
Zos Khej Me yog lub zos Hmoob muaj cov kwv tij Hmoob ntseeg Kav Tos
Liv coob tshaj plaws nyob hauv Cheeb Koom Txoos Nas Qhoos Xas Vaas (Roman
Catholic Diocese of Nakhon Sawan) li ntawm 700 tawm leeg. Cov ntseeg hauv
zos Khej Me yog thawj pab Hmoob tig los coj kev cai Ntuj tom qab Txiv Plig
Tshaj Sawm tuaj tshaj lub Moo Zoo rau cov Hmoob hauv Thaib teb.

17. 15
Xyoo 1995 Txiv Plig Vaj Loog tuaj saib xyuas cov ntseeg hauv zos Khej Me
mas pom tias lub tsev teev Ntuj nqaim thiab me me tsis txaus rau cov ntseeg
tuaj sib txoos ua thaj txi Ntuj, ces thiaj txhim tsa ib lub tsev teev Ntuj tshiab kom
loj txaus ntim cov ntseeg sawv daws rau lub xyoo 1999 thiab cev lub npe rau tias
‘Tsev teev Ntuj hwm Leej Niam cawm neeg mu sib txhis’.
Nyob rau xyoo no, Txiv Plig Txawj Pov (Rev. Paul Ongart Kaser, OMI) tus
tswj lub tsev teev Ntuj thiab cov ntseeg tau caw Txiv Plig Vaj Loog tuaj ua tus
tswv cuab coj lub Txoos teev Ntuj. Tsis tas li, tseem muaj Txiv Plig Claudio
Bertuccio tus tswj koom haum Os Nplav hauv Thaib teb (Omi Thailand) thiab cov
Txiv Plig hauv lub koom haum nrog rau cov Txiv Plig uas tau tuaj saib xyuas cov
kwv tij Hmoob hauv zos Khej Me tuaj koom ua hmoov tsuj xeeb zaum no.
++++++++++++++++++++++++++++++++++++++++++++++++++++++++++++

18. 16
VAJ QHIA THOV KOM COV TSWV QHIA KOOM TAUG YES XUS
TXOJ KEV
Tus txhais: Lis Maib
Vaj Qhia Fas Ntshis Kus tau ua cov kab ke sau siab zaum tim 7 los txhawb nqa 13
tug Tswv Qhia tshiab tuaj ntawm 8 haiv neeg nyob hauv ntiaj teb no. Vaj Qhia
thov kom cov Tswv Qhia lawv nyob ntsiag to xav tswv yim ua ntej yuav muab lub
meej mom rau lawv; xws li lub kaus mom liab, thiab ntiv nplhaib ua Tswv Qhia.
Vaj Qhia kom cov Tswv Qhia lawv nco txog lo lus nyob hauv Mas Kos Ntawv
Moo Zoo, Yes Xus hais txog kev raug txom nyem thiab kev sawv rov los thaum
nws mus yuav txog Yes Lus Xas Les. Yas Kos thiab Zam nkawd cheem tsis kheev
Yes Xus mus hauv lub nroog, tab sis Yes Xus hais rau nkawd kom nkawd ua tiag
nyiaj kev txom nyem thiab ua txhua yam pub rau luag tej xws li neeg leej tub.
Vaj Qhia hais tias txoj kev mus hauv Yes Lus Xas Les yog txoj kev mus txog txoj
sia thiab kev cawm neeg, thov kom cov Tswv Qhia Tshiab koom taug txoj kev
ntawd, ces thiaj yuav mus txog Yes Xus qhov zais ntshis tsis muaj leej twg paub.
Tus Ntoo Cuam thiab kev sawv rov los yog ib feem nyob hauv His Xas Lais cov
liv xwm, lawv yog hnub no ntawm peb thiab yog lub hom phiaj uas peb yuav

19. 17
rhais ruam ntxiv mus. Huab Tais Yes Xus paub tias nws mus Yes Lus Xas Les nws
yuav raug luag hiam, tsis kav nws tsis ntshai thiab nws txaus siab mus raug txoj
kev txom nyem uas luag npaj tseg. Huab Tais Yes Xus tau npaj lawv (Cov Tswv
Qhia), kom lawv tau koom nrog Huab Tais Yes Xus taug txoj kev ntawd mus ib
sim.
Vaj Qhia hais tias qhov uas Yas Kos thiab Zam nkawd xav tau, tsis yog Yes Xus
txoj kev, nws yog txoj kev txawv Yes Xus txoj. Peb sawv daws nyiam Yes Xus, peb
xav raws Yes Xus qab. Tab sis peb yuav ceev faj mus li, thaum peb taug txoj kev
ntawd. Peb lub cev nrog lwm tus nyob ua ke tau, tab sis peb lub siab yuj ya thiab
coj peb plam ntawm Yes Xus txoj kev tau.
Kev nyiag noj nyiaj thiab ua tsis ncaj ncees ntawm cov tub tshaj Ntuj Lus, Vaj
Qhia hais tias lub tsho Tswv Qhia Liab yog tsos liab doog, yog tsos ntawm tib
neeg cov ntshav. Nws yog tsos uas ua kom neeg ntiaj teb ntsia pom tseeb txog
neeg tus ntsuj plig. Cov tub tshaj Ntuj Lus uas lub siab tsis ncaj ncees li no, tsis
tsim nyog yuav nyob ze cov neeg ntseeg ntxiv mus. Tus neeg tsis ncaj ncees uas
hnav Tswv Qhia lub tso npog nws, mas yog nws tab tom taug tsis ncaj Yes Xus
txoj kev.
Vaj Qhia hais tias Yes Xus txoj kev thiab cov Thwj Tim txoj kev tsis muaj qhov los
sib tshuam tau. Tsuas muaj Tswv Ntuj tib leeg xwb, yog Ntoo Cuam thiab Yes
Xus txoj kev sawv rov los thiaj yuav coj tau cov neeg yuam kev rov los taug Yes
Xus txoj kev. Kev hloov siab yog kev hla, yam li tus neeg plam ntawm Yes Xus
txoj kev lawm, yuav rov ua kom nws rov los taug Yes Xus txoj kev.
++++++++++++++++++++++++++++

20. 18
KEV NTSEEG THIAB QHOV YUAV TSUM NTSEEG
Tus sau: XH. Xyooj Tuam Lis
Kev ntseeg yog dab tsi?
Kev ntseeg yog qhov peb lees tias tus ntawd, yam ntawd, zaj ntawd, cov
xwv txheej uas tshwm sim ntawd muaj tseeb tiag, yog tiag.
Kev ntseeg yog yam uas cov kwv txuj tsis muaj peev xwm tshawb fawb tau
thiab soj ntsuam tau raws li ntiaj teb neeg tej kev kawm, sab kev txawj kev ntse
ntawm tib neeg hauv ntiaj teb no.
Yog li no, yam dab tsi kuj xij, yog cov kws txuj lawv twb tshawb fawb tau
lawm, mas peb tsis tas yuav vam txog kev ntseeg kuj tau. Vim yog qhov tseeb
uas cov kws txuj twb nrhiav tau lawm.
Yam li peb paub tias nyob saum lub hli, tsis muaj ib yam muaj txoj sia nyob
rau saud. Tab sis peb hmoob ho ntseeg tias nyob rau saum lub hli muaj niam
nkauj kub kaw pheeb ntawm ib tsob ntoo nyob rau saud, los yog muaj Nkauj Iab

