Guía de Llectura Nora la neña de sal (n'asturianu)

1. Guía de Llectura “Nora la neña de sal”
Fátima Fernández Méndez / S.Bimbo
+ INFORMACIÓN d’esti llibru en www.pintar-pintar.com
Editorial Pintar-Pintar C/ del Rosal núm. 6 - 2º 3 Uviéu, 33009 - 985 229 155
¿Por qué l’agua del mar ye salao?
¿Puen pescase estrelles del cielu?
entós...
¿pa qué sirve?

2. + INFORMACIÓN d’esti llibru en www.pintar-pintar.com
Editorial Pintar-Pintar C/ del Rosal núm. 6 - 2º 3 Uviéu, 33009 - 985 229 155
Guía de Llectura “Nora la neña de sal”
Fátima Fernández Méndez / S.Bimbo
¿Quién escribió esti cuentu?
S.Bimbo ye l’ilustrador de Nora. ¿Cuál ye la ilustración que más te presta? ¿Por qué?
N’Asturies hai tres artes de pesca tradicional. Escueyi la qu’emplega’l pá de Nora:
a. Pesca con anzuelu
b. Pesca con rede
c. Pesca con nasa
¿Qué embarcación tien el pescador?
¿Por qué Nora nun pue dir pescar col pá?
1.
4.
5.
2.
3.
a. Trainera
b. Llancha
c. Vapor
Completa la frase:
6.
“Ella diba aína a la escontra d’él y elli siempre-y enseñaba la _______
una montonera ________ entá rellumantes, nun _________ enllenu agua.”
Vamos caciplar un poco na cocina. Güei vamos poner un platu mui bono: truches del pescador. Voi date los ingredientes pa 4 persones, dempués tu escribes la menera de facelo. Nun t’escaezas de llimpiar les truches.
7.
1 trucha por persona, anchoes n’aceite, 1 llimón, 50gr de mantega, farina, perexil y sal.

3. + INFORMACIÓN d’esti llibru en www.pintar-pintar.com
Editorial Pintar-Pintar C/ del Rosal núm. 6 - 2º 3 Uviéu, 33009 - 985 229 155
Guía de Llectura “Nora la neña de sal”
Fátima Fernández Méndez / S.Bimbo
El pá de Nora nagua por pescar el rellumu la lluna pa la fía. ¿Qué te prestaría pescar a ti?
8.
Voi enseñate un xuegu que se llama “El barcu”.
9.
Escribi nel pexe les sos partes:
10.
Tienes que sentate en suelu colos collacios formando una rueda. Un xugador dempués de dicir una lletra, tira un pañuelu a otru xugador diciendo al empar: “De L’Habana llegó un barcu cargáu de...”. Al que-y tocó’l pañuelu tien que contestar con un sustantivu qu’entame pola lletra que se dixo. Si nun respuende, pierde’l xuegu.
¿Sabes otru xuegu que tenga rellación cola mar?
Boca, mandíbules, güeyu, opérculu, radiu de l’aleta dorsal, aleta dorsal, aleta peitoral, aleta caudal, aleta anal, anu, escama, aletes ventrales

4. + INFORMACIÓN d’esti llibru en www.pintar-pintar.com
Editorial Pintar-Pintar C/ del Rosal núm. 6 - 2º 3 Uviéu, 33009 - 985 229 155
Guía de Llectura “Nora la neña de sal”
Fátima Fernández Méndez / S.Bimbo
Agrupa en pexes de ríu, pexes de mar: merluza, salmón, pixín, bonitu, trucha, anguila, xarda, parrocha.
11.
Xuni con fleches:
12.
Una nueche d’iviernu, dempués de ver marchar al pá, Nora quedó mui esmolecida en casa. ¿Por qué?
13.
¿Qué fizo la neña?
14.
El pescador llegó a casa col rellumu la lluna en calderu pero Nora nun taba ellí pa velu. L’home, esmolecíu porque nun alcontraba a la fía, entamó a berrar tanto qu’espertó al rellumu la lluna, que-y dixo con voz sele:
15.
pexes de ríu
pexes de mar
Xulia
Pez espada
Pixín
Salmón
Parroches
Llega a midir cuasi 2 metros y pesar hasta 30 kg.
Son les sardines xóvenes
Naz fema y dempués de tiempu ye machu
Pue algamar los 130Km/h
El primeru que se pesca llámase campanu
A - Nun glayes asina que vas dexame sordu,
B - ¿Qué maneres son estes?
C - ¡Nun t’esmolezas pescador! Si me sueltes, yo puedo ayudate p’alcontrar otra fía
meyor que Nora.
D - ¡Nun t’esmolezas pescador! Si me sueltes, yo puedo ayudate p’alcontrar a la to fía

