1. Yes Xus curó a un hombre con lepra diciéndole solo unas pocas palabras, y el hombre sanó. 2. Yes Xus mostró compasión por los enfermos y marginados, a diferencia de los fariseos que los rechazaban. 3. El hombre curado desobedeció la instrucción de Yes Xus de no contar a nadie lo que había pasado, y por eso Yes Xus no pudo quedarse más tiempo en ese lugar.

3. PHIAJ NRHIAV ZAJ
COV ZAJ
PHAB
Nthuav Zaj Nyeem Hnub Chiv
Thov Yes Xus daws peb kev mob 1
Xyaum yaum lub siab lub tswv yim kom txhob raug ntxias 3
Yes Xus lub hwj chim nyob hauv cov mloog nws 4
Ntxuav Tswv Ntuj lub tsev kom huv 7
Tus twg vam txog Yes Xus tus Ntoo Cuam, tus ntawd yuav muaj sia 9
Vaj Qhia Lus Ntuas
Caij Plaub Caug yog caij nyoog mus nrhiav Tswv Ntuj 11
Kev thov Ntuj pab kom peb dim hauv kev tub nkeeg sab ntsuj plig 12
Xov Xwm
Xim Ceej Pheeb ncig tsham Hmoob thiab Co 14
Pab cov Hmoob lub caij muaj kab mob Covid-19 16
Hmoob cev ntawv kom tseem hwv hwm Hmoob 16
Kev Ntseeg Kav Tos Liv
Leej Ntuj Plig Ntshiab ua kom Tswv Ntuj Leej Tub xeeb los ua neeg,
nws yug ntawm nkauj ntshiab Mab Liab los 17
Huab Tais yeej paub 19
Ntxiv Txoj Kev Ntseeg
Hnub Plaub Txais Tshauv 22
Caij Plaub Caug yog dab tsi? 23
Tham Txog Hmoob
Hmoob kev cai dab qhuas (2) 24
Lwm nyab tshiab ntawm qhov rooj raws kab ke Kav Tos Liv 25

5. LIAJ LUV TSEB NPLEJ (16.02.2021-15.03.2021) | 1
Muaj ib tug neeg mob ruas tuaj cuag Yes
Xus, nws thov Yes Xus, nws txhos caug taij tias
“Yog koj xav, mas koj yeej ua tau kom kuv rov
huv.”
Yes Xus hlub tus neeg ntawd, Yes Xus cev
tes tuav nws thiab hais rau nws tias “Kuv xav.
Koj rov huv mas.”
Tam sim ntawd, tus mob ruas tso tus neeg
ntawd tseg, tus neeg cia li huv hlo. Yes Xus
qhuab qhia nws nruj nruj, thiab kom nws rov
mus tam sim ntawd.
Yes Xus hais rau nws tias “Koj ua twj ywm,
txhob qhia dab tsi rau leej tw li. Koj mus thws
koj lub cev rau tus Leej Choj saib, thiab mus
cev paj tshab ntxuav koj raws li Mais Xes qhia,
ua puav pheej rau luag pom.”
Tab sis tus neeg ntawd tawm plaws mus,
nws pib tshaj tej ntawd thiab mus hais rau
txhua qhov. Ces Yes Xus tsis tau kev tab meeg
mus hauv ib lub nroog li. Nws nyob sab nroog
nraud, ntawm tej qhov chaw tsis muaj neeg.
Neeg tseem tuaj tas qhov txhia chaw tuaj cuag
nws. (MK1:40-45)
Kwv tij, thaum Tswv Ntuj Leej Tub nqes
los ua neeg, nws hlub thiab khuv leej cov
neeg mob ruas, ces nws thiaj kub siab kho
lawv, cawm lawv kom zoo ntawm tus mob.
Nyob hauv zaj Yes Xus kho ib tug neeg
mob ruas no, peb pom muaj 3 yam xwm loj
sib txawv zoo li no:
1. Yes Xus kho tus neeg mob ruas kom
zoo hlo.
2. Yes Xus txwv tus mob ruas tias “Koj tsis
txhob hais tej no rau leej twg paub.
3. Tus neeg mob ruas tshaj lub moo ncha
ntws.
Tsoom phooj ywg, thawj yam uas peb
pom meej meej nyob hauv zaj no, mas yog
Yes Xus cev tes mus tuav tus neeg mob ruas.
Cov His Xas Lais hais tias cov neeg mob ruas
yog neeg tsis huv, yam li lawv saib cov mob
ruas yog neeg muaj txhaum ntau dua luag tej.
Cov His Xas Lais tsis kam txais cov neeg mob
ruas nrog lawv nyob. Cov His Xas Lais tsis
muaj cai kov, los tuav cov neeg mob ruas. Hos
Yes Xus muaj peev xwm tuav tus neeg mob
ruas, Yes Xus muaj peev xwm zam txhaum,
thiab ua kom tus neeg mob ruas zoo hlo. Cov
His Xas Lais pom Yes Xus ua li ntawd mas lawv
poob siab nthav, lawv xav tsis txog tias Yes
Xus yuav muaj peev xwm loj npaum li ntawd.
Peb hnov tias tus mob ruas tuaj txho caug
ntua ntawm Yes Xus xub ntiag, nws taij Yes
Xus cawm nws. Tus neeg mob ruas ua li ntawd
vim nws tso siab tias Yes Xus muaj peev xwm
cawm tau nws tiag.
Yes Xus pom ib tug neeg tsis muab hlob,
thiab txawj tso siab rau Yes Xus, zoo li tus
mob ruas ntawd, mas Yes Xus cawm tus neeg
ntawd.
THOV YES XUS DAWS PEB KEV MOB
Lis piam 6 Caij Nruab Xyoos B Tus sau: XH. Yaj Nom Thoob (2006)

6. LIAJ LUV TSEB NPLEJ (16.02.2021-15.03.2021) | 2
Yes Xus cev tes mus kov tus neeg mob
ruas, nws hais tib lo lus xwb, ces tus neeg
ntawd zoo hlo.
Kwv tij Hmoob, Yes Xus muaj peev xwm
cev tes mus tuav tus mob ruas uas luag tej
ntshai thiab luag qias, Yes Xus txhais tes muaj
hwj huam ua kom tus mob ruas zoo hlo. Ntau
zaus Yes Xus tau cev tes mus tuav cov neeg
mob kom zoo hlo, thiab muaj zaug puav uas
Yes Xus cev tes mus tuav tus neeg tuag kom
ciaj rov los. Yes Xus ua li ntawd mas yog zoo
li Yes Xus lub cev coj Yes Xus lub txiaj ntsim
tuaj rau cov neeg tso siab rau Yes Xus. Yog
tias peb tso siab rau Yes Xus tiag, mas Yes Xus
muaj peev xwm cawm tau peb thiab.
Kwv tij, ntau zaud cov neeg noj qab nyob
zoo tsis nco qab vam txog tswv Ntuj pab lawv,
lawv tsis nco qab thov Yes Xus pab lawv, kuj
muaj ntau zaug uas cov neeg noj qab nyob
zoo tsis txawj pom lawv qov txhaum, ces lawv
tsis tau vam txog Yes Xus pab lawv, mas Yes
Xus tsis tau ua dab tsis los cawm lawv.
Peb yuav zoo siab fim luag tej ib yam
nkaus li Yes Xus nyiam fim, thiab nyiam pab
tsoom sid, peb fim tas nrho cov neeg muaj,
cov neeg pluag, peb fim tas nrho cov neeg
noj qab nyob zoo, los cov neeg mob nkeeg,
peb fim tas nrho cov neeg zoo nkauj zoo
nraug, los cov neeg dab tuag uas luag tej tsis
nyiam fim, peb zoo siab fim sawv daws huv
tib si, peb yoog Yes Xus txoj kev nyiam kev
hlub, peb pom Yes Xus ua li cas mas peb ua li
ntawd. Peb tseem niaj hnub yuav txawj pom
tias peb yog neeg txhaum, peb lub siab xav
txhaum, peb lub ncauj hais txhaum, peb lub
cev ua txhaum. Li ntawd, peb thov Yes Xus
zam txhaum rau peb, peb thov Yes Xus daws
peb cov txhaum pov tseg. Yog peb ua li no
mas Yes Xus muaj peev xwm cawm peb tau,
nws yuav kho peb tus ntsuj plig uas raug mob
vim peb tej txhaum.
Kwv tij Hmoob, peb pom Yes Xus txawj
hlub cov neeg vam khom txog nws pab lawv,
thiab Yes Xus pab cov neeg uas txawj tso siab
rau nws, mas phim peb yuav vam khom Yes
Xus, thiab phim peb yuav khaub zig Yes Xus
ntau ntau.
Peb thov Yes Xus daws peb cov txhaum
pov tseg, vim yeej muaj ntau zaus kawg uas
peb lub siab raug kev txhaum, li ntawd peb
tus ntsuj plig raug ib tug mob phem vim peb
tej txhaum ntawd. Ua li mas peb thov Yes Xus
kho peb tus mob hauv peb ntsuj plig. Kwv tij,
yog peb tso siab rau Yes Xus mas Yes Xus
cawm tau peb tiag.
Kwv tij, thaum peb pab luag tej, mas peb
hlub luag tiag, peb tsis nrhiav koob meej
nyob hauv txoj kev pab luag ntawd.
Kwv tij, peb thov Yes Xus daws peb tus
mob, uas yog daws peb cov txhaum, thiab
peb thov Yes Xus daws peb lub cev txoj kev
mob nkeeg mog!
+++++++++++++++++++++

7. LIAJ LUV TSEB NPLEJ (16.02.2021-15.03.2021) | 3
“Leej Ntuj Plig Ntshiab txhib Yes Xus kom
mus tam sim ntawd rau teb chaws suab
puam. Yes Xus nyob teb chaws suab puam
plaub caug hnub, Xas Tas ntxias nws. Yes Xus
nrog cov tsiaj qus nyob, cov Tshiab tsob hwb
nws.
Thaum luag ntes Zam lawm, ces Yes Xus
mus Nkas Lis Lais teb, nws tshaj lub Moo Zoo
qhia txog Tswv Ntuj, nws hais tias “Txog lub
caij teem lawm, Tswv Ntuj lub Ceeb Tsheej los
txog ze lawm: nej hloov siab, nej ntseeg txog
Lub Moo Zoo mog.” (MK1:12-15)
Yes Xus yuav pib nws txoj hauj lwm, yog
ib txog hauj lwm loj thiab tseem ceeb, li
ntawd Yes Xus xub mus nyob ib qhov chaw
ntsiag to kom tau teev Ntuj, Yes Xus xav nrog
nws Leej Txiv sib tham nyob ib qho chaw
ntsiag to. Yav tom ntej thaum Yes Xus mus
tshaj nws lub Moo Zoo, mas Yes Xus yuav
hais ob peb zaug txog kev yoo mov thiab.
Yes Xus xav kom peb cov neeg ntseeg xyaum
yoo mov zaug puav. Yog vim li ntawd, lub
Koom Txoos Kav Tos Liv thiaj li muaj txoj cai
qhia cov neeg ntseeg kom yoo mov nyob
hauv tej lub caij loj. Cov neeg ntseeg yoo
mov mas yog ib txog kev xyaum yuav lawv
lub siab thiab yuam lawv lub tswv yim kom
txhob mag kev txhaum. Txhais tias kev yoo
mov yog ib txog kev xyaum yuam yus lub
siab. Thaum yus txawj yuam yus lub siab
thiab txawj yuam yus lub tswv yim kom tsis
poob hauv kev ua phem ua txhaum, mas yeej
ua qab hau zoo rau yus xwb. Li ntawd kev
yoo mov nyob hauv tej lub caij teev Ntuj loj,
mas zoo pab kom peb lub tswv yim nco txog
Tswv Ntuj zoo dua.
Ntawv Moo Zoo hais tias Yes Xus yoo
mov 40 hnub, ces dab phem tuaj ntxias Yes
Xus.
Dab phem pom Yes Xus yoo mov 40
hnub 40 hmo, mas yog ib lub caij ntev, li
ntawd dab phem xav tias yog ib lub caij zoo
ntxias Yes Xus, vim Yes Xus lub zog ntaug
lawm. Thaum peb pom luag sau tej daim
duab hais txog dab phem tuaj ntsias Yes Xus,
mas luag sau dab phem xws li ib tug neeg
tsis zoo sai. Tab sis peb ntseeg tsis tau cov
duab ntawd, vim dab phem tsis muaj lub cev
xws li neeg. Li ntawd thaum dab phem tuaj
ntxias Yes Xus mas tsis tas dab phem yuav
txia ua li ib tug neeg tawm tuaj hais lus rau
Yes Xus. Peb xav tias dab phem yog ib lub
suab tuaj tshoj Yes Xus lub tswv yim, thiab
ntxias Yes Xus, kom ua li ub li no.
Kwv tij Hmoob, Yes Xus yoo mov 40 hnub
40 hmo yog ib ib lub caij ntev ntev. Mas dab
phem tuaj ntxias Yes Xus. Tab sis Yes Xus tsis
mloog dab phem ib zaug. Peb yuav xyaum
Yes Xus uas muaj lub siab ruaj, thiab tawv
qhawv, tsis mloog dab phem ntxias. Niaj
hnub, peb tseem vam txog Tswv Ntuj Lo Lus
XYAUM YAUM LUB SIAB LUB TSWV YIM KOM TXHOB RAUG NTXIAS
LIS PIAM 1 CAIJ PLAUB CAUG Tus sau: XH. Yaj Nom
Thoob