21. 19
Nraug Oo nyob rau saud, thiab ib txhia kuj hais tias nyob saum lub hli, muaj ib
tug luav. Qhov ntawd tsis muaj tseeb, vim cov kwv txuj twb xa neeg mus soj
ntsuam saum lub hli los lawm, pom tias nyob saum lub hli tsis muaj ib yam muaj
txoj sia nyob li.
Kev ntseeg yog lub txiaj ntsim uas Tswv Ntuj pub rau neeg, kom neeg
paub txog Tswv Ntuj. Thiab lees txais Tswv Ntuj Lo Lus uas tau muab rau neeg,
xws li yog cov lus uas nyob hauv phau Ntawv Ntshiab. Yog lub txiaj ntsim uas
Tswv Ntuj muab, ces ywj Tswv Ntuj yuav muab rau leej twg kuj xij. Los sis Tswv
Ntuj tsis muab rau ib tug neeg twg kuj tau, vim txoj cai yog Tswv Ntuj li. Vim li
ntawd, ntau zaus peb pom tias muaj coob leej uas lawv tau kawm thiab paub
cov lus qhia nyob rau hauv peb txoj kev ntseeg Kav Tos Liv no zoo, thiab lawv
kuj muaj peev xwm teb tau txhua lo lus nug, tab sis lawv tsis yog neeg ntseeg
Kav Tos Liv. Lawv tsis tau txais kev ntseeg, ces yam uas lawv paub ntawd tsuas
yog lawv lub tswv yim xwb, lawv lub siab tsis ntseeg. Ces nws tsis yog lawv txoj
sia, thiab tsis yog lawv txoj kev hlub. Tsis tas li ntawd, peb kuj pom tias muaj tej
tus neeg lawv tsis txawj nyeem ntawv, kev ntseeg lawv kuj paub tsis txaus, nug
dab tsi kuj teb tsis tshua tau, tiam sis lawv ho muaj lub siab ntseeg, thiab yog ib
tug neeg ntseeg Kav Tos Liv uas coj tau lub neej zoo. Vim lawv muaj lub siab
ntseeg, uas yog lub txiaj ntsim lawv tau txais los ntawmTswv Ntuj.
Vim li cas ho zoo li ntawd? Yog Tswv Ntuj lub dej siab thiab yog txoj kev
hlub uas Tswv Ntuj xav pub rau neeg. Vim yog yam uas Tswv Ntuj yeej tau npaj
tseg rau peb txhua leej txhua tus lawm.
Kev ntseeg yog txoj sia. Peb kheev kheev hnov lo lus no, vim nws muaj lub
ntsiab lus zoo ib yam li txoj kev ntseeg. Nyob hauv peb txoj kev ntseeg Ntuj, mas
thaum hais txog txoj sia, ces yuav tsum yog tias : yug, loj hlob, mob thiab tuag,
zoo yam li tas txhua yam uas muaj txoj sia nyob ntiaj teb thiab. Qhov txawv, mas
yog qhov tias txoj kev ntseeg yog yam uas ntsia tsis pom thiab tuav tsis tau, tsis
zoo li tej tsiaj txhu, uas qhov muag pom thiab kov tau.
Li ntawd, peb txoj kev ntseeg yog qhov Tswv Ntuj pub rau peb, peb yog
tus txais thiab saib xyuas kom loj hlob thiab ruaj khov nrog rau kev koom tes
nrog Tswv Ntuj, thiab los ntawm kev kub siab nrhiav Tswv Ntuj, nrhiav nws txoj
kev khuv leej thiab nws txoj kev hlub. Qhov ntawd, yog kev coj lub neej raws
Huab Tais Yes Xus.

22. 20
Yog peb tsis xyuam xim, peb ua neeg ywj fab ywj fwj, tsis kub siab ua yus
lub neej kom zoo, nyob rau ntawm kev ua Tswv Ntuj cov me nyuam, los sis peb
tsis sib hlub nyob rau hauv peb cov kwv tij, mas zoo li peb txoj kev ntseeg muaj
mob thiab qhov kawg peb txoj kev ntseeg kuj yuav tuag mus tau. Vim li ntawd,
kev ntseeg thiaj yog txoj sia uas peb yuav txuag thiab saib xyuas kom zoo.
Qhov yuav tsum ntseeg.
Txuas ntxiv no mus, peb yuav tig los maj mam xav txog yam uas peb yuav
tsum ntseeg. Los yog muaj dab tsi uas peb yuav tsum ntseeg? Nyob rau hauv
peb kev ua ib tug neeg ntseeg Kav Tov Liv, ua nej kuj paub lawm tias zaj “Kuv
ntseeg” mas yog zaj lus xaus uas hais tas nrho ntawm peb txoj kev ntseeg li no:
(1) Kuv ntseeg txog Tswv Ntuj.
(2) Yog Leej Txiv muaj hwj huam tas nrho, yog tus tsim ntuj tsim teb.
(3) Kuv ntseeg txog Yes Xus Pleev, yog Tswv Ntuj Leej Tub Twm Zeej, yog peb
tus Huab Tais.
(4) Leej Ntuj Plig Ntshiab ua kom nws xeeb los ua neeg, nws yug ntawm Nkauj
Ntshiab Mab Liab Los.
(5) Lub caij Pis Las Tos ua nom, Yes Xus raug luag hiam thiab ntsia saum Ntoo
Cuam. Nws tuag mus zwm av, mus txog ntuj txiag teb tsaus.
(6) Hnub 3, Yes Xus sawv hauv cov tub tuag rov los.
(7) Nws nce mus saum ntuj, zaum ntawm Leej Txiv phab xis.
(8) Nws yuav rov los txiav txim rau ib zeej tsoom neeg ciaj neeg tuag.
(9) Kuv ntseeg txog Leej Ntuj Plig Ntshiab.
(10) Ntseeg txog lub Koom Txoos Ntshiab cia rau lub qab ntuj neeg.
(11) Ntseeg txog tsoom Leej Ntshiab sib koom Ntuj lub txiaj ntsim.
(12) Ntseeg txog kev daws txhaum.
(13) Ntseeg txog leej neeg lub cev kev sawv rov los.
(14) Ntseeg txog muaj txoj siab nyob mus li.
+++++++++++++++++++++++++++++

23. 21
KEV NTSEEG TXOG TSWV NTUJ
Tus sau: XH. Xyooj Tuam Lis
Hais txog Huab Tais Tswv Ntuj, mas muaj lus nug tias “Tswv Ntuj yog leej
twg?” Lo lus no yog ib lo lus uas tsis pom qab yuav piav qhia tau, qhov tsis pom
qab piav ntawd mas kuj tsis yog li cas, yog vim peb ib txhia hmoob lub tswv yim
tseem mus tsis tau txog qhov ntawd. Ces peb tsis yuav qab teb ib lo meej tau,
tiam sis, peb yuav maj mam muab piav ua kev nkag siab ib nqe zuj zus mus, kom
xwv peb cov kwv tij Hmoob maj mam to taub zoo zuj zus.
Thawj nqe yuav hais tias: Tswv Ntuj yog tus ntsuj los tus plig ntshiab huv,
vim nws tsis muaj lub cev nqaij rau peb qhov muag pom zoo li neeg, tab sis yog
yuav muab hais tiag tiag nws kuj tsis yog tus ntsuj plig zoo li neeg tus ntsuj plig
kiag thiab, vim nws loj dua qhov ntawd.
Neeg tus tsuj plig mas ib lub cev tsuas muaj ib tug ntsuj plig kav xwb, tiam
sis tej zaum muaj qee leej yuav cav tias, raws li peb Hmoob tej txiv neeb txiv yaig
hais mas, ib tug neeg muaj 7 tus ntsuj, qee leej kuj hais tias muaj 14 tus ntsuj.
Qhov ntawd peb kuj paub tsis tseeb, tiam sis nyob rau hauv lwm haiv neeg luag
tsuas ntseeg tias tib neeg tsuas muaj tib tug ntsuj plig xwb. Li ntawd, peb yuav
pom tias ib tug ntsuj plig tsuas kav tau ib lub cev nqaij xwb, tiam sis nyob rau
hauv Tswv Ntuj mas nws kav tas peb txhua txhia tus neeg tau, nws ua hauj lwm