5. + INFORMACIÓN d’esti llibru en www.pintar-pintar.com
Editorial Pintar-Pintar C/ del Rosal núm. 6 - 2º 3 Uviéu, 33009 - 985 229 155
Guía de Llectura “Nora la neña de sal”
Fátima Fernández Méndez / S.Bimbo
¿Cuál ye la solución d’esta cosadiella?
16.
Nun sé que-y pasa a la probe,
qu’anda nel cielu xubida;
darréu fálta-y un cachu,
o enllénase en pocos díes.
El pescador ablucó cuando vio a Nora convertida nuna sirena. ¿Conoces dalgún llibru que fale de sirenes? ¿Y de les sos canciones?
17.
Igua la frase:
18.
“Ye agora pente mui feliz les foles”
El cuentu termina con estes pallabres: “Dicen que dende aquella, l’agua la mar ye salao”. ¿Sabes pa que s’emplega’l sal?
19.

6. + INFORMACIÓN d’esti llibru en www.pintar-pintar.com
Editorial Pintar-Pintar C/ del Rosal núm. 6 - 2º 3 Uviéu, 33009 - 985 229 155
Guía de Llectura “Nora la neña de sal”
Fátima Fernández Méndez / S.Bimbo
PA SABER MÁS QU’UNA CURUXA.
Fátima Fernández la escritora d’esti cuentu, nació en Puertu Veiga nel conceyu de Navia.
Nesti puertu los pescadores como’l pá de Nora pescaben ballenes allá una vezona. Al paecer hai guardaos unos documentos mui importantes que falen d’esta pesca nel añu 1232. ¿A qué nun los sabíes?
Nun pienses qu’esti yera l’únicu puertu onde pescaben estos mamíferos, tamién facíen lo mesmo en Llanes, Ribesella, Xixón, Candás, Lluanco, Cuideiru, Lluarca, Tazones…
Ente los meses de payares y febreru podíen vese nel mar les chalupes hasta con ocho paisanos dientro. Llevaben estaches, arpones, llances y sangraderes.
Dende una talaya un home facía señales, a veces con fumu, p’avisar de la presencia de la ballena. Los pescadores remaben hasta ponese a la so vera y dende la proba, l’arponeru llanzába-y l’arpón de fierru con una estacha inxertada. D’esti mou la ballena quedaba xunida a la llancha y dende les otres embarcaciones llanzaben les sangraderes pa desangrala y matala.
Agora tarás preguntándote que facíen con un animal tan grande. Dempués d’estayala poníen sobre los fornos de lleña los trozos de grasa pa convertilos en saín que s’echaba nos candiles p’allumar. El saín guardábase en barriques pa llevalu a los puertos del País Vascu onde s’esportaba a dellos países europeos.
La carne yera pal consumu humanu y los güesos yeren emplegaos pa facer muebles.
Nel añu 1986 la Comisión Ballenera Internacional decretó la prohibición de la pesca de ballenes. Por embargu, países como Islandia, Xapón y Noruega nun ficieron casu y siguieron pescando emplegando l’arpón con granada.
Anguaño asociaciones como Greenpeace siguen lluchando pa que les ballenes sigan cantando en llibertá.
Nel cuentu Nora conviértese nuna sirena perguapa con una llarga cola de pexe. ¿Cuntáronte dalguna vez que les primeres sirenes nun teníen esta apariencia nin yeren tan bones como Nora?
Fai una montonera años, nel sieglu IX enantes que naciera Xesucristo, Homero, un poeta griegu, escribió La Odisea, un poema épicu onde cuenta les aventures d’Ulises y los sos collacios na nave que los lleva a casa, dempués de lluchar na guerra de Troya.
Un día Ulises fai una paradina y visita a la diosa Circe. Ésta dai dalgunos conseyos pa cuando s’alcuentre coles sirenes, qu’al paecer yeren metá muyer, metá ave y teníen unes idees permales.
“—Atiendi, Ulises, lo que voi dicite. Aquel que s’acerca a les sirenes y oye la so voz yá nun ve más nin a la muyer nin a los fíos. Queda encantáu col so cantu. Mientres, elles, tan sentaes tan guapamente nel prau al llau de los güesos d’otros homes descompuestos. Ulises, esmolecíu, escuchaba con muncha atención a Circe. De xuro taría pensando en Telémaco, el so fíu, que yera pequeñín cuando coló de casa.
—Nun-yos faigas casu y tapa con cera les oreyes de los tos collacios. Si tu quies oyeles, lo meyor que pues facer ye mandar que t’aten los pies y les manes al mástil de la embarcación. Dixo-y Circe.
Ulises siguió los sos conseyos y nun-yos pasó nada cuando les sirenes entamaron a cantar”.
.
.