8. LIAJ LUV TSEB NPLEJ (16.02.2021-15.03.2021) | 4
tuaj nplij peb siab, peb thiaj muaj zog tiv dab
phem txoj kev ntxias neeg.
Yes Xus raug kev ntxias tas ib sim neej
mus txog hnub nws tuag. Yes Xus tsis kam
muab nws lub hwj huam los siv kom tau ntoo
koob meej. Yes Xus tsis kam yuam Tswv Ntuj
kom Tswv Ntuj muab Yes Xus lub hwj chim
ua Tswv Ntuj rau sawv daws pom, ces Yes
Xus tau kooj meej. Yes Xus tsis kam zwm rau
dab phem Xas Tas, kom nws tau ua nom kav
teb chaws dav. Tab txawm dab phem ntxias
zoo li cas los Yes Xus yeej dab phem tas mus
li.
Kwv tij Hmoob, nyem no peb cov neeg
ntseeg Yes Xus yuav tsis txhob vam tej kev
cuav los ntxias luag tej kom lawv tig los
ntseeg txog Yes Xus. Peb tsuas cev Yes Xus
lub Moo Zoo ra luag paub, peb cev peb tus
yam ntxwv zoo, haum Yes Xus lub Moo Zoo
rau luag pom, yog luag zoo siab txais mas
luag thiaj txais tau Yes Xus lub Moo Zoo. Peb
tsis muab lwm yam los xyaw Yes Xus lub Moo
Zoo kom ntxias luag tej los txais lub Moo
Zoo.
+++++++++++++++++
Zeb, Yas Kos, thiab Zam lawv mus rau ib
qho. Nws coj lawv mus saum ib lub roob siab,
nws ib ce hloov tas rau ntawm lawv xub ntiag.
Nws cov ris tsho ci dawb paug, yog yam dawb
ci uas nyob ntiaj teb no tsis muaj tshuaj yuav
ua tau kom dawb li ntawd. Es Lias thiab Mais
Xes nrog Yes Xus tham.
Ces Pob Zeb hais rau Yes Xus tias “Xib Hwb,
peb nyob ntawm no mas hmoov zoo kawg.
Cia peb ua 3 lub tsev tsam phooj, ib lub rau
koj, ib lub rau Mais Xes, ib lub rau Es Lias.”
Pob Zeb tsis paub tias nws hais dab tsi, vim
lawv ntshai kawg. Ces ib twv huab los ntxoov
roos lawv, thiab ib lub suab nrov hauv twv
haub tuaj tias “Tus no yog kuv Leej Tub uas
kuv nyiam; nej mloog nws mog.”
Ib sij huam, lawv ntsia ib ncig tsis pom leej
twg li, tsuas pom Yes Xus tib leeg nrog lawv
nyob xwb.
Thaum lawv tab tom nqes pem roob los,
Yes Xus txwv lawv kom txhob piav txog qhov
lawv pom ntawd rau leej twg li, yuav tsum tos
kom Neeg Leej Tub sawv hauv cov tuag rov
los tso. Peb leeg thwj tim khaws lo lus txwv
ntawd tseg, tab sis lawv sib nug tias ‘sawv
hauv cov tuag rov los’ yog dab tsi. (MK9:2-
10)
Kwv tij Hmoob, vim li cas Yes Xus thiaj ua
kom nws lub hwj chim tawm tuaj zoo li
ntawd? Vim Yes Xus xav kom peb ntseeg zoo
tias Yes Xus ib txhij yog Tswv Ntuj Leej Tub
tiag, nws yog tus Pleev thiab nws yog tus
yuav raug luag muab nws tua, ces nws yuav
sawv rov qab los. Yes Xus yog Tswv Ntuj Leej
Tub yuav raug luag hiam.
Nej coob leej twb xav nug tias “Yes Xus
puas yog Tswv Ntuj Leej tub tiag?”
Yav thaum ub, Yes Xus cov thwj tim kuj tau
ua xyem xyav ib yam li nej. Muaj ib hnub Yes
YES XUS LUB HWJ CHIM NYOB HAUV COV MLOOG NWS
LIS PIAM 2 CAIJ PLAUB CAUG Tus sau: XH. Yaj Nom Thoob

9. LIAJ LUV TSEB NPLEJ (16.02.2021-15.03.2021) | 5
Xus xav qhia kom cov thwj tim paub tias nws
yog Tswv Ntuj Leej Tub tiag, Yes Xus thiaj coj
Pob Zeb, Yas Kos, thiab Zam lawv nrog nws
mus nyob ib qho chaw xu kev, ces Yes Xus
lub hwj chim tawm tuaj rau lawv pom xyeem.
Yes Xus tsis ua nws lub hwj chim rau coob
leej pom, nws pub rau 3 leeg pom xwb. Yes
Xus ua li ntawd vim nws tsis xav kom nrov
ncha, nws tsis kam ua tus Pleev muaj hwj
chim rau txhia leej pom. Yes Xus yog tus Vaj
Pleev nyiam ua tus me, thiab tuaj yeem raug
txom nyem.
Yog lub caij uas cov Yus Das nqaum paj
nqaum nruas tsa tsev tsam phooj. Lub caij
ntawd cov Yus Das rov muaj lub siab kub lug,
nco tias lawv tau dim ntawm Hais Nkws Tos
teb los. Nyem no lawv xav dim ntawm cov
Los Mas. Lub zim txwv ntawd cov Yus Das
hais txog tus Vaj Pleev yuav pab lawv dim.
Yes Xus xav qhia rau cov thwj tim tias nws
yog tus Vaj Pleev, tab sis nws tsis yog tus
Pleev zoo li cov Yus Das tos. Thaum Yes Xus
yuav cia nws lub hwj chim tawm tuaj Yes Xus
coj Pob Zeb, Yas Kos, thiab Zam lawv 3 leeg
nrog nws mus, vim yav tom hauv ntej 3 tug
thwj tim ntawd yuav pom Yes Xus ntxhov
siab nyob hauv lub vaj txiv ntoo roj. Yes Xus
3 tug thwj tim no pom ob yam ntawd tab sis
lawv kuj tsis paub ob yam ntawd.
Peb tug thwj tim pom Yes Xus txia ntshis,
vim Tswv Ntuj lub hwj chim tuaj roos Yes Xus,
lawv kuj pom Mais Xes tawm tuaj. Mais Xes
yog tus sawv His Xas Lais chaw nrog Tswv
Ntuj cog lus thawj zaug. Thaum ntawd tus
Yaj Saub Es Lias kuj tawm tuaj rau lawv pom
thiab. Cov Yus Das hais kam tias Es Lias yog
tus yuav tuaj npaj txoj kev rau tus Vaj Pleev
uas yuav tuaj.
Pob Zeb xav cheem Mais Xes thiab Es Lias
nkawd nrog lawv nyob, tab sis nws hais tsis
raug, nws tsis paub tias nws tab tom hais dab
tsi. Pob Zeb hais tias “Huab Tais, peb nyob
ntawm no mas zoo tas nrho. Yog koj kheev
no kuv yuav ua 3 lub tsev, ib lub rau koj, ib
lub rau Mais Xes, ib lub rau Es Lias.
Pob Zeb xav ua tsev. Hos Tswv Ntuj tso
nws lub hwj chim tuaj vov lawv. Tswv Ntuj lub
suab nrov tuaj piav yam xwm ntawd rau cov
thwj tim mloog. Tswv Ntuj hais tias “Tus no
yog kuv Leej Tub, kuv nyiam nws kawg.
Nej mloog nws mog.” Yog lo lus zoo ib yam
nkaus li hnub Yes Xus txais Kab Ke Ntxuav
ntawm Zam Ntxuav Plig, ces Tswv Ntuj tau
hais lo lus ntawd.
Tswv Ntuj lo lus, yog txhais tias: Nej
ntseeg tas txhia yam Yes Xus qhia rau nej; nej
ntseeg tias Tswv Ntuj tus Pleev yog ib tug
Pleev yuav raug txom nyem. Nej txhob tos ib
tug Pleev muaj hwj chim pab His Xas Lais ua
ib haiv neeg loj nyob ntiaj teb no. Yes Xus
thiaj yog tus Pleev tuaj cawm nej ntsuj plig
ntag. Nej mloog nws.
Yes Xus paub tias tshuav tsis ntev nws
yuav raug cov neeg phem ntes thiab muab
nws tua. Yes Xus kuj paub tias nws yuav yeej
txoj kev tuag nws yuav sawv rov los, thiab
muaj txoj sia nyob mus li. Ces Yes Xus cia nws
lub hwj chim tawm tuaj rau cov thwj tim
pom, kom lawv muaj chaw ruaj siab. Yes Xus
kuj qhia cov thwj tim tias muaj ib hnub nws
yuav sawv rov los. Ces Yes Xus tau hais rau
lawv, kom lawv txuag tej yam lawv tau pom
hnub no cia, txhob tshaj tawm rau luag tej
paub. Cia txog lub caij Tswv Ntuj Leej Tub tau
txais lub hwj chim thiab sawv hauv cov tub
tuag rov los tso, ces mam li yuav tshaj tej
xwm no rau sawv daws paub. Yes Xus txhob
txwm pub nws lub hwj chim rau cov thwj tim
pom kom lawv paub meej tias nws yog Tswv
Ntuj Leej Tub, tus uas tsoom His Xas Lais tos
ntshis tuaj cawm lawv.