24. 22
nyob hauv txhua txhia tus neeg tau, vim nws yog peb tus Huab Tais uas muaj
hwj huam loj tas nrho. Li ntawd, peb thiaj hais tias neeg yog Tswv Ntuj tsim.
Hais txog ntsuj plig mas muab faib kom meej ua 3 hom xws li no: Thawj
hom yog Tswv Ntuj tus ntsuj plig, yog tus ntsuj plig uas loj tshaj plaws, tsis txawj
ploj tsis txawj tuag, tsis muaj tus tsim nws, nws yog tus ib txwm nyob thiab yuav
nyob mus ib txhis zoo li ntawd.
Hom ob yog Ntuj cov Tshiab tus ntsuj plig, los yog cov dab Ntuj, cov ntsuj
zoo li ntawd mas yog Tswv Ntuj tsim thiab nws kuj nyob nrog Tswv Ntuj mus ib
txhiab ib txhis thiab. Ces nyob rau hauv Ntuj cov Tshiab no, muaj ib co xav ua tus
loj, ces lawv tawm tsam Tswv Ntuj, Tswv Ntuj thiaj tau muab txim rau lawv thiab
foom kom lawv txia mus ua dab phem, dab ntxwv nyoog lawm. Cov ntawd, yog
cov uas tuaj ntxias neeg ua txhuam.
Hom peb mas yog tib neeg tus ntsuj plig, yog Tswv Ntuj ua tus tsim los,
txawv Ntuj cov Tshiab, vim neeg tus ntsuj plig yuav tsum nyob npuab lub cev
nqaij.
Lo tias ‘tib neeg’, yog txhais tias tus uas muaj txoj sia, ciaj sia, thiab muaj
siab muaj ntsws, muaj tswv yim txawj xav, txawj ntse, vim muaj ob yam nyob
hauv nws yog lub cev nqaij ciaj sia thiab tus ntsuj plig. Yog tus neeg twg tsis
muaj ntsuj plig nyob hauv nws lub cev lawm, tus plig ncaim mus lawm tiag tiag,
tsis rov los lawm, ces peb thiaj hu tias ‘tus tuag’.
Nqe Ob: Tswv Ntuj yog tus zoo txhij zoo txhua, zoo kawg siab kawg ntsws.
Hais ncaj ncaj tias nyob rau hauv Tswv Ntuj yog tus ntshiab huv tsis muaj ib qho
dub doog, tsis muaj ib qho phem hli li. Vim nws yog tus Huab Tais uas zoo txhij
zoo txhua mas nws thiaj yog tus Huab Tais hauv txoj kev hlub. Qhov tseem ceeb
tshaj yog nws hlub neeg tshaj plaws. Hais ncaj qhia tias nyob rau qab ntuj no,
tiam no, tiam dhau los, los yog lwm tiam, yuav tsis muaj tus neeg uas zoo tshaj
Tswv Ntuj li.
Nqe Peb: Nyob rau hauv Huab Tais Tswv Ntuj muaj peb leeg Huab Tais
koom ua ib tug. Nyob hauv peb leeg Huab Tais ntawd kuj loj sib luag, tsis muaj
tus yuav loj tshaj ib tug. Peb hu nws ua ‘Huab Tais Peb Leeg’, uas yog Huab
Tais Leej Txiv, Huab Tais Leej Tub thiab Huab Tais Leej Ntuj Plig Ntshiab.
Nyob rau hauv nqe lus tias Peb leeg Huab Tais koom ua ib leeg no, mas
ntau zaus peb nyiam muab coj los piv rau lub peb ceg kaum sib luag. Kom peb

25. 23
pom tias nyob rau hauv lub peb ceg kaum sib luag ntawd, tsis muaj ib tug loj
dua ib tug, vim peb leeg loj sib txig thiab nyob ua ke txij lub hauv paus los thiab
nyob mus ib txhis. Tab sis lub kaum peb ceg sib luag no tsuas ua ib qho piv txwv
txog Huab Tais Peb Leeg xwb.
Nyob rau hauv Huab Tais Leej Txiv, Leej Tub thiab Leej Ntuj Plig lub npe
yog peb hu raws Huab Tais lub luag hauj lwm uas nws tshwm sim tuaj nyob rau
ntiaj teb no paub xwb. Li ntawd, lub npe tias ‘Huab Tais Leej Txiv’ no yog vim
nws yog tus Huab Tais tsim tib neeg thiab tas ib puas tsav yam huv tib si nyob
rau hauv lub qab ntuj no txij lub hauv paus los.
‘Huab Tais Leej Tub’ yog Tswv Ntuj uas nws tau yug los ua neeg kom tau
cawm tib neeg dim ntawm neeg txoj kev txhaum nyob rau hauv txoj kev tuag
hauv neeg sab ntsuj plig. Peb thiaj hu nws ua Huab Tais Leej Tub, los yog Neeg
Leej Tub, uas yog hais txog Huab Tais Yes Xus.
‘Huab Tais Leej Ntuj Plig’ yog Tswv Ntuj uas peb paub tias nws tau nqes
los nyob rau hauv hnub Tsib Caug tom qab Huab Tais Yes Xus sawv rov los thiab
nce mus saum Ntuj lawm, thiab nws ua hauj lwm nyob rau hauv neeg lub siab
thiab pub txiaj ntsim rau peb sawv daws, kom peb muaj zog tiv yeej dab phem
txoj kev haub kev ntxhias thiab yeej kev phem kev tsis zoo nyob ntiaj teb no. Peb
thiaj hu nws ua Huab Tais Leej Ntuj Plig Ntshiab.
Tej zaum muaj qee leej yuav nug tias yog li thaum Huab Tais Leej Txiv tsim
lub ntuj lub teb no, Huab Tais Leej Tub thiab Huab Tais Leej Ntuj Plig nyob qhov
twg? Nkawd puas koom nrog Tswv Ntuj tsim thiab ?
Ces lo lus teb uas kuj yog tias lawv peb leeg yeej sib koom ua hauj lwm ua
ke txij lub hauv paus los, vim lawv peb leeg yog ib tug Tswv Ntuj. Tsis tas li
ntawd, nyob rau hauv lawv peb leeg Huab Tais no, thaum peb hu txog Huab Tais
Leej Txiv, Huab Tais Leej Tub thiab Huab Tais Leej Ntuj Plig, mas peb xub hu Leej
Txiv lub npe ua ntej, ces tej zaum ib txhia yuav xav raws li neeg ntiaj teb txoj kev
xav tias Leej Txiv xub yug ua ntej Leej Tub, los yog Huab Tais Leej Txiv loj dua
Huab Tais Leej Tub, vim neeg xub paub Huab Tais Leej Txiv ua ntej ces Leej Txiv
yuav tsum loj dua Leej Tub, hos Leej Ntuj Plig yog tus tuaj tom qab, mas ntshe
nws yog tus me tshaj. Tiam sis thov kom peb nco ntsoov tias nyob rau hauv
qhov tseeb mas lawv peb leeg loj sib luag, tsis muaj ib tug me dua ib tug, tab
txawm ib leeg tuaj ua ntej ib leeg tuaj ua qab kuj xij, lawv peb leeg puav leej loj