7. + INFORMACIÓN d’esti llibru en www.pintar-pintar.com
Editorial Pintar-Pintar C/ del Rosal núm. 6 - 2º 3 Uviéu, 33009 - 985 229 155
Guía de Llectura “Nora la neña de sal”
Fátima Fernández Méndez / S.Bimbo
VOCABULARIU del llibru:
Como ves había que tener muncho cuidáu con elles. Col pasu’l tiempu, les sirenes entamaron a conocese cola mesma apariencia de Nora.
¡Agora yá sabes más que la curuxa!
Ablucó: ablucar: v. Dexar o quedar afeutáu [por daqué que nun esperaba].
Abondo: alv. En gran cantidá. 2 En cantidá xusta, apropiada.
Acolumbraba: columbrar: v. Ver [lo que ta lloñe, lo que nun se percibía].
Afitaba: afitar: v. Poner [seguru, firme pa que nun caiga, pa que nun s’esbarrumbe]. 2 Apoyar, poner o tar puesta [una persona, una cosa apegando a otra pa que tenga por ella]. Afita’l paragües na parede. Afítate en min pa llevantate. 3 Facer fuercia o presión con [daqué]. Afita’l deu pa que pare de sangrar. 4 Quedar paráu [ensin saber qué facer, qué dicir]. 5 Mayar [el cáñamu]. 6 Xustificar, basar [una cosa n’otra]. 7 Facer firme, común [una costume, una idea].
Aína: alv. Apriesa, nun espaciu curtiu de tiempu. Acaba aína qu’hai que marchar. 2 Temprano, enantes del tiempu establecío, deseao, avezao. Ye aína pa semar. 3 Tovía, hasta esti, esi o aquel momentu. Aína nun lo sabía.
Algamar: algamar: v. Ponese [nel mesmu sitiu] de [daqué o daquién que va delantre]. 2 Ser [a tocar nun sitiu con un oxetu, con una parte del cuerpu]. Si pongo la escalera, ¿algames el tubu? 3 Llegar a tener [daqué espurriendo’l brazu, el pescuezu]. La cabra algama bien la yerba de les peñes. 4 Poner [daqué nun sitiu a onde se llega cola mano, nes mesmes manes]. Algáma-y esi llibru que yo nun llego. 5 Llevar [a daquién o daqué a un sitiu que ta cerca o lleva pocu tiempu llegar]. De la que paso algamo el periódicu a los de casa. 6 Llegar [a percibir colos sentíos, cola mente daqué]. Si me lo dices tan rápido nun algamo nada. 7 Llograr, llegar a tener [daqué]. Algamó tolo que quixo na vida. 8 Bastar, ser bastante. 9 Producir un efeutu en [daqué o daquién].
Amestó: amestar: v. Poner [daqué más xunto a otro pa facer un tou]. Amestó-y un cuartu a la casa.
Coló: colar: v. Marchar, dexar de tar en [un sitiu pa dir a otru]. 2 Dexar de vese [daqué o daquién al torcer la revuelta d’un camín, al pasar un cantu]. 3 Escapar [un líquidu per un furacu, per una regalla d’un recipiente]. 4 Llavar [con ceniza y agua la ropa encamándolo nun recipiente]. 5 Pasar [un líquidu per un colador pa quita-y la nata, los posos]. 6 Separar [la nata, los posos d’un líquidu pasándolo per un colador]. 7 Meter [daqué o a daquién nel interior d’un sitiu, a escondíes, con engaños, ensin permisu]. 8 Poner [daqué o a daquién] per delantre del puestu que-y correspuende [nuna fila de persones, nuna llista, nuna espera]. 9 Pasar por verdadero [daqué falso], por bono [daqué malo]. 10 prnl. Equivocase, confundise. 11 prnl. Cayer [el carbón, una persona per un coladeru, per un pozu na mina]. 12 prnl. Namorase muncho de [daquién]. || Colar pal otru barriu, fam. morrer. || Como un paxu (de) colar, fam. tranquilu, calmosu.
De xuru: xuru, el: sust. Xuramentu, pallabra o pallabres [coles que se xura]. || De xuru, seguro, con seguridá.
Enfotáu: ax. *Participiu d’enfotar. 2 Dau a enfotase, que s’enfota muncho.