10. LIAJ LUV TSEB NPLEJ (16.02.2021-15.03.2021) | 6
Yav puag thaum ub, cov His Xas Lais raug
ua qhev nyob Hais Nkws Tos teb. Tswv Ntuj
hu Mais Xes kom coj tsoom His Xas Lais khiav
dim ntawm txoj kev ua qhev, thiab dim txoj
kev raug tsim txom. Mais Xes tau coj cov His
Xas Lais kom nrog Tswv Ntuj cog lus tias lawv
yuav ua Tswv Ntuj haiv neeg. Thaum Mais
Xes coj tsoom His Xas Lais tsiv mus txog lub
roob Xis Nais, Tswv Ntuj muab 10 lo lus rau
Mais Xes coj los qhia rau tsoom His Xas Lais,
kom lawv coj nraim.
Hos tus Yaj Saub Es Lias, mas nws yog tus
Yaj Saub loj uas cov His Xas Lais tos ntsoov
tias nws yuav rov los pab His Xas Lais. Lawv
ntseeg tias tus Yaj Saub Es Lias yuav xub tuaj
ua ntej, ces tus Pleev lawv Es Lis qab tuaj
cawm cov His Xas Lais. Lawv xav tias Es Lias
yuav rov los ua Yaj Saub rau ntiaj teb no, kom
tau npaj kev rau tus Vaj Pleev uas yuav tuaj
cawm lawv.
Yes Xus twb xub hais rau lawv tias: Tus Yaj
Saub Zam Ntxuav Plig ces yog Es Lias lawm
ntag. Tiam sis cov His Xas Lais tsis paub, lawv
tsuas tos txog tus Pleev uas yuav tuaj pab
kom lawv dim ntawm tus ntas uas cov Los
Mas muab tso rau saum lawv xub pwg, kom
lawv dim ntawm cov Los Mas txoj kev tsuj
nias, vim lub caij ntawd haiv neeg Los Mas
tuaj kav His Xas Lais teb.
Lub caij Yes Xus lub hwj chim tawm tuaj,
Tswv Ntuj rov hais cov lus zoo li hnub Yes
Xus txais kab ke ntxuav. Vim li cas Tswv Ntuj
thiaj hais cov lus ntawd txog ob zaug?
Tswv Ntuj hais ob zaug, vim Tswv Ntuj xav
kom cov thwj tim ntseeg tas txhia yam uas
Yes Xus qhia rau lawv, thiab xav kom cov thwj
tim ntseeg tias Yes Xus yog Tswv Ntuj Leej
Tub tiag. Yes Xus yog tus Vaj Pleev yuav raug
txom nyem kom daws ntiaj teb neeg lub txim
txhaum. Cov thwj tim yuav tsis txhob tos tus
pleev uas yuav tuaj pab haiv His Xas Lais ua
ib haiv neeg loj. Cov thwj tim yuav tso siab
rau Yes Xus, vim Yes Xus yog tus Vaj Pleev
yuav npo lawv kom dim ntawm kev txhaum.
Peb tsoom kwv tij uas ntseeg txog Yes
Xus, tsis hais nyob rau qhov twg, mas peb
yog Tswv Ntuj me tub me nyuam. Tab txawm
peb raug luag thuam, raug luag hiam, thiab
hais lus tsis zoo rau peb, mas peb ua siab loj
tiv tej yam ntawd. Peb kuj zam rau cov neeg
ua phem rau peb mus li. Peb tso siab tias peb
muaj Yes Xus nrog peb nyob nraim mus li,
nws lub hwj chim roos peb raws li tus Hauv
Paus Xa Lus Paj Lug txhawb cov ntseeg hauv
Los Mas tias: Yog Tswv Ntuj nrog peb, mas
leej twg yuav tiv tau peb? Yog peb nrog nws
Leej Tub Yes Xus, Mas Tswv Ntuj yuav ua zoo
li cas tsis pub nws tej txiaj ntsim rau peb? Leej
twg yuav muaj cuab kav mus kom cov uas
Tswv Ntuj xaiv? Leej twg yuav muab txim rau
peb? Yes Xus twb tuag thiab sawv rov los, Yes
Xus twb nyob ntawm Tswv Ntuj sab xis thov
Tswv Ntuj rau peb! (LM8:31-34)
Tam sim no yog lub caij Plaub Caug, yog
lub caij peb cov neeg ntseeg tig los yuav lub
siab tshiab, yog lub caij peb pab luag tej kom
ntau dua. Thov kom peb cov ntseeg tso txoj
kev ua phem ua txhaum pov tseg, sawv daws
tig los sib nyiam sib hlub. Sawv daws tig los
ua raws li Huab Tais Yes Xus cov lus qhia,
puav tam li thaum ub Has Nplas Has mloog
Tswv Ntuj lo lus thiab ua raws nraim li Tswv
Ntuj hais!
++++++++++++++++++

11. LIAJ LUV TSEB NPLEJ (16.02.2021-15.03.2021) | 7
Yuav txog cov Yus Das lub Ntees Hla, ces Yes
Xus mus pem Yes Lus Xas Les. Nyob hauv lub
Tuam Tsev Teev Ntuj, Yes Xus pom cov tub luam
muag nyuaj, muag tshis, muag nquab, thiab cov
neeg pauv nyiaj zaum ntawm lawv cov rooj.
Nws muab ib co hlua ua ib rab nplawm, nws
ntiab sawv daws huv tib si tawm hauv lub Tuam
Tsev Teev Ntuj, nws caum cov yaj thiab cov nyuj.
Nws nchuav cov pauv nyiaj tej nyiaj, nws ntxeev
lawv tej rooj. Nws hais rau cov muag nquab tias
“Nej tshem tej ntawd tawm hauv no mus. Nej tsis
txhob muab kuv Txiv lub Tsev los ua ib lub tsev
ua luam ntxiv.”
Yes Xus cov thwj tim nco txog lo lus uas
Ntawv sau tseg tias: Kev mob siab rau koj lub
Tsev ua kuv lub siab kub lug.
Cov Yus Das thiaj qhib ncauj hais rau nws tias “Koj tau ua li no, koj yuav muab lub cim dab
tsi rau peb pom?”
Yes Xus teb rau lawv, nws hais tias “Nej rhuav lub Tsev Ntshiab no. Peb hnub tom qab, mas
kuv rov txhim tau.”
Cov Yus Das thiaj hais tias “Lawv ua hauj lwm plaub caug rau xyoo thiaj txhim tau lub Tsev
Ntshiab no. Hos koj, koj ua peb hnub, koj yuav rov txhim tau!”
Tab sis Yes Xus hais txog nws lub Cev yog lub Tsev Ntshiab. Thaum Yes Xus sawv hauv cov
tuag rov los lawm, nws cov thwj tim rov nco tias Yes Xus twb tau hais li ntawd, ces lawv ntseeg
txog Phau Ntawv, thiab ntseeg txog lo lus uas Yes Xus tau hais. (Z2:13-25)
Yog xyoo 972 txog txoo 933 ua Yes Xus
ntej, mas tus vaj Xas Los Moos sawv los ua
vaj hloov nws txiv Das Vis chaw. Xas Los Moo
yog ib tug vaj ntseeg Ntuj zoo, ces nws thiaj
txhim lub Tuam Tsev Teev Ntuj rau saum lub
ncov roob siab Xis Yoos. Lub tsev teev Ntuj
muaj ib lub tshav dav, thiab muaj ib tug ntsa
zeb xov lub tshav. Sab ntev yog 33 daj, sab
dav yog 200 daj tej. Lub tsev muab faib ua 3
kem. Thawj kem nyob nram qab kawg, cia
rau cov poj niam nyob. Kem ob, cia rau cov
txiv neej nyob. Hos kem peb, cia rau cov Leej
Choj. Tseem muaj ib kem tsev, yog kem kawg
nkaus, kem tsev no yog kem tsev ntshiab.
Lub caij ntawd, cov His Xas Lais tsuas
muaj ib lub tsev teev Ntuj xwb, yog lub Tuam
Tsev Teev Ntuj nyob Yes Lus Xas Les.
Nyob hauv cov Yus Das tej zej zog, lawv
muaj ib lub tsev txoos, yog lub tsev cia rau
tsoom pej xeem tuaj sib txoos ua ke teev
Ntuj, thiab kawm phau Ntawv Ntshiab Cog
NTXUAV TSWV NTUJ LUB TSEV KOM HUV
LIS PIAM 3 CAIJ PLAUB CAUG Tus sau: XH. Yaj Nom Thoob

12. LIAJ LUV TSEB NPLEJ (16.02.2021-15.03.2021) | 8
Lus Qub. Cov Yus Das niaj xyoo mus teev
Ntuj nyob hauv lub Tuam Tsev Teev Ntuj. Yes
Xus kuj niaj xyoo mus ua lub ntees Hla pem
lub Tuam Tsev Teev Ntuj, nyob Yes Lus Xas
Les.
Niaj xyoo, muaj neeg coob coob tuaj teev
Ntuj, ib txhia tuaj nyob ntau hnub mam rov
qab mus tsev. Vim muaj neeg coob tuaj ntau
qhov chaw tuaj, mas lawv siv ntau hom txiaj,
ces thiaj li muaj ib co neeg ua luam pauv lawv
tej nyiaj txiag. Cov tub luam tuaj pauv nyiaj
nyob ntawm lub Tuam Tsev Teev Ntuj. Cov
tub luam coob leej ua neeg nkhaus, lawv
pom cov neeg xav txi Ntuj zoo, mas lawv taij
nyiaj ntau ntau ntawm cov neeg kub siab ua
thaj txi Ntuj ntawd. Yes Xus pom lawv ua
txhaum rau Tswv Ntuj nyob hauv lub tsev
teev Ntuj, ces Yes Xus npau taws. Yes Xus xav
kom Tswv Ntuj lub tsev huv tuaj, thiab Yes
Xus xav kom txhob muaj cov neeg noj luag
tej nyiaj txiag heev dhau. Yes Xus muab lawv
ntiab khiav mus, nws cem cov Leej Choj vim
cov Leej Choj tsis nco qab txwv cov neeg tuaj
ua luam kom txhob noj luag tej ntau, hos cov
Leej Choj ho xav cheem cov neeg me kom
txhob cav txog Yes Xus.
Cov Yaj Saub twb xub hais tias: Tus Pleev
yuav tuaj ntxuav lub Tuam tsev teev Ntuj.
Tos cov Yaj Saub hais li ntawd, mas yog vim
cov pej kum neeg tau tuaj ua txhaum nyob
hauv lub Tuam Tsev Teev Ntuj ob peb zaug;
cov tub rog pej kum teb tau nkag mus rau
hauv kem tsev Ntshiab uas tsuas yog tus
Tuam Leej Choj tib leeg muaj cai mus hauv.
Thiab cov pej kum neeg kuj tau tua tsiaj txi
dab nyob saum lub Tuam Thaj Txi Ntuj. Cov
pej kuj neeg ua tej yam tsis zoo rau hauv lub
tsev teev Ntuj, mas cov Yus Das tos tus Pleev
yuav tuaj caum cov pej kum neeg tawm
ntawm Yus Das teb tib si mus, thiab lawv tos
tus Pleev yuav tuaj ntxuav lub Tuam Tsev
Teev Ntuj.
Yes Xus yog tus Pleev, tab sis nws yog tus
Pleev txawv tus uas cov Yus Das tos. Yes Xus
yuav ntxuav lub Tuam Tsev Teev Ntuj, nws
saib tias cov thuam lub Tuam Tsev Teev Ntuj,
thiab ua kom lub Tuam Tsev Teev Ntuj tsis
huv mas yog cov Yus Das ntag, vim cov Yus
Das niaj hnub ua luam nyob hauv lub Tuam
Tsev Teev Ntuj.
Yes Xus ntiab cov tub luam khiav, mas
nws ntxuav lub Tuam Tsev Teev Ntuj xws li
tus Pleev ntxuav. Nyem no Yes Xus tab tom
ua tus Pleev cov hauj lwm. Hos cov Yus Das
tsis paub tias Yes Xus yog Leej Pleev.
Nyob hauv peb sawv daws, los peb kuj
yog ib lub tsev rau Leej Ntuj Plig Ntshiab
nyob thiab. Li ntawd, peb tsum tu peb lub
cev kom huv kom ntshiab tos txais Leej Ntuj
Plig Ntshiab, tos txais Huab Tais Yes Xus
nyob hauv Hnub Hla tuaj yuav txog tom ntej
no. Tswv Ntuj twb tau muab 10 Lo Lus Qhia
rau Mais Xes coj los qhia cov His Xas Lais

13. LIAJ LUV TSEB NPLEJ (16.02.2021-15.03.2021) | 9
thiab qhia peb sawv daws ua raws es peb lub
cev thiaj yuav huv.
Tswv Ntuj 10 Lo Lus yog li no:
1. Koj yuav teev Huab Tais Ntuj ib tug
xwb, thiab koj yuav nyiam Huab Tais
Ntuj tshaj tas ib puas tsav yam.
2. Koj yuav hwm Huab Tais Ntuj lub npe.
3. Koj yuav caiv Huab Tais Ntuj hnub.
4. Koj yuav hwm koj niam koj txiv.
5. Koj tsis txhob tua neeg.
6. Koj tsis txhob zes luag txij luag nkawm.
7. Koj tsis txhob ua tub sab tub nyiag.
8. Koj tsis txhob dag rau luag tej.
9. Koj tsis txhob tso koj lub siab ntshaw
zes luag txij luag nkawm.
10. Koj tsis txhob tso koj lub siab ntshaw
ua tub sab tub nyiag.
Kwv tij Hmoob, nyob hauv lub Caij Plaub
Caug no nej yuav tig los hloov siab tshiab, tig
los hloov nej kev ua neej tshiab tos txais peb
tus Huab Tais Tswv Ntuj mog!
++++++++++++++++++++
Neeg Leej Tub yuav tsum raug luag tsa
nws siab xws li Mais Xes tsa tus nab nyob teb
chaws suab puam, kom xwv tus ntseeg txog
nws, muaj txoj sia nyob mus li.
Vim Tswv Ntuj nyiam lub qab ntuj neeg
npaum no: nws thiaj muab nws Leej Tub twm
zeej rau, kom xwv tus ntseeg txog Leej Tub
txhob tuag, tab sis kom nws muaj txoj sia
nyob mus li.
Tswv Ntuj tsis xa Leej Tub tuaj hauv lub
qab ntuj kom nws muab txim rau lub qab ntuj
neeg, nws xa Leej Tub tuaj cawm lub qab ntuj
neeg.
Tus ntseeg txog Leej Tub, nws tsis raug
txiav txim. Tus tsis ntseeg, nws twb raug txiav
txim lawm, vim nws tsis ntseeg txog Tswv Ntuj
Leej Tub twm zeej lub npe.
Kev txiav txim yog zoo li no: Qhov pom kev
tuaj nyob hauv lub qab ntuj neeg, tab sis
TUS TWG VAM TXOG YES XUS TUS NTOO CUAM,
TUS NTAWD YUAV MUAJ SIA
LIS PIAM 4 CAIJ PLAUB CAUG Tus sau: TP. Nyiaj Pov & XH. Yaj Nom Thoob (2003)