26. 24
sib txig vim Peb Leeg Huab Tais yeej ib txwm sib koom nyob ua ke thaum lub
hauv paus los lawm.
Qhov no yog peb txoj kev ntseeg uas peb yeej ib txwm ntseeg li ntawd,
mas peb yuav tsis txhob xav raws li neeg ntiaj teb kev xav.
Nqe Plaub: Huab Tais Tswv Ntuj nws nyob txhua txhia qhov chaw, nws
paub txhua yam uas tshwm sim tuaj nyob rau hauv lub ntiaj teb no, tsis hais
txheej thaum ub, los nyem no, los yog yav tom ntej huv tib si. Vim Tswv Ntuj yog
tus Huab Tais uas nyob siab dua neeg lub sij hawm, vim nyob rau ntawm Tswv
Ntuj mas tsis muaj sij hawm rau nws zoo li peb tib neeg nyob ntiaj teb no. Nws
yog tus nyob mus ib txhiab ib txhis tsis muaj caij nyoog. Li ntawd, thiaj hais tau
tias tsis muaj ib yam dab tsi yuav zais tau Huab Tais Tswv Ntuj, vim peb sawv
daws lub neej zoo li ib zaj xyam nyob rau ntawm Tswv Ntuj xub ntiag xwb, nws
yeej ntsia ntsoov peb thiab pom tas txhua yam peb ua txij hauv paus los mus rau
hauv ntsis.
Yog peb muab xav txog nqe no mas peb thiaj yuav tsum txawj txaj muag
rau Tswv Ntuj thaum peb ua txhaum, nws zoo li ntawd.
++++++++++++++++++++++++++++++

27. 25
CAIJ TOS HUAB TAIS (Adventus)
Kwv tij Hmoob ntseeg Kav Tos Liv sawv daws, hnub chiv tim 29 lub 11 hlis
2020 no yog lis piam 1 hauv Caij Tos Huab Tais. Caj Tos Huab Tais yog 4 lub lis
piam ua ntej Yes Xus yug los. Nyob hauv lub Koom Txoos mas lub Caij Tos Huab
Tais muaj 2 lub ntsiab li no:
1. Tos txais Yes Xus Pleev lub cev los yog tos tus me nyuam Yes Xus yug los.
2. Tos txais Huab Tais Yes Xus rov nqes los zaum ob.
Yog li lub Caij Tos Huab Tais thiaj yog lub caij peb tsoom ntseeg npaj ua
hmoov tsuj xeeb Huab Tais Yes Xus yug thiab npaj peb lus siab kom ntshiab tos
Huab Tais Yes Xus nqes los zaum ob.
Lub Caij Tos Huab Tais, lub Koom Txoos muab 3 leej neeg los coj peb mus
ntsib Leej Pleev: Yaj Saub His Xais tus tshaj txoj kev vam khom rau sawv daws,
Zam Ntxuav Plig tus qhia sawv daws tig los yuav lub siab tshiab, thiab niam Mab
Liab tus zoo siab tos Huab Tais nqes los.
Peb leej neeg hais los ntawd, yog peb leeg coj peb cov ntseeg mus ntsib
Huab Tais; tab sis peb yuav coj tus yam ntxwv zoo li cas Huab Tais Yes Xus thiaj
los nyob hauv peb? Peb yuav coj tus yam ntxwv zoo li no:

28. 26
1. Peb yuav teev Ntuj zov hmo.
2. Peb yuav hloov siab tshiab taug Tswv Ntuj txoj kev.
3. Zoo siab nyiam, khuv leej lwm tus thiab qhib siab mloog lwm tus.
4. Ua tus neeg muaj lub siab pluag thiab nqhis Tswv Ntuj Lus tas mus li.
Yog li, nyob hauv lub Caij Tos Huab Tais peb cov ntseeg thiaj yuav coj lub Txoos
teev Ntuj li no:
1. Peb yuav nyeem tus Yaj Saub His Xais tej zaj hais txog txoj kev tos Huab
Tais Yes Xus yuav los nyob ntiaj teb no thiab yuav tsim ib lub Ceeb Tsheej ri mus
puv tas lub ntiaj teb. Peb nyeem Ntawv Moo Zoo piav txog tus Ntxuav Plig Zam
qhuab qhia sawv daws kom tig los yuav lub siab tshiab tsim nyom txais tus Huab
Tais yuav tuaj. peb nyeem Ntawv Moo Zoo piav txog Mab Liab uas nws yog tus
yuav yug Huab Tais.
2. Nyob hauv cov zaj hu nkauj, mas peb yuav hais cov zaj Nkauj Paj Nruag
cav txog Huab Tais yuav tuaj cawm lub ntiaj teb. Peb hu tej zaj nkauj seev yees
tos txog Huab Tais. Peb tsis hais zaj ‘Nyob Pem Ntuj’ los yog cov nkauj Nto Moo,
vim yog ib zag zoo siab lom zem uas Tswv Ntuj cov Tshiab muab los cav txog
Yes Xus yug los.
3. Nyob hauv Caij Tos Huab Tais, Leej Choj hnav tsoos tsho tsam xem, vim
tsho tsam xem yog tsho tsis qab siab. Peb tsis qab siab vim peb yog ib co neeg
tos tus yuav tuaj. Cov ntaub vov lub tsev tsam phooj kuj yog tsam xem. Yog peb
xav sau duab phim lub Caij Tos Huab Tais, mas peb yuav sau tej yam uas Ntawv
Ntshiab hais txog: zoo li lub hnub ziab saum ib lub roob, los lwm yam raws li tus
Yaj Saub His Xais hais.
4. Nyob hauv lub Caij Tos Huab Tais mas peb yuav npaj ib lub siab tshiab
tsim nyog txais Yes Xus tuaj nyob hauv peb. Peb nrog tas lub ntiaj teb neeg tos
kom Yes Xus lub Ceeb Tsheej tuaj txog sawv daws. Peb thov kom cov tseem tsis
tau paub Yes Xus lawv tau ntsib Yes Xus.
(Zaj no thau ntawm TP. Nyiaj Pov phau ntawv ‘TXOJ TUAM KEV TEEV NTUJ’
thiab TP. Chedtha Chaided phau ntawv ‘QHIA TEEV NTUJ’)
+++++++++++++++++++++

29. 27
PLAUB TUS TSWM CIAB HAUV CAIJ TOS HUAB TAIS
Tus tswm ciab tim 1 yog tus yaj saub His
Xais tus tsum ciab, yog tus tsum ciab
tsom txoj ‘kev vam khom’ rau ntiaj teb
neeg tias Tswv Ntuj Leej Tub yuav los
txhiv neeg hauv cov txim txhaum.
Tus tswm ciab tim 2 yog tus tsum ciab
hauv Npes Les Hes, yog tus tswm ciab
tsom Tswv Ntuj txoj ‘kev nyiam’ tib neeg,
thiaj xa Leej Tub nqes los ua neeg nyob
hauv lub dab nyuj.
Tus tswm ciab tim 3 yog cov zov yaj tus
tswm ciab, yog tsom txog ‘kev xyiv fab’
hom khaj thaum cov zov yaj pom Tswv Ntuj Lej Tub yug los.
Tus tswm ciab tim 4 yog Ntuj cov Tshiab tus tswm ciab, yog tus tswm ciab tsom
txoj ‘kev thaj yeeb’.
Dhau ntawd, tseem muaj tus tswm ciab dawb, yog Leej Pleev tus tswm ciab. Tus
tswm ciab dawb no yuav cig tsom kev kaj nyob hauv hmo Yes Xus yug.
Peb yuav txais Huab Tais Yes Xus tus tswm ciab los tsom kev hauv peb txoj sia,
peb yuav txais Huab Tais Yes Xus tuaj nyob hauv peb lub siab, peb thiaj ntshiab
huv dua cov daus.
++++++++++++++++++++++++++++++