8. + INFORMACIÓN d’esti llibru en www.pintar-pintar.com
Editorial Pintar-Pintar C/ del Rosal núm. 6 - 2º 3 Uviéu, 33009 - 985 229 155
Guía de Llectura “Nora la neña de sal”
Fátima Fernández Méndez / S.Bimbo
Enfotar: v. Azuzañar, isar [a un perru]. 2 prnl. Tar seguru del comportamientu [de daquién], de la eficacia [de daqué]. Nun t’enfotes de quien t’empondera tanto. Enfotástite nél y asina te salió’l negociu. 3 prnl. Basase, asegurase [en daqué o daquién pa facer una cosa]. ¿En qué t’enfotasti pa dicir lo que dices? 4 prnl. Aporfiar, dicir o facer [daqué con insistencia al envís de llogralo].
Entainando: entainar: v. Facer rápido l’aición de [daqué]. 2 Facer que [daquién] faga rápido l’aición de [daqué]. 3 Facer que [daqué] quede en condiciones [pa que s’use]. 4 Caminar [mui derechu, mui enchipáu].
Esmolecida: esmolecer: v. Poner nun estáu d’ansiedá, de mieu [polo que pue asoceder]. 2 Cansar [muncho].
Gayolera: ax. Que-y gusta la gayola, la folixa. 2 Allegre, que tien allegría. 3 Folganzán, que nun-y gusta trabayar. 4 Que fai tolo posible pa namorar, pa prestar a daquién. 5 Col rixu sexual altu.
Glayaba: glayar: v. Emitir la so voz [el glayu, el cuervu, el coríu]. 2 Dar un glayíu o glayíos. 3 Plasmar, ablucar. 4 fam. Quexase llorando, gritando.
Lloñe: alv. Nun sitiu que ta a muncha distancia. Esi cine queda lloñe. 2 A un sitiu que ta a muncha distancia. Faen viaxes siempre lloñe. 3 Un sitiu que ta a muncha distancia. Vinieron andando dende lloñe. || Ensin dir más lloñe, *espresión que s’emplega pa dar a entender que nun se precisen más datos pa confirmar daqué.
Magar: conx. Dende que, desque. Magar vieno les coses funcionen meyor. 2 A pesar de. || De magar, dende que, desque. De magar vieno ta en casa. || En magar, dende que, desque. En magar vieno, nun paró de falar. || Magar que, anque. Magar que protesten nun-yos faen casu.
Mentanto: conx. Al mesmu tiempu que. Mentanto que tu fregues el suelu, yo llavo la ropa. 2 Dándose la condición de que. Mentanto-y lo diga él al padre, yo callo.
Naguaba: naguar: v. Pasar o tener muncha gana de [daqué]. El neñu nagua por dir col tíu al circu. 2 Criar agua na boca [por ganes de comer, de beber]. 3 Ablucar, plasmar. 4 Atascar, trabar [el molín por haber muncha agua]. 5 Enllenar [d’agua una tierra]. || A naguar, ente agua [un alimentu pa qu’amoyente].
Procuru: sust. Aición y efeutu de procurar. 2 Cuidáu, actitú delicada [pa que daqué salga bien].
Pruyía: pruyir:v. Producir [una sensación molesta que da gana d’arrascase]. Muncho me ta pruyendo esti granu. 2 Dar molición, congoxa. Esi problema prúyeme. 3 Entrar muncha gana de [daqué]. Ta pruyéndome dicí-ylo. || Pruyir la llingua [a daquién], fam. entrar la gana de falar [a daquién]. || Pruyir la sangre [a daquién], entrar [a daquién] un gran alteriamientu nel ánimu por enfadu, por indignación. 2 *Espresión que se diz cuando daquién tien arremangu, brenga pa facer les coses. || Pruyir les uñes [a daquién], entrar [a daquién] un gran alteriamientu nel ánimu por enfadu, por indignación. 2 *Espresión que se diz cuando daquién tien arremangu, brenga pa facer les coses. || Pruyir los pies [a daquién], entrar [a daquién] un gran alteriamientu nel ánimu por enfadu, por indignación. 2 *Espresión que se diz cuando daquién tien arremangu, brenga pa facer les coses. || Que prui [daquién], fam. mui enfadáu [daquién].
Recostín: sust. dim. de recuestu. || A (el) recostín, en llombu. 2 Nos costazos.
Rellumaben: rellumar: v. Rellucir, llucir o brillar [muncho, repetíes vegaes]. 2 Haber un golpe o golpes fuertes de lluz producíos por descargues llétriques nes nubes. 3 Destacar o sobresalir