14. LIAJ LUV TSEB NPLEJ (16.02.2021-15.03.2021) | 10
tsoom neeg nyiam qhov tsaus ntuj dua qhov
pom kev, vim lawv cov hauj lwm phem.
Tus twg ua qhov phem, mas nws ntxub
qhov pom kev, ces nws tsis los nyob hauv qhov
pom kev, vim nws ntshai tsam cov hauj lwm
phem yuav qhib los.
Hos tus ua qhov tseeb, mas nws los nyob
hauv qhov pom kev, kom luag pom tias nws
ua nws cov hauj lwm nyob hauv Tswv Ntuj.
(Z3:14-21)
Kwv tij Hmoob, yav puag thaum ub, nyob
hauv teb chaws Suab Puam cov His Xas Lais
pog koob yawg koob tau ua txhaum ces
muaj ib co nab muaj taug tuaj tom lawv.
Tswv Ntuj kom Mais Xes tsa ib tug nab tooj.
Leej twg raug nab tom, nws tig ntsia tus nab
tooj, mas nws dim txoj kev tuag, nws muaj
txoj sia nyob. Tus nab tooj thiaj yog lub cim
qhia txog Tswv Ntuj Leej Tub uas raug luag
muab nws ntsia rau saum tus Ntoo Cuam
kom tau cawm ntiaj teb neeg. Leej twg khaub
zig Huab Tais Yes Xus tus Ntoo Cuam, nws
tus plig yuav tsis tuag. Huab Tais Yes Xus
yuav cawm tau tus ntawd tus ntsuj plig.
Yog peb txais Huab Tais Yes Xus thiab
yog peb vam txog Huab Tais Yes Xus pab
peb, mas Huab Tais Yes Xus tsis tso peb pov
tseg. Lwm tiam, peb yauv tau txais txoj siab
nyob mus li raws nraim li Huab Tais Yes Xus
lo lus tias “Tus ntseeg nws tsis tuag, nws
muaj txoj sia nyob mus li.”
Kwv tij Hmoob, cov lus hauv hnub no
qhia kom peb paub tias Tswv Ntuj hlub ntiaj
teb neeg, nws xa nws Leej Tub tuaj cawm
ntiaj teb neeg. Huab Tais Yes Xus tuaj pab
kom peb dim ntawm peb cov txhaum thiab
kom peb txawj ua neeg zoo.
Huab Tais Yes Xus yog qhov pom kev kaj
ntiaj teb neeg, leej twg tso siab rau Huab Tais
Yes Xus thiab khaub zig Huab Tais Yes Xus
mas Huab Tais Yes Xus cawm tau tus ntawd.
Huab Tais Yes Xus coj txoj kev kaj tuaj rau
ntiaj teb neeg, ces tus taug txoj kev kaj mas
nws tau txais kev cawm.
Yog peb xav ua neeg nyob hauv txoj kev
kaj, peb kav tsij hloov siab, thiab hloov peb
lub neej. Peb tig los yuav lub siab tshiab, peb
tig los ua zoo, peb ua raws nraim li Huab Tais
Yes Xus qhia rau peb ua, peb sib nyiam sib
hlub, thiab peb nyiam Tswv Ntuj.
+++++++++++++++

15. LIAJ LUV TSEB NPLEJ (16.02.2021-15.03.2021) | 11
Hnub Plaub hauv Lis Piam no yog ‘Hnub
Plaub Txais Tshauv’, yog hnub qhib lub Caij
Plaub Caug uas yog ib lub caij cov ntseeg
yuav koom nrog Huab Tais Yes Xus txoj kev
txom nyem. Vaj Qhia Fas Ntshis Kus thiaj ua
hmoov tsuj xeeb nyob hauv Tuam Tsev Teev
Ntuj Leej Ntshiab Pob Zeb, Vaj Qhia ntuas
cov ntseeg kom muab lub Caij Plaub Caug
no ua lub caij nyoog mus nrhiav Leej Txiv,
Leej Tub, thiab Leej Ntuj Plig.
Nyob hauv lub Txoos Teev Ntuj, Leej Txiv
Ntshiab tau ntuas tias Caij Plaub Caug yog ib
txog kev rau sawv daws taug mus cuag Tswv
Ntuj thiab yog lub caij nyoog rau peb muab
kev nyiam kev hlub rau peb cov kwv tij nkauj
muam.
“Txog lub sij hawm peb yuav tig los xam
txog peb txoj kev uas peb niaj hnub taug
lawm,” Vaj Qhia pib ntuas, “kom peb pom
txoj kev coj peb rov los tsev thiab kom peb
rov pom peb kev khaub zig Tswv Ntuj.”
Vaj Qhia hais ntxiv tias kev koom nrog
Huab Tais Yes Xus kev txom nyem hauv Caij
Plaub Caug yog txoj kev tsiv tawm hauv kev
ua qhev mus cuag kev twj lij.
Thaum tib neeg tau kev twj lij lawm, tib
neeg rov qab tig mus siv tus cuj pwm xws li
thaum nyob hauv kev ua qhev. Yog li Vaj
Qhia thiaj ntuas kom sawv daws ras txog
qhov no, Vaj Qhia thiaj hais kom cov ntseeg
nrhiav kev pab nyob hauv Tswv Ntuj Lo Lus.
Thawj ruam hauv Caij Plaub Caug uas yuav
coj peb mus cuag Leej Txiv tau; yog thov
Tswv Ntuj zam txim nyob hauv lub Cim Daws
Txhaum.
“Leej Txiv kev zam txim
ua kom peb rov qab sawv taus.”
Kauj ruam ob; yog tig nrhiav Huab Tais
Yes Xus. Peb ua ib yam li tus mob ruas rov
los ua Huab Tais Yes Xus tsaug tom qab nws
zoo lawm. Vim peb sawv daws vam txog
Huab Tais Yes Xus kev cawm li tus mob ruas
ntawd. Peb tsum cev peb kev mob rau Huab
Tais Yes Xus thiab hais rau Huab Tais Yes Xus
tias: Huab Tais Yes Xus, kuv sawv nyob
ntawm koj xub ntiag nrog kuv cov txhaum,
nrog kuv kev tu siab. Koj yog tus kws kho
mob, koj cawm kuv hauv kev ua qhev, koj
ntxuav kuv lub siab yuad!
Vaj Qhia hais rau sawv daws tias “Cov me
nyuad! Nej ua li hais ces nej raug caw los
nrhiav Leej Ntuj Plig Ntshiab.”
Cov tshauv nphoo rau sawv daws taub
hau yuav yog lub cim kom sawv daws cim rau
nruab siab tias sawv daws yog ib co plua
tshauv. Cov plua tshauv nyob saum peb, yog
cov plua tshauv Tswv Ntuj tshuab pa rau kom
muaj txoj sia, kom muaj tus plig.
CAIJ PLAUB CAUG
YOG CAIJ NYOOG MUS NRHIAV TSWV NTUJ
Tus txhais: Txawj Tsav Meej Mom Lauj

16. LIAJ LUV TSEB NPLEJ (16.02.2021-15.03.2021) | 12
Peb yuav taug kev mus nrhiav Leej Txiv
Tswv Ntuj tsis tau, yog Tswv Ntuj tsis nqes
los nrhiav peb ua ntej. Li ntawd, Huab Tais
Yes Xus thiaj nqes los txais peb cov txim
thiab peb kev tuag, peb kev mus cuag Tswv
Ntuj thiaj yog tso rau Huab Tais Yes Xus ua
tus tuav peb tes, coj peb mus.
Peb zoo siab txais Tswv Ntuj lo lus caw;
yog txaus siab tig los khaub zig Tswv Ntuj
nyob hauv kev tsim koob tsim hmoov thiab
ua cov hauj lwm zoo.
Yog li ntawd, Caij Plaub Caug thiaj yog lub
caij nyoog zoo rau peb taug mus cuag Tswv
Ntuj thiab tig rov qab los raug zoo nrog peb
cov kwv tij nkauj muam.
“Caij Plaub Caug yog caj ces los ntawm
kev ua ib tug neeg me nyob hauv Tswv Ntuj
thiab nyob hauv lwm tus. Caij Plaub Caug
yog kom peb ras tias kev dim hauv dab phem
txhais tes yog los ntawm txoj kev nyiam. Li
ntawd, txawm tias peb qaug puas tsawg zaus
los peb muaj cuab kav tig ntsias Leej Pleev
tus Ntoo Cuam tau tas mus li, thiab peb muaj
cuab kav saib Leej Pleev cov qhov txhab kom
rov tsom txog yam peb ua tsis tau thiab yam
peb tsis muaj.”
“Thaum peb nwj Leej Pleev cov qhov
txhab, mas peb ras dheev tias Leej Pleev raug
txom nyem npaum cas, Leej Pleev tos nrhw
peb npaum cas nyob hauv nws txoj kev khuv
leej peb tsis muaj chaw kawg.”
++++++++++++++++++++++
Hnub Chiv hauv Lis Piam 2 Caij Plaub Caug
no Vaj Qhia Fas Ntshis Kus nthuav txog Huab
Tais Yes Xus lub hwj chim tawm tuaj rau cov
thwj tim pom, thiab nqua hu cov ntseeg kom
muab kev thov Ntuj los ua qhov chaw vam
khom rau lub ntiaj teb.
Ntawv Moo Zoo hauv Hnub Chiv yog cov
lus hauv Mas Kos Ntawv Moo Zoo (MK9:2-
10), mas Vaj Qhia ras txog lo lus Huab Tais Yes
Xus hais rau cov thwj tim ua ntej no tias neeg
Leej Tub yuav raug txom nyem, raug tua tab
sis nws yuav sawv rov los. (MK8:31)
Vaj Qhia hais tias “Cov thwj tim vam txog
tus vaj cawm haiv His Xas Lias tias yog ib tug
vaj muaj hwj chim nto npe thiab yuav coj lawv
dim hauv kev ua qhev, tab sis thaum lawv
paub tias tus lawv tso tas puas tsav yam los
raws nws qab ntawd yuav raug luag muab tua
xws li ib tug neeg txhaum, mas lawv nroo
thiab ntxhov siab kawg nkaus vim tsis mus
zoo li lawv txoj kev npau suav.”
Vim lawv li kev ntxhov siab, mas Huab Tais
Yes Xus thiaj coj 3 tus thwj tim nce mus saum
ib lub roob siab. Nyob ntawd, Huab Tais Yes
Xus ib ce hloov tas rau lawv pom. Qhov xwm
no yog Huab Tais Yes Xus tab tom qhia lawv
tias nws yuav yeej kev tuag.
Ntawv Moo Zoo sau tseg tias: Yes Xus cov
ris tsho ci dawb paug, yog yam dawb ci uas
nyob ntiaj teb no tsis muaj tshuaj yuav ua tau
kom dawb li ntawd. Cov thwj tim ntshai kawg.
Pob Zeb thiaj hais tias “Xib Hwb, peb nyob
ntawm no mas hmoov zoo kawg!”
KEV THOV NTUJ PAB KOM PEB DIM HAUV KEV TUB NKEEG SAB NTSUJ PLIG
Tus txhais: Txawj Tsav Meej Mom Lauj