30. 28
KAV TOS LIV PUAS TEEV HAWM COV DUAB THIAB COV MLOM
Tus sau: Txawj Tsav Meej Mom Lauj
Kwv tij Hmoob, muaj ntau zaus peb hnov
luag tej cav txog cov neeg ntseeg Kav Tos
Liv tias yog cov teev hawm niam Mab
Liab, yog cov pe hawm tej mlom tib neeg
puab. Li ntawd, qhov tseeb peb cov Kav
Tos Liv puas yog xws li luag hais? Los yog
luag lam xav tswv yim raws li luag qhov
muag pom xwb?
Kav Tos Liv sau tej duab thiab puab tej
mlom mas tsis yog coj los rau pe rau
hawm, tab sis yog rau nco txog lawv vim
tib neeg ua neej nyob hauv ntiaj teb no
mas tib neeg qhov muag tsum pom, pob
ntseg tsum hnov, qhov ntswg tsum hnia,
qhov ncauj tsum saj, thiab cev nqaij tsum
chwv mas tib neeg thiaj to taub txog yam xwm ntawd.
Yog li cov ntseeg Kav Tos Liv ho mus txhos caug thov Ntuj hauv tus mlog xub
ntiag ne, puas yog kev pe hawm?
Yog tus pom mas yuav xav li ntawd tiag, kom sawv daws nkag siab tias tsis yog
cov Kav Tos Liv mus pe mus hawm tiam sis yog mus kim caug thov tus mlom
ntawd pab thov Huab Tais Tswv Ntuj rau peb vim lawv yog cov tau txoj hmoov
zoo lawm, lawv tau mus koom Tswv Ntuj lub hwj chim saum Ntuj Ceeb Tsheej
lawm.
Kwv tij Hmoob, thov kom nej sawv daws nkag siab tias peb cov Kav Tos Liv muaj
tej duab, tej mlom los txhawb peb lub siab kom muaj kev vam khom nyob hauv
txoj kev ntseeg txog peb tus Huab Tais Tswv Ntuj xwb. Peb tsuas pe hawm tib
leeg xwb yog peb tus HUAB TAIS.
+++++++++++++++++++++++++++++++++++++++

31. 29
IB TUG NEEG NTSEEG YOG IB TUG NEEG ZOO LI CAS?
Tus sau: Txiv Plig Nyiaj Pov (18-6-1995)
Kuv tsis paub tias puas yuav teb zoo li nej tos ntawm kuv. Kuv tsuas txawj
teb tias “Tus neeg ntseeg yog tus ua raws li Yes Xus cov lus uas nyob hauv
phau ntawv Moo Zoo thiab ua raws li cov lus uas cov Hauv Paus Xa Lus
qhuab qhia nyob hauv cov Tsab Ntawv.”
Yes Xus lub Moo Zoo thiab cov Tsab Ntawv tsis hais tias muaj 2 hom neeg
ntseeg los muaj 2 hom thwj tim. Tsis hais tias muaj thawj hom lawv coj Yes Xus
lub Moo Zoo kom txhij kom txhua, lawv coj nruj nruj, lawv lub siab kub lug, thiab
dai ncuv txog peb Leeg Huab Tais; hos muaj lwm hom coj taug me ntsis, coj yam
puav xwb, nco txog Leej Txiv Tswv Ntuj ib lis piam ib zaug, lo sib hlis ib zaug tej.
Ntawv Ntshiab hais tias yuav tsum teev Ntuj tsis tseg. Cov Nkauj Paj Nruag
hais tias txij sawv ntxov mus txog tsaus ntuj peb yuav cev peb cov lus teev Tswv
Ntuj. Lus Kas cev Yes Xus lo lus qhuab qhia tias peb yuav teev Ntuj tsis tseg. Yog
peb xav nrhiav nyob hauv cov Ntawv Ntshiab cov lus txhib peb kom peb teev
Ntuj mas peb yuav nthuav cov lus ntawd ib teev los ob teev kuj tseem hais tsis
txhua.

32. 30
Cov lus ntawd puas yog qhuab qhia cov Leej Choj los cia rau cov Phauj los
cov Xib Hwb los cov tus tshaj Ntuj Lus? Tsis yog. Cov lus ntawd yog hais rau cov
neeg ntseeg txog Tswv Ntuj tas huv tib si. Li ntawd, tsis muaj 2 hom neeg
ntseeg.
Peb hais tsis tau tias nyob hauv lub Koom Txoos muaj 2 pab neeg: piv li
muaj ib pab lawv ua Leej Choj, los lawv ua Txiv Twj Cuab, los ua Phauj; pab
ntawd yuav tsum teev Ntuj ntau, yuav tsum nco txog Tswv Ntuj tas hnub tas
hmo. Hos cov tsa cuab tsa yim, cov ua laj ua luam, cov ua liaj ua teb; lawv yuav
nco txog Tswv Ntuj tej chwb chim xwb. Los tej zaug tej tus yuav hais tias tsuas
yog lawv tuaj teev Ntuj ib hlis ib zaug tej twb yog zoo hauj sim.
Tas huv tib si cov ntawv Cog Qub Lus thiab cov ntawv Cog Lus Tshiab tsis
hais li ntawd.
Yes Xus lub Moo Zoo thiab cov Hauv Paus Xa Lus cov Tsab Ntawv puav
leej loj xov qhuab qhia cov ntseeg tas huv tib si kom lawv kub siab nyiam Tswv
Ntuj zoo ib yam. Yog vim li ntawd, ces Tswv Ntuj tus Tshiab sau ib co lus zoo li
no rau lub Koom Txoos nyob Laus Dis Kes Yas tias “Kuv paub koj tus yam ntxwv.
Koj tsis txias, koj tsis kub, koj sov ntem ntauv xwb. Kheev lam koj txias tu ziav los
koj kub kub lug mas! Vim koj sov ntem ntauv, koj tsis txias tsis kub, kuv thiaj yuav
ntuav koj tawm ntawm kuv lub ncauj mus!”
Lub Koom Txoos twg uas nws tsis txias tsis kub mas Tswv Ntuj ntuav nws
tawm ntawm nws lub ncauj mus. Yog peb cov Koom Txoos Hmoob muaj lub siab
tsis txias tsis kub mas peb yeej yuav pom Tswv Ntuj ntuav peb ntawm lub ncauj
mus.
Tus neeg ntseeg yog tus neeg muaj lub siab npuab Tswv Ntuj, yam li
npuab Leej Txiv thiab Leej Tub thiab Leej Ntuj Plig. Nws saib lawv peb leeg yog
zoo li ib yig Huab Tais. Tus neeg ntseeg ua tus swm yim Huab Tais. Tus neeg ib
rau Tswv Ntuj, khaub zig Yes Xus, mloog Leej Ntuj Plig hais lus rau hauv nws
nruab siab.
Tus ntseeg yuav ua zoo li cas ces nws yog tus swm Huab Tais? Tus ntseeg
nws nquag nrog tsoom ntseeg tuaj sib txoos teev Ntuj. nws zoo siab txais Tswv
Ntuj Lo Lus raws li lub Koom Txoos niaj hnub npaj tseg rau nws txais, rau nws

