oficial 2016

1. CANCIONERO OFICIAL DE LA COMPARSA QOLLAS DE PAROCCAN
Danydante_16@hotmail.com/ Facebook-Dante Huaman Huaman
l.- PASACALLE
Qollan Qollan niwasqanki (bis)
Maymantaraqsi qollapis kayman (bis)
Hatun mamaypa wawan cashaspa,
Hatun taytapa wawan cashaspa.
Paroccan qolla llaqtaymanta, (bis)
Imillitayta pusakamuni (bis)
Paraqay mamayhuan ch'alarinaypac (bis)
Imataraqsi ch'alarishayman
Jaicc'ataracsi ch'alarishayman
Juch'uychanpaqpis faltacushactin. (bis)
Noqaraqcha ch'alarishayman (bis)
Jut`oq tukusqan maíz mamaywan
Phisloq tukusqan sebadillaywan.
2.-ENTRADA
Qayqa qayqa chayamunin, (bis)
Santo templo wasikiman. (bis)
Qolla kaspapas, llamero kaspapas.
Paroccan qolla jamusqani (bis)
Novenaykita yuyarispa
P'unchauniykita yuyarispa,
Qolla kaspapas, llamero kaspapas.
Ñak'ay taytay tarimuyqui, (bis)
Orqon q`asanta maskaspa. ( Bis)
Qolla kaspapas, llamero kaspapas.
Almallayta Haysamuyki (bis)
Juchallaywan chaqnasqata, (bis)
Qolla kaspapas, llamero kaspapas.
Paskarillay almallayta, (bis)
Phisqa rosas makikiwan
Iskay qoyllor ñawikiwan,
Qolla kaspapas, llamero kaspapas.
3.- MACJURANI
Majcurani puertuta qawanaqarisun,
Chulluncuni puertuta qahuanaqarisun
Ciertutapunichu pharari chayashan,
Ciertutapunichu rit`iri laq'ashan.
Jaqay chimpa niñachan
qawaykamuwashan (bis)
Ciertutapuniñachos taytallaypa wawan
Ciertutapuniñachos taytallaypa churin.
4.- T'ANKAR KISKA
T'ankar kiskascha,
Llaulli kiskascha
Ama allawaychu,
q’ala chakischaypi. (Bis)
Paroccan qollallas
Llaqtallaymanta,
Urayamurani.
Llamacha haysantin. (Bis)
Llamaypas chinkantaq,
Huasj’aypas chinkantaq
Imanallasaqtaq
Kay triste vidayta. (Bis)
Cheyninpas mayutaq,
Cheyninpas q'aq'ataq
Maynitan pasaspa
Llamayman aypasaq
Huasj’ayman aypasaq
5 IMILLA CHINCA
Hay chinka chinkaschallay
A chinka, chinka
Imataraqsi chinkashayman
A chinka chinka
T`ampa huma imillawan a chinka chinka
Isankahuma imillawan a chinka chinka
REMATE
Chayta ruwaspan gusto kani,
Imillitaywan tuparuspa
Chayta ruwaspan gusto kani
T`ampa humayhuan tusuruspa.
6.- YAWAR MAYU
Amas waq'ellay mancharinkicho (bis)
Yawar mayupi rikuyukuspa
Yawar unipi rikuyukuspa.
Sot´icha noqa mancharishayman (bis)
K`itukuy qanchiq chaupinchallampi.
(bis)
Huarak’achallay k'aq k'aqchallay
Espejochallay lliup lliupchallay
Sotticha noqa mancharishayman
K`itukuy qanchiq chaupinchallampi.
Yachaya chanasqo,
Sabiaya chanasqo
Juch'uyta jatunta respetacuyta (bis)
7.-BENDICION
Bendicionta churaykullaway (bis)
phisqa rosas maquikihuan
Iskay qoyllor ñawikiwan
¡Hay taytallay hay señorllay!
Novenaki tukuyukuqtin, (bis)
Ripuy waway niwankicha
Pasay waway niwankicha.