17. LIAJ LUV TSEB NPLEJ (16.02.2021-15.03.2021) | 13
Tim 5 lub 3 hlis 2021, Vaj Qhia Fas Ntshis Kus thov Ntuj rau cov neeg raug txom nyem vim tsov rog
hauv Hosh al-Bieaa, Mos Sus, Is Lav teb. Tus thau duab: Abdullah Rashid/Reuters
Vaj Qhia hais tias Pob Zeb lo lus no yog ib
lo lus kom lawv ras tias Tswv Ntuj tsis pub
kom muaj kev tsaus nti nyob hauv nws lo lus.
“Thaum peb raug kev ntxias, kev sim
siab tsis muaj chaw xaus, peb yuav vam
txog lwm thaj chaw los ntsia mas peb thiaj
pom kev tawm ib yam li Huab Tais Yes Xus
coj cov thwj tim mus saum roob siab kom
pom dua lwm yam uas lawv ntsia tsis
pom.”
Vaj Qhia ntuas ntxiv tias “Tab sis peb txhob
tso peb kev xyiv fab thaum peb pom txoj hau
kev ntawd ua rau peb poob rau hauv kev tub
nkeeg sab ntsuj plig.”
Vaj Qhia nthuav lo lus ‘Kev Tub Nkeeg
Huav Sab Ntsuj Plig’ no tias peb txhob nyob
saum roob zoo siab nrog tej kev zoo nkauj
uas peb ntsib peb pom, peb yuav rov nqes los
nrhiv peb tej kwv tij ib yam li Huab Tais Yes
Xus rov qab coj lawv nqes los.
“Kev tub nkeeg sab ntsuj plig ua rau peb
txaus siab txog peb xwb, peb tsis nco qab
txog lwm tus. Kev nce mus saum roob tsis yog
kom peb hnov qab txog tej yam tseeb; kev
thov Ntuj kuj tsis yog kom peb khiav deb
ntawm txoj kev txom nyem hauv peb txoj sia.”
Vaj Qhia ntuas.
Li ntawd, Vaj Qhia thiaj nqua hu cov ntseeg
sawv daws kom hloov kev ntsib Huab Tais Yes
Xus hauv kev thov Ntuj thiab kom cov ntseeg
coj Huab Tais Yes Xus qhov ci ntsa iab no mus
tsom rau lub ntiaj teb.
Cov ntseeg txoj kab xwm yog mus zes lub
teeb me me hauv sawv daws lub siab kom cig
pom kev rau lawv, lub teeb me me no yog lub
teeb ntim txoj kev nyiam thiab vam khom.
Kawg no, Vaj Qhia thov niam Mab Liab tus
tau txiaj ntsim puv siab los nrog sawv daws
txais Leej Pleev qhov ci ntsa iab, thiab nrog
cov ntseeg faib Leej Pleev qhov pom kev rau
sawv daws cov kwv tij.
+++++++++++++++++++++++

18. LIAJ LUV TSEB NPLEJ (16.02.2021-15.03.2021) | 14
Ua ntej yuav txog Suav lub Tsiab Peb
Caug, mas tus Txoov Tim Tswv Xim Ceej
Pheem tau mus ncig tsham cov haiv neeg
tsawg uas nyob toj siab, xws li cov Co thiab
cov Hmoob nyob hauv lub zos Huas Vum,
nroog Tshiam Xis xeeb Kim Tsawb nyob toob
fab naj hauv Suav teb. Xim Ceej Pheem tau
hais lus foom hmoov zoo rau cov haiv neeg
toj siab yam li sawv daws yog ib tsev neeg.
Hauv lub zos Huas Vum muaj toj roob hauv
pes zoo nkauj, cov Hmoob hnav tsoos tsho
hmoob zoo nkauj zoo saib kawg tos txais
Xim Ceej Pheem.
Qhov uas tus Txoov Tim Tswv Xim Ceej
Pheem tau mus tsham xyuas cov Hmoob
nyob hauv tej lub zos me me nyob toj siab
uas yog lub caij sawv daws noj tsiab, mas tsis
yog ib yam ua si, nws yog yam tseem ceeb
kawg.
Yav tag los lub xeev Kim Tsawb yog ib lub
xeev uas tsoom pej xeem pluag thiab txom
nyem tshaj plaws nyob Suav teb, thiab yog
thawj lub xeev qhia txog kev daws teeb
meem ntawm cov neeg pluag txom nyem.
Tsoom pej xeem nyob hauv lub xeev Kim
Tsawb muaj tshaj 9 plhom leej. Xyoo 2011
lub xeev Kim Tsawb tau muab siab rau daws
dim cov teeb meem neeg pluag thiab txom
nyem rais los ua lub xeev khwv tau nyiaj
276,000 plhom USD nyob rau tsaib no. Lub
zos Huas Vum yog nyob hauv lub nroog Pij
Ciam thiab nyuam qhuav dim ntawm txoj kev
pluag txom nyem xyoo 2019.
Lub nroog Pij Ciam yog nyob toj siab tej
chaw ntxhab hauv lub xeev Kim Tsawb, uas
yav tag los yog lub nroog pluag tshaj nyob
Suav teb. Tseem hwv Suav tau muab kev
txhawb nqa, ces lub nroog Pij Ciam thiaj pib
kho lawv tej dej av ua noj ua haus. Ua kom
tej toj roob qhuav rais los ua toj roob ntsuab
xwb xiab. Tsoom pej xeem muab siab rau pib
ua lawv tej liaj teb, yug tsiaj thiab txhim kho
fab kev ncig tsham.
Tsoom pej xeem tau txais kev cob qhia los
ntawm cov neeg txawj ntse, ces lawv txawj
sib tw ua noj ua haus. Ua kom neeg txawj
hloov thiab tej toj roob hauv pes txawj hloov,
ces tsoom pej xeem thiaj dim ntawm lub neej
pluag txom nyem los nyob rau lub neej ib
nrab lawm. Tus Txoov Tim Tswv Xim Ceej
Pheej thiaj qhuas thiab hais tias lub nroog Pij
Ciam “yog tus yam ntxwv ntawm cov neeg
pluag nyob Suav teb”. Yog ib txoj kev yeej
txoj kev pluag loj kawg nkaus, tab txawm tias
poob nyob hauv lub caij tus kab mob Covid-
19 sib kis, tsis kav sawv daws muab siab rau
tiv kev txom nyem.
Tus Txoov Tim Tswv Xim Ceej Pheem ib
txwm saib tsoom pej xeem txoj kev pluag
txom nyem yog qhov tseem ceeb, nyob hauv
nws txoj kev ua hauj lwm kav pej xeem los
txwm 8 lub xyoo. Suav teb tau ua kom cov
XOV XWM XIM CEEJ PHEEM NCIG TSHAM HMOOB THIAB CO
Tus txhais: Lis Maib

19. LIAJ LUV TSEB NPLEJ (16.02.2021-15.03.2021) | 15
nroog pluag thiab txom nyem tshaj dim
ntawm txoj kev pluag txom nyem. Suav txoj
kev daws kho cov neeg pluag txom nyem
(Absolute Poverty) ua rau tseem hwv Suav
hais tib lo lus tias : “Yuav tsis tshuav cov
nroog thiab cov neeg pluag raug tso tseg
poob qab lawm”.
Yav tag los Suav teb yog ib lub teb chaws
uas txom nyem nyob ntiaj teb no thiab txom
nyem los ntau tiam. Muaj cov neeg pluag
txom nyem coob tshaj 900 plhom leej. Tab
sis zim txwv no tseem hwv Suav muaj peev
xwm daws kho kev pluag thiab txom nyem
nyob hauv lub teb chaws txhua txhua xyoo.
Thaum Xim Ceej Pheem sawv los ua nom kav
Suav teb, mas nws tau cog lus tias nws yuav
ua kom kev pluag txom nyem nyob Suav teb
ploj mus nyob hauv xyoo 2020. Nws yuav
tsim kom neeg muaj kev vam meej nyob rau
lub neej txheej nrab, ua ntej yuav txog hnub
nyoog txwm 100 xyoo ntawm txoj cai koom
tshaj nyob hauv lub 7 hli xyoo 2021.
Hnub tim 23 lub 11 hlis tsaib no, cov
tseem hwv Suav tshaj tawm tias; cov pej
xeem nyob hauv 9 lub nroog uas txom nyem
tshaj hauv xeev Kim Tsawb tau dim ntawm
kev pluag txom nyem lawm. Txhais tau tias
cov zej zog pluag thiab txom nyem tshaj
nyob Suav teb tsis muaj lawm.
Cov tseem hwv Suav xam cov neeg pluag
txom nyem tshaj (Absolute Poverty), mas yog
cov yim neeg uas lawv khwv nyiaj ib xyoos
tsis tau txog 2,300 yuan (los yog 10,000
npaj). Yog cov neeg pluag txom nyem tshaj
tsoom pej xeem Thaib. Vim tseem hwv Thaib
txoj cai hais txog cov neeg pluag, mas yog
cov yim neeg uas ib xyoos lawv khwv tsis tau
30,000 npaj.
Hnub tim 11 lub 2 hlis 2021, tseem hwv
Suav muaj kev tso tshaj xyam (TV) ua tej yam
tshwj xeeb Spring Festival Gala hais txog
Suav lub Tsiab Peb Caug, tshaj tawm rau 170
lub teb chaws nyob thoob ntiaj teb tau saib.
Yog kev ua yeeb yam thiab tshaj txog Suav
tej kab lis kev cai uas siv cov twj txheej tshiab
Technology AI+VR naked eye 3D nyob saum
sam thiaj thawj zaug, thiab kuj yog thawj
zaug tshaj xyam tawm 8K Ultra HD.
++++++++++++++++++++++
Keeb Yaj tus kis sawv cev pej
xeem txais cov kwv tij Hmoob
tsab ntawv cov tub ceev xwm
Thaib saib tsis taus haiv neeg
Hmoob. (Matichononlne)

20. LIAJ LUV TSEB NPLEJ (16.02.2021-15.03.2021) | 16
Lub caij no yuav txog lub Tsiab Peb Caug,
ces Tswv Qhia Yos Xes Dus Koos (Bishop
Joseph Nguyễn Đức Cường) coj cov neeg
ntseeg Kav Tos Liv thiab cov nplua nuj mus
tsham xyuas cov Hmoob nyob hauv lub zos
Los Tshas (Locha) thiab Pas Puas (Papua)
hauv lub nroog Moos Laj (Muong Lat). Hauv
Moos Laj muaj tsoom pej xeem nyob ze
ntawm 42,000 leej, yog 6 haiv neeg tsawg
nyob sib xyaws ua ke. Tab sis cov coob yog
Hmoob thiab Thaib. Cov Hmoob feem coob
yog nyob chaw ntxhab thiab txom nyem dua.
Hais txog kev mus ncig tsham tej zej zog
zaum no yog zaum 3, suav txij li Tswv Qhia
Yos Xes tau txais txoj hauj lwm tswj Cheeb
Koom Txoos Thaas Hau (Thanh Hoa).
Tswv Qhia Yos Xes mus tsham tej zej zog
tsis tseg kom tau nrog cov neeg ntseeg sib
fim xwm yeem. Kev mus tsham cov neeg
ntseeg zaum no lawv tau ua thaj txi Ntuj
nyob ntawm tshav puam uas ib ncig muaj
xyoob ntoo ntsuab xiab, vim cov neeg nyob
toj siab yog cov neeg pluag txom nyem, lawv
tsis muaj tsev teev Ntuj.
Nyob rau lub caij muaj tus kab mob
Covid-19 sib kis no, cov tub tshaj Ntuj Lus
tau nrog cov neeg ntseeg sib fim thiab sib
pab txhawb nqa lub neej nyob hauv kev ncaj
ncees thiab muaj lub siab kub lug nyob hauv
txoj kev ntseeg. Sawv daws yuav sib koom
siab ua ib tug thiab sib nyiam sib hlub.
Qhov kawg Tswv Qhia Yos Xes thiab cov
neeg nrog nws tau faib paj tshab ua lub xyoo
tshiab uas yog hnub tim 12 lub 2 hlis xyoo
no. Sawv daws hu nkauj thov Ntuj pub kev
thaj yeeb rau cov neeg ntseeg kom niaj hnub
sawv daws muaj lub zog tiv thaiv tus kab
mob zim txwv no.
+++++++++++++++++++++++
Tim 10 lub 2 hlis xyoo 2021, Keeb Yaj
thawj tus Hmoob ntoo lub kaus mog tus kis
sawv pej xeem cev tau txais cov kwv tij
Hmoob tsab ntawv piav txog kev saib tsis tau
Hmoob 2 nqe li no:
Nqe 1 yog muaj ib tus hluas Hmoob muag
qaib kib nyob hauv tuam ceeb Npaas Koj
raug tub ceev xwm ntes vim nws tsis ntoo
kaus mom thaum tsav nees cuav, tsis nqa
daim ntawv ID thiab nws hais lus Thaib tsis
meej.
Nqe 2 yog tub ceev xwm hauv xeev Tseej
Maim ntes ib tus Hmoob cog Maj hauv nws
lub vaj vim lawv xav tias Maj yog Xas.
Li tawd, tsoom kwv tij Hmoob thiaj xav
kom tus sawv pej xeem chaw xws li Keeb Yaj
pab coj cov lus no mus nrog tseem hwv sib
tham hauv rooj sab laj, kom txhob muaj tej
xwm xws li no ntxiv lawm yav tom ntej.
++++++++++++++++
PAB COV HMOOB LUB CAIJ MUAJ KAB MOB COVID-19
Tus txhais: Lis Maib
HMOOB CEV NTAWV KOM TSEEM HWV HWM HMOOB
Tus txhais: Txawj Tsav Meej Mom Lauj