33. 31
noj. Tus neeg ntseeg nws saib tias Hnub Chiv nws thawj txoj hauj lwm yog nrog
cov ntseeg sib txoos teev Ntuj. Nws tsis kam hais tias Hnub Chiv muaj lwm yam
hauj lwm loj dua lub Txoos teev Ntuj, ces nws yuav tsis khoom tuaj teev Ntuj.
Tus neeg ntseeg nws txiav siab muas phau Ntawv Ntshib los muas phau
ntawv ntim cov zaj nyeem hauv cov Txoos teev Ntuj Hnub Chiv. Nws muaj ib
phau ntawv hauv nws tsev. Niaj hnub nws nyeem cov zaj uas lub Koom Txoos
xaiv los rau cov neeg ntseeg nyeem niaj lub lis piam. Niaj hnub nws nyeem
Tswv Ntuj ib co lus thiab nws khaws tseg hauv nws nruab siab. Yog tias nws
tsev neeg mloog nws lus thiab nws txawj coj nws tsev neeg, mas nws nrog nws
tsev neeg txais Tswv Ntuj Lo Lus.
Nws tsis hais tias nws tsis muaj lub caij nyeem Ntawv Ntshiab. Nws txawj
kav nws lub siab: nws txawj xub qee ib lub caij los txais Tswv Ntuj Lo Lus. Nws
tsis ua tej twj saib kev lom zem tus qhev, nws tsis mag txoj kev nrog luag sib
tham tsis paub tas, los mus ua si ntau heev, tsis tshuav caij nyob twj ywm mloog
Tswv Ntuj lub suab.
Tus neeg ntseeg yog tus neeg thoob tsib txawj tu nws lub sij hawm kom
tau kev fim neeg thiab fim Ntuj kom haum. Tsis tso neeg pov tseg, kuj tsis tso
Ntuj pov tseg. Nws yog tus tswv kav nws lub caij, txawj tu nws hauj lwm, txawj
faib lub sij hawm. Nws tsis pub kom muaj lwm yam kav nws lub siab, nws ua tus
tswv kav nws tus kheej, ces nws mloog tau Leej Ntuj Plig tshoj nws.
Tus neeg ntseeg niaj xyoo txawj qee tej lub caij cia rau sau siab. Yog tej
lub caij twg? Yog lub Lis Piam Ntshiab, yog lub caij lub Koom Txoos hauv lub teb
chaws sib sau los sab laj thiab tuav xam txog tshaj Tswv Ntuj Lo Lus, sau siab twj
ywm ob peb hnub los mloog Leej Ntuj Plig tshoj yus.
Tus neeg ntseeg uas nws qee tej lub sij hawm los sau siab li ntawd, tab
txawm nws ua pes tsawg hnub xyoo twg mas xyoo ntawd nws yuav tau ua hauj
lwm sib npaum li luag tej uas luag hais tias lawv tsis khoom sau siab.
Tus neeg ntseeg muaj lub siab tiaj tus mus li. Nws paub tias nws txhim
nws lub tsev rau saum lub tsuas khov kho. Nws yuav raug ntau yam teeb meem
nphav nws xws luag, tab sis nws ib rau Huab Tais. Nws tsis ntshai. Nws tso siab
tias nws yuav yeej lub sim ceeb xws li Yes Xus tau yeej lub sim ceeb.

34. 32
Tus neeg ntseeg tsis muab hlob: nws paub tias nws lub zog tsis yog tuaj
ntawm nws tuaj. nws lub zog nyob hauv nws txoj kev ntseeg, nyob hauv Tswv
Ntuj. nws thiaj tsis thuam luag tej.
Tus neeg ntseeg txawj pab luag kom luag rov muaj zog tuaj. Nws niaj
hnub ntsib kev ntxhov, hos nws nyob txawm hauv Huab Tais ces nws yeej kev
ntxhov siab lwj plawv. Nws txawj pab luag tej kom luag tej yeej kev ntxhov thiab.
Tus neeg ntseeg txawj ua kom luag rov sib haum xeeb. Nws tsim kev thaj
yeeb nyob hauv cov neeg nrog nws nyob, vim nws yog tus neeg thoob tsib mas
nws hais tau cov lus pub kev nyob nyab xeeb.
Tus neeg ntseeg yog Yes Xus ib tug tim khawv zoo. Nws tus cwj pwm ua
kom zeej tsoom ras dheev. Luag pom nws, ces luag xav hauv nrua siab tias tos
nws coj tus cwj pwm zoo li ntawd yog vim nws mloog nws tus Huab Tais Yes
Xus, ces luag xav paub Yes Xus lub Moo Zoo.
Ib tug neeg ntseeg xws li tau piav saum no mas tab nws tsis hais lus ntau
tsis kav nws rub zeej tsoom los mloog lub Koom Txoos.
++++++++++++++++++++++++++++

35. 33
THAM TXOG HMOOB
HMOOB KAV TOS LIV KAB KE HAUV CAIJ PEB CAUG
Tus sau: Txawj Tsav Meej Mom Lauj
Kwv tij Hmoob, nyob hauv phau ntawv ‘Hu nkauj teev Ntuj thiab Hmoob
kab ke’ mas teeb txog peb Hmoob ntseeg Ntuj li kab ke hauv caij xyoo tshiab li
no:
Nyob hauv kab ke xyoo tshiab, peb cov ntseeg Kav Tos Liv tua npua tsiab
zoo li sawv daws, peb haus cawv pe tsiab nco txog niam txiv poj yawm, peb zov
hmo quas xyoo laus tos txais xyoo tshiab los yeej tau. peb rhaub dej da plhis
kauv laus li yav thaud los kuj tau. Los peb yuav nrog sawv daws sib huas dej
tshiab nyob hauv hmo peb caug los yeej tau. Vim peb cov ntseeg tsis saib tias tej
ntawd yog ua rau dab; peb xav tias yog kab ke ua lom zem xwb.
Hais txog tej yam ua si xws li dhia qaib, pov pob, hais kwv txhiaj, paj ntsha
lus taum; mas peb zoo siab nrog sawv daws ua. Yog leej twg txawj qeej txawj raj
mas xav tshuab ua si nyob ntawm lub tshav kuj zoo. Tsoom sid sawv daws mus
tsham kwv tij neej tsa, dhia ua si ntaus tuj lub, plob hav zoov, caij nees, tso nyuj
sib nraus. Tas txhia yam ntawd phim lub caij peb caug. Peb cov ntseeg yuav zoo
siab ua thiab nrog sawv daws ua li ntawd.
Tab sis muaj tej yam peb yuav tsum tso pov tseg; yog yam uas yog txoj
kev teev dab. Yam li ua neeb tso qhua, foob yeem, hu plig, nkaum toj qaib, lwm

