Guía de Llectura ¿De qué tará fecha la Lluna?

+ INFORMACIÓN d’esti llibru en www.pintar-pintar.com
Editorial Pintar-Pintar C/ del Rosal núm. 6 - 2º 3 Uviéu, 33009 - 985 229 155
Asina entama la estraordinaria historia de Berto, un neñu que cola ayuda de los sos amigos, decide llegar hasta la mesma lluna…
¿Conseguiralo?
¿De qué tará fecha la Lluna?
Miguel Rojo / Borja Sauras
Guía de Llectura
asturianu
castellanu
edición
“Berto tenía los güeyos del revés y los pelos de punta de tanto mirar la lluna”.

Guía de Llectura
Pintar-Pintar espublizó en 2008 otru llibru de Miguel Rojo. ¿Sabes cómo se titula?
Borja Sauras l’ilustrador d’esti cuentu, ilustró tamién Menú de versos d’Esther García.
¿Qué ilustraciones te gusten más? ¿Por qué?
Namás abrir el llibru, enantes de les dedicatories, entama la historia con un dibuxu. Fíxate en toles ilustraciones. ¿Podríes facer una pequeña historia ensin lleer el testu?
1.
4.
5.
2.
3.
“Berto tenía los güeyos del revés y los pelos de punta de tanto mirar la…”
Escueyi la rempuesta correuta.
A - La tele
B - La Wii
C - La lluna
Berto nun podía dormir pensando na lluna. ¿Tará fecha de zucre? ¿Será un papelín de plata? ¿Tará fría como los carámbanos de Navidá o calentina como los besos de mama? Y pa ti, ¿cómo ye la lluna?

Guía de Llectura
6.
Esplica la frase: “Tar na lluna”
7.
Ensin ser rica, tengo cuartos;
ensin morrer, nazo nueva;
y magar que nun como un res,
hai munches nueches que me ves enllena.
¿Cuál ye la solución d’esta cosadiella?
Cola ayuda de los sos amigos Berto fizo un gomeru pa llegar hasta la lluna. ¿Qué materiales emplegó?
8.
Berto nun llegó a la lluna, cayó en mediu un ríu. Busca na sopa lletres los nomes de 6 ríos d’Asturies.
9.
                                                                      
*Solución: Nora, Nalón, Deva, Piles, Nonaya, Seya

Guía de Llectura
Ente estos pexes hai unu que nun vive nel ríu. ¿Sabes cuál ye?
Trucha - Sardina - Salmón - Anguila
10.
Igua la frase: “¡¡qué ta fecha de yá sé agora la lluna!!”
11.
Dempués de la moyadura Berto tuvo dellos díes na cama con fiebre. ¿Cómo sanó?
12.
Si la lluna falara, ¿qué-y diría a Berto?
13.
Corrixe’l testu:
14.
“Tubieron que pasar varios dies pa que Berto recuperara de aquella moyadurona que lo mangó en la cama con fiebre y indiciones”
Igua estes pallabres tracamundiaes:
nallu, vidana, tamenes, gunpretes, rupeyasga.
15.
Completa los furaquinos:
-”Veréis, la______ ye un charcu d’agua blanca y _______ tan blanca y tan ______ que con solo tocala da_________”
16.
Cuando Berto quedaba a soles y vía pasar la lluna como un barquín, ¿qué pensaba?
17.
A. Tengo que falar cola Nasa pa dir vela
B. Paez un quesu de Peñamellera
C. Ye un suañu, un suañu redondu

Guía de Llectura
PA SABER MÁS QU’UNA CURUXA.
L’humanidá siempre miró al cielu. Cuando nun esistíen los observatorios como’l qu’hai nel monte Deva nel conceyu de Xixón, con un telescopiu muncho meyor que’l de Berto pa ver la lluna, la xente buscaba una esplicación a lo qu’asocedía nel cielu de día y de nueche. Foi asina como nacieron los mitos.
¿Sabes qué ye un mitu?
El mitu ye una narración fantástica qu’ayuda a entender el mundu. Ye la esplicación más afayadiza qu’alcuentra la xente cuando nun se tien un telescopiu nin conocimientos científicos. Tan presentes en tolos llugares del mundu y pues atopar delles versiones d’un mesmu mitu.
Na mitoloxía china hai una historia perguapa que contaba la xente fai munchos, munchos años.
Na antigüedá nel cielu había diez soles. ¿Pues imaxinalo? Aquello yera un desastre. La tierra taba seco, los mostruos salíen de los ríos y los llagos porque nun teníen agua y la xente corría apavoriao d’un llau a otru. Había qu’iguar aquel problema. ¿Cómo?, tarás entrugándote.
El Soberanu’l Cielu mandó baxar a la tierra a Hou Yi, l’arqueru divín, y a la so muyer Chang’e p’ayudar a la xente. Garró un arcu coloráu y una bolsa con fleches blanques. Como tenía mui bona puntería nun tris derribó nueve soles. ¡Impresionante! La xente taba pergayolera. Pero hebo un problema: dalgunos dioses fueron a protestar al Soberanu’l Cielu porque nun-yos gustó un res la fazaña del arqueru. ¡Yeren unos envidiosos! ¿Nun pienses lo mesmo?
El Soberanu por nun tar oyendo aquel riquirraque echó a Hou Yi del cielu castigándolu a vivir na tierra.
Dempués de munchu tiempu, Hou Yi oyó falar d’una melecina máxica pa xubir al cielu que tenía La Reina Madre del Oeste, nel monte Kunlun. Hou Yi caminó díes y díes hasta llegar ellí. La Reina dio-y la melecina, pero alvirtiólu que namás podía tomala una persona.
¿Pienses que tomó la melecina?
Pues non. Taba mui namoráu de la so muyer. Nun quería separase d’ella. ¡Ai, l’amor!
Dempués de tiempu, un día que Chang’e taba sola en casa alcontró la melecina.
¿Pienses qu’ella fizo lo mesmo que l’arqueru?
La rempuesta ye la mesma: non. Nun fizo lo mesmo qu’él. Ella sí tomó la melecina porque taba farta yá de vivir na tierra y quería ser inmortal. Lo mesmo que Berto, Chang’e salió volando hacia la lluna onde entovía vive nel Palaciu del Gran Fríu fecho con piedres perguapes.
El 24 d’ochobre del 2008, el primer satélite llunar chinu foi llanzáu al espaciu. ¿Aldovinas cómo se llama? Chang’e 1.
¡Agora yá sabes más qu’una curuxa!