21. LIAJ LUV TSEB NPLEJ (16.02.2021-15.03.2021) | 17
Peb ntseeg tias Huab Tais Leej Tub nqes
los ua neeg, tsis thooj li neeg ntiab teb kev
xeeb tub. Tab sis, yog los ntawm Leej Ntuj
Plig Ntshiab lub hwj huam, ua kom ib tug
ntxhais nkauj xwb xeeb tub, uas yog tus
nkauj tsim txiaj Mab Liab.
Nyob rau hauv zaj no, qhov tseem ceeb
peb yuav tsum to taub txog haiv His Xas Lais
lub neej yav thaum ub. Qhov loj loj yog cov
His Xas Lais txhua tus neeg, puav leej tau
kawm thiab paub txog Tswv Ntuj cov lus qhia
uas nyob rau hauv phau Ntawv Ntshiab, lawv
paub txog cov Yaj Saub tej lus qhuab qhia,
thiab tej lus saub uas xub hais tseg ua ntej
lawm. Lawv paub zoo tias, tus cawm seej
yuav yug los sai sai nyob rau hauv tiam neeg
ntawd. Li ntawd, ib txoj kev xav nyob rau
hauv txhua tus ntxhais, mas lawv xav yuav
txiv thiab yug me nyuam, vim lawv xav tias,
tus me nyuam uas yug los ntawd, tej zaum
yuav yog tus cawm seej kuj muaj. Hos yog
tus twg tsis kam yuav txiv, luag yuav xyav nws
moo hais tias, tus ntawd yog neeg tsis zoo,
thiaj tsis muaj tus txiv neej twg kam yuav.
Qhov kawg Tswv Ntuj kuj tau yug los nyob
rau tiam neeg ntawd tseeb tiag, tab sis, Huab
Tais kev yug los no, yog ib qho loj thiab tsis
raws li neeg ntiaj teb kev xav. Qhov ntawd,
yog Tswv Ntuj tau xaiv ib tug ntxhais pej
xeem uas yog Yos As Kis thiab As Nas nkawd
tus ntxhais. Tus ntxhais ntawd yog ib tug
ntxhais tsim txiaj thiab mloog lus, nws coj
ncaj thiab muaj lub siab ntseeg Ntuj zoo.
Nyob rau tus ntxhais ntawd txoj kev xav, mas
nws tsis xav yuav txiv, nws xav cev nws tus
kheej rau Tswv Ntuj, nws xav ua ib tug
ntxhais txib nyob rau hauv lub Tuam Tsev
Teev Ntuj mus tas nws sim neej.
Nyob rau hauv Ntawv Ntshiab piav tias,
muaj ib hnub Tswv Ntuj tau xa nws tus Tshiab
Kas Nplias tuaj ntsib tus ntxhais Mab Liab
ntawd, thiab xa xov tuaj rau nws. Uas yog
raws li Tswv Ntuj lub siab nyiam, kom Mab
Liab tau paub qhov xov ntawd, uas yog qhov
tias “Mab Liab yuav xeeb ib tug tub, thiab
yuav tis nws npe hu ua Yes Xus.”
Thaum Mab Liab hnov li ntawd, nws poob
siab nthav, nws siab nphau npog, nws thiaj
nug tus Tshiab Nkas Nplias tias “Cov xwm
txheej no yuav muaj tau li cas? Vim kuv
tseem yog ib tug ntxhais nkauj xwb, kuv tsis
tau paub dua ib tug txiv neej li.”
Ntuj tus Tshiab Nkas Nplias thiaj teb tias
“Koj txhob ntshai Leej Ntuj Plig Ntshiab yuav
nqes los rau saum koj, tus nyob siab lub hwj
huam yuav nqes los roos koj. Li ntawd tus
Ntshiab yug los yuav hu ua Tswv Ntuj Leej
Tub.”
Mab Liab thiaj tsis ua xyem xyav ntxiv, nws
tso txhua yam rau Tswv Ntuj txhais tes. Nws
teb tias “Kuv yog Huab Tais tus ntxhais txib,
kuv xav kom muaj raws li koj hais.”
Nyob rau ntawm Mab Liab tus yam ntxwv
uas yog neeg mloog lus thiab nws zoo siab
txais Tswv Ntuj lub Moo tuaj ntawm Tswv
Ntuj tus Tshiab xa xov, qhia tau tias, Mab Liab
muaj lub siab ntseeg ruaj thiab tso siab lug
rau Huab Tais Tswv Ntuj tiag tiag. Vim nws
paub zoo tias, kev xeeb tub uas tsis muaj txiv,
LEEJ NTUJ PLIG NTSHIAB UA KOM TSWV NTUJ LEEJ
TUB XEEB LOS UA NEEG,
NWS YUG NTAWM NKAUJ NTSHIAB MAB LIAB LOS
Tus sau: XH. Tuam Lis

22. LIAJ LUV TSEB NPLEJ (16.02.2021-15.03.2021) | 18
yog ib lub txim loj heev nyob rau hauv haiv
His Xis Lais txoj cai. Tab sis txawm li ntawd,
tsis kav, Mab Liab zoo siab txais Tswv Ntuj
lub txiaj ntsim yam tsis muaj chaw xyeej.
Cov kws txuj hais tias, lub sij hawm thaum
Mab Liab lees txais Tswv Ntuj lo lus ntawd,
Tswv Ntuj Leej Tub twb tau nqes los xeeb
nyob rau hauv Mab Liab lub plab lawm. Li
ntawd, nyob rau nqe lus no, peb thiaj ntseeg
tias, Mab Liab lub cev tseem yog lub cev
nkauj xwb, vim qhov uas Huab Tais Yes Xus
xeeb los ntawd, tsis yog zoo li neeg ntiaj teb
kev xeeb tub, tab si yog los ntawm Tswv Ntuj
lub hwj huam pub kom muaj xwb. Niam Mab
Liab lub cev thiaj tseem yog lub cev ntshiab
huv.
Tsis tas li ntawd, peb kuj ntseeg tias, Tswv
Ntuj tau xaiv ib tug ntxhais ntshiab huv, los
txais Tswv Ntuj Leej Tub Ntshiab, vim li
ntawd, Mab Liab thiaj yog tus ntxhais uas
yug los tsis lo neeg lub keeb txhaum. Rau
qhov tias, nws yog tus Tswv Ntuj tau xaiv nws
thiab zam nws, kom xwv nws yog tus neeg
ntshiab huv. Tsis tas li ntawd, ib qho tseem
ceeb ntxiv, yog lub Koom Txoos tshaj tias,
Mab Liab tau txais lub txiaj ntsim loj, nws nce
mus saum Ntuj tas nrho lub cev thiab tus
ntsuj plig.
Nyob rau hauv peb nqe lus, uas hais txog
Mab Liab lub cev ntshiab no, yog peb txoj
kev ntseeg meej nyob rau hauv peb tsoom
ntseeg Kav Tos Liv, vim Mab Liab yog Huab
Tais Yes Xus Leej Niam, Tswv Ntuj thiab tau
pub lub meej mom loj dua txhua tus neeg
huv tib si nyob rau lub qab ntuj no, uas Tswv
Ntuj tau tsim los.
Li ntawd, peb thiaj muaj peev xwm hais
meej tias, Niam Mab Liab yog tus neeg uas
tau txais lub meej mom loj dua ntais ntawm
ntiaj teb neeg, thiab nws thiaj yog neeg ntiaj
teb sawv daws leej niam thiab. Qhov no thiaj
yog ib qho uas peb tsoom ntseeg Kav Tos Liv
ntseeg thiab nyiam niam Mab Liab tshaj
neeg sawv daws, tas sis yuav tsis cuag Huab
Tais Yes Xus. Vim peb yuav tsis muab niam
Mab Liab tso rau Tswv Ntuj chaw. Nyob rau
nqe no, ib txhia thiaj xav hiam tias, peb yog
cov teev Niam Mab Liab, tab sis, peb qhia
meej rau ntawm no tias, peb tsis yog teev
Mab Liab, peb teev Tswv Ntuj, peb tsuas yog
hwm Niam Mab Liab ua peb niam xwb, vim
nws yog Huab Tais Yes Xus leej niam, nws
yog tus nyob nruab nrab ntawm neeg thiab
Tswv Ntuj, yog vim muaj niam Mab Liab, mas
Huab Tais Yes Xus thiaj muaj peev xwm nqes
los cuag peb tau thiab cawm tau peb, li
ntawd, peb yuav ntsum ua kev nkag siab
txog nqe no.
Peb tsoom Kav Tos Liv tseem ntseeg tias
Niam Mab Liab yog peb sawv daws niam,
thaum peb txais lub Cim Ntxuav, peb thiaj
yog Yes Xus tsoom kwv, peb yog Yes Xus cov
kwv tij uas nyob rau ntiaj teb no. tsis tas li
ntawd, nyob rau ntawm Yes Xus tus tu ncej
ntoo cuam, ua ntej thaum Yes Xus txoj sia
yuav tu, nws tau hais rau Zam tias tus ntawd,
yog koj leej niam, thiab hais rau Mab Liab tias
tus ntawd yog koj tus tub. Li ntawd, peb thiaj
ntseeg tias peb yog Yes Xus tsoom kwv, vim
peb nyiam Yes Xus thiab Yes Xus kuj nyiam
peb. Li ntawd, peb yuav hu Yes Xus niam ua
peb Leej Niam yeej tsis txhaum vim qhov
ntawd yog qhov tseeb. Leej Ntshiab Zam yog
tus sawv peb tsoom ntseeg sawv daws chaw.
Ntawm no peb kuj yuav thov hais txog ib
tug neeg tseem ceeb ntxiv uas yog Leej
Ntshiab Yos Xes.
Leej Ntshiab Yos Xes uas yog Huab Tais
Yes Xus txiv tu nws nyob ntiaj teb no, nrog
rau Mab Liab.