36. 34
tsiab, txi xwm kab, laig dab, dhia mos caum, puab ncuav dab, xub hlawv ntawv
ua ntej huas dej tshiab. Tej hais los no yog txhaum rau Ntuj kev cai, mas peb
thiaj yuav tso pov tseg. Vim peb hwm ib tug Tswv Ntuj xwb.
Muaj 3 yam uas peb yuav ua raws Ntuj kev cai:
1. Noj tsiab ua Ntuj tsaug nco txog niam txiv.
2. Foom hmoov zoo rau vaj tse, poj yawm.
3. Ua lub Txoos noj tsiab.
1. Noj tsiab ua Ntuj tsaug nco txog niam txiv poj yawm.
Peb cov ntseeg Kav Tos Liv yuav tua tsiaj ua Ntuj tsaug nco txog niam txiv
poj yawm hnub twg yeej tau. Yus npaj yeej thaum twg ces ua thaum ntawd.
Thaum npaj tsiaj tas, caw sawv daws tuaj txog tas lawm, mas sawv daws yuav
sawv ncig lub rooj noj mov. Ces sawv daws yuav hais zaj ua Ntuj tsaug, thiab hais
zaj nco txog niam txiv poj yawm tias:
Nyem no zoo hnub coj zoo nyoog, ib xyoos ntuj zeeg tig rov los txog. Kuv noj
tsiab peb caug, kuv tua tsiaj tua txhuv noj. Kuv ua qav ua hno siav sov lis so. Kuv
hu txog tsoom poj yawm txwv koob sawv daws, kuv yuav vam txog nej peb txheej
peb tis txwv zeej txwv koob os. Kuv muaj noj kuv nco txog nej sawv daws. Kuv vam
txog nej sawv daws nrog kuv koom siab koom ntsws thov Tswv Ntuj Tswv Teb. Kuv
tuav txog ………(hu lub npe ib phaj zuj zus)…..
Nej sawv daws nrog kuv thov Tswv Ntuj pab ntis mob ntis ntsaj, ntis nab ntis
qav, ntis zeb ntis cav, ntis ceg xyoob ceg ntoo, kom txhob raug kev plaub kev ntug,
khawv txiv khawv kum, khawv yeej khawv yws, sau sub tawg sub ntsha, sau sab
mob sab nkeeg, sau kua muag iab kua muag daw, daws kev iab kev khwv, daws
kev puas kev ntsoog. Xa mus rau puag hnub coog hli kawg, kom ntsej tsis hnov
muag tsis pom, mus txog qab roob tsis nphav sab mob, mus qab ha tsis nphav sab
nkeeg, mus txog naj fab los ua vaj thaiv, mus txog pej fab los ua loog roos. Nej
nrog kuv thov Tswv Ntuj kom nws foom lus noj qab nyob zoo, kom tau nyob dawb
nyob huv, kom ntshiab li dej huv li txhuv, nyob ntsuab li zoov huv li tsuag, kom
tau nyob ruaj nreb xws li caj zeb, ua teb txog qab toj los tau noj, ua txog qab ha
los tau hnav, kom tau zoo mus puv niaj mus thawm xyoo.
Thaum hais tas mas sawv daws noj, sawv daws haus raws li kev cai teb
chaws ua kam.
2. Foom hmoov zoo rau vaj tse, poj yawm.

37. 35
Hnub peb caug thaum hnub qaij, mas nyias npaj foom hmoov zoo rau
nyias tsev. Yuav cheb nkhawb cheb tsev kom huv. Thaum tu tsev mas yuav tsis
ntuas. Tus tswv tsev yuav sau me phom riam, taus txuas coj los tso nyob ua ke
pem hauv plag ze qab thaj. Hais txog lub thaj mas yuav hloov cov qub ntawv
nyob ntawm lub thaj, pua ntawv tshiab rau. Cheb lub thaj kom txhob muaj
nkhawb los yog kab laug sab cab sab rau. Lov paj ntoos los rau kom zoo nkauj
zoo saib. Yuav txhos xyab los txhos tswm ciab rau saum lub thaj.
Tus tswv tsev yuav ua 3 yam li no:
– Tus tswv tsev hu tsev neeg los kom txhij txhua, sawv daws los nyob ua ke
ntawm hauv plag ze tus duab ntawm lub thaj. Nws yuav hais tias: Hu txog Leej
Txiv thiab Leej Tub thiab Leej Ntuj Plig lub npe. Ua li.
Nws ua ntoo cuam lub Cim tas, nws hais ntxiv tias: xyoo tshiab tuaj, peb
yuav thov kom Ntuj foom lus zoo rau peb kom peb sawv daws tau noj qab nyob
zoo tas xyoo tshiab no thiab mus li.
– Tus tswv tsev pov dej foom hmoov zoo rau saum sawv daws, rau tej txaj
pw, txhab qoob loo, ib ncig vaj tsev tej chaw pub tsiaj txhu huv si. Nws yuav hais
tias: Huab Tais muaj hwj huam, thov koj foom hmoov zoo rau lub tsev no mas!
Thov kom nyob hauv lub tsev no, sawv daws tau noj qab nyob zoo tsis muaj mob
muaj nkeeg; thov kom nyob hauv lub tsev no, sawv daws nyias txawj txuag nyias
lub cev kom tsim txiaj; thov kom nyob hauv lub tsev no, sawv daws tau yeej dab
phem; thov kom nyob hauv lub tsev no, sawv daws ua siab loj siab tawv; thov kom
nyob hauv lub tsev no, sawv daws tsis txhob ua neeg muab hlob; thov kom nyob
hauv lub tsev no, sawv daws txawj ua lub siab zoo rau luag tej; thov kom nyob
hauv lub tsev no, sawv daws nco ntsoov txog Ntuj cov txiaj ntsim.
Huab Tais! peb thov kom koj lo lus foom hmoov zoo los ntoo peb lub tsev no
mus li. Peb thov kom koj lo lus foom hmoov zoo los ntoo cov neeg nyob hauv lub
tsev no. Peb vam txog peb tus Huab Tais Yes Xus Pleev.
– Tus tswv tsev coj sawv daws ua Ntuj tsaug. Tus tswv tsev yuav hais tias:
Tas ib xyoos, Ntuj tau pov hwm pov yawm peb. Nyem no, peb sawv daws yuav ua
ke ua Ntuj tsaug nyob hauv peb siab.
Tus tswv tsev yuav coj sawv daws hais zaj ‘Peb txiv nyob saum Ntuj’, zaj
‘Koj nyob zoo Mab Liab’, zaj ‘Poj Huab Tais’, zaj ‘Tswv Ntuj tsim peb los ua

38. 36
neeg’, zaj ‘Huab Tais Ntuj tuaj’, zaj ‘Tus Zoo Tswv Zov Yaj’, zaj ‘Kuv tsa muag
ntsia’, thiab zaj ‘Kuv tso kuv txoj sia’.
Hais cov zaj tas, ces nws yuav hais tias: Peb thov kom Huab Tais Leej Txiv
thiab Huab Tais Leej Tub thiab Huab Tais Leej Ntuj Plig tso ib lo lus foom hmoov
zoo rau saum peb.
Sawv daws yuav teb tias: Ua li.
3. Ua lub Txoos noj tsiab.
Nyob hauv hnub xaus xyoo laus, peb cov ntseeg Kav Tos Liv yuav npaj qe,
txhuv, tswm ciab thiab paj ntoos txawb rau saum tej lub rooj ze ntawm lub thaj
txi Ntuj hauv tsev.
Thaum hnub qaij foom hmoov zoo rau vaj tse thiab cov neeg hauv tsev
tas, ces nqa qe mus ua kab ke nkaum toj qaib xaus xyoo laus thiab ua Txoos teev
Ntuj. Peb yuav nrhiav ib tus ncej los txhos ua ncej ntxhoo; tus ntoo no yog ntoo
dab tsi los tau, ces muab ntawv liab ntawv ntsuab dai kom zoo nkauj, khi hlua
cab mus khi rau pem tej kom zoo saib. Peb yuav ncig tus ncej ntxhoo tib yam li
cov coj dab qhuas, tab sis tus coj yog Txiv Plig los yog Xib Hwb.
Tus coj yuav npaj dej foom hmoov zoo thiab ib rab phom, nws mus sawv
ntsug nyob ib cag, nws yuav hais tias: Kwv tij phooj ywg sawv daws, nyem no nej
tuaj nyob hauv tus qab ntxhoo no. Tus ntxhoo no zoo li nws qua lub xyoo laus
thiab lub xyoo tshiab. Thiab nws kuj yog ib lub cim pab peb nco tias niaj hnub
tas niaj tas xyoo txiv Tswv Ntuj lub zog roos peb zoo li tus ntxhoo no ntxoov peb
sawv daws.
Peb sawv daws yuav ib txhij hu zaj nkauj ‘Peb Txiv Nyob Saum Ntuj’ los
zaj ‘Faj Tim Huab Tais’, ces sawv daws mus ncig tus ntxhoo peb lwm mus thiab
peb lwm roov qab.
Thaum sawv daws ncig tus ntxhoo, tus coj yuav pov dej foom hmoov zoo
rau sawv daws, nws thov Ntuj pov hwm sawv daws tias: Huab Tais Tswv Ntuj, peb
thov koj dauv muag los ntsia koj cuab koj yim. Peb vam khom rau koj xws li peb
nraim tus duab ntxhoo no. Koj tau pov hwm peb ib xyoos ntuj zeeg tawm ntuj
tshiab no. Peb xav nco koj txiaj ntsha txiaj ntsim.