Guía de Llectura
VOCABULARIU del llibru:
Aventaría: aventar: v. Movese [l’aire con fuercia]. 2 Mover [l’aire cola mano, con un abanicu]. 3 Echar [al aire’l trigu, la escanda pa llimpialo]. 4 Llanzar, tirar [con fuercia]. 5 Refugar o echar [fuera d’un sitiu con males maneres]. 6 Poner llocu, alteriáu. 7 Ponese llocu, alteriáu. t. prnl. 8 Tresmanar, esbandar [el ganáu, una persona]. 9 Fender [la madera]. 10 Dar mal golor [al entamar a podrecer]. 11 Goler, facer por percibir golores [col olfatu]. 12 Pegar, dar [un golpe o golpes]. || Aventar escota, afloxar la escota [pa que la vela agarre más aire y se ponga derecha la embarcación].
Daqué: ax. Dalgún. Mira a ver si alcuentres daqué trapu per ehí.
sust. Poca cantidá, un pocu, una porción. 2 Una cosa indeterminada, coses indeterminaes.
3 Una cosa [importante]. || Un daqué, poca cantidá, un pocu, una porción.
Descomunáu: ax. [Mui] grande y desproporcionáu.
Enguedeyos: sust. Aición y efeutu d’enguedeyar o enguedeyase. 2 Cosa [qu’enguedeya]. 3 Cosa [enguedeyada].
Gayasperu: ax. Allegre, risondera [una persona]. 2 Graciosu, que tien capacidá pa facer rir. 3 Que presume muncho faciendo de menos a los demás. 4 Que fai tolo posible pa namorar, pa prestar a daquién.
Glayó: v. Emitir la so voz [el glayu, el cuervu, el coríu]. 2 Dar un glayíu o glayíos. 3 Plasmar, ablucar. 4 fam. Quexase llorando, gritando.
Gomeru: sust. Oxetu [formáu por un forcáu de madera a onde van suxetes dos tires de goma con badana, que val p’aventar xigues].
Renaz: sust. Parte [del llombu que s’asitia onde los reñones]. 2 Conxuntu [allargáu de güesos pequeños articulaos que tán en llombu y que formen proteición pa la médula ósea]. 3 Llomba, elevación [allargada del terrenu].
Vera: sust. Llinia [que forma la terminación o les llendes d’una superficie, d’una abertura y les separa de lo que ta alredor]. 2 Parte [que ta al pie de la llinia que forma la terminación o les llendes d’una superficie, d’una abertura y les separa de lo que ta alredor]. 3 Parte [de tierra que ta al pie d’un ríu, de la mar, d’una carretera]. 4 Cachu [de tierra que se trabaya nun día]. 5 Aleru [del teyáu, d’un techu]. 6 Zanxa [que se fai na parte fondera d’una tierra pindia pa qu’al trabayala nun marche la tierra pa otra finca]. 7 Güecu [que queda ente la parede y el teyáu]. 8 Gotera [d’un teyáu, d’un techu]. 9 Agua llovío [que cai arroyando pel teyáu]. || A la vera (de), xunto a. 2 [Mui] cerca.
Zucre: sust. Sustancia [granoso y ablancazao que se saca de la remolacha y d’otres plantes y que se dilí ente l’agua]. 2 Sustancia [incoloro que s’atopa nel sangre, nel zusmiu de los vexetales, na lleche y que l’organismu animal o humanu tresforma n’enerxía]. || Caña d’azucre, Saccharum officinale, planta tropical [de tallu güecu de la que se saca una sustancia granoso y ablancazao que se dilí ente l’agua]. || Cañavera d’azucre, Saccharum officinale, planta tropical [de tallu güecu de la que se saca una sustancia granoso y ablancazao que se dilí ente l’agua]. || Ser azucre en puntu, nun tener espera, ser impaciente.

*Propuesta didáutica: Mar Martín Martín
*Cola ayuda de la Conseyería de Cultura y Turismu del Gobiernu del Principáu d’Asturies
Guía de Llectura
CALEYANDO PELA REDE.
Los enllaces qu’apaecen darréu sirven pa completar la información d’esta guía.
MIGUEL ROJO
http://canellada.com/rojo.html
http://www.youtube.com/watch?v=haifrcROmLM&feature=player_embedded
BORJA SAURAS
http://www.youtube.com/watch?v=Y2iKtaCgnuc&feature=player_embedded
http://canellada.com/borjagaleria.html
LA LLUNA
http://www.youtube.com/watch?v=RCrHhlm9W5s&feature=related
http://www.youtube.com/watch?v=BMDvBcSXjZA
http://www.saaomega.com//index.php?option=com_content&task=view&id=5&Itemid=36

Guía de Llectura ¿De qué tará fecha la Lluna?

Más contenido relacionado

La actualidad más candente

Similar a Guía de Llectura ¿De qué tará fecha la Lluna?

Más de Pintar-Pintar Editorial

Último

Guía de Llectura ¿De qué tará fecha la Lluna?