23. LIAJ LUV TSEB NPLEJ (16.02.2021-15.03.2021) | 19
Nws yog tus coj hauv Yes Xus lub cuab lub
yig txij thaum yug Yes Xus los, vim Tswv Ntuj
tau xaiv nws thiab cia nws ua Huab Tais Yes
Xus txiv, thiab tau lub npe ua Mab Liab tus
txiv, nres lub cuab lub yig.
Leej Ntshiab Yos Xes paub zoo tias, nws
tau txais ib lub luag hauj lwm loj, los tu Tswv
Ntuj Leej Tub thiab saib xyuas Mab Liab
nkawd ob niam tub, ces nws zoo siab txais,
nws tsis xyeej tsis yig. Nws ua tau nw lub luag
hauj lwm tiav mus zoo.
Txawm tias hauv Ntawv Ntshiab tsis pom
sau dab tsi ntau txog Leej Ntshiab Yos Xes,
tab sis, qhov tseem ceeb peb tsoom ntseeg
lees tias, Yos Xes yog ib tug neeg ntshiab
neeg zoo, Tswv Ntuj pom zoo xaiv nws ua
Tswv Ntuj ib tug Leej Ntshiab, lub Koom
Txoos cia nws ua tus Leej Ntshiab tuav pom
hwm tsoom neeg ua dag ua zog, vim nws
yog ib tug kws ntoos, uas ua hauj lwm siv
dag siv zog.
Nws qhov loj yog nws tau txais Tswv Ntuj
lub txiaj ntsim loj, nws muaj lub siab ntseeg
zoo thiab tso siab rau Ntuj, nws ua kom Tswv
Ntuj lub luag hauj lwm tiav mus zoo. Li
ntawd, nws thiaj tau ua ib tug piv txwv zoo
rau ib leej txiv zoo thiab.
++++++++++++++++++
Lub Caij Plaub Caug mas yog ib lub caij
tseem ceeb hauv ib lub xyoo. Hnub no tsim
nyog peb yuav khaws ob lo lus no tseg:
- Huab Tais Yes Xus txhib peb siab los
teev hawm Tswv Ntuj raws qhov yog.
- Huab Tais yeej paub tias muaj dab tsi
nyob hauv neeg lub siab.
Huab Tais Yes Xus txhib peb siab los teev
hawm Tswv Ntuj raws qhov yog.
Saib! thaum Yes Xus chaws los hauv lub
tuam tsev teev Ntuj nyob Yes Lus Xas Les
mas nws poob siab nthav. Nws pom cov tub
luam muag nyuj, muag tshis, muag nquab.
Nws kuj pom cov tub pauv nyiaj zaum ntawm
lawv cov rooj pauv nyiaj. Yes Xus hais lus rau
lawv tias “Nej txhob muab kuv Txiv lub tsev
ua lag ua luam.” Nws cia li ntiab sawv daws
tawm hauv lub Tuam Tsev Teev Ntuj mus.
Txhais tias cov His Xas Lais kuj xav yuam
kev. Lawv tej kev ntseeg tsis mus raws qhov
yog. Lawv xav tias: Peb yim muab ib cov
tsiaj txhu hlawv ntau los txi Ntuj mas peb
yim yuav txais Ntuj cov txiaj ntsim ntau
los pauj lauj.
Yes Xus yeej paub tias “Tswv Ntuj tsis xav
yuav ub yuav no. Nws yog tus pub txoj sia rau
sawv daws. Nws pub txoj pa thiab tas puas
tsav yam rau peb.” (HL17:25)
Li ntawd, tas 3 xyoos Yes Xus ncig teb
chaws His Xas Lais, Yes Xus rov qhia Tswv
Ntuj Lo Lus raws qhov tseeb tias: Koj yuav
teev Huab Tais Ntuj ib leeg xwb thiab koj
yuav nyiam Huab Tais Ntuj tas siab tas
ntsws tas tswv yim tas zog.
Ob hnub no mas Huab Tais Yes Xus kuj
tshaj tib lo lus ceeb toom los txhib peb siab
tias “Nej txhob hwm Tswv Ntuj saum di ncauj
HUAB TAIS YEEJ PAUB
Tus sau: TP. Txhiaj Foom OMI (3.11.2012)

24. LIAJ LUV TSEB NPLEJ (16.02.2021-15.03.2021) | 20
xwb. Tsam nej lub siab nyob deb Tswv Ntuj
lauj. Tsam nej lam teev hawm Tswv Ntuj dag.”
(MT15: 8-9)
Cov kwv tij, lub Caij Plaub Caug no thiaj
yog ib lub caij zoo rau peb rov tig los yuav
lub siab tshiab. Peb yuav rov soj ntsuam peb
tus yam ntxwv huv tib si.
Thaum peb raug kev nyuaj siab ntxhov
plawv mas saib peb yuav zoo siab ua neeg me
nyob hauv Tswv Ntuj txhais tes muaj hwj
huam. Peb yuav tso peb tej kev ntxhov siab
huv tib si rau Tswv Ntuj. Vim Nws yog tus
txuag peb. (1PZ5: 6-7)
Thaum twg peb ntsib kev kaj lug kaj nrig,
peb kav tsij ua Tswv Ntuj tsaug tsis tu ncua
thiaj li tsim nyog muaj lub npe ua Tswv Ntuj
cov me tub me nyuam.
Huab Tais yeej paub tias muaj dab tsi
nyob hauv neeg lub siab.
Ntawv Moo Zoo qhia peb tias Yes Xus
paub tias muaj dab tsi nyob hauv neeg lub
siab.
Cov kwv tij, nej yuav zoo siab mloog tej
qib lus tseem ceeb hauv Nkauj Paj Nruag 139
uas muaj lub ntsiab lus li no tias: Tswv Ntuj
paub thiab pom txhua yam zais.
Nkauj Paj Nruag ntawd sau cia li no tias:
Huab Tais, koj tsom kuv. Koj paub kuv. Koj
paub thaum kuv sawv thiab thaum kuv zaum.
Koj nyob deb tsom pom tas tej kuv xav. Koj
paub txhua txoj kev kuv taug. Huab Tais lo lus
uas tsis tau nyob saum kuv tus nplaig, koj twb
paub lawm.
Koj vij kuv, koj paub tom kuv qab thiab
tom kuv hauv ntej. Koj tso koj txhais tes rau
saum kuv. Kuv yuav mus qhov twg thiaj nyob
deb ntawm koj txoj pa?
Kuv yuav khiav mus qhov twg, thiaj nyob
deb ntawm koj lub ntsej muag. Yog kuv qiv
lub caij kaj ntug ob phab tis, yog koj sab xis
tuav kuv.
Kuv hais tias “Sim cia qhov tsaus ntuj vov
kuv, cia qhov pom kev uas nyob ncig kuv
hloov ua hmo ntuj!”
Tab sis, qhov tsaus ntuj tsis dub tsis tsaus
rau koj, kuv cav lus zoo txog koj, vim koj tej
dej num zoo nkauj.
Koj cov dej num zoo tas nrho. Koj paub
kuv tus plig thoob plaws. Kuv tsis tau xeeb
nruab thiab, koj qhov muag yeej ntsia ntsoov
kuv.
Thaum kuv tseem tsis paub nruab hnub
los hmo ntuj, koj twb sau kuv cov hnub cov
hmo rau hauv koj phau ntawv.
Tswv Ntuj! Kuv cav lus zoo txog koj. Xav
kom koj tsom kuv, paub kuv lub siab, sim kuv,
paub kuv kev ntxhov siab.
Thov koj coj kuv mus taug txoj kev muaj
sia nyob mus li.
Thaj Txi Ntuj Nyias hais tau lus hauv
nyias nruab siab, thiaj teev hawm Tswv Ntuj
zoo li no tias:
”Huab Tais Leej Txiv, koj tau pub peb
ntseeg txog koj tib leeg; Huab Tais koj tsom
kuv. Koj paub kuv, koj nyob deb tsom pom
tas tej kuv xav.
Kuv zoo siab ntseeg tias koj yog txoj kev
nyiam (1Z4:8) Koj yog peb niam peb txiv
ntag ces tus twg nyob hauv txoj kev nyiam,

25. LIAJ LUV TSEB NPLEJ (16.02.2021-15.03.2021) | 21
mas nws kuj nyob hauv Tswv Ntuj thiab Tswv
Ntuj nyob txawm hauv tus neeg ntawd
(1Z4:16) Huab Tais Leej Txiv, kuv cav lus zoo
txog koj.
NTUJ AIB! peb thov koj Huab Tais Leej
Txiv siab zoo.
“Huab Tais Yes Xus, koj yeej paub tias
muaj dab tsi nyob hauv kuv nruab siab. Koj
niaj hnub muab koj tej kev hlub uas muaj zog
tas nrho los pov hwm kuv thiab roos kuv tsis
tu ncua.
Yog vim koj tuaj peb tog, mas tsis muaj
leej twg tiv peb. Kuv paub tseeb tias tsis muaj
dab tsi yuav cais tau kuv ntawm Tswv Ntuj
txoj kev nyiam (LM8:31, 38)
Huab Tais khuv leej neeg tas nrho, kuv
cav lus zoo txog koj. Thov koj pub Leej Ntuj
Plig Ntshiab nqes los nyob puv kuv tej siab
ntsws, ces thiaj yuav tau hnov koj tej kev thaj
yeeb nyab xeeb tsis tu ncua. Huab Tais siab
zoo tas nrho, ua koj tsaug ntau.
+++++++++++++++++++

26. LIAJ LUV TSEB NPLEJ (16.02.2021-15.03.2021) | 22
Hnub Plaub Txais Tshauv yog thawj hnub
hauv lub Caij Plaub Caug.
Nyob rau xyoo 325 tus vaj Koos Taas Tis
Nos nqua hu cov Txiv Twj Cuab hauv Los Mas
tuaj sib txoos sab laj nyob hauv lub nroog
Nais Xias As, cov Txiv Twj Cuab tau hais ib lo
lus tias 40 hnub sib law ua ntej yuav txog Caij
Hla, yog ib txoj kab ke ntshiab. Yog li 40 hnub
no mas cov ntseeg txog Yes Xus tsum yoo
mov, vim thaum ub Huab Tais Yes Xus tau
yoo mov thiab thov Ntuj txog 40 hnub hauv
teb chaws suab puam. Cov ntseeg txog Yes
Xus thiaj tsum yoog raws li Huab Tais Yes Xus
tau ua tseg.
Ob peb tiag tom qab, nyob hauv tuam
ceeb Los Mas, lawv tau ua Cim Ntxuav rau
cov ntseeg tshiab nyob hauv Hnub Hla. Cov
neeg muaj txim hnyav mas lawv yuav tsum
npaj tus kheej kom ntev hauj sim nyob hauv
Caij Plaub Caug. Lawv yuav tsum sib sau
nyob ua ke hauv Hnub Plaub ua ntej ib lis
piam yuav txog Caij Plaub Caug. Nyob hauv
hnub no Tswv Qhia yuav ua ib lub Cim
Ntshiab rau lawv; yog nphoo tshauv rau
saum lawv taub hau. Lawv yuav tso nyob li
ntawd mus kom txog Hnub Tsib Ntshiab mas
mam muab ntxuav tawm. Qhov ntawd yog
ua lub cim qhia tias tus neeg ntawd tab tom
tu siab rau nws cov txhaum.
Tom qab no cov ntseeg pom tias yog ib
yam zoo, mas lawv thiaj thov kom Tswv Qhia
nphoo tshauv rau lawv thiab. Yog li nyob
hauv tiam 11 Vaj Qhia thiaj tso cai rau cov
Tswv Qhia pleev tshauv rau saum sawv daws
hauv pliaj. Lawv hais tias yog ‘Txais Tshauv.’
Txij ntawd los, cov ntseeg Kav Tos Liv
thiaj niaj xyoo muab hnub plaub ua ntej yuav
txog Lis Piam 1 Caij Plaub Caug los ua ‘Hnub
Plaub Txais Tshauv’.
+++++++++++++++++
HNUB PLAUB TXAIS TSHAUV
(ASH WEDNESDAY)
Tus sau: Txawj Tsav Meej Mom Lauj

27. LIAJ LUV TSEB NPLEJ (16.02.2021-15.03.2021) | 23
Lub Caij Plaug Caug yog hais txog 40
hnub, suav txij hnub 4 plaub txais tshauv mus
txog hnub ua hmoov Hla raws li lub Koom
Txoos Kav Tos Liv sab hnub tuaj thiab qee
cov Plos Tes Taas ua kam, yog rov nco txog
yus txoj kev txhaum thiab yoo mov. Lub Caij
Plaub Caug los yog lub caij daws txhaum yog
dab tsi, vim li cas peb thiaj yuav tsum ua cov
kab ke ntawd?
Cov neeg ntseeg yuav hwm cov kab ke
ntawd thiab nco ntsoov lees yus tej kev
txhaum. Lub ntsiab ntawm lub Caij Plaub
Caug, mas yog lub caij uas peb yuav tig los
yuav lub siab tshiab thiab peb tu siab rau peb
cov txhaum. Peb paub tias peb yuam kev
lawm, ces peb yuav rov hloov los yuav lub
siab tshiab. Peb lub siab qaug zog, peb tsis
muaj peev xwm yuav ua tau dab tsi, ces peb
yuav vam txog Tswv Ntuj lub zog pab peb.
Nyob hauv lub Caij Plaub Caug no, cov
neeg ntseeg yuav coj cov kab ke yoo ntau
dua. Yam li yuav yoo nqaij thiab noj nqaij
tsawg dua lwm lub caij. Lub Caij Plaub Caug
yog pib txij hnub plaub txais tshauv. Cov
neeg ntseeg ua ua kab ke txais tshauv, lawv
yuav muab tshauv los pleev ua ntoo cuam
lub cim rau ntawm hauv pliaj. Yog lub cim
tias yus tu siab rau yus cov txhaum, ces yus
yuav them txim txhaum. Kuj yog ib lub cim
tias yus yog av, qhov kawg yus yuav rov qab
mus ua av.
Yuav coj yus tus kheej li cas nyob hauv
lub Caij Plaub Caug.
(1) Nyob hauv lub caij 40 hnub sib law, cov
neeg ntseeg yuav nquag lees txhaum
thiab thov kom Tswv Ntuj zam cov
txhaum.
(2) Yuav nrog cov neeg txheeb ze sib
haum xeeb thiab sib fim. Yuav ua neeg
me thiab tsis muab hlob. Yuav ua hauj
lwm pab lwm tus yam tsis yuav dab tsi
pauj rov qab.
(3) Thaum yus yoo nqaij yoo mov, mas yus
yuav paub txog kev zam rau luag thiab
ua pub rau luag.
(4) Saib kev npuab Tswv Ntuj yog qhov
tseem ceeb tshaj, thiab nquag teev
Ntuj nyob twj ywm ntsiag to, tsis txhob
mus ua txhaum.
Lub Caij Plaub Caug cov neeg ntseeg coj
cov kab ke yoo ntau, thiab yuav teev Ntuj
ntau dua. Kom Tswv Ntuj pab ntxuav sawv
daws cov txhaum hauv lub siab pov tseg ua
ntej yuav npaj lub Caij Hla, uas yog lub Caij
Yes Xus tuag thiab sawv rov qab los.
Kab kev yoo, yog coj raws Huab Tais Yes
Xus uas nws raug dab phem ntxias thiab nws
yoo mov 40 hnub 40 hmo.
Kev pub: yog kev pab luag tej kom txhob
mus ua txhaum, kom txawj sib nyiam tsis
hlub thiab sib zam txhaum.
Nyob hauv lub Caij Plaub Caug no, cov
neeg ntseeg yuav tig los yuav lub siab tshiab.
Lawv yuav tso kev ua txhaum pov tseg, yuav
nquag thov Ntuj los pab lawv kom lawv rov
los cuag Tswv Ntuj.
+++++++++++++++
CAIJ PLAUB CAUG YOG DAB TSI?
Tus sau: Lis Maib