39. 37
Huab Tais Leej Txiv tsim zeej! Huab Tais Leej Tub cawm zeej! Huab Tais Leej
Ntuj Plig Ntsiab nplij neeg! Nej tswj lub ntuj lub teb mus txheej dhau txheej, tis
dhau tis. Peb zoo siab tuaj ua nej tsaug quas lub xyoo tshiab no.
Ua kab ke nkaum toj qaib tas ces sawv daws mus hauv tsev ua lub Txoos
teev Ntuj. Sawv daws yuav nqa cov qe thiab txhuv mus tso hauv tsev Txoos.
Leej Choj los yog Xib Hwb yuav ntuas sawv daws tias : Hnub no, xyoo laus
tas lawm. tas ib niag xyoo peb tau txais Ntuj txiaj ntsim ntau kawg, yam li Ntuj
nres peb txoj sia mus li; Ntuj qhia peb lub tswv yim kom peb paub ua raws li txoj
kev ua zoo thiab tsim txiaj. Mas hmo no, peb yuav ua Ntuj tsaug. Peb yuav hais
zaj ‘Tus Zoo Tswv Zov Yaj’.
Hu zaj tus zoo tswv zov yaj tas, mas Leej Choj los tus Xib Hwb yuav ntuas
sawv daws tias: Tas ib niag xyoo, mas Ntuj pub txiaj ntsim ntau kawg rau peb.
Qee zaus peb kuj nco ntsoov txog Ntuj; tiam sis muaj ntau zaus, mas peb kuj ua
txhaum rau Huab Tais Ntuj thiab. Peb tsis tau ua li Huab Tais Ntuj 10 lo lus qhia.
Nyem no, peb sawv daws nyob ua twj ywm ib me ntsis. Peb nyias nrhiav nyias cov
txhaum nyob hauv nyias nruab siab.
Tag ces sawv daws hais zaj ‘Kuv lees txhaum’ thiab zaj ‘Kuv tu siab’.
Txuav ntxiv mus Leej Choj los yog Xib Hwb yuav qhib xyoo tshiab, nws
yuav foom hmoov zoo rau cov txhuv. Nws yuav ntuas sawv daws tias: Xyoo laus
tas xyoo tshiab tuaj, tag kis mas peb yuav pib ua xyoo tshiab mus. Yog Ntuj pab
peb mas peb thiaj tau noj qab nyob zoo mus dhau niaj dhau xyoo.
Niaj hnub, peb yuav noj yuav haus kom tau yug peb lub cev peb txoj sia; ua
li mas peb yuav thov Huab Tais Ntuj foom hmoov zoo rau cov txhuv tshiab no,
kom sawv daws ua los sawv daws tsuas muaj tau noj tau haus mus puv niaj puv
xyoo, tsis pub tshaib tsis pub nqhis.
Ces Leej Choj los Xib Hwb hais zaj foom hmoov zoo rau saum cov txhuv
tias: Peb sawv daws thov Huab Tais, Huab Tais Ntshiab, Txiv muaj hwj huam tas
nrho, Tswv Ntuj nyob mus li, koj Leej Tub Yes Xus nws yog peb tus Huab Tais
Pleev, nws cov ntshav yog ib hom txhiam xws nqa txoj sia nyob mus li tuaj rau
peb. Peb thov koj; koj tso peb tus Huab Tais Yes Xus Pleev tuaj foom ib lo lus zoo
rau saum cov txhuv tshiab no.
Ua li mas koj cov me nyuam noj cov mov tshiab no, lawv yuav muaj zog
nyob hauv lawv lub cev, lawv yuav tsis muaj mob tsis muaj nkeeg, lawv lub siab

40. 38
yuav loj yuav tawv, lawv tos txog lub caij lawv yuav tau nrog koj nyob peb koj lub
Ceeb Tsheej. Peb vam txog peb tus Huab Tais Yes Xus Pleev uas nws yog koj tus
tub, nws nrog koj thiab nrog Leej Ntuj Plig Ntshiab muaj txoj sia thiab ua Vaj nyob
mus li txog txhiab niag tim puas xyoo. Ua li.
Hais tag ces muab cov dej foom hmoov zoo pov rau saum cov txhuv. Ces
ho foom hmoov zoo rau cov qe li no: Niaj hnub peb yuav ntau yam txhiam xws
los ntxuag mov. Nyem no, peb nqa ib co qe tuaj ntawm no, kom tau taj tas ib puas
tsav yam txhiam xws uas peb muab los noj thiab muab los haus. Peb yuav thov
kom Huab Tais Ntuj foom ib lo lus zoo rau saum cov qe no. Sawv daws khwv los
kom tau txaus noj txaus haus mus puv niaj puv xyoo.
Leej Choj los yog Xib Hwb ntuas tas ces sawv daws yuav thov Huab Tais
tias: Hmo no, xyoo laus tas xyoo tshiab tuaj; Huab Tais, peb thov koj cov txiaj
ntsim, koj dauv muag los ntsia cov qe no, cov qe no taj tas ib puas tsav yam
txhiam xws noj, thov koj foom ib lo lus rau mas! ces peb cov txhiam xws thiaj li
yuav ntshiab thiab huv tuaj. Mas cov neeg teev koj lawv yuav thau ib lub zog
tawm ntawm koj lub siab dav los.
Peb vam txog peb tus Huab Tais Yes Xus Pleev uas nws yog koj tus tub, nws
nrog koj thiab nrog Leej Ntuj Plig Ntshiab muaj txoj sia thiab ua Vaj nyob mus li
txog txhiab niag tim puas xyoo. Ua li.
Hais tas ces pov dej foom hmoov zoo rau saum cov qe.
Thaum foom hmoov zoo rau cov qe tas, Leej Choj los yog Xib Hwb yuav
ntuas sawv daws tias: Tas ib niag xyoo ntev ntev, peb sawv daws yuav xyaum ua
neeg siab dawb siab huv, siab ncaj siab ncees rau sawv daws. Ua li mas peb yuav
thov Tswv Ntuj lub txiaj ntsim tuaj pab peb lub siab.
Xyoo tshiab no tuaj mas peb sawv daws yuav muab siab rau ntseeg txog
Huab Tais Ntuj zoo. Ua li mas peb sawv daws ua ke hais zaj kuv ntseeg txog Huab
Tais Ntuj ua ke.
Thaum hais zaj kuv ntseeg tas, ces xaus tias: Hu txog Leej Txiv thiab Leej
Tub thiab Leej Ntuj Plig lub npe. Ua li.
Tas ces nqa cov txhuv thiab qe mus tsev.
+++++++++++++++++++++++++