¡Hay taytallay hay señorllay!
Imay sonqo taytay ripusaq
Jaik`ay sonqo taytay ripusaq
Sufrinallay llaqtallayman.
Huaqanallay llaqtallayman
¡Hay taytallay hay señorllay!
K`aynahuata jamoqmasillay (bis)
Maytaq junan kayipi kanchu (bis)
¡Hay taytallay hay señorllay!
Wakintaqcha runaq llaqtanpi (bis)
Wakintaqcha allpaq sonqonpi (bis)
¡Hay taytallay hay señorllay!
Adiós adiós compañeros míos (bis)
Kausaspacha kutimusaq
Wañuspaqa Diosllawanña
¡Hay taytallay hay señorllay!
Adiós Adiós señor qoyllorritti (bis)
Kausaspacha kutimusaq
Wañospaqa manañacha.
¡Hay taytallay hay señorllay!
Ripunallay qasapatakama
Pasamallay qasapatakama
Samikiwan saminchaykuwayku (bis)
¡Hay taytallay hay señorllay!

2. ORACIONES
Danydante_16@hotmail.com/ Facebook-Dante Huaman Huaman
ALABADO
Much`asqa, yupaychasqa kachun,
qhapap qollana. Santisimo
Sacramento altarpi kaq; Santisima
wiñay Virgen Maria Señoranchispa
qollar millay huchaq mana
chhankasqan, ancha llumpaq
Concepcionninpas muchasqa,
yupaychasqataq kachun. Amen
Jesus,
Khuyapay Dios allin cristianukunata
rurawayku. Hanaq pacha kusi
gloriaykimanri, wiñayninpaq
pusapuwaykutaq. Hinataq Kachun
Jesus.
YAYAYKU
Yayayku hanaq pachacunapi kaq,
sutiyki mucha`sqa kachun, qhapaq
kayniki noqaykuman hamuchun,
munaynikiri rurasqa kachun,
imayna hanaqpachapi, hinallataq
kay pachapipas.
P`unchayninkuna t`antaykuta
kunan qowayku, huchaykutari
pampachapuwayku, imaynan
noqaykupas noqaykuman
huchallikuqkunata pampachayku
hina. Amataq kachariwaykucho,
wateqayman urmanaykupay.
Yallinraq mana allinmanta
qespichiwayku. Hinataq kachun
Jesus.
MUCH`AYKUSQAYKI MARIA
Much`aykusqaki Maria, Diospa
gracianwan hunt`asqan kanki.
Apunchis Diosmi qanwan,
warmikunamanta qollananmi kanki,
wiqsaykimanta paqarimoq Jesus
wawakiri qollanantaqmi.
Ah Santa Maria Diospaq Maman,
noqayku huchasapakunapaq
much`apuwayku, kunan
wañuyniyku pachapipas. Hinata
Kachun Jesus.
GLORIA YAYAPAQ
Gloria yayapaq, Churipaq Espirito
Santopaqpas kachun.
Imaynan Ñaupaq karqan, kunanpas,
wiñaypas mana puchukayniyoq
pachacamapas. Hinataq kachun
Jesus.
NOVENARIO
Isqon p`unchay navenaki Señor
Qoyllur-rit`i ñan kunanqas
qallarinñan (tukukapunñan) ñuqñu
Jesusllay.
Ima soqoyki atinqataq Señor
Qoyllur-rit`i ripuy churi
niwanaykipaq ñuqñu Jesusllay.
Amayari qonqawankichu Señor
Qoyllur-rit`i huchasapaq
mañakusqanta ñuqñu Jesusllay.
Kayqa Taytay ripusaqñan Señor
Qoyllur-rit`i waqanallay
llaqtaymanqa ñuqñu Jesusllay.
Kausaspachá kutimusaq Señor
Qoyllur-rit`i wañuspaqa manañachá
ñuqñu Jesusllay.
Bendicionta qoykuwayku Señor
Qoyllur-rit`i llaqtayku ripunaykupaq
ñuqñu Jesusllay.