28. LIAJ LUV TSEB NPLEJ (16.02.2021-15.03.2021) | 24
Ntawm no mus kuv yuav piav txog ‘Dab
Niam Dab Txiv’.
Dab niam dab txiv yog yus cov poj yawm
txwv koob uas tau tuag mus ua dab lawm los
lawv kuj paub txog koj, yog koj muaj dab tsi
koj yuav tsum hlawv xyab mus thov txog dab
niam dab txiv tuaj pab koj. Yog tias koj hu
tsis txog los pa xyab mus txog rau niam rau
txiv kom tuaj pab. Mas thiaj li hais tias muaj
dab niam dab txiv. Mas thiaj ua muaj tus nyuj
dab, tus nyuj dab no yog tua los rau niam txiv
noj.
Vim neeg mas muaj 3 tus plig tseem ceeb,
thaum tuag lawm mas 3 tus plig ntawd mus
ua zoo li no: Tus ib mas nws tsis tuag, nws
thiaj mus zov ntxa zov cov pob txha mus li.
Ib tug mas nws rov mus thawj thiab ua neeg
dua. Ib tug mas coj neeg mus rau qhov tuag
lawm.
Tus uas nws mus zov ntxa ntawd mas yog
zov cov pob txa nyob tom toj ntxas mus li,
tuag tsawg tus los yeej tsawg tus mus zov
ntxa zov pob txha; thiaj muaj pog koob yawg
koob pog suab yawg suab. Yog li no peb
Hmoob tseem pheej muaj laig niam txiv poj
koob yawm txwv txog plaub tsib tiam neeg
vim lawv cov plig mus zov ntxa no, ces tseem
pheej rov los nrhiav noj nrhiav haus ntawm
cov tub cov kiv, rov los ua mob ua ntsaj rau
cov tub cov kiv kom lawv yuav tsum ua tus
nyuj dab no rau. Muaj tej tus hais tias ib tug
nyuj ib tug dab mas hais tias yuav ib zaug
nqe xwb yog vim hais tias nws tshuav tub
tshuav kiv mas nws tsis tau noj tsis tau haus
mas nws los yuav nqe. Mas thiaj ua tus nyuj
dab rau nws kom nws tsis txhob yob mob
yob ntsaj rov los rau yus, es nws tau tus nyuj
ntawd mus ua nws luag nyob.
Muaj tej tus mas nws yuav tsum los yuav
txog peb tug nyuj, vim nws tuag lawm los
nws tshuav tub tshuav kiv coob ces nws yuav
los yuav txog li peb tug thiaj tag. Mas thawj
tug mas los yuav ntawm tus tub hlob, tus ob
mas los yuav ntawm tus tub ob, tus peb mas
nws los yuav ntawm tus tub ntxawg kiag.
Txawm tias nws muaj txog tsib rau leej tub,
mas tsuas yog los yuav ntawm ob tug tub
hlob thiab tus tub ntxawg xwb ces tag.
Yog li no sawv daws thiaj los laig dab niam
dab txiv. Mas dab niam dab txiv no yog koj
muaj kev ntshai, muaj kev poob siab, los yog
dab qus hem rau koj ces koj hu txog dab
niam dab txiv los pab koj ntag. Yog koj hu
txog mas yeej yuav pom ib yam ua rau koj
paub kom koj tsis txhob mus los tsis txhob
ua, thiab ua rau tej yam hem koj ntawd yuav
tsum ploj mus. Yog li no yus thiaj ntseeg txog
dab niam dab txiv tuaj pab yus tiag.
+++++++++++++++
THAM TXOG
HMOOB
HMOOB KEV CAI DAB QHUAS (2)
Tus sau: Nom Suav Hawj (1985)

29. LIAJ LUV TSEB NPLEJ (16.02.2021-15.03.2021) | 25
Kev cai tus tub xav coj nyab los, yuav
tsum tau xub qhia rau niam txiv paub ua ntej.
Tus tub yuav tau pe niam pe txiv; thov kom
nkawd ua niam ua txiv nrog nres rooj tshoob
kos.
Thaum tus tub hais rau niam txiv paub
tas, mas niam txiv yuav npaj xws li 2 tug piv
txwv no:
1. Npaj 1 ntim dej ntshiab thiab ib res
nplooj kom zoo pov cov dej ntshiab.
2. Npaj 2 tug tswm ciab thiab lub ntais
zes tswm ciab.
Thaum tub coj nyab los txog ntawm qhov
rooj, niam thiab txiv yuav nug tus tub thiab
tus nyab li no:
Niam/txiv: Tub thiab ntxhais, tam
sim no neb tau sib coj
los txog ntawm no, puas
yog neb lam sib raws ua
si xwb, los neb ib tug
yeej nyiam ib tug tiag?
Tub/ntxhais: Wb sib nyiam tiag!
Niam/txiv: Neb los no, puas yog
neb ib tug yuam ib tug,
los yog neb nyias yeem
nyias?
Tub/ntxhais: Wb ob leeg sib yeem.
Niam/txiv: Tub thiab ntxhais, yog li
puas yog neb ob leeg
yeej txiav siab meej tias
neb yeej zoo siab tiag
los sib sau ua txij ua
nkawm nyob hauv kev
sib nyiam sib hlub mus
kom txog hnub kawg?
Tub/ntxhais: Yog, wb yeej txiav siab
meej lawm.
Niam/ txiv ua Ntoo Cuam Lub Cim rau
nkawd, muab dej ntshiab los tuav ntawm teb
thov Peb Leeg Huab Tais lub txiaj ntsim tuaj
nrog ntxuav, nrog ntiab kev phem pov tseg
li no:
“Hnub no yog hnub dawb, hmo no yog
hmo huv, kuv tau tub tau nyab. Tub nyab
los txog vaj txog tsev. Kuv hu txog Huab
Tais Leej Txiv, Huab Tais Leej Tub, Huab
Tais Leej Ntuj Plig tuaj nrog ntiab mob
ntiab ntsaj, tuaj nrog ntxuav vij sub vij sw,
sub tawg sub ntsha, ntxuav kev quaj kev
nyiav.
Ntiab hmab dawm tes hlua dawm taw, voj
hmab voj hlua. Ntiab kev sib cav sib ceg,
sib ntaus sib tua. Ntxuav kua muag iab
kua muag daw.
Ntiab plaub ntiab ntug, ntiab xaiv ntiam
lus kom poob nthav mus lawm zaj zeg,
nqes nroos rau lawm zaj qho.
Tseev kom me tub thiab nyab nkawd no
ntsej tsis hnov, muag tsis pom no ntag
lauj!”
Niam/ txiv pov kiag cov dej ntshiab rau
saum tus tub thiab nyab thiab hais ntxiv tias:
“Tseev kom me tub thiab me nyab no mas
los ua neej yaj los kib txoob, cheb qab plag
tse qawj, ntxuav qab yiag to.
Tseev kom los ua neej ib nplooj nto ntuj, ib
nqag nto ntsis. Huaj txhaij tsam vam kom
LWM NYAB TSHIAB NTAWM QHOV ROOJ RAWS KAB KE KAV TOS LIV
Tus sau: XH. Yaj Npuag Neeb (Phau ntawv pab thov Ntuj)

30. LIAJ LUV TSEB NPLEJ (16.02.2021-15.03.2021) | 26
nroo ntws xws xub ntab, vam ntws xws xub
mu. Tu tub los puv vaj, tu ntxhais los puv
tsev.
Khwv nyiaj los puv nas, khwv tsoos los puv
phav. Noj tsis tshaib haus tsis nqhis no
ntag lauj!”
Hais li no tas ces kom tub nyab los hauv
tsev. Niam txiv mam tso ob tug neeg mus
thoob xo.
Yog tias muaj tswm ciab xwb tsis muaj dej
ntshiab mas yuav zes 2 tug tswm ciab thiab
ntuas zoo li no:
“Hnub no yog hnub dawb, hmo no yog
hmo huv, kuv tau tub tau nyab los txog vaj
txog tsev. Kuv hu txog Huab Tais Leej Txiv,
Huab Tais Leej Tub, Huab Tais Leej Ntuj
Plig tuaj nrog kuv hlawv mob hlawv ntsaj,
hlawv vij sub vij sw, hlawv sub tawg sub
ntsha, hlawv kev quaj kev nyiav, hlawv
kua muag iab kua muag daw, hlawv
hmab dawm tes hlua dawm taw, hlawv voj
hmob voj hlua, hlawv kev sib cav sib ceg,
hlawv kev sib ntaus sib tua, hlawv plaub
hlawv ntug, hlawv xaiv hlawv lus.”
Ces muab 2 tug tswm ciab lwm kiag
nkawd taub hau 3 lwm, hais li no ntxiv:
“Kom tas ib puas tsav yam tsis zoo kub
hnyiab kom tag mus, kom yaj ntshis ua pa
ya mus rau cua, cua tshuab kom ya plho
lawm ntxeev ntuj nraum ub, poob nthav
ntxeev teb nraum i.
Tseev kom tub thiab nyab nkawd ntsej tsis
hnov muag tsis pom ntag lauj!
Aud! Txij no mus lawm tod mas tseev kom
tub thiab nyab nkawd ua neej mas huaj
txhaij tsav vam, txheeb nyeej los pem pov,
txheeb pov los vam sawm, yaj los kib
txoob.
Cheb qab plag tsev qawj, ntxuav qab yiag
to, ua neej nploog nto ntuj, nqag nto ntsis.
Ua neej nroo ntws xws xub ntab, vam ntws
xws xub mu.
Tu tub tuaj nruab txag, tu ntxhais tuaj
nruab le. Tu tub los kom puv vaj, tu ntxhais
los kom puv tsev.
Khwv nyiaj los kom puv nas, khwv tsoos
los kom puv phav. Noj tsis tshaib haus tsis
nqhis no ntag lauj!”
Hais li no tas ces cev kiag 2 tug tswm ciab
rau tub thiab nyab, kom ib leeg txais ib tug.
Ces hais li no:
“Ob tug tswm ciab no yog ib lub cim qhia
rau neb tias: yog neb ua neej mus taug
Tswv Ntuj txoj kev sib nyiam sib hlub, mas
neb yuav tau txais kev kaj siab lug zoo li
ob tug tswm ciab no.”
Thaum puv 3 tag kis lawm, niam txiv yuav
npaj ib rooj mov txais tos tub nyab. (Cov
ntseeg tsis hu plig lawm, yog xav khi tes
los tau vim qhov ntawd yog ib qho kev zoo
siab xwb)
Thaum sawv daws tuaj txhij tas thiab
zaum tsum lawm, tus nyeem yuav nyeem zaj
nyeem hauv ntawv Hauv Paus (HP2:21-24)
rau sawv daws mloog. Nyeem tas nws yuav
hais tias: Yog Tswv Ntuj Lo Lus.
Sawv daws yuav teb tias: Nws lub txiaj
ntsim.
Ces sawv daws mam noj rooj mov txais
tos tub nyab.
+++++++++++++