9. + INFORMACIÓN d’esti llibru en www.pintar-pintar.com
Editorial Pintar-Pintar C/ del Rosal núm. 6 - 2º 3 Uviéu, 33009 - 985 229 155
Guía de Llectura “Nora la neña de sal”
Fátima Fernández Méndez / S.Bimbo
[dientro los miembros d’un grupu, dientro d’una actividá]. 4 Tener mal aspeutu, mala cara [una persona].
Retrucó: retrucar: v. Dicir o escribir [daqué que s’opón a daqué dicho o escrito primero]. 2 Dicir [daqué de males maneres a daquién que dixo daqué, que mandó daqué primero]. 3 Protestar o reñer [en voz baxo y de contino].
Tolines: sust. Delphinus delphis, cetaceu [cola boca en forma de picu, que mide ente dos y tres metros].
Sele: ax. Tranquilu, calmáu [el día, la xente]. La xente ta sele. 2 Calma, ensin foles [la mar]. 3 Calláu, silenciosu, que nun fala muncho, que nun fai ruíu. 4 Esnidiosu, esbariosu [un camín con xelu, una superficie fina].

10. + INFORMACIÓN d’esti llibru en www.pintar-pintar.com
Editorial Pintar-Pintar C/ del Rosal núm. 6 - 2º 3 Uviéu, 33009 - 985 229 155
*Propuesta didáutica: Mar Martín Martín
Guía de Llectura “Nora la neña de sal”
Fátima Fernández Méndez / S.Bimbo
*Cola ayuda de la Conseyería de Cultura y Turismu del Gobiernu del Principáu d’Asturies
CALEYANDO PELA REDE.
Los enllaces qu’apaecen darréu sirven pa completar la información d’esta guía.
FÁTIMA FERNÁNDEZ
http://www.pintar-pintar.com/
http://canellada.com/videoteca.html
http://canellada.com/fatima.html
http://canellada.com/nora.html
http://www.muchachadesal.com/
S.BIMBO
http://www.sbimbo.com/
http://canellada.com/bimbogaleria.html
PA VER PEXES Y SABER SOBRE LES BALLENES
http://ast.wikipedia.org/wiki/Acuariu_de_Xix%C3%B3n
http://www.youtube.com/watch?v=QtkJ-fOLPqY&feature=player_embedded
http://www.youtube.com/watch?v=VTGLawZ33DI&feature=related
MUSÉU MARÍTIMU
http://museomaritimodeasturias.com/
http://www.mar-ivysub.com/MUSEO%20MARITIMO.htm
PA CACIPLAR NA COCINA
http://www.youtube.com/watch?v=Yl5OjMLNbiM&feature=player_embedded
SEMEYES DE PUERTU VEIGA
http://semeya-d-asturies.blogspot.com/2008/10/puertu-veiga-puerto-de-vega.html
http://www.pueblos20.net/Asturias/fotos.php?id=15444&ayuntamiento=4498&provincia=5&comunidad=3
http://www.minube.com/fotos/rincon/10325
PA VER PEXES Y SABER SOBRE LES BALLENES
http://www.youtube.com/watch?v=ypWtYUltRyI&feature=related
http://www.youtube.com/watch?v=tQYVCgwlo3c&feature=related
http://www.youtube.com/watch?v=Q5S9j-IHhJc&feature=related